شينجياڭ ەلەكتر تورى

الدىڭعى جارتى جىلدا 67 ءتۇرلى 35 كيلوۆولتتىق جانە ودان جوعارى ەلەكتر جەتكىزۋ، كەرنەۋ وزگەرتۋ ينجەنەرياسىن وندىرىسكە قوستى

انار بۇلت / شينجياڭ گازەتىنىڭ ءتىلشىسى چىن چياڭۋي 7 - ايدىڭ 25 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋعا قاراعاندا، بيىل جىل باسىنان بەرى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى 750 كيلوۆولتتىق نەگىزگى تور تۇعىرىن تولىقتاۋ، كۇشەيتۋ، شينجياڭنىڭ ەلەكترىن سىرتقا جەتكىزۋگە سايكەستى ەلەكتر جەتكىزۋ ينجەنەرياسى سياقتى ەلەكتر جەلى ينجەنەريالارىن ۇزدىكسىز ىلگەرىلەتكەن. الدىڭعى جارتى جىلدا جيىنى 67 ءتۇرلى 35 كيلوۆولتتىق جانە ودان جوعارى ەلەكتر جەتكىزۋ، كەرنەۋ وزگەرتۋ ينجەنەرياسىن وندىرىسكە قوسىپ، شارپيتىن جەلى ۇزىندىعىن 2567 كيلومەترگە، كەرنەۋ وزگەرتۋ سيىمدىلىعىن 10 ميلليون 120 مىڭ كيلوۆولت - امپەرگە جەتكىزىپ، نەگىزگى تور تۇعىرى قۇرىلىسىن ونان ارى كەمەلدەندىرىپ، اۋىل - قىستاققا سايكەستىرىلگەن جەلىنىڭ ەلەكترمەن قامداۋ قۋاتىن ءونىمدى جوعارىلاتقان.

الدىڭعى جارتى جىلدا، 750 كيلوۆولتتىق نەگىزگى تور تۇعىرىن تولىقتاۋ، كۇشەيتۋ ينجەنەرياسى بويىنشا كۇشار 750 كيلوۆولتتىق كەرنەۋ وزگەرتۋ پۋنكتىنىڭ سيىمدىلىعىن ارتتىرۋ جانە كۇشار - اقسۋ - مارالباسىⅡقايتىمدى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سالىنىپ ءبىتىپ، وندىرىسكە قوسىلدى. سونىمەن بىرگە، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى جۇندۇڭ ۋسايۋان بەيسان ەلەكتر ستانسياسى 750 كيلوۆولتتىق سايكەستى جەتكىزۋ ينجەنەرياسىنىڭ جۇمىس جۇرگىزۋ اياق السىن جەدەل ىلگەرىلەتىپ، بارلىق ەلەكتر تورى نىساندارىن مەرزىم بويىنشا وندىرىسكە قوسىپ، شينجياڭنىڭ ەلەكترىن سىرتقا جەتكىزۋدىڭ ءساتتى جۇرىلۋىنە شىنايى كەپىلدىك ەتتى.

وڭتۇستىك شينجياڭنىڭ كومىردى ەلەكترگە اينالدىرۋ ءبىرىنشى مەرزىمدىك ينجەنەرياسى تۇگەلدەي قۇرىلىس باستادى. بيىل مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى 2 ميلليارد 843 ميلليون يۋان قارجى قوسىپ، سايكەستى ەلەكتر تورى قۇرىلىسىن جۇرگىزەدى، ءتۇيىندى تۇردە 750 كيلوۆولتتىق حوتان كەرنەۋ وزگەرتۋ پۋنكتىنىڭ، قاشقار كەرنەۋ وزگەرتۋ پۋنكتىنىڭ سيىمدىلىعىن ارتتىرۋ جانە ياركەن - حوتانⅡكەرى جەلى ينجەنەرياسىن جەدەل ىلگەرىلەتىپ، 7 ءتۇرلى 220 كيلوۆولتتىق، 2 ءتۇرلى 110 كيلوۆولتتىق جانە 15 ءتۇرلى 35 كيلوۆولتتىق ەلەكتر جەتكىزۋ، كەرنەۋ وزگەرتۋ سياقتى ينجەنەريالاردى اتقارىپ، وڭتۇستىك شينجياڭ وڭىرىندەگى 287 مىڭ 100 وتباسى تۇرعىندارىنىڭ ەلەكتردەن پايدالانۋ قاجەتىن قاناعاتتاندىرادى.