”جازعى ٴۇش جۇمىسقا“ بارىنشا كىرىسىپ، مول ٴونىم الۋعا كۇش سالدى

ىلە وبلىسىنىڭ ەگىنشىلىك ٴوندىرىسى جاعىنداعى تاربيەلەۋ كۋرسى دابىرالى ٴوتتى

تىلشىلەرىمىز دۋ لەي، چىن حايبين، ەرىكتى ٴتىلشى جاڭ لۋ حابارلايدى. 6 ـ ايدىڭ 28 ـ كۇنى چاپچال سىبە اۆتونوميالى اۋدانى بەسسۇمىن قالاشىعى مۋيۋان اۋىل شارۋاشىلىق شەكتى سەرىكتەستىگىنىڭ ٴبيدايدان جوعارى ٴونىم الۋدان ۇلگى كورسەتۋ اتىزىندا 2023 ـ جىلى ىلە وبلىسىنا توتە قاراستى ورىنداردىڭ ”جازعى ٴۇش جۇمىس“ كەزىندەگى ەگىنشىلىك ٴوندىرىسى جاعىنداعى تاربيەلەۋ كۋرسىنىڭ ناق مايدان ساباعى وتىلۋدە. وبلىسقا توتە قاراستى اۋدان - قالالاردىڭ اۋىل شارۋاشىلىعى، اۋىل - قىستاق تاراۋلارىنىڭ جاۋاپتىلارى كۋرسقا قاتىناستى، كۋرستىڭ ماقساتى − استىق پەن ماڭىزدى ەگىنشىلىك ونىمدەرىن ورنىقتى ٴوندىرىپ، قامداۋعا كەپىلدىك ەتۋدى توڭىرەكتەپ، ”جازعى ٴۇش جۇمىس“ كەزىندەگى ەگىنشىلىك ٴوندىرىسى قىزمەتىن ويداعىداي مىقتى يگەرىپ، استىقتان مول ٴونىم الۋعا بەرىك نەگىز قالاۋ.

تاربيەلەۋ كۋرسىنىڭ مازمۇنى ٴبيدايدان جوعارى ٴونىم الۋدان ۇلگى كورسەتۋ اتىزى قۇرىلىسى، ٴبيدايدان جوعارى ٴونىم الۋداعى ٴتۇيىندى تەحنيكا، ٴبيدايدى كومباينمەن ورۋدا زياندى ازايتۋ تەحنيكاسى جانە باقىلاۋ - ولشەۋ ٴادىسى، جازدا ەگىلگەن تۇيە بۇرشاقتان جوعارى ٴونىم الۋ، باپتاۋ تەحنيكاسى، جۇگەرىدەن جوعارى ٴونىم الۋ، باپتاۋ تەحنيكاسى سياقتىلاردى قامتيدى. 

تاربيەلەۋ ناق مايدانىندا كومبايندار مەن ەگىنشىلىك ماشينالارى ساقاداي ساي تۇردى، ىسقىرىق شالىنىسىمەن ٴۇش كومباين ٴبىر ۋاقىتتا ٴبيدايدى ورا باستادى، سونىمەن 500 مۋ جەردەگى ٴبيدايدان جوعارى ٴونىم الۋدان ۇلگى كورسەتۋ اتىزىنىڭ جازعى جيىن - تەرىن قىزمەتى رەسمي باستالدى. ورۋ الاڭىندا كۋرسانتتارعا ٴبيدايدى كومباينمەن ولشەمدى ورۋ، زياندى ازايتۋ، ٴبيدايدىڭ ٴونىم مولشەرىن ولشەۋ جانە ورۋ ساپاسىن باعالاۋ، جەردىڭ ىلعالدى كەزىندە قايتالاي ەگۋ سياقتى تەحنيكالاردى كورسەتىپ، جازعى جيىن ـ تەرىن جۇمىسىن تىڭعىلىقتى ىلگەرىلەتۋگە، جازعى باپتاۋدى ناقتى، ەگجەي ـ تەگجەيلى يگەرىپ، جازعى تۇقىم سەبۋدى بار كۇشپەن ىلگەرىلەتۋگە، جىل باسىندا بەلگىلەنگەن اۋىل شارۋاشىلىعى ٴوندىرىسىنىڭ نىسانا ـ مىندەتتەرىنىڭ تابىسپەن ورىندالۋىنا شىنايى كەپىلدىك ەتىپ، مەملەكەتتىڭ استىق حاۋىپسىزدىگىن جانە ماڭىزدى ەگىنشىلىك ونىمدەرىمەن ٴونىمدى قامداۋدى قامتاماسىز ەتۋگە نەگىز قالادى.

2023 - جىلى وبلىسقا توتە قاراستى ورىندار نەگىزگى استىق داقىلدارىنان جوعارى ٴونىم الۋدى ىلگەرىلەتۋدىڭ 3 جىلدىق ارەكەتىن جاپپاي تياناقتاندىرىپ، وبلىس، اۋدان، اۋىل، قىستاق سىندى 4 دارەجەلى باسشىلار كوتەرمەگە الىپ جوعارى ٴونىمدى 100 مۋلىق ۇلگى كورسەتۋ اتىزىنان، مىڭ مۋلىق ۇلگى كورسەتۋ تورتكىلىنەن، 10 مىڭ مۋلىق ۇلگى كورسەتۋ رايونىنان ٴبىر توبىن قۇرىپ، استىقتىڭ ۋنيۆەرسالدى ٴوندىرىس قۋاتىن ونان ارى جوعارىلاتىپ، ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋدى“ جۇزەگە اسىردى. ىلە وبلىسى جوعارى ٴونىمدى ۇلگى كورسەتەتىن 1289 جەر بولەگىن ازىرلەگەن - دى، مۇنىڭ جالپى كولەمى 371 مىڭ 400 مۋ بولىپ، مۇنىڭ ىشىندە ٴبيداي 589 بولەككە، 127 مىڭ 100 مۋعا، جۇگەرى 636 بولەككە، 214 مىڭ 400 مۋعا، كۇرىش 43 بولەككە، 15 مىڭ 800 مۋعا، سويا بۇرشاق 21 بولەككە، 14 مىڭ 200 مۋعا ەگىلدى. جوعارى ولشەمدى ەگىنجاي، جوعارى ٴونىمدى سۋارۋ شاراسىنىڭ قولدانىلۋى جانە جوعارى ٴونىم الۋدان ۇلگى كورسەتۋدىڭ جەتەكشىلىگىندە وبلىسقا توتە قاراستى ورىندار دۇمبە ٴبيدايدىڭ بىرلىك ٴونىمىن ارتتىرۋدى جۇزەگە اسىردى.

بەسسۇمىن قالاشىعى مۋيۋان اۋىل شارۋاشىلىق شەكتى سەرىكتەستىگىنىڭ ٴبيدايدان جوعارى ٴونىم الۋدان ۇلگى كورسەتۋ اتىزى − چاپچال اۋدانىنداعى 198 جوعارى ٴونىم الۋدان ۇلگى كورسەتەتىن اتىزدىڭ ٴبىرى. بيىل بۇل سەرىكتەستىك جوعارى ٴونىم الۋدان ۇلگى كورسەتۋ ارەكەتىن اتقارىپ، تىڭايتقىش بەرۋدىڭ جاڭا تەحنيكاسىن، جاڭا ٴونىمىن، جاڭا ماشينا ـ جابدىق ۇلگىسىن شوعىرلى جالپىلاستىرىپ، حيميالىق تىڭايتقىش مولشەرىن ازايتىپ، ٴونىمدى ارتتىرۋدىڭ ”ٴۇشتى تىڭنان“ جوعارىلاتۋ ۇلگىسىن قالىپتاستىرىپ، مۋ باسىندىق ٴونىمدى وتكەن جىلداعىدان 20 كيلوگرام ارتتىرىپ، مۋ باسىنا وزىندىك قۇندى تومەندەتۋ، ٴونىمدى ارتتىرۋ ارقىلى 130 يۋان ۇنەمدەدى.

چاپچال اۋداندىق اۋىل شارۋاشىلىعى، اۋىل - قىستاق مەكەمەسىنىڭ اعا اگرونومى گۋان ليجۇي بىلاي دەدى: ”چاپچال اۋدانى نازاردى ’8 ٴىرى كاسىپ سالاسى شوعىرىنا‘ اۋدارىپ، استىق ەگۋ اۋماعى، بىرلىك ٴونىم، جالپى ٴونىم جاعىن مىقتى يگەرىپ، قۇنارلى اتىز، ساپالى تۇقىم، ەگىنشىلىك ماشينالارى، ەگىنشىلىك تەحنيكاسى سياقتى ٴار جاقتاعى باسىمدىققا يە بايلىقتاردى بىرىكتىرىپ، استىق ٴوندىرىسى قۋاتىن جوعارىلاتۋ ارەكەتىن ورىستەتىپ، چاپچال اۋدانىنىڭ عىلىم - تەحنيكا جانە استىق كاسىپ سالاسى ەكونوميكاسىن ۇشتاستىرۋ ارناسىن اشتى. بيىل بەسسۇمىن قالاشىعى جوعارى ٴونىم الۋدان ۇلگى كورسەتۋ اتىزىندا، نەگىزىنەن ساپالى، جوعارى ٴونىمدى جيۋشىڭحى D1508 سورتىن ەكتى، ەگۋ بارىسىندا ٴۇشتى دالمە ـ ٴدال جۇرگىزۋ، ۇشتەن ەرتە ساقتانۋ، ٴتورتتىڭ ەرتە سولۋىنان ساقتانۋ سياقتى ٴبىرقىدىرۋ تەحنيكالىق شارالاردى قولدانىپ، ٴونىم مولشەرىن جوعارىلاتتى“.

ىلە وبلىستىق ەگىنشىلىك تەحنيكاسىن جالپىلاستىرۋ باس پۋنكتىنىڭ اعا اگرونومى جاڭ دۇڭمەي بىلاي دەدى: ”بيىلعى استىق ٴونىمىن جوعارىلاتۋ قيمىلىندا تەحنيكتەر ٴبيدايدىڭ كوكتەۋ مەزگىلىنەن باستاپ اتىزدى باپتاۋدى كۇشەيتتى، اسىرەسە، 4 -، 5 - ايلارداعى تومەن تەمپەراتۋرالى اۋا رايى كەزىندە ساقتانۋ - تىزگىندەۋ شارالارىن دەر كەزىندە جاريالاپ وتىردى. وبلىس، اۋدان، اۋىل تەحنيكتەرى دەر كەزىندە قاداعالاپ جەتەكشىلىك ەتىپ، ٴبيدايدىڭ جاپىرىلۋىنان ساقتاندى، بيىل وبلىسقا توتە قاراستى ورىندار بويىنشا دۇمبە ٴبيدايدىڭ جالپى ٴونىم مولشەرى وتكەن جىلداعىدان ٴبىراز جوعارىلادى“.

وبلىسقا توتە قاراستى ورىنداردىڭ ”جازعى ٴۇش جۇمىس“ كەزىندەگى اۋىل شارۋاشىلىق ٴوندىرىسى جاعىنداعى تاربيەلەۋ كۋرسىنىڭ ناق مايدان ساباعى.           چىن حايبين فوتوسى

ەگىنشىلىك تەحنيكتەرى ٴونىم مەن زيان مولشەرىن ولشەپ تۇراقتاندىرۋدا.   دۋ لەي فوتوسى