باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جۇڭگونىڭ شينجياڭىنا باعىتتالعان جالعان ۇگىتكە باتىل قارسى تۇرامىز
2021-10-04 16:10:47     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

”شينجياڭ جاقسى جەر“ اتىنداعى بەينە ەكران اۋىس - كۇيىس ءماجىلىسى ۇرىمجىدە جانە ءىسلامابادتا وتكىزىلدى

جۇڭگونىڭ شينجياڭىنا باعىتتالعان جالعان ۇگىتكە باتىل قارسى تۇرامىز


انار بۇلت / شينجياڭ گازەتىنىڭ ءتىلشىسى جاڭ يۇنمەي 9 - ايدىڭ 30 - كۇنى ۇرىمجىدەن حابارلايدى. 9 - ايدىڭ 28 - كۇنى ”شينجياڭ جاقسى جەر“ اتىنداعى پاكيستانعا ارنالعان بەينە ەكران اۋىس - كۇيىس ءماجىلىسى ۇرىمجىدە جانە ءىسلامابادتا وتكىزىلدى، ەكى جەردەگى قوعامنىڭ ءار سالاسىنداعى قايراتكەرلەر بەينە ەكران ارقىلى ءوزارا اۋىس - كۇيىس جاساسىپ، ىقپالداستى.

وسى رەتكى اۋىس - كۇيىس ءماجىلىسىن شينجياڭ ۇيعۇر اۆتونوميالى رايونى مەن جۇڭگونىڭ پاكيستاندا تۇراتىن ەلشىلىگى بىرگە وتكىزدى. اۆتونوميالى رايون باسشىلارى لي شۋەجۇن، ءزۇمىرات وبۇل، ماڭلىك سەيىت، نۇرىم سىمايىلحان، جۇڭگونىڭ پاكيستاندا تۇراتىن باس ەلشىسى نۇڭ رۇڭ جەكە - جەكە ۇرىمجىدە جانە ءىسلامابادتا اۋىس - كۇيىس ماجىلىسىنە قاتىناستى.

اۆتونوميالى رايوننىڭ ورىنباسار ءتوراعاسى ماڭلىك سەيىت ارناۋ سوزىندە مىنالاردى ءبىلدىردى: پاكيستان مەن جۇڭگونىڭ شينجياڭىنىڭ تاۋ − سۋى جالعاسقان، گۋمانيتارلىق بايلانىسى جاقىن، ەكونوميكا - ساۋدا، مادەنيەت بارىس − كەلىسىنىڭ تاريحى وتە ۇزاق. اۋىس - كۇيىس ءماجىلىسىن وتكىزۋدە تۇسىنىستىكتى اناعۇرلىم تەرەڭدەتىپ، دوستىقتى كۇشەيتۋدى، سەلبەستىكتى جەبەۋدى ءۇمىت ەتەمىز. جۇڭگو كوممۋنيستىك پارتياسىنىڭ 18 - قۇرىلتايىنان بەرى، پارتيا ورتالىق كوميتەتىنىڭ پارمەندى باسشىلىعىندا، شينجياڭ حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدى ىلگەرىلەتۋدە جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى. الايدا جۋىقتاعى ءبىر مەزگىلدە، امەريكاداعى جانە باتىستاعى ءىشىنارا مەملەكەتتەردەگى جۇڭگوعا قارسى كۇشتەر شينجياڭداعى ءار ۇلت حالقىنىڭ تاماشا تۇرمىس كەشىرىپ جاتقان شىندىعىمەن ساناسپاي، ەشقانداي تياناقسىز، ەشقانداي قيسىنسىز، ەشقانداي نەگىزسىز شينجياڭنىڭ ”اتىنا داق سالىپ“، ”تۇرپايىلاندىرىپ كورسەتتى“، مۇنداعى ماقساتى شينجياڭنىڭ حاۋىپسىزدىگىن، ورنىقتىلىعىن ءبۇلدىرۋ، جۇڭگونىڭ دامۋىنا، زورايۋىنا توسقىندىق جاساۋ. ءبىز مۇنى قاتاڭ جازعىرامىز جانە بۇعان باتىل قارسى تۇرامىز! امەريكاداعى جانە باتىستاعى ءىشىنارا مەملەكەتتەردەگى جۇڭگوعا قارسى كۇشتەردىڭ شينجياڭدى قيسىنسىز جازعىرۋى جۇرت كوڭىلىنە جاقپايدى، اقىرىندا تاريحتىڭ ماسقارالىق دىڭگەگىنە شەگەلەنەدى.

نۇڭ رۇڭ بىلاي دەدى: جۇڭگو - پاكيستان ەكونوميكا - ساۋدا سەلبەستىگى جانە جۇڭگو − پاكيستان ەكونوميكا ءدالىزى قۇرىلىسى شينجياڭنان ايرىلا المايدى، شينجياڭنىڭ ورنىقتىلىعى مەن دامۋى پاكيستانعا پايدا اكەلەدى. الايدا امەريكاداعى جانە باتىستاعى ءىشىنارا مەملەكەتتەردەگى جۇڭگوعا قارسى كۇشتەر اق پەن قارانى شاتاستىرىپ، بۇيرەكتەن سيراق شىعارىپ، شينجياڭعا ساياتىن قىرۋار جالعان ينفورماتسيالاردى جاساپ، تاراتىپ، جۇڭگونىڭ وبرازىنا كۇيە جاعىپ، جۇڭگونىڭ شينجياڭدى جونگە سالۋ ساياساتىن داتتاپ، جۇڭگونىڭ ىشكى ىسىنە كيلىگىپ، حالىقارالىق قوعامنىڭ كوزىن كولەگەيلەۋگە، شينجياڭنىڭ ورنىقتىلىعىنا، دامۋىنا كەدەرگى بولۋعا، ونى بۇلدىرۋگە، اۋەلى، ءبىزدىڭ دوس مەملەكەتتەرمەن ارامىزداعى ءوزارا سەنىمدىلىكتى، سەلبەستىكتى شايقالتۋعا ۇرىندى، مۇنداي سۇرقيا ءىس - ارەكەت پەن ساياسي قاسكۇنەمدىك استە ىسكە اسپايدى!

پاكيستان حالىق پارلامەنتىنىڭ ورىنباسار پارلامەنت باستىعى كاشىم سۋلي ءسوز سويلەگەندە مىنالاردى ءبىلدىردى: پاكيستان مەن جۇڭگونىڭ دوستىق قارىم - قاتىناسى شوگىر شىڭىنان دا بيىك، حالىقاراداعى قارسى كۇشتەردىڭ ەكى ەل اراسىندا ۇعىسپاستىق جانە الاۋىزدىق تۋدىرماق بولۋى ەجەلدەن ىسكە اسىپ كورگەن ەمەس. الدىڭعى ءبىر مەزگىلدە، امەريكاداعى جانە باتىستاعى ءىشىنارا مەملەكەتتەردەگى جۇڭگوعا قارسى كۇشتەر جۇڭگونىڭ شينجياڭىنا قاتىستى جالعان ينفورماتسيالار مەن ساندىراقتاردى تاراتتى. مەن دۇنيە جۇزىنە مىنانى ايتامىن: بۇل ادامدار جۇڭگوعا قاراتقان تۇرعىسى مەن كوزقاراسىن وزگەرتۋى، جۇڭگونىڭ دامۋىن، وتە - موتە، جۇڭگونىڭ شينجياڭىنىڭ دامۋىن بەلسەنە مويىنداۋى كەرەك. بولاشاقتا پاكيستان مەن جۇڭگو اراسىندا ءتىپتى دە كوپ سالالاردا سەلبەستىك ورىستەتىلىپ، ەكى ەل حالقىنا ءتىپتى دە كوپ قۇت - ىرىس الا كەلۋىن ءۇمىت ەتەمىن.

پاكيستاننىڭ ءدىن ىستەرى مينيسترى كادرري شينجياڭعا كوپ رەت كەلىپ، شينجياڭداعى دىندەردىڭ تاتۋلىعىن، ۇلتتاردىڭ ىنتىماعىن تەرەڭ سەزىنگەن، جۇڭگو ۇكىمەتىنىڭ ءدىني سەنىم ەركىندىگىن زاڭمەن قورعاعانىن، جەرگىلىكتى ورىنداعى مۇسىلمان بۇقاراسىنىڭ ءوندىرىس، تۇرمىس شارت - جاعدايىن بەلسەنە جاقسارتقانىن، ءىسلام ءدىنى شۋەيۋانىن قۇرعانىن القايتىنىن ءبىلدىردى. ول بىلاي دەدى: جۇڭگونىڭ شينجياڭىنىڭ گۇلدەنىپ - كوركەيۋى توڭىرەكتەگى ەلدەر مەن رايونداردىڭ گۇلدەنىپ − كوركەيۋىنە پايدالى. ءبىز پاكيستان مەن جۇڭگو ەكى ەلدىڭ گۋمانيتارلىق بارىس - كەلىسىن كۇشەيتىپ، ەكى ەل حالقىنىڭ ءوزارا تۇسىنىگىن جاڭا دەڭگەيگە جوعارىلاتۋىمىز كەرەك.

اۋىس - كۇيىس ماجىلىسىندە «شينجياڭ جاقسى جەر» اتتى ۇگىت فيلمى قويىلدى. شينجياڭداعى نەگىزگى ساتى بۇقاراسى شينجياڭنىڭ ءدىني سەنىم ەركىندىگىن قورعاۋ، ەڭبەكپەن جۇمىستاندىرۋ، از ۇلت مادەنيەت - كوركەمونەرى سالالارىنىڭ قازىرگى جاعدايىن ناقتى مىسالدارمەن تانىستىرىپ، امەريكاداعى جانە باتىستاعى ءىشىنارا مەملەكەتتەردەگى جۇڭگوعا قارسى كۇشتەردىڭ شينجياڭ جونىندەگى وسەك - اياڭىنا تويتارىس بەردى. اۋىس - كۇيىس ماجىلىسىندە شينجياڭنىڭ لاڭكەستىككە سوققى بەرۋ جانە ۇشقارىلىقتى الاستاۋ جاعىنداعى تاجىريبەلەرى، جۇڭگوعا قارسى كۇشتەردىڭ قاساقانا كۇيە جاعۋىنا توتەپ بەرۋدە قولدانعان شارالارى جانە شينجياڭنىڭ جان سانى دامۋى سياقتى جاقتاردا اۋىس - كۇيىس جاسالدى.

پاكيستان كەڭەس پالاتاسى پاكيستان - جۇڭگو دوستىق گرۋپپاسىنىڭ مۇشەلەرى، پاكيستانداعى حۋاچياۋ، حۋارىن قوعامدارىنىڭ ۋاكىلدەرى، پاراسات قويماسى ماماندارى، ءدىن سالاسى قايراتكەرلەرى، بۇكىل پاكيستانداعى ساۋدا - ونەركاسىپشىلەر ۋاكىلدەرى جانە اقپارات مەديالارىنىڭ ۋاكىلدەرى اۋىس - كۇيىس ماجىلىسىنە قاتىناستى.