ساي ليپىڭ

ءتىلشى باعامى:

حابارعا قاراعاندا، قورعاس اۋدانى سانگۇڭ حۇيزۋ اۋىلىنىڭ قىستاقتارى 10 - ايدىڭ 8 - كۇنىنەن باستاپ، قىستاق تۇرعىندار كوميتەتىنىڭ اۋلاسى، قاقپا الدىنداعى اۆتوموبيل توقتاتۋ الاڭى سياقتى الاڭداردى قىستاق تۇرعىندارىنىڭ كۇزگى استىقتارىن جايىپ كەپتىرىپ  الۋىنا بەرگەن. وسى سياقتى 10 ـ ايدىڭ 1 ـ كۇنىنەن بەرى قاشقار ايماعىنىڭ جاڭاشار اۋدانى بارىن اۋىلدىق ۇكىمەتتىڭ اۋلاسى مەن قىستاق تۇرعىندار كوميتەتىنىڭ اۋلاسى، مادەنيەت الاڭى سياقتى الاڭدار دا  قىستاق تۇرعىندارىنىڭ جۇگەرىلەرىن كەپتىرىپ الۋىنا قولايلى بولۋ ٴۇشىن بەرىلگەن. مۇنداي شارا نەگىزگى ساتىلارداعى ۇكىمەتتەردىڭ اۋىل شارۋاشىلىق وندىرىسىنە، شارۋالار تۇرمىسىنا ٴمان بەرگەندىگىن تولىق ايگىلەدى، سونىمەن بىرگە نەگىزگى ساتىنىڭ ناقتى قىزمەت ىستەۋ پوزيتسياسىن دا بەينەلەدى.

مۇنداي شارا قىستاق تۇرعىندارىنىڭ استىق كەپتىرۋدەگى ٴىس جۇزىندىك قيىنشىلىعىن شەشتى. اۋىل - قىستاق وڭىرلەرىندە كۇزگى جيىن - تەرىننەن سوڭعى استىق كەپتىرۋ − ديقانداردىڭ ەڭ باس اۋىرتاتىن ماسەلەلەرىنىڭ ٴبىرى ەدى. ۇيلەسىمدى استىق كەپتىرۋ الاڭى مەن قۇرىلعىلار كەمشىل بولعاندىقتان، كوپتەگەن ديقان ٴوزىنىڭ اياداي اۋلاسىندا نەمەسە جول بويلارىندا استىق كەپتىرەتىندىكتەن، قاتىناس حاۋىپسىزدىگى كومەسكى قاتەرى تۋىنداپ وتىرعانى بەلگىلى. قىستاق تۇرعىندار كوميتەتىنىڭ اۋلاسى، مادەنيەت الاڭى سياقتى ورىنداردىڭ قىستاق تۇرعىندارىنىڭ پايدالانۋىنا بەرىلۋى، قىستاق تۇرعىندارىن كەڭ ٴارى حاۋىپسىز استىق كەپتىرەتىن ورىنمەن قامداپ، ولاردىڭ ٴىس جۇزىندىك قيىنشىلىعىن شەشتى. 

سونىمەن بىرگە، مۇنداي شارا نەگىزگى ساتىنىڭ ناقتى ٴىس ىستەۋ قىزمەت پوزيتسياسىن دا بەينەلەدى. جاقىنعى جىلدارى اۋىل - قىستاق قۇرىلىسىنىڭ دامۋىنا ىلەسە كوپتەگەن قىستاق تۇرعىندار كوميتەتىندە قولايلى شاعىن الاڭ جانە قىستاق تۇرعىندار كوميتەتى اۋلاسى سياقتى الەۋمەتتىك قۇرىلعىلار سالىندى، بۇل جەرلەردە مادەنيەت قيمىلدارىن جانە قىستاق تۇرعىندارىنىڭ كەڭەسىن وتكىزۋدەن تىس، ۇيلەسىمدى ٴبىر تۇتاس جوسپارلاپ، ”ورتاق پايدالانىلاتىن كەپتىرۋ الاڭىنا“ اينالدىرۋ ۇيلەسىمدى پايدالانۋ ەسەپتەلەدى. شىن مانىندە قىزمەت كورسەتكەن جاقسى، ٴبىزدىڭ نەگىزگى ساتىداعى باسقارۋشىلارىمىز شىن مانىندە باسقالاي وي جۇگىرتىپ، بۇقارامەن ەتەنە بولىپ، بۇقارانىڭ كۇندەلىكتى ۇساق ىستەرىنەن باستاپ كىرىسىپ، حالىقتىڭ مۇڭ - مۇقتاجىن ويلاعاندا عانا شىن نيەت، شىنايى سۇيىسپەنشىلىكپەن حالىقتىڭ قيىنشىلىعىن شەشكەن بولادى.

ارينە، يگى ىستەر ىستەگەن جاقسى، قايتكەندە بۇقاراعا قىزمەت وتەۋگە ٴارى نەگىزگى ساتىنىڭ جۇمىس ىستەۋىنە ىقپال جەتكىزبەۋگە بولادى، بۇل جونىندە ىشكەرىلەي وي جۇگىرتۋگە جانە ساپالىلاندىرۋعا تۋرا كەلەدى. ماسەلەن، ۇستىندە  بارلاۋ، تەكسەرۋ - زەرتتەۋ جۇرگىزۋ ارقىلى جولعا استىق كەپتىرەتىن وڭىرلەردى عىلمي تۇرعىدا بەلگىلەۋ كەرەك؛ ماسەلەن، ٴتارتىپ باسقارۋشىلاردى ايقىنداپ، رەتىمەن كەپتىرۋگە كەپىلدىك ەتۋ كەرەك؛ ماسەلەن،  اۋىل شارۋاشىلىعىنا قوعامدانعان قىزمەت وتەۋ ۇيىمدارىنىڭ كەپتىرۋ جابدىقتارىنان تولىق پايدالانىپ، ٴىس جۇزىندىك ارەكەتى ارقىلى بۇقارانىڭ استىق كەپتىرۋدەگى قيىنشىلىعىن شەشىپ، كۇزگى استىقتىڭ قامبالاسۋىنا بار كۇشپەن قامتاماسىزدىق ەتۋ كەرەك.

ينتەرنەتتەن ٴبىز جەر - جەردىڭ  اۋلالارىن استىق كەپتىرۋ الاڭى ەتىپ بوساتىپ بەرۋ ٴادىسى جونىندە توراپتاستاردىڭ: ”مۇنى ٴسوز جوق، قۇپتاۋ كەرەك“، ”جولعا استىق كەپتىرۋدەن الدەقايدا جاقسى، حاۋىپسىز، قۇپتاۋ كەرەك“، ”بۇقارانىڭ قامىن شىنايى ويلاعاندىق“ ...... دەپ لەبىز قالدىرعانىن بايقادىق. مۇنداي ماداقتاۋلار ورىندى. سونىمەن بىرگە، ٴبىز ۇكىمەتتىڭ قاقپانى ايقارا اشىپ، بۇقارانىڭ استىق كەپتىرۋىن قارسى الۋى بۇقارانىڭ قاجەتىن شىعار ٴتۇيىن ەتكەن بولىمسىز شاراسى بولعانىمەن، بۇقارانىڭ شۇعىل، قيىن، ۋايىمداعان، ٴزارۋ ماسەلەسىن شەشەتىن ٴىرى حالىق تۇرمىسى شاراسى ەكەنىن دە، دالمە ـ ٴدال قىزمەت وتەيتىن تاماشا ستيل ەكەنىن دە كورە الامىز. اۋىل ـ قىستاق − بۇقارامەن قارىم - قاتىناس جاساۋدىڭ، بۇقاراعا قىزمەت وتەۋدىڭ ”ەڭ سوڭعى ٴبىر كيلومەترى“، بۇقارامەن شىنىمەن بايلانىستىراتىن ”دانەكەر“، سوندىقتان قاقپانى ايقارا اشىپ، بايسالدى بەينە تانىتىپ، استىق كەپتىرۋ الاڭى ارقىلى بۇقارامەن ەتەنە بايلانىس جاسايتىن كوپىر سالۋ كەرەك.

ۇكىمەت قاقپانى ايقارا اشىپ، بۇقارانىڭ وسىندا كەلىپ استىق كەپتىرۋىن قارسى الدى، بۇل حالىق ۇكىمەتى مەن پارتيالى كادرلاردىڭ حالىق ٴۇشىن قىزمەت وتەۋدەگى اۋەلگى ماقساتى. بۇقارا مەن توراپتاستاردىڭ القاعانى − ۇكىمەتتىڭ اۋلانى استىق كەپتىرۋگە اشىق ۇستاۋىنىڭ بۇقارانىڭ كوڭىلىنەن ورىن العاندىعى، حالىقتىڭ مۇددەسىن ماڭداي الدى ورىنعا قويۋداي جاۋاپكەرشىلىكتى ۇستىنە الۋ تانىمىن ايگىلەگەندىگى. تەك ٴار دارەجەلى ۇكىمەتتەر الدىن الا جوسپارلاپ، شىندىقتى ٴىس جۇزىنەن ىزدەپ، ىرىقتىلىقپەن ٴىس تىندىرىپ، بۇقارانىڭ استىق كەپتىرۋىنە مۇمكىندىك جاساي السا، بۇل جاقسى ٴىس. بۇل ۇكىمەتتىڭ اۋىل شارۋاشىلىق ٴوندىرىسى مەن شارۋالار تۇرمىسىنا ٴمان بەرگەندىگىن ايگىلەپ قانا قويماي، نەگىزگى ساتىنىڭ ناقتى قىزمەت ىستەۋ پوزيتسياسى مەن بەلسەندى، ناقتى حالىقتىق سۇيىسپەنشىلىگىن دە بەينەلەيدى. سونىمەن بىرگە، بۇل شارا بىزگە ۇكىمەتتىڭ قىزمەت وتەۋى بۇقارانىڭ قاجەتىنە اناعۇرلىم جاناسۋى قاجەت ەكەنىن، تەك بۇقارا تۇرعىسىنان ماسەلەگە وي جۇگىرتكەندە عانا حالىق تىلەگىنە اناعۇرلىم ۇيلەسەتىن شەشىم جاساۋعا بولاتىندىعىن ەسكەرتتى.