باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
قۇربان ايت مەرەكەسى دەمالىسى كەزىندە رايونىمىز ەل ىشىنەن 4 ميلليون 700 مىڭ ادام - رەتتەن استام ساياحاتشى قابىلدادى
2021-07-25 12:12:46     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

انار بۇلت / شينجياڭ گازەتىنىڭ ءتىلشىسى ياۋ گاڭ 7 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋعا قاراعاندا: قۇربان ايت مەرەكەسى دەمالىسى كەزىندە (7 - ايدىڭ 20 - كۇنىنەن 22 - كۇنىنە دەيىن) بۇكىل رايونىمىز جيىنى ەل ىشىنەن 4 ميلليون 740 مىڭ 700 ادام - رەتتەن استام ساياحاتشى قابىلداپ، ساياحات كىرىسى 3 ميلليارد 562 ميلليون يۋان بولعان.

بيىل ”1 - مامىر“ دەمالىسى كەزىندە بۇكىل رايون جيىنى ەل ىشىنەن 5 ميلليون 1100 ادام - رەت ساياحاتشى قابىلداپ، ساياحات كىرىسى 4 ميلليارد 311 ميلليون يۋان بولعان. بيىل الدىڭعى جارتى جىلدا، شينجياڭ 88 ميلليون 40 مىڭ 400 ادام - رەت ساياحاتشى قابىلدادى. جاز كەلگەننەن بەرى شينجياڭنىڭ ساياحاتى ۇزدىكسىز قىزۋ ورلەۋگە كوتەرىلدى. وسى دەمالىس كەزىندە تاعى ءبىر قاۋىرت مەزگىلدى قارسى الدى.

شينجياڭ زەردەلى ساياحات باسقارۋ تەكشەسىنىڭ ساناعىنا نەگىزدەلگەندە مەرەكە دەمالىسى كەزىندە قابىلداعان ساياحاتشى مولشەرى جاعىندا الدىڭعى 3 ورىنداعى كورىنىس ءوڭىرى تيانشان بوعدا كولى كورىنىس ءوڭىرى، سايرام كولى كورىنىس ءوڭىرى مەن نارات كورىنىس ءوڭىرى بولعان. تيانشان بوعدا كولى كورىنىس ءوڭىرى جيىنى 92 مىڭ 400 ادام - رەت ساياحاتشى قابىلداپ، 2019 - جىلعى سايكەس مەزگىلدەن %19 ارتقان.

ساياحاتقا ويداعىداي قىزمەت وتەۋ ءۇشىن، جەر - جەر قوعامعا مادەنيەت جانە ساياحات بازارى ارىز - شاعىم قىزمەت وتەۋ ىستىق لەنيالى تەلەفونىن جاريالاپ، ساياحاتشىلاردىڭ ارىز - شاعىمىنا شەكتى ۋاقىتتا جاۋاپ قايتاردى ءارى كورىنىس وڭىرىندە ەرىكتى قىزمەت وتەۋ ورنى سياقتىلاردى قۇرىپ، ساياحاتشىلاردىڭ ساياحات بارىسىندا جولىققان قيىنشىلىعىن شەشۋىنە كومەكتەستى.

مەرەكە كەزىندە، قىزىل ساياحات قىزۋ القاۋعا بولەندى. كوكيار ەسكەرتكىش سارايى، شۋىرما قۇرباندار قابىرستانى، جۇڭگو جۇمىسشى - شارۋا قىزىل ارمياسى باتىس باعىت ارمياسىنىڭ شينجياڭعا شەرۋ تارتۋ ەسكەرتكىش باقشاسى سياقتى جەرلەر كوپتەگەن ساياحاتشىلاردى قارسى الدى.

جەر - جەر ءبىر توپ مادەنيەت مازمۇنى باي، وزىندىك ەرەكشەلىككە يە، فورماسى الۋان ءتۇرلى ساياحات قيمىلدارىن ورىستەتىپ، قۋانىشتى، شات - شادىمان مەرەكەلىك راي قالىپتاستىردى. حوتان قالاسى تۋانچىڭ كورىنىس وڭىرىندە لوپ اۋدانىنان كەلگەن حالىق ونەرپازدارى مەن ساياحاتشىلار شاتتانا بيگە باستى.

ءوز اۆتوكولىگىمەن ساياحاتتاۋ ءۇرتىس دۋماندى بولدى. 7 - ايدىڭ 21 - كۇنى مايتاۋ - كۇشار تاس جولى بويىنداعى شيحۋ قالاسى بايياڭگوۋ قالاشىعى ۋسىتۋ كورىنىس وڭىرىندە بۇكىل مەملەكەتتىڭ جەر - جەرىنەن كەلگەن اۆتوكولىكتەر توقتادى. ۇعىسۋعا قاراعاندا، مايتاۋ - كۇشار تاس جولىندا كۇن سايىن قاتىناعان اۆتوكولىك سانى 10 مىڭنان اسقان.

مەرەكە كەزىندە، ساياحاتشىلار ءۇي ىشىندەگىلەرمەن سىرتقا شىقتى، مادەنيەتتى سەزىنۋ، ساياحاتقا قىزمەت وتەۋ، سەيىل - سەرۋەن قۇرۋ سياقتى كوپتەگەن يقۋاتى ءبىر تۇلعالانعان ساياحات شاعىن قالاشىقتارى، شارۋالار شاتتىعى ساياجايى سياقتىلار قارسى الۋعا بولەنىپ، ساياحاتشىلاردىڭ جاقىن ماڭدا ساياحاتتايتىن نەگىزگى جەرلەرىنە اينالدى.