جاڭ چۇنلين سانجى وبلىسىندا، اقسۋ ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

　　كۇز، قىس ماۋسىمىنداعى اۋىل شارۋاشىلىعى، اۋىل - قىستاق، شارۋالار ءتۇيىندى قىزمەتىن بار كۇشپەن مىقتى يگەرىپ، اۋىل - قىستاقتىڭ گۇلدەنۋىن جاپپاي ىلگەرىلەتۋ كەرەك

انار بۇلت / شينجياڭ گازەتىنىڭ ءتىلشىسى ليۋ شياڭ 10 - ايدىڭ 2 - كۇنى ۇرىمجىدەن حابارلايدى. 9 - ايدىڭ 26 - كۇنىنەن 29 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ىلگەرىندى - كەيىندى سانجى حۇيزۋ اۆتونوميالى وبلىسىنا، اقسۋ ايماعىنا بارىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اۆتونوميالى رايوندىق پارتكومنىڭ قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانىڭ جوعارى ساپالى دامۋى قىزمەتتەرىن تىڭعىلىقتى ىستەۋ جونىندەگى ورنالاستىرۋلارىن دايەكتىلەندىرىپ، تياناقتاندىرىپ، پارتيا تاريحىن ۇيرەنۋ تاربيەسىن ىشكەرىلەي ورىستەتۋدى قوزعاۋشى كۇش ەتىپ، كۇز، قىس ماۋسىمىنداعى اۋىل شارۋاشىلىعى، اۋىل - قىستاق، شارۋالار ءتۇيىندى قىزمەتىن بار كۇشپەن مىقتى يگەرىپ، اۋىل - قىستاقتىڭ گۇلدەنۋىن جاپپاي ىلگەرىلەتىپ، ءار ۇلت بۇقاراسىن اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلتۋ كەرەك.

جاڭ چۇنلين ماناس اۋدانى بيۋچا قالاشىعىنىڭ اۋىل شارۋاشىلىعى ماشينالارى كاسىپتىك سەلبەستىك كووپەراتيۆىنە بارىپ، اۋىل شارۋاشىلىعى ماشينالارى ءوندىرىس حاۋىپسىزدىگى قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتتى. ول بىلاي دەپ اتاپ كورسەتتى: قازىر كۇزگى جيىن - تەرىن مەزگىلى، اۋىل شارۋاشىلىعى ماشينالارىن قورعاۋدى، كۇتىمدەۋدى كۇشەيتىپ، ءورت ءسوندىرۋ - ورتتەن ساقتانۋ حاۋىپسىزدىگىنە كوڭىل ءبولىپ، اۋىل شارۋاشىلىعى ماشينالارىنىڭ جۇمىس حاۋىپسىزدىگىن قامتاماسىز ەتىپ، اۋىل شارۋاشىلىعى ماشينالارىنىڭ جۇمىس ساپاسىن جوعارىلاتۋ كەرەك. وسى زامانعى اۋىل شارۋاشىلىعى ماشينالارى سەلبەستىك كووپەراتيۆى قۇرىلىسىن ۇزدىكسىز كۇشەيتىپ، اۋىل شارۋاشىلىعى ونىمدىلىگىن ارتتىرۋدى، شارۋالاردىڭ كىرىسىن ارتتىرۋدى ونان ارى جەبەۋ كەرەك.

ماناس اۋدانىنىڭ ساپالى ماقتا ءوندىرۋ، قامداۋ - ساۋدا شارۋا - كاسىپورىن سەلبەستىگىنەن ۇلگى كورسەتۋ بازاسى، قۇتىبي اۋدانى ۋگۇڭتاي قالاشىعى ۋگۇڭتاي قىستاعىنىڭ تۇتاسقان اۋماقتى ماقتا اتىزى، كۇشار قالاسى چىمان قالاشىعىنىڭ ىقشام المۇرت ۇلگى كورسەتۋ باعى، شايار اۋدانى نۇرباق اۋىلى جىنشيڭ قىستاعىنىڭ ماقتا ەگۋ بازاسى، ونسۋ اۋدانى توقۇلا اۋىلى داۋيۋان قىستاعىنىڭ كۇرىش بازاسى سياقتى جەرلەردە جاڭ چۇنلين اتىز باسىنا بارىپ، بيىلعى استىقتىڭ، ماقتانىڭ، جەمىس ورمانى ونىمدەرىنىڭ، ت. ب ءوندىرىسى، ەگىمشىلىگى، ساپاسىنىڭ جوعارىلاۋى، بازار قامداۋ - قاجەتى، سونداي - اق باعاسى، ت. ب جاعىنداعى جاعدايلاردى ۇعىستى. ول بىلاي دەپ باسا دارىپتەدى: كۇزگى جيىن - تەرىن قىزمەتىن جوعارى ساپامەن ورىنداپ، دۇمبە ءبيداي ەگۋ مىندەتىن قاز - قالپىندا تياناقتاندىرۋ كەرەك. ماقتا، جەمىس ورمانى ونىمدەرىن، ت. ب ساتىپ الۋ قىزمەتىن تىڭعىلىقتى ىستەپ، ماقتانىڭ ماشينالانعان ءوندىرىس دەڭگەيى مەن سورتتى تۇقىمىنىڭ قامتۋ سالىستىرماسىن جوعارىلاتىپ، جەمىس ورمانىنىڭ سيرەكتىگى مەن تىعىزدىعىن وزگەرتۋ، ءپىشىنىن رەتتەۋ، بۇتاۋ، گۇل مەن جەمىستى سيرەتۋ، دەرت - دەربەزدەن، زياندى جاندىكتەردەن ساقتانۋ جانە ونى تىزگىندەۋ، سورتقا ءبولىپ جيناۋ، ماشينالاندىرىپ باسقارۋ سياقتى عىلمي ەگۋ، باسقارىپ - باپتاۋ تەحنيكالارىن ۇزدىكسىز جالپىلاستىرىپ، جەمىس ونىمدەرىنىڭ ساپاسىن جانە ەگۋدىڭ ونىمدىلىگىن جوعارىلاتۋ كەرەك. قىس ماۋسىمىنداعى اۋىل شارۋاشىلىعى شەبەرلىگىنە باۋلۋ قىزمەتىن شىن مانىندە مىقتى يگەرىپ، پارتيانىڭ شارۋالارعا تيىمدىلىك جاساۋ ساياساتىن كورنەكتىلەندىرىپ، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ، ەگىمشىلىك، باعىمشىلىق قولدانىلمالى تەحنيكاسى سياقتى تۇيىندەردى كورنەكتىلەندىرىپ، شارۋالار قاۋىمىن تاربيەلەۋ - باۋلۋ سەرپىنىن ارتتىرۋ كەرەك.

جاڭ چۇنلين ءىشىنارا اۋدانداردىڭ (قالا) جىلىجايلارىنا، شارۋاشىلىق قۇرۋ، جۇمىستاندىرۋ باقشالارىنا، شارۋالار كاسىپتىك سەلبەستىك كووپەراتيۆتەرىنە بارىپ، قىستاق تۇرعىندارىنىڭ ءوندىرىس - تۇرمىس، كىرىستى ارتتىرىپ بايۋ، كاسىپ سالالارىن دامىتۋ جوباسى سياقتى جاعدايلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: قۇرىلعىلى اۋىل شارۋاشىلىعى، اۋىل شارۋاشىلىعى قوسىمشا ونىمدەرىن مانەرلەۋ، توقىماشىلىق، كيىم - كەشەك كاسىبى سياقتى ەڭبەك شوعىرلانعان كاسىپ سالالارىن بار كۇشپەن دامىتىپ، شارۋالاردى جاقىن ماڭدا، ءوز جەرىندە جۇمىستانۋعا جەتەكتەۋ كەرەك. سونىمەن بىرگە، ءوز جەرىنىڭ ءىس جۇزىندىك جاعدايىن تياناق ەتىپ، مادەنيەت بايلىعىن اشىپ، اۋىل شارۋاشىلىعى ءوندىرىسىنىڭ يقۋاتىن ارتتىرىپ، جەرگىلىكتى جاعدايعا قاراي جۇمىس ىستەپ، اۋىل - قىستاق ساياحاتىنىڭ دامۋىن ىلگەرىلەتىپ، شارۋالاردىڭ كىرىسىن ارتتىرۋ ارناسىن كەڭەيتۋ كەرەك.

تەكسەرۋ - زەرتتەۋ كەزىندە جاڭ چۇنلين تاعى كوپتەگەن شارۋالاردىڭ اۋلالارىن ارالاپ، اۋىل - قىستاق قونىس ورتاسىن رەتتەۋ - جونگە سالۋ قىزمەتىن تەكسەردى. ول بىلاي دەپ باسا دارىپتەدى: اۋىل - قىستاق نەگىزگى ساتى ۇيىمىنىڭ شارۋالارعا قىزمەت وتەۋ قابىلەتى دەڭگەيىن ونان ارى جوعارىلاتىپ، ءىس جۇزىندىك جاعدايمەن ۇشتاستىرىپ يكەمدى ءتاسىل قولدانىپ، قىستاق تۇرعىندارىنا قىزمەت وتەۋ ورتالىعى، قىزمەت وتەۋ تەرەزەسى قۇرىلىسىن كۇشەيتۋ كەرەك. اۋىل - قىستاق دارەتحانالارىن وزگەرتۋ قىزمەتىن كۇشتى شوعىرلاندىرا مىقتى يگەرىپ، جەر - جەردەگى اۋىل - قىستاقتاردىڭ ءىس جۇزىندىك جاعدايىن ەسكەرە وتىرىپ، ”ءبىر وتباسىندا ءبىر دارەتحانا بولۋ“ بويىنشا دارەتحانا وزگەرتۋ ۇلگىسىن ۇيلەسىمدى تاڭداپ، جەتەكشىلىك ەتۋ مەن باقىلاۋ - باسقارۋدى كۇشەيتىپ، قۇرۋ مەن باسقارۋعا بىردەي ءمان بەرۋگە تاباندى بولىپ، كەيىنگى باسقارۋ - كۇتىمدەۋ مەحانيزمىن جەدەل ورناتىپ، شارۋالاردىڭ تۇرمىس ساپاسىن ونان ارى جوعارىلاتۋ كەرەك.