ەرىكتى ٴتىلشى احمەتجان حابارلايدى. 5 - ايدىڭ 11 - كۇنى چاپچال سىبە اۆتونوميالى اۋداندىق حالىق ىستەرى مەكەمەسى، سەگىزسۇمىن اۋىلى قوعامدىق قىزمەت وتەۋ پۋنكتى جانە شيلي انالار قوعامدىق قىزمەت وتەۋ ورتالىعى سەگىزسۇمىن قىستاعى مادەنيەت اۋلاسىندا ”قوعامدىق قىزمەت وتەۋشىلەر مەن ەرىكتىلەر نەگىزگى ساتىنى جونگە سالۋعا ات سالىسۋ، قىزمەت وتەۋ“  تاقىرىبىندا قيمىل وتكىزىپ، قىستاق قاعيداسى، تۇرعىندار ۋادەسىنە وزگەرىس ەنگىزۋدى ىلگەرىلەتتى.

قيمىل بارىسىندا حالىق ىستەرى مەكەمەسىنىڭ كادرى قىستاق تۇرعىندارىنا قىستاق قاعيداسى، تۇرعىندار ۋادەسىنە وزگەرىس ەنگىزۋ ٴتارتىبى مەن نەگىزگى ەرەجەسىن ەگجەي - تەگجەيلى ٴتۇسىندىردى. سەگىزسۇمىن قىستاعىنىڭ 1 - شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى گۋان يۇڭشۋاي وزگەرىس ەنگىزىلگەن قىستاق قاعيداسى، تۇرعىندار ۋادەسىنىڭ العاشقى نۇسقاسىن وقىدى. وسىدان سوڭ ەرىكتىلەر قىستاق تۇرعىندارىنا  پىكىر الۋ كەستەسىن تاراتىپ، كوپشىلىكتىڭ وزگەرىس ەنگىزىلگەن قىستاق قاعيداسى، تۇرعىندار ۋادەسىنە بەرگەن ۇسىنىسىن جينادى.

شيلي انالار قوعامدىق قىزمەت وتەۋ ورتالىعىنىڭ جاۋاپتىسى، باستاۋىش دارەجەلى قوعامدىق قىزمەتكەر  تان جىنليان قوعامدىق قىزمەت وتەۋ تاسىلىنەن پايدالانىپ، قىستاق تۇرعىندارى اتىنان ٴوز پىكىرى مەن ۇسىنىسىن ورتاعا قويدى. قىستاق تۇرعىندارى تۇس - تۇستان اقىل - كەڭەس بەردى، پارتيا مۇشەلەرىنىڭ ۋاكىلى فۋ جىن قورشاعان ورتانى جونگە سالۋدى جاقسارتۋ قىستاقتىڭ ٴنومىر توپتاۋ تۇزىمىمەن ۇشتاستىرىلسا، قىستاق تۇرعىندارىنىڭ قورشاعان ورتانى قورعاۋعا بولعان بەلسەندىلىگى ارتتىرىلسا دەگەن ۇسىنىسىن ورتاعا قويدى.

سوڭعى مەزگىلدە سەگىزسۇمىن قىستاعى  وركەنيەتتى دارىپتەۋدى، قاعيداعا بويسۇنۋدى، ورتانى كوركەيتۋدى، بىرىككەن كۇش قالىپتاستىرۋدى قىستاق قاعيداسى، تۇرعىندار ۋادەسىنە ەنگىزدى، بۇقارادان كەڭ كولەمدە پىكىر العاننان كەيىن كوپشىلىك مويىنداعان قىستاق قاعيداسى، تۇرعىندار ۋادەسىن جاساپ، ٴونىمدى باسقارۋدى جۇزەگە اسىردى.

سۋرەتتە: قيمىل ناق مايدانى.

احمەتجان فوتوسى