باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
وڭىرلىك جاڭالىق اشۋ ارقىلى دەم بەرۋدىڭ جاڭا ارتۋ ۇيەگىن تۇلعالاۋ كەرەك
2021-09-21 22:26:43     كورىلىم:رەت كەلۋ قاينارى:تيانشان تورى  جاۋاپتى رەداكتور:بەرىك وقاباي ۇلى

اۆتونوميالى رايوندىق حالىق ۇكىمەتىنىڭ، عىلىم - تەحنيكا مينيسترلىگىنىڭ، جۇڭگو عىلىم اكادەمياسىنىڭ، شىنجىن قالاسىنىڭ ”4 جاق سەلبەستىگىن“ ىلگەرىلەتۋ ءماجىلىسى اشىلدى

وڭىرلىك جاڭالىق اشۋ ارقىلى دەم بەرۋدىڭ جاڭا ارتۋ ۇيەگىن تۇلعالاۋ كەرەك

انار بۇلت / شينجياڭ گازەتىنىڭ ءتىلشىسى لي ياڭ 9 - ايدىڭ 19 - كۇنى ۇرىمجىدەن حابارلايدى. 9 - ايدىڭ 17 - كۇنى تۇستەن كەيىن اۆتونوميالى رايوندىق حالىق ۇكىمەتىنىڭ، عىلىم - تەحنيكا مينيسترلىگىنىڭ، جۇڭگو عىلىم اكادەمياسىنىڭ، شىنجىن قالاسىنىڭ ”4 جاق سەلبەستىگىن“ ىلگەرىلەتۋ ءماجىلىسى اشىلدى. ماجىلىسكە قاتىناسقان جاقتار ”4 جاق سەلبەستىگى“ مەحانيزمىن تەرەڭدەتىپ، جىبەك جولى ەكونوميكالىق بەلدەۋىنىڭ جاڭالىق اشۋ ارقىلى دامۋعا دەم بەرۋ سىناق رايونى، ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى (تومەندە قىسقارتىلىپ ”ەكى رايون“ دەلىنەدى) قۇرىلىسىن جەدەل ىلگەرىلەتىپ، وڭىرلىك جاڭالىق اشۋ ارقىلى دەم بەرۋدىڭ جاڭا ارتۋ ۇيەگىن كۇش بىرىكتىرە تۇلعالاۋدى بىرگە اقىلداستى.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، عىلىم - تەحنيكا مينيسترلىگى پارتيا باسشىلىق گرۋپپاسىنىڭ شۋجيى، مينيستر ۋاڭ جىگاڭ ماجىلىسكە قاتىناستى ءارى ءسوز سويلەدى.

شوكىرات زاكىر مىنانى ءبىلدىردى: 2016 - جىلى ”4 جاق سەلبەستىگى“ مەحانيزمى ورناتىلعاننان بەرى عىلىم - تەحنيكا مينيسترلىگى، جۇڭگو عىلىم اكادەمياسى، شىنجىن قالاسى شينجياڭنىڭ عىلىم - تەحنيكادا جاڭالىق اشۋ قىزمەتىنە زور كۇشپەن قولداۋ كورسەتتى جانە جەتەكشىلىك ىستەپ كومەكتەستى، ”4 جاقتىڭ“ ءارقايسىسىنىڭ باسىمدىقتارىن تولىق ساۋلەلەندىرۋ ارقىلى شينجياڭ جاڭالىق اشۋ تۇعىرىن تۇلعالاۋ، كاسىپ سالاسىنىڭ تيبىن وزگەرتىپ، دارەجەسىن جوعارىلاتۋ، كەلەلى نىسان قۇرىلىسى، ءتۇزىلىس، مەحانيزم رەفورماسى، عىلىم - تەحنيكا دارىندىلارىن جەتىلدىرۋ، ەنگىزۋ سياقتى جاقتاردا كەزەڭدىك ناتيجەلەرگە قول جەتكىزىپ، جاسامپاز شينجياڭ قۇرىلىسىندا تىڭ ىلگەرىلەۋشىلىكتەرگە قول جەتكىزدى. ”14 - بەسجىلدىق“ مەزگىلىندە ”4 جاق سەلبەستىگى“ مەحانيزمىنىڭ رولىن تولىق ساۋلەلەندىرىپ، جاڭالىق اشۋ ساياسات جۇيەسىن ۇزدىكسىز كەمەلدەندىرىپ، كەلەلى جاڭالىق اشۋ تۇعىرى قۇرىلىسىن جەدەلدەتىپ، كەلەلى نىسانداردان قامال الۋدى بىرگە ورىستەتىپ، ”4 جاق سەلبەستىگىنىڭ“ تەرەڭدەي دامۋىن جەبەۋ كەرەك. ءبىز تۇلعالىق جاۋاپكەرشىلىكتى مۇقيات اتقارىپ، عىلىم - تەحنيكا مينيسترلىگىمەن، جۇڭگو عىلىم اكادەمياسىمەن جانە شىنجىن قالاسىمەن ۇشتاسۋدى، بايلانىس جاساۋدى كۇشەيتىپ، ”ەكى رايون“ قۇرىلىسىنىڭ تىڭ ناتيجەلەرگە قول جەتكىزۋىن ىلگەرىلەتىپ، ”4 جاق سەلبەستىگىنىڭ“ تىڭ جەتىستىكتەرگە قول جەتكىزۋىن، جاڭا بەينە كورسەتۋىن جەبەيمىز.

ۋاڭ جىگاڭ مىنانى ءبىلدىردى: ”4 جاق سەلبەستىگى“ مەحانيزمى ورناتىلعاننان بەرى ءارقايسى جاقتار جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونىن وزەكتى دانەكەر ەتىپ، شينجياڭ ەرەكشەلىگىنە يە جاڭالىق اشۋ ارقىلى دامۋعا دەم بەرۋ جولىن بىرگە قاراستىردى. 5 جىلدان بەرى ءارقايسى جاقتار شەشۋشى تەحنيكالاردان قامال الۋ، تۇعىر دانەكەرى قۇرىلىسى، كاسىپ سالاسىنىڭ تيبىن وزگەرتىپ، دارەجەسىن جوعارىلاتۋ سياقتى جاقتاردا ناقتى سەلبەستىك ورىستەتىپ، ”4 جاق سەلبەستىگىندە“ بەلسەندى ىلگەرىلەۋشىلىكتەرگە قول جەتكىزدى. باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرۋدى، تياناقتاندىرۋدى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋمەن، تياناقتاندىرۋمەن تىعىز ۇشتاستىرىپ، عىلىم - تەحنيكادا جاڭالىق اشۋدى كىرىسۋ ءتۇيىنى جانە لوگيكالىق باستاما ءتۇيىنى ەتىپ، شينجياڭنىڭ جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارۋىن قولداپ، ەكونوميكانىڭ، قوعامنىڭ جوعارى ساپالى دامۋىن جەبەۋ كەرەك. عىلىم - تەحنيكا مينيسترلىگى پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ءارقايسى جاقتاردىڭ ۇزدىكسىز بىرگە باس قوسۋىن، بىرگە كەڭەس وتكىزۋىن، بىرگە ءىس تىندىرۋىن ىلگەرىلەتىپ، ”4 جاق سەلبەستىگىنىڭ“ تەرەڭدەي، ناقتىلانا ءتۇسۋىن، اناعۇرلىم زور رول اتقارۋىن جەبەيدى.

جۇڭگو عىلىم اكادەمياسى پارتيا باسشىلىق گرۋپپاسىنىڭ مۇشەسى، ورىنباسار اكادەميا باستىعى جاڭ تاۋ مىنانى ءبىلدىردى: جۇڭگو عىلىم اكادەمياسى شينجياڭمەن عىلىم - تەحنيكا سەلبەستىگىن ونان ارى تەرەڭدەتىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭنىڭ ەكونوميكالىق، قوعامدىق دامۋىنىڭ كەلەلى جانە كوكەي تەستى عىلىم - تەحنيكالىق قاجەتىمەن ۇشتاستىرىپ، ”ەكى رايون“ قۇرىلىسىنىڭ تىڭ تابىستارعا قول جەتكىزۋىن ىلگەرىلەتەدى.

شىنجىن قالالىق حالىق ۇكىمەتى پارتيا باسشىلىق گرۋپپاسىنىڭ مۇشەسى ياڭ شىڭجۇن مىنانى ءبىلدىردى: ”4 جاق سەلبەستىگىن“ ونان ارى ىلگەرىلەتىپ، ”ەكى رايون“ قۇرىلىسىنا بەلسەنە ات سالىسىپ، نازاردى شينجياڭنىڭ ءتۇيىندى كاسىپ سالاسىنىڭ دامۋىنا شوعىرلاندىرىپ، عىلىم - تەحنيكا جانە كاسىپ سالاسى ارقىلى شينجياڭعا كومەكتەسۋدى ناقتى ىلگەرىلەتىپ، شينجياڭنىڭ ەكونوميكالىق، قوعامدىق دامۋىن جەبەۋگە اناعۇرلىم زور ۇلەس قوسامىز.

عىلىم - تەحنيكا مينيسترلىگى پارتيا باسشىلىق گرۋپپاسىنىڭ مۇشەسى شاۋ شينيۇي ءماجىلىستى باسقاردى. اۆتونوميالى رايون جانە بيڭتۋان باسشىلارىنان پىڭ جيارۇي، ماڭلىك سەيىت، لۋ شۇيپيڭ اۆتونوميالى رايون مەن بيڭتۋاننىڭ ”4 جاق سەلبەستىگى“ قىزمەتىنىڭ ىلگەرىلەۋ احۋالىن جانە بۇدان كەيىنگى قىزمەت وي جەلىسىن تانىستىردى.