انار بۇلت/شينجياڭ گازەتىنىڭ ءتىلشىسى جاڭ يانفاڭ 9 - ايدىڭ 17 - كۇنى ۇرىمجىدەن حابارلايدى. 9 - ايدىڭ 15 - كۇنى اۆتونوميالى رايون ءبىر ءبولىم قارت كادرلاردى ءۇرىمجى قالاسىندا ەكسكۋرسيالاۋعا، ۇيرەنۋگە ۇيىمداستىردى.

8 - ارميانىڭ شينجياڭداعى ءىس باسقارماسىنىڭ ەسكەرتكىش سارايىندا ىلىنگەن شىنايى تاريحي سۋرەتتەر، تىزىلگەن باعالى حۇجاتتار، ناقتى زاتتار ماقتان تۇتارلىق توڭكەرىستىك حيكايالاردان سىر شەرتىپ، ەشتەڭەدەن تايسالمايتىن توڭكەرىستىك رۋحتى ايگىلەدى، قارت كادرلار بۇدان تەرەڭ تاربيە الدى. اۆتونوميالى رايوندىق ساياسي كەڭەستىڭ بۇرىنعى ءتوراعاسى اسحات كەرىمباي بىلاي دەدى: ەسكەرتكىش ساراي جۇڭگو كوممۋنيستەرىنىڭ ۇلتتىڭ تاۋەلسىزدىگى مەن حالىقتىڭ ازاتتىعىنا قول جەتكىزۋ جولىندا شينجياڭدا قايسارلىقپەن توڭكەرىس جانە كۇرەس جۇرگىزگەن تاريحىن جان - جاقتىلى قايتا كورسەتكەن، ەرەكشە تاربيەلىك ءمانى بار. بيىل پارتيا قۇرىلعاندىعىنىڭ 100 جىلدىعى، ءبىز شينجياڭنىڭ دامۋى پارتيانىڭ پارمەندى باسشىلىعىنان ايرىلا المايتىندىعىن ەستە بەرىك ساقتاپ، شينجياڭداعى ءار ۇلت حالقى ماڭگى پارتيانىڭ مەيىرىنە العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شينجياڭدى اناعۇرلىم كوركەم ەتىپ قۇرىپ شىعۋىمىز كەرەك.

مەن ءار جولى بۇل اراعا كەلىپ ەكسكۋرسيالاعاندا، ۇيرەنگەندە تىڭ تابىسقا يە بولعانداي سەزىنەمىن. ءبىز زەينەتكە شىققان بولساقتا، ساياسي قاسيەتىمىزدەن ايرىلماۋىمىز كەرەك. بۇدان بىلاي پارتيا تاريحىن جانە پارتيانىڭ جاسامپاز نازارياسىن اناعۇرلىم ويداعىداي ۇيرەنىپ، قىزىل قان تامىردى ۇزدىكسىز جالعاستىرىپ، ءداۋىر قادامىنا تىعىز ىلەسىپ، شينجياڭنىڭ ءار سالا ىستەرىنىڭ ۇزدىكسىز العا دامۋىن بەلسەنە ىلگەرىلەتۋىمىز كەرەك“، - دەدى اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى حۋاڭ سانپيڭ.

قارت كادرلار ءۇرىمجى اۋدانىنا ورنالاسقان شيانلاي شياۋجىن كۋانجاي شياڭزى مادەنيەت - ساياحات جاياۋلار كوشەسىندە ەكسكۋرسيالاي ءجۇرىپ، ساۋداگەرلەرمەن اڭگىمەلەسىپ، تيجارات جاعدايىن ۇعىستى. وسى جاياۋلار كوشەسى مادەنيەت - ساياحات، سەيىل - سەرۋەن، ەرەكشە ءدامدى تاعام شوعىرلى ءبىر تۇلعالانعان مادەنيەت - ساياحات جالپىلىق نىسانى، بۇل ارادان شينجياڭنىڭ ەرەكشە ءدامدى تاعامدارىن جەۋگە بولادى، ساياحاتشىلار ۇناتاتىن ينتەرنەتتە تانىمال، ءسوزسىز بارۋعا ءتيىستى جەر سانالادى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى ءچوجىپ ەكسكۋرسيالاۋدان كەيىن سۇيىنە بىلاي دەدى: ”جاياۋلار كوشەسىنىڭ جالپى تۇلعالىق جوبالانۋى، ورنالاسۋى ۇيلەسىمدى، ايرىقشا ەرەكشەلىككە يە، سەيىل - سەرۋەن وتكىزەتىن تاماشا ورتا ەكەن. نانشاننىڭ كورىكتى جاراتىلىستىق كورىنىسىنىڭ ارقاسىندا بۇل ارانىڭ دامۋ كومەسكى كۇشى شەكسىز بولادى“.

”شينجياڭداعى ءار ۇلت كادرلارى مەن بۇقارا ءبىر نيەتپەن سەلبەسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، كورنەكتى ونىمدىلىككە قول جەتكىزدى. بۇل ارا شينجياڭنىڭ قوعامىنىڭ جاراسىمدى، ورنىقتى، حالقىنىڭ تىنىش ءومىر، شات - شادىمان تىرشىلىك كەشىرىپ جاتقان تاماشا كارتيناسىنىڭ ءبىر ىقشام كورىنىسى سانالادى“، - دەدى اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى ريزۋان ابەي.

ءۇرىمجى اۋدانى شۇيشيگوۋ قار - مۇز سپورتى ەرەكشە شاعىن قالاشىعى قار - مۇز سپورتى، دەنە شىنىقتىرۋ، سەيىل - سەرۋەندى شوعىرلاندىرا ءبىر تۇلعالاندىرىپ، كوپ ءتۇرلى كاسىپ كۇيىن قامتىعان، قارت كادرلار شاعىن قالاشىققا كەلگەننەن كەيىن، ”ۇلتتىق كەستەشىلىك سارايى“ سياقتى نەگىزگى تاقىرىپتىق كورمە سارايىن ەكسكۋرسيالاپ، ونىمدەردىڭ ساتىلۋ جولىن جانە كىرىستى ارتتىرۋدى جەبەۋ سياقتى احۋالدارىن ۇعىستى. ءۇرىمجى اۋدانى شۇيشيگوۋ قالاشىعىنىڭ پيڭشيلياڭ قىستاعىندا قارت كادرلار حالىقتىق تۇسەلحانالارعا بارىپ، حالىقتىق تۇسەلحانا كاسىپ سالاسىنىڭ دامۋ جاعدايىن باسى − قاسىندا ۇعىسىپ، ساياحات كاسىپ سالاسىنىڭ قىستاقتىڭ تىرەكتى كاسىپ سالاسىنا اينالعاندىعىن ءبىلىپ كوپشىلىك ايرىقشا جەلپىندى.

اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى لي شياڭلين بىلاي دەدى: ”وسى بىرنەشە جىلدا اۆتونوميالى رايوندىق پارتكوم جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، حالىق تۇرمىسىنا تىعىز جاناسىپ ەكونوميكانىڭ جوعارى ساپالى دامۋىن جەبەۋ سياقتى جاقتاردا قىرۋار اسا ءونىمدى قىزمەتتەر ىستەدى. وسى جولعى ەكسكۋرسيالاۋدان، ۇيرەنۋدەن ءبىز تەرەڭ اسەر الدىق. ءۇرىمجى اۋدانى مول ساياحات بايلىعى قاينارىنا سۇيەنىپ، ساياحاتتىڭ جاڭا كاسىپ كۇيىن ۇزدىكسىز بايىتۋدى ىلگەرىلەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، ەگىنشى - مالشىلاردىڭ جۇمىستانۋ ارناسىن كەڭەيتىپ، جوعارى ساپالى دامۋدىڭ جولىنا ءتۇستى“.

ەكسكۋرسيالاۋ، ۇيرەنۋ ارقىلى قارت كادرلار اۆتونوميالى رايوننىڭ ەكونوميكالىق، قوعامدىق دامۋىنا تولىق سەنىم ارتىپ، ءبىر اۋىزدان مىنالاردى ءبىلدىردى: اۋەلگى ماقساتتى، بورىشتى ەستە بەرىك ساقتاپ، ساياسي قاسيەتتى ماڭگى ساقتاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان − اياق وسكەلەڭ ءبىر اۋىزدىلىقتى ساقتاپ، ءوز ابزالدىلىعىمىزدى ساۋلەلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراساتىمىز بەن كۇش - قۋاتىمىزدى ارناۋعا قۇلشىنامىز.