تىلشىلەرىمىز شىن شياۋمىڭ، گۋ رۇڭ حابارلايدى. 2023 - جىلى 12 - ايدىڭ 29 - كۇنى قۇلجا قالاسى ٴپانجىم قالاشىعى يىڭاۋات قىستاعى  ”پارتيا دەپ انار گۇلىندەي شەشەك اتىپ،  ۇلتتار ىنتىماعىنىڭ بەرەكەلى شاڭىراعىن قۇرايىق“ اتىنداعى بۇقارالىق ادەبيەت - كوركەمونەر ساۋىق كەشى قيمىلىن وتكىزدى، بار الاپ مەرەكەلىك تۇسكە ەندى.

قيمىلدا «انار شەشەك اتتى»، «تالەيلىمىز»، «بولاشاقتى نۇرلاندىرايىق» سياقتى توپتىق ٴبي ورىندالۋمەن بىرگە، «جاڭا ۋاحاحا» سياقتى جەكە ٴبي نومىرلەرى دە كەزەگىمەن ورىندالدى. ناق مايدانداعى كورەرمەندەر تارتىمدى ويىن نومىرلەرىنەن تەرەڭ اسەر الىپ، اۋىق - اۋىق شاپالاق سوعىپ وتىردى. قيمىلدىڭ تارتىمدى دا ماعىنالى بولۋى ٴۇشىن شاعىن ويىن نومىرلەرى دە ورنالاستىرىلىپ، ورتانى دۋمانعا بولەدى.

يىڭاۋات قىستاعى باستاۋىش مەكتەبى پارتيا ياچەيكاسىنىڭ شۋجيى گو شۋەنيڭ مەن كەيبىر پارتيالى وقىتۋشىلار وقۋشىلاردى وسى رەتكى قيمىلعا ۇيىمداستىردى. ”بۇگىنگى قيمىلعا قاتىناسقان وقۋشىلار ەرەكشە كوڭىلدى بولدى، قىستاق تۇرعىندارىمەن بىرگە جاڭا جىلدى قارسى الدىق، ٴبىزدىڭ قىستاعىمىز − ۇلتتار ىنتىماعىنىڭ بەرەكەلى شاڭىراعى ەكەندىگىن سەزىندىم. وسى رەتكى قيمىل بۇقارانىڭ رۋحاني تۇرمىسىن بايىتىپ، قىستاق تۇرعىندارىنىڭ باقىت سەزىمىن ارتتىردى“ دەدى گو شۋەنيڭ.

”تاياۋ جىلداردان بەرى ٴبىز تاماشا مادەنيەت ورتاسىن كۇش سالا قالىپتاستىرىپ، قىستاق تۇرعىندارىنىڭ رۋحاني بەت - بەينەسىن جوعارىلاتىپ، قىستاق تۇرعىندارىنىڭ رۋحاني وركەنيەت قاجەتىن قامتاماسىز ەتتىك.  جاڭا جىلدى قارسى الۋ ٴۇشىن ٴبىز وسى رەتكى قيمىلدى ۇيىمداستىردىق، ’جاقسى جار‘، ’جاقسى كەلىن‘ قاتارلى ۇلگىلەردى سيلاۋ ارقىلى قىستاق تۇرعىندارىن جاقسىلاردان ونەگە الۋعا باستادىق. سونىمەن بىرگە، ادەبيەت - كوركەمونەر ويىن نومىرلەرى ارقىلى قىستاق تۇرعىندارىنىڭ مادەني تۇرمىسىن اناعۇرلىم جانداندىرىپ جانە بايىتىپ، نەگىزگى ساتى پارتيا ۇيىمىنىڭ ۇيىستىرۋ قۋاتىن ارتتىردىق“ دەدى  قۇلجا قالاسى ٴپانجىم قالاشىعى پارتكومىنىڭ مۇشەسى، ٴتارتىپ تەكسەرۋ شۋجيى ساۋلەت.

سۋرەتتەردە: وقۋشىلار ويىن نومىرلەرىن ورىنداۋدا.

گۋ رۇڭ فوتوسى