汉文 ىلە اقپارات تورابىنا حوش كەلدىڭىزدەر!
كەپەكجۇزى اۋىلىنىڭ تاماشا ەكولوگياسى اۋىل - قىستاق ساياحاتىن جانداندىردى
2023-05-27 14:01:35     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

گۇلدەن ٴلاززات الىپ، كورىنىس تاماشالاپ، گۇل تەرىپ، جەمىس ٴۇزدى

كەپەكجۇزى اۋىلىنىڭ تاماشا ەكولوگياسى اۋىل - قىستاق ساياحاتىن جانداندىردى

لي يافىڭ (ٴوز ٴتىلشىمىز)

گۇلدەن ٴلاززات الىپ، كورىنىس تاماشالاپ، تۇيە قۇسقا جەم بەرىپ، بۇلدىرگەن ٴۇزدى... 5 - ايدىڭ 20 - كۇنى قۇلجا قالاسى كەپەكجۇزى اۋىلىنا توپ - توبىمەن كەلگەن ساياحاتشىلاردىڭ اۋىل - قىستاق ساياحاتىن ەرەكشە ۇناتاتىندىعىن بايقادىق.

تاياۋ جىلداردان بەرى بۇل اۋىل وڭىرلىك ابزالدىقتى تولىق ساۋلەلەندىرىپ، سەيىل - سەرۋەن اۋىل شارۋاشىلىعى مەن اۋىل - قىستاق ساياحاتىن توعىستىرۋدى تىڭعىلىقتى ىستەپ، ەكولوگيانى تاماشالاۋ، گۇل تەرۋ، جەمىس ٴۇزۋ، سەيىل - سەرۋەن ساياحاتىن سۇيەنىش ەتىپ، ارا ٴمالى قىستاعىنىڭ ”شەبەرلەر كوشەسى“، نىلقى ٴمالى قىستاعىنىڭ تۇقىم زەرتتەۋ سارايى، ىنتىماق قىستاعىندا شيە ٴۇزۋ، باۋ - باقشا قىستاعىندا گۇل تاماشالاۋ سياقتى ٴبىر توپ اۋىل - قىستاق ساياحاتىنىڭ جاڭا كۇيىن، ەرەكشەلىككە يە، ٴمان - ماعىنالى، ساپالى اۋىل - قىستاق ساياحات كاسىبىن قالىپتاستىرىپ، كورىنىستى ”ٴدىلدا اعاشىنا“ اينالدىردى.

”كىشكەنتاي تۇقىمنىڭ دا قۋاتى زور. ازىراق سۋ مەن قورەكتىك بولسا بولعانى، ٴوسىپ - ونەدى...“ تۇقىم زەرتتەۋ سارايىندا ٴتۇسىندىرۋشى ٴبىر جاعىنان، تۇقىمنىڭ ناقتى ۇلگىسىن كورسەتسە، ەندى ٴبىر جاعىنان، ساياحاتشىلارمەن وي ورتاقتاستى. ساياحاتشى ۋاڭ چىڭحۋا بىلاي دەدى: بالالارمەن بىرگە وسىندا كەلىپ، تۇقىمنىڭ ٴوسۋ بارىسىن ۇعىسىپ، اۋىل شارۋاشىلىق ماشينالارىن ەكسكۋرسيالادىق، بالالار ەگىنشىلىك مادەنيەتىنىڭ قۇدىرەتىن سەزىنىپ، كوڭىلدى ويناپ، ٴبىلىمىن مولىقتىردى.

باۋ - باقشا قىستاعىنىڭ الاڭ تاريحى سارايىنداعى كونە زاتتار ساياحاتشىلارعا وتكەن شاقتاردى قايتادان ەلەستەتتى. ”بۇگىن وسى جەردى ەكسكۋرسيالاپ، بالا كەزىمدەگى ەستەمەلەرىمدى ەسكە الدىم، وتكەن ىستەر كوز الدىما ەلەستەدى. بۇرىنعىمەن قازىرگىنى سالىستىرعاندا تۇرمىسىمىزدا وراسان زور وزگەرىستەر تۋىلعاندىعىن بايقادىم“ دەدى ساياحاتشى مىڭ شۋيىڭ قاتتى اسەرلەنىپ.

 چينچيڭ حۋايۇي جەمىس ٴۇزۋ باعى − ەگۋ، تاماشالاۋ، ساياحات، اس ـ سۋ ٴبىر تۇلعالانعان اۋىل شارۋاشىلىعى مەن ساياحاتتى توعىستىرا دامىتۋ عىلىم جالپىلاستىرۋ باقشاسى، مۇندا بۇلدىرگەن، شيە، الما سياقتىلار ەگىلگەن، ساياحاتشىلاردىڭ ٴۇزىپ الۋىنا بولادى.

 بىرنەشە كۇننەن بەرى اتىزدا ەگىلگەن بۇلدىرگەننىڭ بازارعا شىعارىلۋىنا، ازىقتىققا پايدالانىلاتىن روزا گۇلىنىڭ قاۋىرت گۇل اشۋ مەزگىلىنە وتۋىمەن ما يۇڭجيەنىڭ چينچيڭ حۋايۇي جەمىس ٴۇزۋ باعى ساياحاتشى قابىلداۋدىڭ قاۋىرت مەزگىلىنە ٴوتتى.

 30 مۋ جەرگە ەگىلگەن ازىقتىققا پايدالانىلاتىن روزا گۇلى اتىزىندا ەسكەن سامالمەن بىرگە گۇلدەردىڭ حوش ٴيىسى اڭقيدى، ەكى ٴتۇرلى سورتتاعى ازىقتىققا پايدالانىلاتىن روزا گۇلى جارىسا جايقالىپ تۇر. ما يۇڭجيە روزا گۇلىن تەرۋمەن قاربالاس، حوش يىسكە ەلىتكەن كوپتەگەن ساياحاتشى تاماشا ساپارىن وسى ارادان باستادى.

 ”ٴبىز 4 كەپتىرۋ ماشيناسىن الۋدى جوسپارلاعانبىز، قازىر بىرەۋىن دايىنداپ ۇلگىردىك، جىنتىكتەي مانەرلەۋ ارقىلى كىرىسىمىزدى ارتتىرماقپىز “. ما يۇڭجيە بىلاي دەدى: ساياحاتشىلار ازىقتىققا پايدالانىلاتىن روزا گۇلىن وسى جەردىڭ وزىندە ٴۇزىپ الۋىنا ٴارى كەپتىرىپ روزا گۇلى شايى رەتىندە الىپ قايتۋىنا بولادى.

 قۇلجا قالاسى كەپەكجۇزى اۋىلى پارتكومنىڭ مۇشەسى، ورىنباسار اۋىل باستىعى شيە رۇن بىلاي دەپ تانىستىردى: اۋىل ـ قىستاق ساياحاتىنىڭ ەكولوگيالىق ەرەكشەلىگىن كورنەكتىلەندىرۋ، ەگىنشىلىك مادەنيەتىنە مۇراگەرلىك ەتۋ جانە ونى ساۋلەلەندىرۋ ارقىلى اتىز - ارىق كورىنىسى مەن ەكولوگيالىق ورتانى ٴوزارا توعىستىرىپ، ٴبىر بولەك اتىزدى ٴبىر كورىنىس رايونى رەتىندە قاراپ، جەمىس ـ جيدەك، كوكونىس ٴۇزۋ، اتا - انا مەن بالالار قيمىلى، تەرەڭ ٴۇڭىلۋ ۇلگىسىندەگى باستان كەشىرۋ سياقتى نىسانداردى كۇش سالا دامىتتىق، ەگىس داقىلدارىنىڭ ەكولوگيالىق كوركەمدىگىنە ەڭبەكتىڭ كوركەمدىگى قوسىلىپ، ساياحاتشىلارعا اۋىل اۋانىن سەزىندىرىپ، ساياحاتتاۋ تىلەگىن تاسقىنداتتى، سونىمەن بىرگە بۇقارانىڭ كىرىسىن ارتتىرىپ، اۋقاتتانۋعا باستادى.


20230520000462_afb1a230d3561a132aafd77c36eac2bef6ef7ff2.jpg

 ساياحاتشىلار بۇلدىرگەن تەرۋدە.

20230520000462_07fd86a187666bd1da616f21d325006278fb3a5f.jpg

ساياحاتشىلار روزا گۇلىن تەرۋدە.

20230520000462_8da1b894c6475d0e124723525fea4529622794db.jpg

ساياحاتشىلار تۇقىم زەرتتەۋ سارايىن ەكسكۋرسيالاۋدا. 

20230520000462_9dff43fbfab7b8e591f55e40d2cc270e7830814e.jpg

 ساياحاتشىلار باعبانشىلىق قىستاعىنداعى الاڭ تاريحى سارايىن ەكسكۋرسيالاۋدا. 

 لي يافىڭ فوتوسى