اۋىل ـ قىستاقتى گۇلدەندىرۋدىڭ ”جەدەل ارناسىن“ اشتى
اۆتونوميالى رايوننىڭ ”تورتتە جاقسى اۋىل - قىستاق جولىن“ جوعارى ساپالى دامىتۋدى جۇمىس باسىندا كوزدەن كەشىرۋ، قورىتىندىلاۋ ٴماجىلىسى وتكىزىلدى
ٴتىلشىمىز لۋ جۇڭ، ەرىكتى ٴتىلشى جاڭ كىجيڭ حابارلايدى. 4 - ايدىڭ 25 - كۇنى اۆتونوميالى رايوننىڭ ”تورتتە جاقسى اۋىل - قىستاق جولىن“ جوعارى ساپالى دامىتۋدى (سولتۇستىك شينجياڭ اۋماعى) جۇمىس باسىندا كوزدەن كەشىرۋ، قورىتىندىلاۋ ٴماجىلىسى توعىزتاراۋ اۋدانىندا اشىلدى.
ماجىلىسكە قاتىناسقان ۋاكىلدەر ىلگەرىندى - كەيىندى توعىزتاراۋ اۋدانى باتىس اۋماق كۇتىمدەۋ پۋنكتى، اقتۇبەك قالاشىعى جولاۋشى تاسىمال پۋنكتىنىڭ ”مادەنيەت پەن ساياحاتتى توعىستىرۋدان“ ۇلگى كورسەتۋ ٴتۇيىنى، تىكارىق قالاشىعى ساربۋىرشىن قىستاعىنىڭ ”جول باستىعى تۇزىمىنەن“ ۇلگى كورسەتۋ ٴتۇيىنى، تيانشان ٴدارى ٴشوپ اڭعارىنداعى ”قاتىناس + كاسىپ سالاسىنان“ ۇلگى كورسەتۋ ٴتۇيىنى، S242 لەنياسىنان G578 لەنياسىنا دەيىنگى جولدىڭ دەڭگەيىن جوعارىلاتۋ - جاڭالاۋ نىسانىنىڭ قۇرىلىس ورنى، سونداي - اق توعىزتاراۋ اۋداندىق قاتىناس - تاسىمال مەكەمەسىنىڭ جول قورعاۋ اترەتى سياقتى جەرلەرگە باردى، توعىزتاراۋ اۋدانىنىڭ ”قاتىناس + ساياحات“، ”قاتىناس + پوچتا“، ”قاتىناس + اۋىل - قىستاقتى گۇلدەندىرۋ“، ”قاتىناس + كاسىپ سالاسى“، سونداي - اق ”جول باستىعى ٴتۇزىمىنىڭ“ ىلگەرىلەتىلۋ جاعدايىن جۇمىس باسىندا كوزدەن كەشىرىپ، توعىزتاراۋ اۋدانىنىڭ ”تورتتە جاقسى اۋىل - قىستاق جولىنىڭ“ جوعارى ساپالى دامۋىنداعى تيپتىك تاجىريبەلەرى مەن ادىستەرىن ۇيرەندى، ۇلگى الدى.
ماجىلىستە مىنالار اتاپ كورسەتىلدى: جاقىنعى جىلداردان بەرى تۇتاس رايونىمىزدىڭ قاتىناس - تاسىمال سالاسى ”تورتتە جاقسى اۋىل - قىستاق جولىن“ حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋ، اۋىل - قىستاقتى گۇلدەندىرۋدى ىلگەرىلەتۋ جالپى جاعدايى تۇرعىسىنان اقىلداسۋعا، ورنالاستىرۋعا تاباندى بولۋ نەگىزىندە جاسادى. 2022 - جىلدىڭ سوڭىنا دەيىن تۇتاس رايونداعى اۋىل - قىستاق تاس جولىنىڭ جالپى ۇزىندىعى 151 مىڭ كيلومەترگە (بيڭتۋان جولىن قامتىمايدى) جەتىپ، 10 جىلدىڭ الدىنداعىدان شامامەن 40 مىڭ كيلومەتر ارتتى. 1 -، 2 -، 3 - دارەجەلى جولاۋشى تاسىمال الاڭدارى مەن پۋنكتتەرىنەن 104 ى، 662 اۋىل - قالاشىق جولاۋشى تاسىمال بەكەتى قۇرىلدى، قازىر اۋىل - قىستاق جولاۋشى تاسىمال اۆتوبۋزدارى 17 مىڭ 900 گە جەتتى. اۋدان ورتالىعىن وزەك، اۋىل - قالاشىقتى ٴتۇيىن، قىستاق، گرۋپپالاردى بۋىن ەتكەن شار تاراپقا تۇتاسىپ، كەڭ كولەمدى قامتىعان اۋىل - قىستاق قاتىناس - تاسىمال تورابى نەگىزىنەن قالىپتاستى.
ماجىلىستە مىنالار باسا دارىپتەلدى: اۋىل ـ قىستاقتى گۇلدەندىرۋ مەن اۋىل شارۋاشىلىعىن، اۋىل ـ قىستاقتى وسىزامانداندىرۋدى جاپپاي ىلگەرىلەتۋگە اناعۇرلىم ويداعىداي قىزمەت وتەۋ ٴۇشىن، اۆتونوميالى رايوننىڭ قاتىناس ـ تاسىمال سالاسى كەلەسى قادامدا مىناداي 4 جاقتان كۇش سالادى: ٴبىرىنشى، قۇرىلىستى جەبەپ، اۋىل ـ قىستاق تاس جولىن كۇش سالا ويداعىداي سالىپ، توعىسپالى دامۋدى ىلگەرىلەتىپ، اۋىل ـ قىستاق تاس جولىنىڭ حاۋىپسىزدىك قىزمەت وتەۋ قابىلەتىن ۇزدىكسىز جوعارىلاتۋ؛ ەكىنشى، باسقارۋعا ٴمان بەرىپ، اۋىل - قىستاق تاس جولىن دەن قويا ويداعىداي باسقارىپ، اۋىل - قىستاق تاس جولىن باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ؛ ٴۇشىنشى، قورعاۋدى كۇشەيتىپ، ”زەردەلى تەحنيكا“ ارقىلى اۋىل - قىستاق تاس جولىن ويداعىداي قورعاپ، اۋىل - قىستاق تاس جولىن قورعاۋ قابىلەتى مەن ورەسىن ۇزدىكسىز جوعارىلاتۋ؛ ٴتورتىنشى، قىزمەت وتەۋدى ساپالىلاندىرىپ، اۋىل - قىستاقتىڭ جولاۋشى زات تاسىمالى ٴىسىن سۇيىسپەنشىلىكپەن ويداعىداي جۇرگىزىپ، اۋىل - قىستاق وڭىرىندەگى بۇقارانىڭ ٴجۇرىس - تۇرىس قاجەتىن ۇزدىكسىز قاناعاتتاندىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى جوعارىلاتۋ.
2017 - جىلى توعىزتاراۋ اۋدانى مەملەكەت بويىنشا تۇڭعىش توپتاعى ”تورتتە جاقسى اۋىل - قىستاق جولىنان“ ۇلگى كورسەتەتىن اۋدان اتاعىنا يە بولعان.
ماجىلىستە توعىزتاراۋ اۋداندىق حالىق ۇكىمەتى، بۇراتالا موڭعۇل اۆتونوميالى وبلىستىق قاتىناس - تاسىمال مەكەمەسى، التاي ايماقتىق قاتىناس - تاسىمال مەكەمەسى، شيحۋ قالالىق قاتىناس - تاسىمال مەكەمەسى پىكىر اۋىستىرىپ، ٴسوز سويلەدى، اراسان اۋداندىق قاتىناس - تاسىمال مەكەمەسى، بۋرىلتوعاي اۋداندىق قاتىناس - تاسىمال مەكەمەسى جازباشا پىكىر اۋىستىردى.