پاڭ زىجيان:
اۋىل - قىستاقتى گۇلدەندىرۋ ۇلكەن ساحىناسىندا جاستىق جىرىن اسقاقتاتامىن
□ انار بۇلت \ شينجياڭ گازەتىنىڭ ءتىلشىسى لياڭ ليحۋا
جاستىق شاقتا قالاي كۇرەس جاساۋىمىز كەرەك؟
”جۇڭگو جاستار 4 - مامىر مەدالىنا“ يە بولعان ياركەن اۋدانى باقاۋات اۋىلدىق پارتكومنىڭ شۋجيى پاڭ زىجيان 10 جىلعى ماڭداي تەرىمەن مۇنىڭ جاۋابىن جازدى: ”ەڭ تاماشا جاستىق ورالىمىزدى وتانعا ارناۋىمىز كەرەك“.
2014 - جىلى 7 - ايدا 24 جاستاعى پاڭ زىجيان پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، شاندۇڭنان وڭتۇستىك شينجياڭعا كەلىپ، اۋىل - قالاشىقتىڭ ءبىرىنشى شەبىندە قىزمەت ىستەدى، ونى الىسقا قيماعان اتا - اناسى ونىڭ بۇلاي ىستەگەندىگىنىڭ بايىبىنا بارا المادى.
”سونشاما الىسقا بارۋداعى سەنىڭ ويىڭ نە“؟
”ازامات جالپىنىڭ قامىن ويلايدى، بىرەر ءىس تىندىرا السام بولعانى، قيىر شالعاي بولسا دا نە بولىپتى“. مىنە وسىلايشا ول وتانىمىزدىڭ ەڭ باتىس بولىگىنە ءارى - ءسارى بولماي جول تارتتى.
قاشقار ايماعى جاڭا ءشار اۋدانى، تاشقورعان تاجىك اۆتونوميالى اۋدانى، ياركەن اۋدانى، پاڭ زىجياننىڭ قىزمەت ىستەگەن جەرلەرى ءارى الىس، ءارى كەدەي بولدى.
تاشقورعان تاجىك اۆتونوميالى اۋدانى كەزىندە اۋىر كەدەي اۋدان ەدى، كەدەيلىكتەن ارىلتۋان قامال الۋ شايقاسى باستالعاننان كەيىن، پاڭ زىجيان تاعارما اۋىلىندا كەدەيلىكتەن ارىلتۋ قىزمەتىن ورىستەتەدى.
”شارت - جاعداي وتە جاپالى بولسا دا اۋىلداستارمەن بىرگە بولعاندا كوڭىلىم جاي تاباتىن“. سول جىلدارداعى جاعدايدىڭ ءبارى دە پاڭ زىجياننىڭ كوكەيىندە سايراپ تۇر، ەگىنشى - مالشىلار سۇيەكتەن وتەتىن ايازدى ەلەڭ قۇرلى كورمەي، تەڭىز دەڭگەيىنەن بيىك شەكارا لەنياسى جەلىسىندە قازىق قاعىپ، قورشاۋ جاسادى، موتوتسيكل بارا المايتىن جەرلەرگە اتپەن باردى، اتپەن بارا المايتىن جەرلەرگە جاياۋ ءجۇرىپ باردى.
”تاۋدا شولدەگەندە تەك مۇزدى ەرىتىپ قانا ىشۋگە تۋرا كەلەدى“، - دەدى پاڭ زىجيان، - قازىر شارت - جاعداي بارعان سايىن جاقساردى، بارلىق جەرگە اسفالت جول سالىندى، بارلىق وتباسىنا قۇبىر سۋى جەتكىزىلدى.
جاپالى قىزمەت ورتاسى ونى ءتوزىمدى بولۋعا، ۇمىتپەن قاراۋعا شىڭدادى. قىزمەت باسىمدىلىعى اۋىر بولسا دا، پاڭ زىجيان قاباعىن شىتپادى.
”تەك بۇقارانىڭ تۇرمىسى كۇن سايىن جاقسارسا عانا بولعانى، ازدى - كوپتى بەينەت تارتۋعا مەن پەيىلمىن“، - دەدى پاڭ زىجيان.
جاڭا ءشار اۋدانىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە ات سالىسقان كەزىندە پاڭ زىجيان ىلگەرىندى - كەيىندى 100 مىڭ يۋاننان استام قارجى توپتادى، 30 مىڭنان استام مەيىر جەتكىزۋ كيىم - كەشەگىن جيىپ، اۋىل - قىستاق ەكونوميكاسىن دامىتۋ، ۇلتتار ىنتىماعىن جەبەۋ ءۇشىن زىر جۇگىرىپ، كۇش شىعاردى؛ ياركەن اۋدان قالاشىعىنىڭ سولتۇستىك مالىسىندە پارتيا قىزمەت كوميتەتىنىڭ شۋجيى مىندەتىن اتقارعان كەزىندە ول 300دەن استام وتباسى تۇرعىنىنىڭ اۋىز سۋ قيىنشىلىعى ماسەلەسىن شەشتى ءارى 1600دەن استام وتباسىنىڭ لاشىق ءۇيىن جاڭالاپ، تۇرعىنداردىڭ ءوندىرىس، تۇرمىس شارت - جاعدايىن جاقسارتتى.
باقاۋات اۋىلدىق پارتكومنىڭ شۋجيى مىندەتىن اتقارعاننان كەيىن، پاڭ زىجياننىڭ قىزمەت ءتۇيىنى اۋىل - قىستاقتى گۇلدەندىرۋگە ءتۇستى.
ياركەن اۋدانى تاكلاماكان شولىنە جاقىن، كوپتەگەن جەرى سورتاڭ، بۇقارانىڭ ءداستۇرلى ەگىنشىلىككە سۇيەنىپ كىرىستەرىن ارتتىرۋ اياسى ەرەكشە شەكتى ەدى.
تاياۋ 2 جىلدا پاڭ زىجيان قاشقار ايماقتىق اۋىل شارۋاشىلىعى تەحنيكاسىن جالپىلاستىرۋ ورتالىعىمەن بايلانىس جاساپ، جۇڭگو اۋىل شارۋاشىلىق عىلىم اكادەمياسى ەگىس داقىلدارىن عىلمي زەرتتەۋ ورنى سياقتى ورىندارداعى عىلىم - تەحنيكا ماماندارىنان ”تاجىريبە قابىلداپ“، باقاۋات اۋىلىندا 15 ءتۇرلى وڭتۇستىك شينجياڭ دۇمبە ءبيدايىنىڭ سورتاڭعا ءتوزىمدى سورتى سىناعىن جۇرگىزىپ، 700 مۋ جەرگە بۋدان ءبيداي جاڭا سورتىن جالپىلاستىرىپ ەگەدى ءارى جوعارى تۇسىمنەن ۇلگى كورسەتۋ بازاسىن قۇرىپ شىعىپ، سورتاڭ جەردە بۋدانداستىرىلعان ءبيداي دانىنەن، سابانىنان بىردەي جوعارى ءونىم الۋدى جۇزەگە اسىرادى. ماماندار گرۋپپاسىنىڭ ءىس جۇزىندىك ءتۇسىمىن ناقتى ولشەۋىنەن ءوتىپ، جوعارى ءتۇسىم سىناق جەرىنىڭ مۋلىق ءتۇسىمى 8. 690 كيلوگرامعا جەتىپ، ەگىنشىلەردىڭ ءار مۋدان ارتقان كىرىسى 400 يۋاننان استى.
”اۋىل شارۋاشىلىق عىلىم - تەحنيكاسىن جالپىلاستىرۋ − مەنىڭ قازىر ىستەپ وتىرعان ەڭ ماعىنالى ءىسىم“، - دەدى پاڭ زىجيان ماقتانىشپەن.
پاڭ زىجياننىڭ باستاۋىندا باقاۋات اۋىلى تاعى سيىر باعىمشىلىعى شاعىن اۋماعىن قۇرىپ، ”سەلبەستىك كووپەراتيۆى + شاعىن اۋماق + باعىمشىلىق وتباسى“ ۇلگىسى ارقىلى بۇكىل اۋىلدا 24 باعىمشىلىق شاعىن اۋماعى، ءبىر سويىسحانا، 7 سيىر باعىمشىلىق سەلبەستىك كووپەراتيۆىنىڭ قۇرىلۋىنا باستاماشى بولىپ، كولەمدەنگەن باعىمشىلىق وتباسىنان 73ىن قۇرىپ شىعىپ، اسىل تۇقىم جەتىلدىرۋ، بورداقىلاۋ، سويۋ جانە جەم - ءشوپ مانەرلەۋ سىندى جالپى كاسىپ سالاسى تىزبەگىنىڭ دامۋىن بىرتىندەپ ىلگەرىلەتتى. سونىمەن بىرگە سەمينتال سيىرى مەن كوپ تولدەيتىن قوي كولەمدى باعىمشىلىعىن كۇش سالا جالپىلاستىردى، سيىردىڭ قولدا بار سانى 14 مىڭنان استامعا، قويدىڭ قولدا بار سانى 40 نەشە مىڭعا جەتتى. ”كەلەسى قادامدا باقاۋات اۋىلى ’سۋدا ۇيرەك، قاز جۇزگەن، قىرىندا قوي، سيىر جايىلعان، اسپاندا كەپتەرلەر قۇيعىتقان‘ سترەولدى باعىمشىلىق ۇلگىسىن ورناتادى“، - دەدى پاڭ زىجيان.
پارتيا 20 - قۇرىلتايى اۋىل شارۋاشىلىعىندا قۋاتتى ەل قۇرۋ جونىندە ورنالاستىرۋ جاسادى، اۋىل - قىستاقتى جاپپاي گۇلدەندىرۋدىڭ كوركەم كارتيناسى جۇزەگە اسۋ الدىندا تۇر. پاڭ زىجيان مىنالاردى ءبىلدىردى: باس شۋجي شي جينپيڭنىڭ تاپسىرماسىن ەستە بەرىك ساقتاپ، اۋىل - قىستاقتى گۇلدەندىرۋ ۇلكەن ساحىناسىندا ەسە قوسىپ، قىزمەت وتەپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋگە، جاپپاي سوتسياليستىك وسىزاماندانعان مەملەكەت قۇرۋعا جاستىق ورالىمدا كۇش - قۋاتىمدى قوسامىن.