باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
پارتيا تۋى اسقاق جەلبىرەپ، العا ىلگەرىلەۋگە كۇش قوستى
2021-10-07 16:05:34     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

پارتيا تۋى اسقاق جەلبىرەپ، العا ىلگەرىلەۋگە كۇش قوستى

− 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ ءبىر جىلدىعى جونىندە جالپى شولۋ (5)انار بۇلت / شينجياڭ گازەتىنىڭ ءتىلشىسى جاڭ يانفاڭ


”ءومىرىمىز باقىتقا بولەنىپ، تۇرمىسىمىز شالقىپ كەلەدى، وسىنىڭ ءبارى پارتيانىڭ ابزال ساياساتىنىڭ ارقاسى. پارتياعا العىس ايتامىن، وتانىمىزدىڭ مۇنان دا جاقسى گۇلدەنىپ - كوركەيۋىن تىلەيمىن...“. 10 - ايدىڭ 1 - كۇنى تيانشان پەرزەنتتەرى كوكىرەك كەرنەگەن تەرەڭ سۇيىسپەنشىلىكپەن بىرگە تۋ شىعاردى، كونەءشار اۋدانى توققۇزاق قالاشىعى اياقمەنگەن قىستاعىنىڭ تۇرعىنى جۇماقاري تۇرعۇن ۇلى وتاننىڭ تۋعان كۇنىنە ىزگى تىلەك ارنادى، ونان دا ماڭىزدىسى، پارتياعا ماڭگى ىلەسەتىن بەرىك بەكىمىن ءبىلدىردى.

شينجياڭ قىزمەتىن جاقسى ىستەۋدىڭ تەتىگى پارتيادا، بۇل شينجياڭداعى 25 ميلليوننان استام ءار ۇلت حالقىنىڭ ورتاق تانىمى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ ”پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولۋ كەرەك“ دەپ باسا دارىپتەدى.

ءبىر جىلدان بەرى باس شۋجي نۇسقاعان بەتالىستى بويلاپ، اۆتونوميالى رايون قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، مىعىم كادرلار قوسىنىن كۇش سالا سومداپ، پارتيانىڭ نەگىزگى ساتى ۇيىمدىق جۇيەسىن قاتايتىپ، نەگىزگى ساتى پارتيا ۇيىمدارىنىڭ بۇقاراعا قىزمەت وتەيتىن، ورنىقتىلىقتى قورعايتىن، بولشەكتەۋشىلىككە قارسى تۇراتىن بەرىك جاۋىنگەر قورعاندىق رولىن تولىق ساۋلەلەندىرىپ، پارتيا تۋىن ءاربىر نەگىزگى ساتى شەبىندە اسقاق جەلبىرەتىپ، پارتيانىڭ شينجياڭداعى بيلىك جۇرگىزۋ نەگىزىن ۇزدىكسىز بەكەمدەدى.

  سەنىم نەگىزىن بەكەمدەدى

بيىل ”1 - شىلدە“ قارساڭىندا، مارالباسى اۋدانى شارتقا ۇيلەسەتىن ساقا پارتيا مۇشەلەرىنە ”پارتيا قۇشاعىنداعى داڭقتى 50 جىل“ ەستەلىك ىزناگىن تاراتتى، سونىمەن بىرگە، جاڭا پارتيا مۇشەلەرىنىڭ پارتياعا كىرۋ سەرتىن بەرۋ سالتىن وتكىزدى، وتكەننىڭ ءىزىن بۇگىنگىلەردىڭ باسۋى، ۇشقىننىڭ ۇرپاقتان - ۇرپاققا جالعاسۋى ءدۇيىم جۇرتتى ايرىقشا اسەرلەندىردى.

”ساقا پارتيا مۇشەلەرى سان وزگەرىستى باستان كەشىرسە دە اۋەلگى ماقساتىن وزگەرتپەي، نەشە ون جىل ەشقانداي وكىنبەي ۇلەس قوسۋ ارقىلى بىزگە پارتياعا كىرۋدىڭ بەرىك سەنىم، ومىرلىك ءىس ەكەنىن ۇعىندىردى“. ساقا پارتيا مۇشەلەرىنىڭ كۋا بولۋىندا، مارالباسى اۋدانى اناركول اۋىلى بوزءمالى قىستاعىنىڭ داڭقپەن پارتياعا كىرگەن كادرى ءشىرالي ءارشين تولقىعان كوڭىلمەن بىلاي دەدى: ”مەن دە سولار سياقتى مۇرات - سەنىمىمدى بەكەمدەپ، جالىندى جاستىق كوكتەمىم مەن ءىس - ارەكەتىم ارقىلى پارتياعا كىرۋ سەرتىمدى امالياتتا ايگىلەيمىن“.

مۇرات - سەنىم − جۇڭگو كوممۋنيستەرىنىڭ رۋحاني تىرەگى جانە ساياسي جان جۇيەسى. جۇرەكتە سەنىم بولعاندا عانا الىسقا جەتۋگە بولادى.

ءبىر جىلدان بەرى بۇكىل رايونداعى ءار دارەجەلى پارتيا ۇيىمدارى پارتيانىڭ ساياسي قۇرىلىسىن ماڭداي الدى ورىنعا قويۋعا تاباندى بولىپ، ءار ۇلت كادرلارى مەن بۇقاراسى شي جينپيڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شينجياڭ استانا بەيجيڭنەن شالعاي بولعانىمەن، اۆتونوميالى رايوندىق پارتكومنىڭ، تۇتاس رايونىمىزداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرى مەن ءار ۇلت كادرلارىنىڭ جانە بۇقاراسىنىڭ تىلەگىن قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناستىرۋدى، تىعىز توعىستىرۋدى باتىل ورىندادى.

بيىل پارتيا قۇرىلعاندىعىنىڭ 100 جىلدىعى، پارتيا تاريحىن ۇيرەنۋ تاربيەسى تيانشان الابىندا ىشكەرىلەي ورىستەتىلىپ، ءار دارەجەلى پارتيا ۇيىمدارى نازاريا ۇيرەنۋ وزەكتى گرۋپپاسىنىڭ ۇيرەنۋى، ارناۋلى تاقىرىپتىق پارتيا ساباعى، ارناۋلى تاقىرىپتىق كىتاپ وقۋ كلاسى، ارناۋلى تاقىرىپتىق ۇگىت لەكسيا سياقتى فورمالار ارقىلى پارتيالى كادرلاردى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنۋگە، ۇگىتتەۋگە، دايەكتىلەندىرۋگە، پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋعا، پارتيانىڭ 100 جىلدىق كۇرەس بارىسىنان ۇزدىكسىز العا باسۋ كۇشىن قابىلداۋعا جەتەكتەدى؛

وسى ءبىر جىلدا، ”شي جينپيڭ جاڭا ءداۋىر جۇڭگوشا سوتسياليزم يدەياسىن سان مىڭداعان وتباسىنا جەتكىزۋ“ قيمىلى ۇزدىكسىز تەرەڭدەپ، قاراپايىم بۇقارانىڭ جۇرەگىنە جاقىن ۇگىت لەكسيا، قويىن داپتەر نەگىزگى ساتىداعى كادرلار مەن بۇقارانىڭ جاپپاي قارسى الۋىنا يە بولدى؛

وسى ءبىر جىلدا، ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىكتەرى ۇزدىكسىز بەكەمدەلىپ، تەرەڭدەپ، باياندى مەحانيزم ورناتۋ، كەمەلدەندىرۋ ارقىلى پارتيالى كادرلاردىڭ ساياسي سەنىمى مەن ساياسي تۇرعىسىن بەكەمدەۋ ۇزدىكسىز ىلگەرىلەتىلىپ، اۋەلگى ماقسات پەن بورىش تيانشان الابىندا نۇر شۇعىلا شاشتى؛

وسى ءبىر جىلدا، قالىڭ نەگىزگى ساتى پارتيا ۇيىمدارى پارتيا ىشىندەگى ساياسي تۇرمىستى ونان ارى قاتايتىپ، ”ءۇش جيىن، ءبىر ساباقتىڭ“ ساپاسىن جوعارىلاتىپ، سىن جانە ءوز - وزىنە سىندى قاتاڭ، مۇقيات ورىستەتتى. ”پارتيا تۋى تيانشاندى نۇرلاندىردى“ نەگىزگى تاقىرىپتىق پارتيا كۇنى قيمىلى كەڭ كولەمدە ورىستەتىلىپ، پارتياعا كىرۋ سەرتى قايتا پىسىقتالىپ، ”ساياسي تۋعان كۇن“ وتكىزىلدى... پارتيا ىشىندەگى ۇيىمدىق تۇرمىستىڭ ”وتى“ مازداپ، پارتيا مۇشەلەرىنىڭ پارتيالىلىعىن شىڭدايتىن ”دومنا پەش“ قىزا ءتۇستى.

سەنىم نەگىزىن بەكەمدەپ، رۋحاني كالتسيدى تولىقتاپ، يدەيانىڭ تىزگىنىن مىقتى ۇستادى. قالىڭ پارتيالى كادرلار مۇرات - سەنىم مەن اسقاق رۋحاني تالپىنىستى ونان ارى بەكەمدەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن كوكىرەك تولى اسقاق سەزىممەن جازدى.

 نەگىزگى ساتى قامالىن بەكەم قۇردى

التىن كۇز، اقتاۋ اۋدانى پىلال اۋىلى جايىلعان قىستاعىنىڭ جەمىس ورمانى بازاسىنان جەمىس - جيدەكتىڭ حوش ءيىسى اڭقيدى، 10 مۋ جەرگە ەككەن شابدالىدان مول ءونىم الىپ قۋانىشقا بولەنگەن قىستاق تۇرعىنى زايدىن پايانيدىن وتباسى بيىل 100 مىڭ يۋان اينالاسىندا كىرىس كىرگىزە الادى ەكەن. ”مەن وسى قۇبا تۇزدەن جەمىس اعاشتارىن ءوسىرىپ، وسىنشاما كوپ اقشا تابامىن دەپ ويلاپ كورمەپپىن، قىستاقتا جاقسى پارتيا ياچەيكاسىنىڭ بولعانى قانداي جاقسى“، - دەدى زايدىن تەبىرەنە.

جايىلعان قىستاعىنىڭ توڭىرەگى تاستاقتى ءشول دالا، قىستاق تۇرعىندارىنىڭ كىرىس ارتتىرۋ جولى تار، قايتۋ كەرەك؟

مۇقيات تەكسەرۋ - زەرتتەۋ ارقىلى جايىلعان قىستاعى ەرەكشە جەمىس ورمان شارۋاشىلىعىن دامىتۋدى ۇيعاردى. جەر تەگىستەپ، سۋ سىڭبەيتىن توعان جاسادى... قىستاق پارتيا ياچەيكاسى پارتيا تۋىن قۇبا تۇزگە تىگىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ قىستاق تۇرعىندارىن باستاپ قاجىرلىلىقپەن ىستەپ، بۇرىنعى قۇبا ءتۇزدى مىڭ مۋلىق جەمىس ورمانى بازاسىنا اينالدىردى، قىستاق تۇرعىندارىنىڭ كىرىسى زور دارەجەدە جوعارىلاپ، شاعىن قىستاقتىڭ بەت - بەينەسى بۇكىلدەي جاڭارىپ، قىستاق پارتيا ۇيىمىنىڭ ۇيىستىرۋ قۋاتى، جاۋىنگەرلىك قۋاتى كۇن سايىن كۇشەيدى. بيىل جايىلعان قىستاعى پارتيا ياچەيكاسى داڭقپەن ”مەملەكەتتىك وزات نەگىزگى ساتى پارتيا ۇيىمى“ اتاعىن الدى.

شينجياڭدى ورنىقتىرۋدىڭ، شينجياڭدى گۇلدەندىرۋدىڭ ءتۇيىنى نەگىزگى ساتىدا. ءبىر جىلدان بەرى اۆتونوميالى رايوندىق پارتكوم نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، شينجياڭدى تىنىشتاندىرۋدىڭ ۇزاق بولاشاقتىق جوسپارى جانە نەگىزدى بەكەمدەۋ شاراسى ەتۋگە تاباندى بولىپ، نەگىزگى ساتى پارتيا ۇيىمدارىن بۇقاراعا قىزمەت ەتۋدىڭ، ورنىقتىلىقتى قورعاۋدىڭ، بولشەكتەۋشىلىككە قارسى تۇرۋدىڭ بەرىك جاۋىنگەر قامالى ەتىپ قۇرىپ شىعۋعا قۇلشىندى.

− پارتيانىڭ ۇيىمدىق جۇيەسىن ۇزدىكسىز قاتايتىپ، الەۋمەتتىك اۋماقتان مال شارۋاشىلىق رايوندارىنا، ورگانداردان مەكتەپتەرگە، اتىز باسىنان زاۆود سەحتارىنا، كاسىپتىك سەلبەستىك كووپەراتيۆتەرىنەن كەدەيلەردى قونىس جاڭالاپ سۇيەمەلدەۋ بويىنشا كوشىرىپ ورنالاستىرۋ تۇيىندەرىنە دەيىنگى بارلىق جەردە پارتيا تۋى كوزگە وتتاي باسىلىپ، پارتيا بەلگىسى جارقىرادى؛

− پارتيا ۇيىمى باسشىلىق ەتەتىن جونگە سالۋ مەحانيزمىن اقاۋسىزداندىرىپ، ”ۇسىنىس قويۋ، اقىلداسۋ، قاراۋ، قاۋلى شىعارۋ، قاۋلىنى جاريالاۋ، اتقارۋ ناتيجەسىن جاريالاۋ“ سياقتى ءتۇزىم - مەحانيزمدەردى كەمەلدەندىرىپ، نەگىزگى ساتىنى جونگە سالۋ ونىمدىلىگىن بارىنشا جوعارىلاتتى. قىستاق كادرلارى مەن زاپاس كۇشتەردىڭ ساپاسىن جوعارىلاتۋ كۋرسى قيمىلىن جۇرگىزىپ، كادرلاردى نەگىزگى ساتىعا تامىر تارتۋعا، ەڭبەك ءسىڭىرىپ، ۇلەس قوسۋعا ىنتالاندىردى؛

− نەگىزدى بەكەمدەۋدىڭ بىرىككەن كۇشىن ۇيىستىرىپ، سانسىزداعان ءبىرىنشى شۋجي مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى بۇقاراعا شىنايى قىزمەت ەتىپ، ەگىن، مال شارۋاشىلىعىنىڭ ماماندار ۇجىمى بۇقارامەن ەتەنە بولىپ، ەگىمشىلىك، باعىمشىلىق تەحنيكاسىن ۇيرەتىپ، بۇقارانىڭ بايۋ جولىن كەڭەيتۋىنە، بايۋ ارمانىن جۇزەگە اسىرۋىنا كومەكتەستى.

تاياۋدا، ءۇرىمجى قالاسى ميدۇڭ رايونى ديباڭ اۋماعى لۋساۋگوۋ الەۋمەتتىك اۋماعىنان ءبىر قۋانىشتى حابار جەتتى، وسى الەۋمەتتىك اۋماق پارتيا باس ياچەيكاسىنىڭ قۇلشىنۋىندا، الەۋمەتتىك اۋماقتىڭ كوكونىستى تىكە ساتۋ ورنى زەينەتكە شىققان جۇمىسشى - قىزمەتكەرلەر كوپ كەن الاڭىنىڭ تۇرعىن ۇيلەر اۋلاسىنان اشىلىپ، قارت تۇرعىنداردىڭ كوكونىس ساتىپ الۋى قيىن بولۋ ماسەلەسى شەشىلدى. 78 جاستاعى تۇرعىن ليۋ تيانحۇڭ تەبىرەنە بىلاي دەدى: ”پارتيا ۇيىمىنىڭ بۇقاراعا ىستەپ بەرگەن ىستەرى اناعۇرلىم كوپ، اناعۇرلىم ناقتى بولدى“.

پارتيا تاريحىن ۇيرەنۋ تاربيەسى ورىستەتىلگەننەن بەرى رايونىمىزداعى ءار دارەجەلى پارتيا ۇيىمدارى قىزمەت ءىس جۇزىندىگىمەن ۇشتاستىرىپ، ىستەلەتىن ناقتى ءىس ىستەۋ تىزىمدىگىن جاساپ، قىزمەتتەگى پارتيا مۇشەلەرى ”قوس مالىمدەۋدى“ اتقارىپ، ەرىكتى قىزمەت وتەۋدى بەلسەنە ورىستەتىپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن شەشىپ، پارتيا تاريحىن ۇيرەنۋ تاربيەسىنىڭ جەتىستىكتەرىن شىن مانىندە بۇقاراعا قىزمەت وتەۋدىڭ ناقتى ونىمدىلىگىنە اينالدىرىپ، نەگىزگى ساتى پارتيا ۇيىمدارىنىڭ بۇقارانى ماگنيتتەي تارتىپ، تىعىز ىنتىماقتاستىرۋىنا مۇمكىندىك جاسادى.

  ىسىلعان قوسىن سومدادى

باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ اتاپ كورسەتكەن: ”شينجياڭداعى ءار ۇلت كادرلارى سەنىم ارتۋعا بولاتىن، جاۋىنگەرلىك قۋاتقا يە كادرلار“، ”ۇلت رۋحى مەن ءداۋىر رۋحىن اسقاقتاتىپ، توراڭعى رۋحىن جانە بيڭتۋان رۋحىن امالياتتا ايگىلەپ، ءار دارەجەلى كادرلاردى جاڭا داۋىردە شەكارا وڭىرگە تامىر تارتۋعا، شەكارا وڭىرگە ۇلەس قوسۋعا ىنتالاندىرۋ كەرەك“.

ىقىلاستى تاپسىرمانى كوكەيدە بەرىك ساقتاپ، امالياتتا ايگىلەدى.

ءبىر جىلدان بەرى اۆتونوميالى رايوندىق پارتكوم جاڭا داۋىردەگى جاقسى كادرلار ولشەمىنە تاباندى بولىپ، ”تورتتە ەرەكشە“ بولۋداي ۇلتتىق رايوندارداعى كادرلار ولشەمىن تياناقتاندىرىپ، كادرلاردىڭ ساپاسىن، قابىلەتىن ءوسىرىپ، جاۋاپكەرشىلىك ارقالاۋعا، ىسكەرلىك كورسەتۋگە ىنتالاندىرىپ، ادال، كىرشىكسىز، جاۋاپكەرشىلىك ارقالايتىن ءار ۇلت كادرلار قوسىنىن قۇلشىنا قۇرىپ شىقتى −

ساياسي ولشەمدى ماڭداي الدى ورىنعا قويىپ، ءار دارەجەلى باسشىلىق ۇقىقتى ادال، كىرشىكسىز، جاۋاپكەرشىلىك ارقالايتىن كادرلاردىڭ مىقتاپ يگەرۋىنە شىنايى كەپىلدىك ەتتى؛

ايقىن ادام ىستەتۋ بەتالىسىن ورناتىپ، ناقتى ىستەۋ، ناقتى ناتيجە شىعارۋ بەتالىسىن كورنەكتىلەندىرىپ، باسشىلىق القانى ۇزدىكتەردەن، مىقتىلاردان قويىپ، كادرلار قوسىنى قۇرىلىمىن ساپالىلاندىرىپ، باۋلۋ، تاڭداپ ءوسىرۋ، ىستەتۋ مەحانيزمىن اقاۋسىزداندىرىپ، كادرلارعا كوڭىل ءبولۋ، قامقورلىق جاساۋ ساياساتتىق شارالارىن ناقتى تياناقتاندىرىپ، ەگجەي - تەگجەيلى تياناقتاندىرىپ، نەگىزگى ساتىداعى پارتيالى كادرلاردىڭ جاۋاپكەرشىلىك ارقالاپ، ىسكەرلىك كورسەتۋ، ءىس تىندىرىپ، ناتيجە شىعارۋ ەرىك - جىگەرىن ونان ارى قاۋلاتتى؛

كادرلاردى باۋلۋ تەبىنىن ارتتىرىپ، دارىندىلار قىزمەتى جۇيەسىن كەمەلدەندىرىپ، بارشا دارىندىلاردى توپتاپ، رولىن ساۋلەلەندىرىپ، شينجياڭنىڭ رەفورما، دامۋ، ورنىقتىلىق ىسىنە ءۇزىلىسسىز جالىندى كۇش ازىرلەدى.

ءبىر پارتيا مۇشەسى − ءبىر تۋ، ءبىر ياچەيكا − ءبىر قامال.

وسى ءبىر جىلدا، كەدەيلىكتەن ارىلتۋدان قامال الۋ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ سياقتى كەلەلى شايقاستاردا بەينەسى كورنەكتى بولعان ءبىر توپ كوممۋنيستىك پارتيا مۇشەسى مەن نەگىزگى ساتى پارتيا ۇيىمى ماداقتالىپ - سيلاندى؛

وسى ءبىر جىلدا، ءبىز ”ءداۋىر ونەگەسى“ لاچين بايەكە مەن ”كەدەيلىكتەن ارىلتۋدان قامال الۋدىڭ مەملەكەتتىك ونەگەسى“ ليۋ حۋدى ساعىنا ەسكە الدىق، ”1 - شىلدە وردەنىنىڭ“ يەگەرى مامەتجان ءومارعا، ۋي دىيوۋعا دا وسكەلەڭ قۇرمەت بىلدىردىك؛

وسى ءبىر جىلدا، قوعام ورنىقتىلىعىن قورعاۋدان جوعارى ساپالى دامۋدى ىلگەرىلەتۋگە دەيىن، كەدەيلىكتەن ارىلتۋدان قامال الۋدىڭ شەشۋشى جەڭىسىنە جەتۋدەن اۋىل - قىستاقتى گۇلدەندىرۋدى جەبەۋگە دەيىن، ىندەتتەن ساقتانۋ - تىزگىندەۋدەن نەگىزگى ساتىنى جونگە سالۋعا دەيىن... سان رەتكى سىن - سايىستارعا توتەپ بەرۋ بارىسىندا نارت قىزىل پارتيا تۋى باستان - اياق اسقاق جەلبىرەپ، بەتالىسىمىزعا نۇسقاۋ كورسەتتى، قالىڭ پارتيالى كادرلار شەكارا وڭىرگە تەرەڭ تامىر تارتۋ، ءۇن - ءتۇنسىز ۇلەس قوسۋداي ءىس جۇزىندىك ارەكەتتەرىمەن پارتيانىڭ شۇعىلالى وبرازىن ءار ۇلت بۇقاراسىنىڭ جۇرەك تۇكپىرىنە ورناتتى.

”الەم توقتاۋسىز قوزعالىستا بولادى، ادام دا تالىقپاي تالپىنۋى كەرەك“. قالىڭ پارتيا مۇشەلەرى، كادرلار، بۇقارا جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ جەتەكشىلىگىندە، ءبىزدىڭ ۇلى پارتيا قۇرۋ رۋحىن اسقاقتاتىپ، توراڭعى رۋحى مەن بيڭتۋان رۋحىن امالياتتا ايگىلەپ، ءبىر نيەتپەن ىنتىماقتاسىپ، ءورىس اشا ىلگەرىلەپ، جاڭا داۋىردەگى جۇڭگوشا سوتسياليستىك شينجياڭدى، ءسوز جوق، ويداعىداي قۇرىپ شىعاتىندىعىمىزعا كامىل سەنەدى.