− ”اۋىل - قىستاق قۇرىلىسىن ىلگەرىلەتىپ، گۇلدەندىرۋ نەگىزىن بەكەمدەۋ“ جونىندەگى جەلىلەس حابار (1)

□ انار بۇلت \ شينجياڭ گازەتىنىڭ ءتىلشىسى لۋ فىڭباۋ

6 - ايدىڭ 27 - كۇنى قۇرباننياز مامەت ەلەكترسيكلىنە ءمىنىپ، قىستاقتىڭ سىرتىنداعى ۇلكەن كوپىردە كوڭىلدى كەتىپ بارا جاتتى، دول ۇلكەن توعانىنىڭ ۇستىنە ەندەي سالىنعان، كەزىندە ونىڭ ۇرەيىن ۇشىراتىن وسى كوپىر بۇگىنگى كۇنى شىت جاڭا بەينەگە ەنىپ، لوپ اۋدانى دول اۋىلى سارى قىستاعىنداعى تۇرعىنداردىڭ ءجۇرىس - تۇرىس حاۋىپسىزدىگىن قامتاماسىز ەتتى.

”بۇرىنعى كوپىردىڭ سالىنعانىنا 40 جىلدان استى، كوپىر بەتىندەگى بەتون اۋىر دارەجەدە بۇلىنگەندىكتەن، ىشىندەگى بولات شىبىق كورىنىپ تۇراتىن ەدى. اۆتوكولىك جۇرگىزۋشىلەر بۇل كوپىردىڭ ۇستىنەن جۇرۋگە باتىنا المايتىن. ءبىز ەلەكترسيكلمەن جۇرگەننىڭ وزىندە قاتتى الاڭدايتىنبىز“، - دەدى قۇرباننياز.

شينجياڭنىڭ جەرى كەڭ، جان سانى بىتىراندى ورنالاسقان، اۋىل - قىستاق تاس جولىنىڭ جاقسى سالىنۋ - سالىنباۋى ديقان بۇقاراسى ەڭ كوڭىل بولەتىن، ەڭ تىكە، ەڭ رەال حالىق تۇرمىسى ماسەلەسى. نەگىزگى تاقىرىپتىق تاربيەدە شينجياڭ ”تورتتە جاقسى اۋىل - قىستاق جولى“ قۇرىلىسىن ”ناقتى ىستەر ىستەۋ، حالىقتىڭ مۇڭ - مۇقتاجىن شەشۋدەگى“ ءتۇيىندى نىسانداردىڭ ءبىرى ەتىپ، بيىل 6000 كيلومەتر اۋىل - قىستاق تاس جولىن جاڭادان سالادى، جاڭالايدى، 5000 كيلومەترلىك اۋىل - قىستاق تاس جول حاۋىپسىزدىك قورعانىس ينجەنەرياسىن اتقارىپ، 100 قاتەرلى كوپىردى جاڭالاپ، اۋىل - قىستاق تاس جولدارىنىڭ ىركىلىسسىزدىك دەڭگەيى مەن حاۋىپسىزدىكتى قامتاماسىز ەتۋ دەڭگەيىن اناعۇرلىم جوعارىلاتادى.

باستاماشى ورىن رەتىندە، اۆتونوميالى رايوندىق قاتىناس - تاسىمال مەڭگەرمەسى پارتكومى نازاريا ۇيرەنۋ، تەكسەرۋ - زەرتتەۋ، دامۋدى ىلگەرىلەتۋ، قاداعالاۋ، رەتتەۋ - تۇزەتۋ، ەرەجە - ءتۇزىم ورناتۋ سياقتى ءتۇرلى قىزمەتتەردى ءبىر تۇلعالى ىلگەرىلەتىپ، ”تورتتە جاقسى اۋىل - قىستاق تاس جولى“ قۇرىلىسىن جۇرگىزۋ جونىندەگى تانىمدارىن اناعۇرلىم تەرەڭدەتىپ، ماسەلەنى باعدار ەتۋدەن جازباي، الدىڭعى شەپكە ىشكەرىلەي بارىپ ناقتى جاعدايدى تەكسەرىپ، ناقتى شارا قاراستىرىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشىپ، اۋىل - قىستاق تاس جولى قۇرىلىسىن جەدەل ىلگەرىلەتتى.

سارى قىستاعىنداعى كوپىر بيىلعى جاڭالاۋ كولەمىنە ەنگىزىلدى. ”بۇرىنعى ورىننان جاڭا كوپىر سالىنىپ، 6 - ايدا تامامدالىپ، حاۋىپسىزدىك كومەسكى قاتەرى الاستالدى“، - دەدى لوپ اۋدانى قاتىناس - تاسىمال مەكەمەسى نىسان كەڭسەسىنىڭ كادرى تۇرسۇنمامەت توحتى.

اۋىل - قىستاق تاس جولى قۇرىلىسىندا قارجى باسىمى ناقتى قيىنشىلىق. ”ءوزىمىزدىڭ كۇشىمىزگە عانا سۇيەنسەك، اسا قيىن بولار ەدى“، - دەدى تۇرسۇنمامەت.

نىسان قۇرىلىسى قارجىسى ماسەلەسى جونىندە اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ مۇشەسى، ورىنباسار مەڭگەرمە باستىعى گو شىڭ تانىستىرىپ بىلاي دەدى: شينجياڭ اۋىل - قىستاق تاس جولىندا ”كومەك قاراجاتتىڭ ورنىنا سيلىق بەرۋ“ ساياساتىن قاتاڭ تياناقتاندىرىپ، قاتىناس - تاسىمال مينيسترلىگىنىڭ كومەك قاراجات قارجىسىنىڭ جەبەۋ رولىن تولىق ساۋلەلەندىرىپ، جەر - جەردى تۇرلىشە جولدارمەن اۋىل - قىستاق تاس جول قۇرىلىسىنا جانە جوندەۋ - قورعاۋعا قولداۋ كورسەتۋگە ىنتالاندىردى جانە جەتەكتەدى.

”اۆتونوميالى رايون دارەجەلى كوپتەگەن ورىندار اۋىل - قىستاق تاس جولدارىن ءىرى، ورتا دەڭگەيدە جوندەۋ، قاتەرلى كوپىرلەردى جاڭالاۋ جانە جوندەۋ - قورعاۋ قارجىسىن بىرلەسىپ ءبولىپ، بىزدەگى قارجى باسىمىن باسەڭدەتتى“، - دەدى تۇرسۇنمامەت.

نىساننىڭ اياق الىسىن جەدەل ىلگەرىلەتۋ ءۇشىن، اۆتونوميالى رايوندىق قاتىناس - تاسىمال مەڭگەرمەسى 2023 - جىلعى اۋىل - قىستاق تاس جول قۇرىلىسى، جوندەۋ - قورعاۋ جوسپارى جانە كومەك قاراجات قارجىسىن الدىن الا ءتۇسىرىپ، جەر - جەردىڭ ”تورتتە جاقسى اۋىل - قىستاق جولى“ قۇرىلىسىن جەدەلدەتۋدى قولدادى، سونداي - اق اۋماقتارعا ءبولىپ جەتەكشىلىك ەتۋ، قىزمەت وتەۋ ءتاسىلىن قولدانىپ، مەڭگەرمە باسشىلارى ۇجىم باستاپ ءارقايسى قۇرىلىس نىسانىنىڭ جۇمىس باسىنا بارىپ كومەكتەسىپ، سۇيەمەلدەپ، تەكسەرۋ - زەرتتەۋ جۇرگىزىپ، بايقاعان ماسەلەنى ۇستىندە شەشتى.

قازىر تۇتاس شينجياڭدا اۋىل - قىستاق تاس جول قۇرىلىسىنا قوسىلعان قارجى 2 ميلليارد 90 ميلليون يۋان بولىپ، 8. 690 كيلومەتر جول سالىنىپ بولدى، 39 قاتەرلى كوپىر جاڭالاندى، 61 قاتەرلى كوپىردىڭ جاڭالاۋ جۇمىسى ىستەلۋ ۇستىندە، قىستاق جولى حاۋىپسىزدىك قورعانىس ينجەنەرياسىنىڭ جيىنى 442 كيلومەترى ورىندالدى.

قۇرىلىس جۇرگىزۋ دەگەنىمىز دامۋ، باسقارۋ، جوندەۋ - قورعاۋ دا دامۋ بولىپ تابىلادى. اۆتونوميالى رايوندىق قاتىناس - تاسىمال مەڭگەرمەسى جەر - جەردى اۋىل - قىستاق تاس جولىن باسقارۋ، جوندەۋ - قورعاۋ ءتۇزىلىسىن اتقارۋ جوباسىن شىعارۋعا، اۋىل - قىستاق تاس جولىنىڭ ”جول باستىعى ءتۇزىمى“ باسشىلىق گرۋپپاسىن قۇرۋعا، اۋىل - قىستاق تاس جولدارىن داعدىلى جوندەۋ - قورعاۋعا پايدالانىلاتىن جەرگىلىكتى ورىننىڭ سايكەستى قارجىسىن تياناقتاندىرۋعا قۋزاپ، جەر - جەردىڭ ”تورتتە جاقسى اۋىل - قىستاق جولى“ قۇرىلىسىن ”اۋىل شارۋاشىلىعى، اۋىل - قىستاق، شارۋالار“ قىزمەتىنە جانە اۋىل - قىستاقتى گۇلدەندىرۋگە ەنگىزىپ، اقىلداسىپ، ورنالاستىرۋىنا قولداۋ كورسەتىپ، جەرگىلىكتى ورىننىڭ ىرىقتىلىعى مەن جاسامپازدىعىن اناعۇرلىم ساۋلەلەندىردى.

”نەگىزگى تاقىرىپتىق تاربيەنى ىشكەرىلەي ورىستەتۋدى وراي ەتىپ، جەر - جەردى قۇرىلىس جۇرگىزۋدىڭ التىن مەزگىلىن مىقتى يگەرىپ، نىساندى ىلگەرىلەتۋ تەبىنىن كۇشەيتۋگە ۇزدىكسىز قۋزاپ، بۇقارانىڭ ءجۇرىس - تۇرىس ماسەلەسىن شەشىپ، اۋىل - قىستاقتى گۇلدەندىرۋدىڭ ’جىلدام جولعا‘ تۇسۋىنە كۇش ۇستەيمىز“، - دەدى گو شىڭ.