اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 28 - رەتكى ءماجىلىسى بىرىككەن گرۋپپالار جيىنىن وتكىزدى
الەۋمەتتىك دەنساۋلىق ساقتاۋ قىزمەت وتەۋ جۇيەسى قۇرىلىسى قىزمەتىن ارناۋلى تاقىرىپتا سۇراستىردى
انار بۇلت / شينجياڭ گازەتىنىڭ ءتىلشىسى لياڭ ليحۋا 9 - ايدىڭ 29 - كۇنى ۇرىمجىدەن حابارلايدى. 9 - ايدىڭ 28 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 28 - رەتكى ءماجىلىسى بىرىككەن گرۋپپالار جيىنىن وتكىزىپ، سانجى حۇيزۋ اۆتونوميالى وبلىسى 15 - كەزەكتى حالىق قۇرىلتايى تۇراقتى كوميتەتىنىڭ 40 - رەتكى ماجىلىسىمەن بىرلەسىپ، الەۋمەتتىك دەنساۋلىق ساقتاۋ قىزمەت وتەۋ جۇيەسى قۇرىلىسى قىزمەتى جونىندە ارناۋلى تاقىرىپتا سۇراستىرۋ جۇرگىزدى. بۇل اۆتونوميالى رايوندىق حالىق قۇرىلتايى تۇراقتى كوميتەتىنىڭ تۇڭعىش رەت جوعارى - تومەن بىرلەسىپ قيمىلداۋ جانە جەلىدەن تىس سۇراستىرۋ، جەلىدە بەينە ەكرانمەن ءارقايسى ايماقتىق، وبلىستىق، قالالىق حالىق قۇرىلتايلارىمەن بايلانىس جاساۋ ءتاسىلى ارقىلى جۇرگىزۋى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى ءارى ءسوز سويلەدى.
اۆتونوميالى رايوننىڭ ورىنباسار ءتوراعاسى ليۋ سۋشى جيىنعا قاتىناسىپ، سۇراۋعا جاۋاپ بەردى ءارى پوزيتسيا ءبىلدىرىپ ءسوز سويلەدى. اۆتونوميالى رايون مەن سانجى وبلىستىق حالىق ۇكىمەتى جانە ونىڭ قۇرامىنداعى تاراۋلاردىڭ جاۋاپتىلارى جيىنعا قاتىناسىپ، ”ءبىر سۇراۋعا ءبىر جاۋاپ بەرۋ“ ۇلگىسىندە سۇراۋعا جاۋاپ بەردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ قۇرامىنداعىلاردان جانە اۆتونوميالى رايوندىق حالىق قۇرىلتايى ۋاكىلدەرىنەن 10 ادام، سانجى وبلىستىق حالىق قۇرىلتايى تۇراقتى كوميتەتىنىڭ قۇرامىنداعىلاردان 3 ادام جەكە - جەكە الەۋمەتتىك دەنساۋلىق ساقتاۋ قىزمەت وتەۋ جۇيەسى قۇرىلىسىن، نەگىزگى ساتى الەۋمەتتىك دەنساۋلىق ساقتاۋ قىزمەت وتەۋ قۇرىلىمىن ولشەمدەندىرۋ قۇرىلىسىن كۇشەيتۋ، الەۋمەتتىك دەنساۋلىق ساقتاۋ جوعارى دارەجەلى وقۋ - اعارتۋ دەڭگەيىن جوعارىلاتۋ، دەنساۋلىق ساقتاۋدى باقىلاۋ سياقتى جاقتارداعى ماسەلەلەر جونىندە قاتىستى جاۋاپتى جولداستارعا سۇراۋ سالدى.
وسى ماسەلەلەرگە قاراتا، ليۋ سۋشى مەن قاتىستى جاۋاپتى ادامدار ءبىر - بىردەن جاۋاپ بەرىپ، ناقتى شەشۋ ادىستەرىن جانە جاقسارتۋ شارالارىن ورتاعا قويدى.
شاۋكەت يمىن جيىن سوڭىندا ءسوز سويلەپ بىلاي دەپ اتاپ كورسەتتى: الەۋمەتتىك دەنساۋلىق ساقتاۋ قىزمەت وتەۋ جۇيەسى قۇرىلىسى قىزمەتى جونىندە ارناۋلى تاقىرىپتا سۇراستىرۋ جۇرگىزۋ − باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن دايەكتىلەندىرگەندىك، تياناقتاندىرعاندىق، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋدىڭ، تياناقتاندىرۋدىڭ ناقتى امالياتى. سۇراۋ سالعان، جاۋاپ بەرگەن ەكى جاق بۇكپەسىز سويلەپ، شىن ىقىلاستى، مۇقياتتى بولىپ، ماسەلەنى شەشۋدى ىلگەرىلەتۋ ماقساتىنا جەتتى. اۆتونوميالى رايوندىق حالىق قۇرىلتايى جانە ونىڭ تۇراقتى كوميتەتى حالىقتى وزەك ەتۋ يدەياسىن بەرىك ورناتىپ، زاڭ بويىنشا مىندەت وتەۋگە، باتىلدىقپەن جاۋاپكەرشىلىك ارقالاپ، ىسكەرلىك كورسەتۋگە تاباندى بولىپ، اۆتونوميالى رايوننىڭ الەۋمەتتىك دەنساۋلىق ساقتاۋ قىزمەت وتەۋ جۇيەسى قۇرىلىسىن پارمەندى دە قۋاتتى زاڭمەن جونگە سالۋ تىرەگىمەن جانە زاڭمەن جونگە سالۋ قامتاماسىزدىعىمەن قامدايدى.
شاۋكەت يمىن بىلاي دەپ اتاپ كورسەتتى: ۇكىمەت جانە ونىڭ قۇرامىنداعى تاراۋلار وسى رەتكى ارناۋلى تاقىرىپتا سۇراستىرۋ ناتيجەسىنەن ويداعىداي پايدالانىپ، ولقىلىقتاردى تەكسەرۋ، ساڭلاۋلاردى بىتەۋ، ءالسىز تۇستاردى كۇشەيتۋ جاعىندا تياناقتاندىرۋدى مىقتى يگەرىپ، رەتتەۋ - تۇزەتۋدى جەبەپ، الەۋمەتتىك دەنساۋلىق ساقتاۋ قىزمەت وتەۋ جۇيەسى قۇرىلىسىنىڭ نەگىزىن ۇزدىكسىز نىعايتىپ، بەرىك ورناتىپ، حالىقتىڭ ءومىرىن، حاۋىپسىزدىگىن جانە دەنساۋلىق اقاۋسىزدىعىن قامتاماسىزداندىراتىن ءتۇزىم قالتقىسىن ورناتۋ كەرەك.
شاۋكەت يمىن مىنالاردى تالاپ ەتتى: اۆتونوميالى رايوندىق حالىق قۇرىلتايى تۇراقتى كوميتەتى الەۋمەتتىك دەنساۋلىق ساقتاۋ سالاسىندا ەرەجە شىعارۋ، وزگەرىس ەنگىزۋ قىزمەتىن كۇشەيتىپ، سالامات شينجياڭ قۇرىلىسىن پارمەندى زاڭمەن جونگە سالۋ قامتاماسىزدىعىمەن قامداۋ كەرەك. حالىق قۇرىلتايىنىڭ باقىلاۋىن ۇزدىكسىز كۇشەيتىپ، وسى رەتكى ارناۋلى تاقىرىپتا سۇراستىرۋداعى ”ماسەلەنى رەتتەۋ - وزگەرتۋدىڭ“ ”سوڭعى جارتى بولىك“ قىزمەتىن ۇزدىكسىز ويداعىداي ىستەۋ كەرەك. ۋاكىلدەردى الەۋمەتتىك دەنساۋلىق ساقتاۋ جاعىنداعى باعىت - ساياساتتاردى جانە زاڭ، زاڭ ەرەجەلەردى باستاماشىلدىقپەن ۇگىتتەۋگە، دايەكتىلەندىرۋگە ىنتالاندىرىپ، قولداۋ كورسەتىپ، قۋاتتى الەۋمەتتىك دەنساۋلىق ساقتاۋ قىزمەت وتەۋ جۇيەسىن قۇرۋعا زەيىن - زەردە، كۇش - قۋات ۇيىستىرۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى دۇڭ شينگۋاڭ، باداي، سو يۋە، زۇمىرات وبۇل، توحتى ياقۇپ، مۇقيات جارمۇقامەت، باس حاتشى ءمۇتالىپ روزى جيىنعا قاتىناستى.
اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتى جولداستارى قاتارلىلار جيىنعا سىرتتاي قاتىناستى.