باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
رايونىمىزدان 4 بالا قاتىناسۋعا ۇسىنىس ەتىلدى
2021-09-21 22:57:24     كورىلىم:رەت كەلۋ قاينارى:تيانشان تورى  جاۋاپتى رەداكتور:بەرىك وقاباي ۇلى

”ورتا، باتىس بولىكتەگى جاستار مەن ورەندەردىڭ عارىشقا ۇشۋشىلارمەن بەتپە - بەت سويلەسۋ“ نەگىزگى تاقىرىپتىق قيمىلى باستالدى

رايونىمىزدان 4 بالا قاتىناسۋعا ۇسىنىس ەتىلدى

انار بۇلت / شينجياڭ گازەتىنىڭ ءتىلشىسى ياڭ شۋحان 9 - ايدىڭ 17 - كۇنى ۋىنچاڭنان حابارلايدى. ”قاراشى، بۇل اراداعى اعاشتار ءارى بيىك، ءارى ءتۇزۋ، ءارى جاپ - جاسىل، كورىنىسى ءبىزدىڭ اۋىلداعى اعاشتارعا مۇلدە ۇقسامايدى ەكەن...“ 9 - ايدىڭ 17 - كۇنى گۇما اۋدانى چودا اۋىلى باشچودا باستاۋىش مەكتەبىنىڭ وقۋشىلارى ءىلمينۇر ءومارابىلا مەن سۇبينۇر مامەتتوحتى مۇعالىمدارىنىڭ سەرىك بولۋىندا حاينان ولكەسىنىڭ ۋىنچاڭ قالاسىنداعى عارىشقا ۇشۋ ۋىنچاڭ تاسىمالداۋ بەكەتىنە جەتتى، 2 بالا دابىرلاي تەرەزەنىڭ سىرتىنداعى جاسىل وسىمدىكتەردى كورسەتىپ جەلپىنە اۋىز جاپپاي سويلەپ كەلەدى.

9 - ايدىڭ 17 - كۇنى جۇڭگونىڭ عارىشقا ادام الىپ ۇشۋ ينجەنەرياسى كەڭسەسىنىڭ، مەملەكەتتىك اۋىل - قىستاقتى گۇلدەندىرۋ مەكەمەسىنىڭ جەتەكشىلىك ەتۋىمەن، جۇڭگو عارىشقا ۇشۋ قورى ۇيىمى باس بولىپ وتكىزگەن ”جاستىق كوكتەم مەن جۇلدىزدى اسپاننىڭ تىلدەسۋى“ اتتى ورتا، باتىس بولىكتەگى جاستار مەن وسپىرىمدەردىڭ عارىشقا ۇشۋشىلارمەن بەتپە - بەت سويلەسۋ نەگىزگى تاقىرىپتىق قيمىلى باستالدى. قيمىل ۋاقىتى 5 كۇن بولىپ، سىچۋان، گۇيجوۋ، يۇننان، شيزاڭ، شانشي، گانسۋ، شينجياڭ، حۋنان، ىشكى موڭعۇل، گۋاڭشي، سانشي قاتارلى 10نان استام ورتا، باتىس بولىكتەگى ولكە - اۆتونوميالى رايونداردىڭ جاستارى مەن وسپىرىمدەرى وسى قيمىلعا قاتىناسادى. رايونىمىزدان جيىنى 4 وقۋشى قاتىناسۋعا ۇسىنىس ەتىلدى، باسقا ەكەۋى كوكتوعاي اۋدانى كوكتوعاي قالاشىق ورتا مەكتەبىنىڭ وقۋشىسى قىران بەگزات پەن مۇناربەك الماسبەك.

وسى رەتكى قيمىلدا ورتا، باتىس بولىكتەگى جاستار مەن وسپىرىمدەردى عارىشقا ۇشىرۋ مىندەتىنىڭ ءبىرىنشى شەبىنە بارىپ كورۋگە ۇيىمداستىرىپ، ولاردى ەلىمىزدىڭ عارىش ىستەرىنىڭ دەربەس، ءوزىن الۋەتتەندىرە، جاڭالىق اشا قارىشتاپ شۇعىلالى تابىسقا جەتكەندىگىن شىن مانىندە سەزىنۋگە، ءبىلىمنىڭ تاعدىردى وزگەرتەتىندىگى، ارماننىڭ بولاشاقتى جاراتاتىندىعى سىندى قاراپايىم قاعيدانى تەرەڭدەي سەزىنۋگە، پارتيانىڭ مەيىرىنە العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ جانە ”مەملەكەتتى قۇدىرەتتەندىرۋدە مەن بارمىن“ سىندى سەنىمدى، ۇستانىمدى كۇشەيتۋگە جەتەكتەيدى.

قيمىل ”جاستىق كوكتەم مەن جۇلدىزدى اسپاننىڭ تىلدەسۋى“ دەگەندى نەگىزگى تاقىرىپ ەتكەن، مازمۇنى بالالىق ارماندى ۇشتاۋ، ۋىنچاڭدا ارمانعا جەتۋ، ارمان الاۋىن جالعاۋ سىندى 3 ءبولىمدى قامتيدى. بالالىق ارماندى ۇشتاۋدا ”مەنىڭ كوڭىلىمدەگى كەڭىستىك بەكەتى“ اتتى سۋرەت جاسامپازدىعىن، ”عارىشكەرلەرگە جازىلعان حات“ اتتى حاتتاردى جيۋ، قاتىستى بەينە كەسكىندەردى جيۋ ارقىلى ورتا، باتىس بولىكتەگى جاستار مەن ورەندەردىڭ عارىش ارمانىن قوزداتادى؛ ۋىنچاڭدا ارمانعا جەتۋ اكادەميكتەردى، مامانداردى ۇسىنىس ەتىپ بەتپە - بەت عارىش بىلىمدەرىن ۇيرەتۋدى، ۋىنچاڭ ۇشىرۋ الاڭىنا بارىپ سول جەردىڭ وزىندە كوزدەن كەشىرىپ، حيكىمەتتى راكەتانىڭ ۇشقانداعى سالتاناتتى ساتىنە بىرگە كۋا بولۋدى مەڭزەيدى؛ ارمان الاۋىن جالعاۋ − قيمىل ونىمدىلىگىن تەرەڭدەتەتىن ”كەلەسى جۇمىستى“ تىڭعىلىقتى، ويداعىداي ىستەپ، ورتا، باتىس بولىك رايوندارىنداعى جاستار مەن ورەندەر اراسىندا ءتىپتى دە كەڭ كولەمدە، ءتىپتى دە ىشكەرىلەگەن تۇردە ”عارىش ورلەۋىن“ كوتەرۋدى ىلگەرىلەتىپ، قالىڭ جاستار مەن ورەندەرگە عارىش ارمانىن بەلسەنە جەتكىزىپ، عارىش رۋحىن اسقاقتاتىپ، جەرگىلىكتى ورىننىڭ عىلىم - تەحنيكا، وقۋ - اعارتۋ ىستەرىن دامىتۋدى ىلگەرىلەتۋ.