بىرلەسكەن مەملەكەتتەر ۇيىمىنىڭ ينتەرنەت تەلەۆيزياسى ”شينجياڭ جاقسى جەر“ اتىنداعى بەينە ەكران اۋىس - كۇيىس ءماجىلىسىن سول ارادا تىكە تاراتتى

　　شينجياڭنىڭ ەرتەڭىنىڭ ءتىپتى دە گۇلدەنۋىن، كوركەم بولۋىن تىلەيمىز

انار بۇلت / شينجياڭ گازەتىنىڭ ءتىلشىسى جاڭ يۇنمەي 10 - ايدىڭ 1 - كۇنى ۇرىمجىدەن حابارلايدى. 9 - ايدىڭ 29 - كۇنى كەشتە شينجياڭ ۇيعۇر اۆتونوميالى رايونى مەن جۇڭگونىڭ بىرلەسكەن مەملەكەتتەر ۇيىمىندا تۇراقتى تۇراتىن ۋاكىلدەر ۇيىرمەسى ”شينجياڭ جاقسى جەر“ اتىنداعى بەينە ەكران اۋىس - كۇيىس ءماجىلىسىن بىرگە وتكىزدى.

ءار ەلدىڭ بىرلەسكەن مەملەكەتتەر ۇيىمىندا تۇراتىن تۇراقتى ۋاكىلدەرى، ورىنباسار ۋاكىلدەرى، ديپلوماتتارى جانە بىرلەسكەن مەملەكەتتەر ۇيىمى ورگاندارىنىڭ ءمانساپتىلارى، جۇڭگو - شەتەل اقپارات قۇرالدارىنىڭ تىلشىلەرى، ۇكىمەتتىك ەمەس ۇيىمداردىڭ ۋاكىلدەرى قاتارلىلاردان شامامەن 120 ادام ماجىلسىكە قاتىناستى. بىرلەسكەن مەملەكەتتەر ۇيىمىنىڭ ينتەرنەت تەلەۆيزياسى اۋىس - كۇيىس ءماجىلىسىن سول ارادا تىكە تاراتتى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءسوز سويلەگەندە مىنالاردى ءبىلدىردى: جۇڭگو كوممۋنيستىك پارتياسىنىڭ 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، شينجياڭ حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدى جانە حالىق تۇرمىسىن جاقسارتۋدى ىلگەرىلەتۋدە بۇرىن بولماعان تابىستارعا قول جەتكىزدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز نىعايدى. الايدا سوڭعى ءبىر مەزگىلدە امەريكاداعى جانە باتىستاعى ءىشىنارا مەملەكەتتەردەگى جۇڭگوعا قارسى كۇشتەر شينجياڭداعى ءار ۇلت حالقى تاماشا تۇرمىس كەشىرگەن شىندىقپەن ساناسپاي، ەشقانداي تياناقسىز، ەشقانداي دالەلسىز، ەشقانداي نەگىزسىز تۇردە شينجياڭنىڭ ”اتىنا داق سالدى“، شينجياڭدى ”تۇرپايىلاندىرىپ كورسەتتى“، اۋەلى، شينجياڭ ”ءناسىل جويۋ قىلمىسىن“ وتكىزدى دەگەن عاسىرلىق وسەك - اياڭدى ويدان قۇراستىرىپ شىعاردى، ولاردىڭ بۇلاي ىستەۋىنىڭ تۇپكىلىكتى ماقساتى − شينجياڭنىڭ حاۋىپسىزدىگىن، ورنىقتىلىعىن ءبۇلدىرۋ، جۇڭگونىڭ دامۋىنا، زورايۋىنا كەدەرگىلىك جاساۋ. ءبىز بۇنى قاتاڭ جازعىرامىز جانە وعان باتىل قارسى تۇرامىز!

جۇڭگونىڭ بىرلەسكەن مەملەكەتتەر ۇيىمىندا تۇراتىن تۇراقتى ۋاكىلى جاڭ جۇن ءسوز سويلەگەندە مىنالاردى ءبىلدىردى: جاقىنعى 4 جىلدان استام ۋاقىتتان بەرى شينجياڭدا بىردە - ءبىر زورلىقتى كۇش لاڭكەستىك وقيعاسى تۋىلمادى، قوعامى ىنتىماقتى، ورنىقتى بولدى، ەكونوميكاسى ۇزدىكسىز جاقساردى، ءار ۇلت حالقىنىڭ تۇرمىس ورەسى ۇزدىكسىز جوعارىلادى. ءبىراق امەريكاداعى جانە باتىستاعى ءىشىنارا مەملەكەتتەردەگى جۇڭگوعا قارسى كۇشتەر بۇعان تۋرا قاراعىسى كەلمەدى، تۋرا قاراۋدى ويىنا دا المادى. ولاردىڭ شينجياڭ ماسەلەسىن دابىرالاۋى، قوس ولشەم قولدانۋى شينجياڭنىڭ وبرازىنا كۇيە جاعىپ، جەرگىلىكتى ورىنداعى كاسىپ سالالارىنا سوققى بەرىپ، جۇڭگونىڭ دامۋىن بىلىقتىرۋ. جاڭ جۇن امەريكاداعى جانە باتىستاعى ءىشىنارا مەملەكەتتەردەگى جۇڭگوعا قارسى كۇشتەرگە مىنانى قاتاڭ ەسكەرتتى: ادامدىق ۇقىق سەندەردىڭ ساياسي قۇرالدارىڭ ەمەس، ەشكىم دە شينجياڭنىڭ ادامدىق ۇقىعىنا جۇڭگو ۇكىمەتى مەن حالقىنداي اناعۇرلىم كوڭىل بولگەن ەمەس. شينجياڭ ماسەلەسىن جەلەۋ ەتىپ جۇڭگونىڭ ىشكى ىسىنە كيلىگۋ، جۇڭگونىڭ دامۋىن تەجەۋ قاسكۇنەمدىگى ءبارى ءبىر، ءسوزسىز، جەڭىلىسكە ۇشىرايدى!

ماجىلىستە پاكيستان، رەسەي، ەريترەيا، ساۋد ارابياسى، كۋبا، يران، ماراككو، سيريا سياقتى ەلدەردىڭ ۋاكىلدەرى ىركەس - تىركەس ءسوز سويلەپ مىنالاردى ءبىلدىردى: بەينە ەكراندا اۋىس - كۇيىس جاساۋ ارقىلى شينجياڭدا شىنايى تۋىلعان بارلىق ءىستى تۇسىندىك، شينجياڭنىڭ دامۋدا قول جەتكىزگەن وراسان زور تابىستارىن، وتە - موتە، ادامدىق ۇقىقتى قورعاۋ سياقتى جاقتاردا قول جەتكىزگەن تابىستارىن القايمىز. كوپشىلىك ءبىر اۋىزدان بىلاي دەپ قارادى: قازىر ءىشىنارا مەملەكەتتەردىڭ وسەك - اياڭ جانە جالعان ينفورماتسيا شىعارىپ تاراتۋى، سونداي - اق ءىشىنارا ەشقانداي نەگىزسىز جازعىرۋى، ءىس جۇزىندە باسقا ەلدىڭ ىشكى ىسىنە كيلىگۋ ءۇشىن بولىپ وتىر. ولاردىڭ قىلىقتارى بىرلەسكەن مەملەكەتتەر ۇيىمىنىڭ ادامدىق ۇقىق القالار كەڭەسىنىڭ نەگىزگى پرينسيبىنە قايشى كەلگەندىك. ءبىز ادامدىق ۇقىقتى ساياسيلاندىرۋعا قارسى تۇرامىز، جۇڭگومەن بىرگە تىزە قوسا وتىرىپ ءارقانداي ەل مەن قۇرىلىمنىڭ ادامدىق ۇقىقتى جەلەۋ ەتىپ، جۇڭگونىڭ ىشكى ىسىنە كيلىگۋىنە قارسى تۇرامىز. ءبىز جۇڭگونىڭ شينجياڭىنىڭ قولدانعان حالىقتىڭ ۇقىق - مۇددەسىن قورعاۋ شارالارىن بۇكىلدەي قولدايمىز، جۇڭگوعا كۇيە جاعۋعا، شينجياڭعا كۇيە جاعۋعا ۇرىنعان ءارقانداي ارەكەتتەرگە قارسى تۇرامىز. شينجياڭنىڭ ەرتەڭىنىڭ ءتىپتى دە گۇلدەنۋىن، كوركەم بولۋىن تىلەيمىز.

شينجياڭ ءىسلام ءدىنى قوعامىنىڭ باستىعى، شينجياڭ ءىسلام ءدىنى شۋەيۋانىنىڭ باستىعى ابدۇرىقىپ ءتومۇرنياز شينجياڭداعى ءدىني سەنىم ەركىندىگى جاعدايى جانە شينجياڭنىڭ ءدىني ورىنداردىڭ شارت - جاعدايىن جاقسارتۋى سياقتى جاعدايلاردى تانىستىردى. ءماجىلىس تاعى شينجياڭدا تۋىلعان زورلىقتى كۇش لاڭكەستىك دەلولارىندا زياندالۋشىلاردى، از ۇلت جانە ايەلدەر ۋاكىلدەرىن، بۇرىنعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىلەردى، ەلەكتروندى ساۋدا كاسىپورىندارىنىڭ جاۋاپتىلارىن قامتىعان، سونداي - اق شينجياڭدا تۇرمىس كەشىرىپ جاتقان شەتەلدىك دوستاردى ۇسىنىس ەتىپ، بەينە ەكران جالعانىم ءتاسىلى ارقىلى شينجياڭنىڭ ناقتى جاعدايىن تانىستىردى.

اۋىس - كۇيىس ءماجىلىسى ۇستىندە «شينجياڭ جاقسى جەر» ارناۋلى تاقىرىپتىق فيلمى، سونداي - اق شينجياڭدا ءدىننىڭ قورعالۋى، زورلىقتى كۇش لاڭكەستىك دەلولارى، ماقتا كاسىپ سالاسىنىڭ دامۋى سياقتىلار بەينەلەيتىن ارناۋلى تاقىرىپتىق بەينەجازبا قويىلدى.

اۆتونوميالى رايون باسشىلارىنان لي شۋەجۇن، ءزۇمرات وبۇل، نۇرىم سىمايىلقان ماجىلىسكە قاتىناستى ءارى ماجىلىسكە قاتىناسقان قۇرمەتتى قوناقتار ورتاعا قويعان شينجياڭنىڭ كەدەيلىكتەن ارىلتۋدان قامال الۋ، مادەنيەتكە مۇراگەرلىك ەتۋ جانە ونى قورعاۋ سياقتى ماسەلەلەر جونىندە اۋىس - كۇيىس جاسادى.