باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
اۆتونوميالى رايوننىڭ ءتۇيىندى وڭىرلەردەگى سۋ قويمالارىنىڭ حاۋىپسىزدىگىن باسقارۋ جونىندەگى بەينە ەكراندىق ورنالاستىرۋ ءماجىلىسى اشىلدى
2021-07-27 16:58:38     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

انار بۇلت / شينجياڭ گازەتىنىڭ ءتىلشىسى ساۋ حۋا 7 - ايدىڭ 25 - كۇنى ۇرىمجىدەن حابارلايدى. 7 - ايدىڭ 25 - كۇنى تۇستەن كەيىن اۆتونوميالى رايون ءتۇيىندى وڭىرلەردەگى سۋ قويمالارىنىڭ حاۋىپسىزدىگىن باسقارۋ جونىندە بەينە ەكراندىق ورنالاستىرۋ ءماجىلىسىن اشتى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

ءماجىلىس مىنالاردى اتاپ كورسەتتى: اۆتونوميالى رايوندىق پارتكوم مەن ۇكىمەت اپاتتان ساقتانۋ، اپات زيانىن ازايتۋ جانە سۋ قويمالارىنىڭ حاۋىپسىزدىگى قىزمەتىنە باسا ءمان بەرىپ، ىلگەرىندى - كەيىندى اۆتونوميالى رايوننىڭ تاسقىننان ساقتانۋ، قۋاڭشىلىققا قارسى اتتانۋ جونىندەگى تەلەۆيزور - تەلەفون ءماجىلىسى، سۋ اپاتى مەن قۋاڭشىلىق اپاتىنان ساقتانۋ ءماجىلىسى، سۋ قويمالارىنىڭ تاسقىن مەزگىلىنەن حاۋىپسىز ءوتۋى جونىندەگى بەينە ەكراندىق ورنالاستىرۋ ءماجىلىسى، اپاتتان ساقتانۋ، اپات زيانىن ازايتۋ، اپاتتان قۇتقارۋ جونىندەگى شۇعىل بەينە ەكران ءماجىلىسى سياقتىلاردى اشىپ، ءتۇيىندى ورنالاستىرۋ جاسادى، نەگىزگى باسشىلار دا تالاي رەت نۇسقاۋ بەرىپ، بەكىتۋ جازىپ، ايقىن تالاپتار قويدى.

ءماجىلىس مىنالاردى باسا دارىپتەدى: سۋ قويمالارىنىڭ حاۋىپسىزدىگى حالىقتىڭ ءومىرىنىڭ، مال - مۇلكىنىڭ حاۋىپسىزدىگىنە، قوعامنىڭ حاۋىپسىزدىگىنە، مەملەكەتتىڭ حاۋىپسىزدىگىنە سايادى. قازىر رايونىمىز نەگىزگى تاسقىن مەزگىلىنىڭ ”قاۋىرت“ شەشۋشى كەزەڭىنە ءوتتى، ءىشىنارا وڭىرلەر جەر سىلكىنىسىنىڭ ءجيى تۋىلۋ مەزگىلىنە ءدوپ كەلىپ وتىر، ونىڭ ۇستىنە بۇكىل رايوندا جوعارى تەمپەراتۋرالى اۋا رايى جالعاسىپ، اسقار تاۋلارداعى قاردىڭ ەرۋىنەن، مۇزدىڭ ەرۋىنەن بولاتىن تاسقىننىڭ تۋىلۋ مۇمكىندىگى ارتىپ وتىر، جەر سىلكىنىسىنەن ساقتانىپ، اپات زيانىن ازايتۋ، تاسقىننان ساقتانۋ، اپاتقا قارسى اتتانۋ جاعدايى اۋىر دا كۇردەلى. جەر - جەر، تاراۋلار حالىق بۇقاراسىنىڭ ومىرىنە، مال - مۇلكىنە بارىنشا جاۋاپتى بولۋ پوزيتسياسىمەن ءتۇيىندى وڭىرلەردەگى سۋ قويمالارىنىڭ حاۋىپسىزدىگىن باسقارۋ قىزمەتىن شىن مانىندە ويداعىداي يگەرىپ، سۋ قويمالارىنىڭ حاۋىپسىزدىگىنە جانە حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىنە باتىل شىنايى كەپىلدىك ەتۋى كەرەك.

ءماجىلىس مىنالاردى تالاپ ەتتى: جەر - جەر، تاراۋلار شارالاردى تياناقتاندىرۋدى كۇشەيتىپ، سۋ قويمالارىندا جەر سىلكىنىسىنەن ساقتانۋ، اپات زيانىن ازايتۋ قىزمەتتەرىن بار كۇشپەن ويداعىداي يگەرىپ، سۋ قويمالارىنىڭ حاۋىپسىزدىگىندەگى كومەسكى قاتەرلەردى ءبىر شەتىنەن تەكسەرۋ جانە كومەسكى قاتەرلەردى رەتتەۋ - جونگە سالۋ قىزمەتىن شىن مانىندە ورىستەتىپ، سۋ قويمالارىنىڭ جەر سىلكىنىسىنەن ساقتانۋ، اپات زيانىن ازايتۋ بويىنشا توتەنشە جاعدايعا توتەپ بەرۋ دايىندىق جوباسىن كەمەلدەندىرىپ ءارى شۇعىل جاعدايعا توتەپ بەرۋ جاتتىعۋىن كۇشەيتىپ، جاۋاپكەرشىلىكتى ونان ارى ناقتىلاندىرىپ، سۋ قويمالارىنىڭ حاۋىپسىزدىگى بويىنشا جەر سىلكىنىسىنەن ساقتانۋ، اپات زيانىن ازايتۋ، اپاتتان قۇتقارۋ قىزمەتى قامتاماسىزدىعىن شىن مانىندە كۇشەيتۋ كەرەك.