الدىڭعى 3 ماۋسىمدا شينجياڭنان سىرتقا جەتكىزىلگەن ەلەكتر مولشەرى 93 ميلليارد 500 ميلليون كيلوۆات − ساعات بولدى

　　كولەمى تاريحتاعى جوعارى ورەگە جەتتى

انار بۇلت / شينجياڭ گازەتىنىڭ ءتىلشىسى چىن چياڭۋي 10 - ايدىڭ 3 - كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا شەكتى سەرىكتەستىگىنەن ۇعىسۋىمىزشا، بيىل الدىڭعى 3 ماۋسىمدا رايونىمىزدان سىرتقا جەتكىزىلگەن ەلەكتر مولشەرى 93 ميلليارد 500 ميلليون كيلوۆات - ساعاتقا جەتىپ، سايكەس مەزگىلدەگىدەن ％22.4 ارتىپ، كولەمى تاريحتاعى جوعارى ورەگە جەتىپ، ءىشىنارا ولكەلەردىڭ ەلەكترمەن قامداۋى جەتكىلىكسىز بولۋ جاعدايىن باسەيتتى.

بيىل 9 - ايدان بەرى ەلەكترگە بولعان قاجەتتىڭ جىلدام ارتۋى، ەلەكترگە پايدالانىلاتىن كومىرمەن قامداۋ تاپشى بولۋ سياقتى فاكتورلار ىقپالىنان ءبىر ءبولىم ولكە، رايونداردا ەلەكتر قۋاتىندا، ەلەكتر مولشەرىندە جەتىسپەۋشىلىك جارىققا شىقتى. ەنەرگيادا ءىرى رايون رەتىندە، شينجياڭ ءوز باسىمدىعىن تولىق ساۋلەلەندىرىپ، شينجياڭنىڭ ەلەكترىن سىرتقا جەتكىزۋ قابىلەتىن جوعارىلاتۋدى ءبىر تۇتاس جوسپارلاپ، سايكەستىرىپ، ەلەكتر قۋاتىن بازارلاندىرۋ ساۋدا رەت سانىن كوبەيتىپ، حۋادۇڭ، حۋاجۇڭ سياقتى جەرلەردەگى ولكەلەردىڭ ەلەكتر ساتىپ الۋ قاجەتىنە دەر كەزىندە اڭىس قايتاردى جانە ونى قاناعاتتاندىرعان.

بۇكىل ەلدى ەلەكتر قۋاتىمەن قامداۋعا ەڭ زور دارەجەدە قامتاماسىز ەتۋ ءۇشىن، رايونىمىز ەلەكتر قۋاتىن سىرتقا جەتكىزۋ كولەمىن ۇزدىكسىز ارتتىردى، ءۇشىنشى ماۋسىمدا ۇدايى 3 اي بويى سىرتقا جەتكىزىلگەن ەلەكتر قۋاتى مولشەرى 10 ميلليارد كيلوۆات - ساعات بولدى ءارى رايون اتتاعان، ولكە اتتاعان ەلەكتر قۋاتى ساۋداسى تىڭنان 46 رەت ءجۇرىلىپ، ەلىمىزدىڭ ورتا، شىعىس بولىگىن ەلەكتر قۋاتىمەن قامداۋعا كومەك بەرىلدى.

شينجياڭ ەلەكتر قۋاتى ساۋدا شەكتى سەرىكتەستىگى قىزمەتكەرىنىڭ تانىستىرۋىنشا، 93 ميلليارد 500 ميلليون كيلوۆات - ساعات ەلەكتر قۋاتى 28 ميلليون 500 مىڭ توننا ولشەمدى كومىردى ورتەۋدەن تۋاتىن ەلەكتر قۋاتىمەن بارابار. شينجياڭنان سىرتقا 93 ميلليارد 500 ميلليون كيلوۆات - ساعات ەلەكتر قۋاتىن جەتكىزۋ بۇكىل ەلدەگى ءبىر ميلليارد 400 ميلليون تۇرعىننىڭ ءبىر ايداعى تۇرمىستىق ەلەكتر قۋاتى قاجەتىن قاناعاتتاندىرۋمەن بارابار.

شينجياڭنان سىرتقا جەتكىزىلگەن ەلەكتر مولشەرىنىڭ كولەمىن ۇزدىكسىز كەڭەيتۋمەن بىرگە، شينجياڭ ىشىندەگى ەلەكترمەن قامداۋدا دا ۇزدىكسىز ورنىقتىلىقتى ساقتادى. بيىل الدىڭعى ءۇش ماۋسىمدا شينجياڭ ەلەكتر تورىنىڭ تىكە قامداۋ وڭىرىندە ەلەكتردەن پايدالانۋ مولشەرى 114 ميلليارد 300 ميلليون كيلوۆات - ساعاتقا جەتىپ، سايكەس مەزگىلدەگىدەن ％20 ارتىپ، شينجياڭ ىشىندە قامداۋ مەن قاجەتسىنۋ نەگىزىنەن تەپە - تەڭدىكتى ساقتادى.

ەلەكترمەن، كومىرمەن قالىپتى قامداۋعا كەپىلدىك ەتۋمەن بىرگە، شينجياڭ ەلەكتر تورى تاعى اۋا رايى جانە كوتەرىمدىلىك وزگەرىسىنە نەگىزدەلىپ، ەلەكتر قۋاتىنىڭ، ەلەكتر مولشەرىنىڭ تەپە - تەڭدىگىنە تالداۋ جاساۋدى تولاسسىز جۇرگىزەدى، باتىس سولتۇستىكتەگى ءارقايسى ولكە - رايونداردىڭ ەلەكتر قۋاتى ارقىلى ءوزارا كومەكتەسۋىن تىنباي جالعاستىرادى، جاڭا ەنەرگيا ارقىلى ەلەكتر تاراتۋدىڭ ءىس جۇزىندىك جاعدايىنا نەگىزدەلە وتىرىپ، ءوزارا رايون اتتاپ ەلەكتر قۋاتى جاعىندا كومەكتەسىپ، تۇرعىنداردىڭ ءوندىرىسىن، تۇرمىسىن، ءتۇيىندى سالالاردى جانە ورىنداردى ەلەكتر قۋاتىمەن قالىپتى قامداۋعا بارىنشا شىنايى كەپىلدىك ەتەدى.