العىس ايتۋ سەزىمىن قاشاندا كوكەيدە ساقتاپ، قول ۇستاسىپ قايراتتانا العا ىلگەرىلەيمىز

　　− 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى بۇكىل شينجياڭدا قىزۋ اڭىس قوزعادى

　　 انار بۇلت / شينجياڭ گازەتىنىڭ تىلشىلەرى

شينجياڭعا كومەكتەسۋ ۇلى سۇيىسپەنشىلىكتى جەتكىزدى، بارلىق ىستە سۇيىسپەنشىلىك ايگىلەندى. 7 - ايدىڭ 19 - كۇنىنەن 21 - كۇنىنە دەيىن 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى اقسۋدا اشىلدى. ءماجىلىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرگەندىگىن، شينجياڭداعى ءار ۇلت حالقىنا شىنايى قامقورلىق جاساپ وتىرعاندىعىن تولىق ايگىلەدى. بۇكىل شينجياڭداعى ءار ۇلت كادر - بۇقاراسى مەيىر - شاپاعاتتى ايرىقشا سەزىنىپ، العىس سەزىمىنە بولەنىپ، ءبىر اۋىزدان جاپپاي دوڭگەلەك داۋلەتتى قوعام ورناتۋدىڭ جاڭا باستالۋ تۇيىنىندە تۇرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اناعۇرلىم تاسقىنداعان ىنتامەن، اسقاق جىگەرمەن، جەتەرلىك قايراتپەن ىنتىماقتى، جاراسىمدى، گۇلدەنىپ كوركەيگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇراتىندىقتارىن ءبىلدىردى.

　　شينجياڭعا كومەكتەسۋ جەتىستىكتەرىن قاستەرلەيمىز

7 - ايداعى شينجياڭنىڭ بايتاق دالاسىندا جەمىس - جيدەكتىڭ حوش ءيىسى بار الاپقا جايىلدى، ونان دا ەڭ قۋانارلىعى، ەڭ جاقسىسى جەر - جەردەگى توپ - توپ شينجياڭعا كومەكتەسۋ نىساندارى تياناقتانىپ، تامىر تارتقان سوڭ قول جەتكىزگەن كەسەك تابىستار بولدى.

8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى اقسۋدا اشىلىپ، اقسۋ ايماعىنداعى ءار ۇلت كادر - بۇقاراسىن بارىنشا جەلپىندىردى. 7 - ايدىڭ 22 - كۇنى اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى نياز اشىم بىلاي دەدى: ”اقسۋ ايماعىنداعى ءار ۇلت بۇقاراسى شينجياڭعا باعىتتامالى كومەكتەسۋدىڭ مول جەتىستىكتەرىن ماڭگى قاستەرلەپ، باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزىنىڭ رۋحى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، جىجياڭ مەن اقسۋ ەكى جەر جاساعان ’14 - بەسجىلدىقتاعى‘ شينجياڭعا كومەكتەسۋ جوباسىن ناقتاپ تياقتاندىرادى“.

بەيجيڭ، تيانجين، انحۇي ءۇش ولكە - قالا باعىتتامالى كومەكتەسكەن حوتان ايماعىندا كوپتەگەن شينجياڭعا كومەكتەسۋ نىساندارى كوزبەن كورىپ، قولمەن ۇستاۋعا بولاتىن ناقتى تيىمدىلىكتەر اكەلىپ، حوتان ايماعىنداعى قالىڭ بۇقارانىڭ ىشكى قوزعاۋشى قۋاتىن ۇزدىكسىز كۇشەيتتى.

گۇما اۋداندىق اۋىل - قىستاقتى گۇلدەندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى جاۋ في بىلاي دەپ تانىستىردى: 2010 - جىلى انحۇي ولكەسى گۇما اۋدانىنا باعىتتامالى كومەكتەسكەننەن بەرى، جيىنى 3 ميلليارد 700 ميلليون يۋاننان استام شينجياڭعا كومەكتەسۋ قارجىسىن ءبولىپ، 380نەن استام كومەكتەسىپ سالۋ نىسانىن اتقارىپ، 800دەن استام وقۋ - اعارتۋ، عىلىم - تەحنيكا، اۋىل شارۋاشىلىعى سياقتىلارعا ساياتىن كاسىپتىك - تەحنيكالىق دارىندىلاردى ەنگىزىپ، كومەكتەسۋ - سۇيەمەلدەۋ شارالارىن دالمە - ءدال اتقاردى. اسىرەسە، 2020 - جىلدان قازىرگە دەيىن، گۇما اۋداندىق سيفرلى ەكونوميكا كاسىپ سالاسى باقشاسىنا 27 كاسىپورىن ىرگە تەپتى، اياق كيىم، كيىم - كەشەك كاسىپ سالاسى باقشاسىندا 9 كاسىپورىن وندىرىسكە قوسىلدى، جاڭالىق اشۋ، شارۋاشىلىق قۇرۋ كاسىپ سالاسى باقشاسىندا 8 كاسىپورىن ىرگە تەپتى، جەرگىلىكتى ورىندا جاڭادان 3000نان استام ادام جۇمىستاندى. انحۇي ولكەسىنىڭ قالتقىسىز كومەگىندە گۇما اۋدانىنداعى ءار ۇلت حالقى تۇرمىسىنىڭ، ءسوزسىز، كۇننەن - كۇنگە جاقسارا تۇسەتىنىنە سەنەمىز.

　　پارتيا مەن وتانعا العىس ايتامىز

شينجياڭعا كومەكتەسۋ سۇيىسپەنشىلىككە تولى، ۇلى سۇيىسپەنشىلىكتە شەكارا بولمايدى. شينجياڭعا باعىتتامالى كومەكتەسۋ قىزمەتى شينجياڭداعى ءار ۇلت حالقىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىمىن تولىق سەزىندىردى، سوتسياليستىك ءتۇزىمىنىڭ ابزالدىلىعىن تولىق سەزىندىردى.

شاڭحاي، شاندۇڭ، گۋاڭدۇڭ، شىنجىن باعىتتامالى كومەكتەسكەن قاشقار ايماعىندا، توپ - توپ شينجياڭعا كومەكتەسۋشى كادر - دارىندىلاردىڭ كەلۋى قاشقاردىڭ كادر - دارىندىلار قوسىنىنا تىرشىلىك تىنىس، ومىرشەڭدىك كۇش قوسىپ، قاشقاردىڭ ورنىقتىلىعىنا، دامۋىنا جاڭا قوزعاۋشى كۇش ۇستەدى.

”شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، مەن قىستاقتىڭ وزگەرىسىن تەرەڭ سەزىندىم، حالىق تۇرمىسىنا تيىمدىلىك جەتكىزەتىن، جۇمىستاندىرۋدى جەبەيتىن، نەگىزدى بەكەمدەيتىن توپ - توپ نىسانداردىڭ تياناقتانىپ، تامىر تارتۋى بۇقارا كوڭىل ءبولىپ وتىرعان كوپتەگەن ماسەلەلەردى شەشتى. شينجياڭعا باعىتتامالى كومەكتەسۋ قىزمەتىندە دالمە - ءدال كۇش سالۋ بىزگە شينجياڭعا كومەكتەسۋ سۇيىسپەنشىلىگىنىڭ ۇيىستىرىلعاندىعىن، شينجياڭعا كومەكتەسۋ كۇش - قۋاتىنىڭ توپتالعاندىعىن سەزىندىردى“، - دەدى جاڭاءشار اۋدانى يەڭاۋات اۋىلى گۇندۇلقۇم قىستاعىنىڭ كادرى يلحام روزى، - ”ءبىز 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ ورنالاستىرۋىن بەلسەنە تياناقتاندىرىپ، شينجياڭعا كومەكتەسۋ بايلىعىنان ويداعىداي، يكەمدى پايدالانىپ، شينجياڭنىڭ قوعام ورنىقتىلىعى مەن باياندىتىنىشتىعىن جۇزەگە اسىرۋعا ۇلەس قوسامىز“.

قۇلجا قالاسى بايانداي قالاشىعى سۋلى الماتى قىستاعىنىڭ تۇرعىنى قامارگۇل تۇرعان تەبىرەنىپ بىلاي دەدى: بيىل جياڭسۋ ولكەسى نانجيڭ قالاسىنىڭ شينجياڭعا كومەكتەسۋ نىسانىنىڭ قولداۋىندا، قىستاق قول كەستە شەبەرحاناسىن جانە ”بەيزاتتىق مادەني مۇرا“ بويىنشا مادەنيەتتە جاڭالىق اشۋ ونىمدەرى كورمەلەۋ - ساتۋ زالى، ماشينا كەستە سەحى سياقتىلاردى سالۋدى باستادى، نىسان سالىنىپ بىتكەن سوڭ قىستاقتاعى 42 ايەلدى ورنىقتى جۇمىستانۋعا جەتەكتەيدى، سونداي - اق قازاق ۇلتىنىڭ كەستە ونەرىنىڭ ءونىمدى قورعالۋى مەن جالعاستىرىلۋىنا مۇمكىندىك جاسايدى.

”شينجياڭعا كومەكتەسۋ نىسانىنىڭ ىسكە قوسىلۋى مەن ساياحات ەستەلىك بۇيىمدارىنىڭ اشىلۋى ارقىلى ءبىز سياقتى وتباسى ايەلدەرىنىڭ ىستەيتىن جۇمىسى، اينالىساتىن ءىسى بولدى، ءبىر ونەر ۇيرەنۋمەن بىرگە ۇيدەگى ’جارتى الەمدى‘ تۇلعالادىق، كۇندەرىمىز، ءسوزسىز، بارعان سايىن جاقسارا تۇسەدى“. بايۋ باستاماشىسى قامارگۇلدىڭ ايتۋىنشا، بۇدان كەيىن، ول قىستاقتاعى اپەكە - سىڭلىلەردى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، كۇندەرىن بارعان سايىن شالقىتا تۇسۋگە باستاماقشى ەكەن.

　　قايراتتانا ەكپىندەي العا ىلگەرىلەيمىز

شينجياڭعا باعىتتامالى كومەكتەسۋ قىزمەتىنىڭ ”قان جاساۋ“ يقۋاتىنىڭ ۇزدىكسىز كۇشەيۋىنە ىلەسە، كومەك قابىلداعان جەردىڭ ىشكى قوزعاۋشى كۇشى ۇزدىكسىز قاۋلاي ءتۇستى. كومەك قابىلداعان جەرلەردەگى بۇقارانىڭ قويۋ العىس سۇيىسپەنشىلىگى ىنتىماقتاسا ەكپىندەي ىلگەرىلەيتىن قۇدىرەتتى قوزعاۋشى كۇشكە اينالدى.

سوڭعى جىلدارى، حىبەي ولكەسىنىڭ لاڭفاڭ قالاسى يانچي حۇيزۋ اۆتونوميالى اۋدانىنا وقۋ - اعارتۋ، ەمدەۋ، كاسىپ سالاسى، دارىندىلار جاعىنان وراسان زور كومەك كورسەتىپ، ىلگەرىندى - كەيىندى 210 ميلليون يۋان شينجياڭعا كومەكتەسۋ قارجىسىن قوسىپ، 6 ۇلكەن تۇردە 31 ءتۇرلى نىسان اتقارىپ، يانچي حۇيزۋ اۆتونوميالى اۋدانى ەكونوميكاسىنىڭ، قوعامىنىڭ جىلدام دامۋىنا جان - جاقتىلى دەم بەردى.

”بۇدان كەيىن، ءبىز لاڭفاڭ قالاسىنا دەگەن العىس سۇيىسپەنشىلىكتى ىنتىماقتاسا ەكپىندەي ىلگەرىلەۋدەگى قۇدىرەتتى قوزعاۋشى كۇشكە ونان ارى اينالدىرىپ، 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، شينجياڭعا كومەكتەسۋ جەتىستىكتەرىنىڭ بۇكىل اۋدانداعى ءار ۇلت بۇقاراسىنا پايدا جەتكىزۋىنە مۇمكىندىك جاسايمىز“، - دەدى يانچي حۇيزۋ اۆتونوميالى اۋداندىق پارتكوم ۇيىمداستىرۋ ءبولىمى (مەملەكەت قىزمەتكەرلەرى مەكەمەسى) دارىندىلار ارقىلى شينجياڭعا كومەكتەسۋ كەڭسەسىنىڭ كادرى ما گاڭ - اۋ.

7 - ايدىڭ 22 - كۇنى، قۇمىل جوعارى، جاڭا تەحنيكالىق كاسىپ سالالارىن اشۋ رايونىندا، شينجياڭ تيانشانچيڭ ءسۇت كاسىبى عىلىم - تەحنيكا جارنا شەكتى سەرىكتەستىگىنىڭ جۇمىسشىلارى گۋاڭدۇڭ ولكەسىنەن كەلىپ تۇسكەن زاكازدى ءوندىرىپ جاتىر ەكەن. وسى سەرىكتەستىكتىڭ ％60تەن استام جۇمىسشىسى بۇرىن تۇگەلدەي ەگىنشى - مالشى بولىپ، سەرىكتەستىك سيىر ءسۇتىن نەگىزىنەن توڭىرەكتەگى اۋىل - قالاشىقتاردان ساتىپ الادى ەكەن. سوڭعى جىلدارى حىنان ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ بەلسەنە سايكەستىرۋىندە، سەرىكتەستىك قۇمىل قالاسىنداعى ءاسىلى جۇمىسىن، ءوندىرىسىن توقتاتقان ءبىر ءسۇت ونىمدەرىن وڭدەۋ كاسىپورنىن قايتادان ىسكە قوسقاننان كەيىن، ول كۇنىنە 200 توننا سۇيىق كۇيدەگى ءسۇتتى ءبىر جايلى ەتە الاتىن ءوندىرىس جەلىسىنە جانە 10 نەشە ايران، جەمىس ءشىرىنى قوسىلعان ءسۇت ءوندىرىس جەلىسىنە يە بولدى ءارى سەرۋەندىك مال فەرماسىن سالدى. سەرىكتەستىك باس ديرەكتورىنىڭ كومەكشىسى سۇي شاشا مىنانى ءبىلدىردى: حىناننىڭ مەيىرىمىن سەرىكتەستىكتىڭ بارلىق قىزمەتكەرلەرى ەستەرىندە بەرىك ساقتايدى، سونداي - اق ول ءبىزدى العىستى سەزىممەن ەكپىندەي ىلگەرىلەپ، ۋاقىت ۇتا بىلەتىن رۋحپەن تىڭعىلىقتى تۇردە قۇلشىنا ىستەپ، شينجياڭنىڭ اناعۇرلىم كوركەم بولاشاعىن جاراتۋعا كۇش - قۋات قوسۋعا قاي - قاشان دا جىگەرلەندىرىپ تۇرادى.

(ءتىلشى جاڭ جىلي، قاتىناسقان تىلشىلەر سۇڭ ۋيگو، حان چين - يان، جاڭ تيڭ، دۋ جيانحۇي، ۋي يۇڭگۇي)