العىستى كوڭىلمەن اسەرلى ءان شىرقادى

　　− جەر - جەردە مەملەكەت مەرەكەسىندەگى ءان ايتۋ قيمىلى تارتىمدى بولدى

انار بۇلت / شينجياڭ گازەتىنىڭ تىلشىلەرى

”مەن جانە مەنىڭ وتانىم، ءبىر ءسات تە بولىنبەيمىز، مەيلى قايدا بارسام دا، ماداق جىرىم تاۋسىلمايدى“. ”بۇگىن سەنىڭ تۋعان كۇنىڭ، مەنىڭ جۇڭگوم، اق تاڭدا ۇشىردىم اق كەپتەردى“... جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعى بايلانىسىمەن رايونىمىزداعى ءار ۇلت پارتيا مۇشەلەرى، كادرلار، بۇقارا ءتۇرلى تاسىلدەرمەن تارتىمدى ءان ايتۋ قيمىلىن ورىستەتىپ، وتاندى جىرلايتىن اسەم اۋەندەرمەن ۇلى وتانىمىزدىڭ گۇلدەنىپ - كوركەيۋىن تىلەدى.

　　وزگەرىستەردى اڭگىمەلەپ، جۇرەك ءۇنىن انمەن جەتكىزدى

حوتان ايماعى ”وتان · اياۋلى انام“ اتىندا ءان ايتۋ جارىسىن وتكىزدى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى، قىستاق كادرلارى، ەگىنشى - مالشى بۇقاراسى قاتارلىلاردان قۇرالعان حور ايتۋ اترەتى ءان ايتىپ، ءبي بيلەپ، وتانعا باقىت تىلەدى.

قاراقاش اۋدانىنىڭ قاراساي قالاشىعىندا ءساندى مەرەكەلىك كيىمدەرىن كيىپ، قولدارىنا مەملەكەت تۋىن ۇستاعان ەگىنشى - مالشىلار ءوز جۇرەك ۇندەرىن انمەن جەتكىزدى. ”كوپ ءتولدى قوي ءوسىرۋ ارقىلى وتباسىمىزدىڭ بيىلعى كىرىسى 40 مىڭ يۋانعا جەتتى“. 10 - ايدىڭ 2 - كۇنى قاراساي قالاشىعى ءمولدىربۇلاق قىستاعىنىڭ تۇرعىنى گۇلنيگار حابير قۋانا: كوپشىلىكتىڭ تۇرمىسى بارعان سايىن باقىتتى بولۋدا، وتانىمىزدىڭ تۋعان كۇنىندە ءان ايتىپ باقىت تىلەۋ ءبىزدىڭ ورتاق جۇرەك ءۇنىمىز، - دەدى.

10 - ايدىڭ 1 - كۇنى ونسۋ اۋدانى مەن جىجياڭ ولكەسى جينحۋا قالاسىنىڭ شينجياڭعا كومەكتەسۋ قولباسشىلىق شتابى ”وتاندى سۇيەمىز، شينجياڭدى سۇيەمىز، مەكەندى سۇيەمىز · تاماشا ءاندى كوپشىلىك بىرگە شىرقايمىز“ اتتى ءان ايتۋ جارىسىن ۇيىمداستىردى. «پارتياعا ارناپ تاۋ ءانىن شىرقايمىن»، «جۇرەگىم جۇڭگو دەپ سوعادى»... قۇلاققا ابدەن تانىس بولعان ءاربىر كلاسسيكالىق اندەر جارىس الاڭىن جاڭعىرتتى. جارىسقا قاتىناسقان شاباندوز گۇلجامال وبۇلقاسىم اسەرلەنە: ”مەن ءبىر نەگىزگى ساتى كادرىمىن، ونسۋدىڭ پارتيانىڭ باسشىلىعىندا دامىعان وزگەرىسىنە كۋامىن. مەن انىممەن ۇلى وتانىما العىس ايتامىن“، - دەدى.

10 - ايدىڭ 1 - كۇنى حوتاننان ۇرىمجىگە باراتىن 7558 - كەزەكتى پويەزدا «مەن جانە مەنىڭ وتانىم» انىمەن ”پويەزداعى ءان جارىسىنىڭ“ شىمىلدىعى اشىلدى. بىرنەشە ۇيعۇر ۇلتى جولاۋشىسى دۇتتار، داپ سياقتى اسپاپتارىن ويناپ، وتانشىلدىق اندەردى شىرقادى. ”وسى بىرنەشە جىلدا بۇل تەمىر جولدىڭ ءار ۇلت جۇرتشىلىعىنىڭ تۇرمىسىنا اكەلگەن وراسان زور وزگەرىسىن كوردىم. بۇگىن ءبىز ۇلى وتانىمىزدىڭ تۋعان كۇنىن بىرگە تويلاپ، ءان اۋەنىمىز ارقىلى ءوزىمىزدىڭ باقىتتى تۇرمىسىمىزدى جىرعا قوسىپ، وتانىمىزدىڭ بولاشاعىنىڭ ءتىپتى دە تاماشا بولۋىن تىلەيمىن“، - دەدى پويەز باستىعى پولات.

　　العىس ايتىپ، وتاننىڭ كوركەيۋىن تىلەدى

10 - ايدىڭ 1 - كۇنى فۋكاڭ قالاسى زىنيچۋانزى قالاشىعى دۇڭحۋ سەنترلى قىستاعىنىڭ مەملەكەت تۋىن شىعارۋ سالتى اياقتاعاننان كەيىن، قازاق ۇلتتىق قىستاق تۇرعىنى باقىت اداي قاتارلى بىرنەشە ”مادەنيەت باستاماشىلارى“ الدەقاشان دايىنداپ قويعان دومبىرا، گيتارالارىن قولدارىنا الىپ، «مەن سەنى سۇيەمىن، جۇڭگو» قاتارلى اندەردى شىرقادى.

باقىت: ”پارتيانىڭ ارقاسىندا جاقسى تۇرمىس كەشىرىپ جاتىرمىز، ءبىز، ءسوزسىز، پارتياعا العىس ايتۋىمىز، پارتيانىڭ سوزىنە قۇلاق اسۋىمىز، پارتياعا ىلەسۋىمىز، تۇرمىسىمىزدى بارعان سايىن شالقىتۋىمىز كەرەك“، - دەدى.

سول كۇنى قارامايلى قالالىق ءان - ءبي ۇيىرمەسى ”ءبىزدىڭ جۇڭگو ارمانىمىز، مادەنيەتتى ون مىڭداعان وتباسىنا جەتكىزەمىز“، ”اناردىڭ ءدانى“ ادەبيەت - كوركەمونەر شاعىن اترەتى مالىلەرگە، الەۋمەتتىك اۋماقتارعا ىشكەرىلەي بارىپ، بۇقاراعا تاماشا ادەبيەت - كوركەمونەر كونسەرتىن قويىپ بەردى. قالالىق ءان - ءبي ۇيىرمەسى تاعى بارلىق كونسەرت نومىرلەرىن تۇنىق بەينە ەكران نۇسقاسىندا جاساپ شىعىپ، ”ينتەرنەت جەلىسى + جەلىدەن تىس“ ءتاسىلى ارقىلى ءتىپتى دە كوپ بۇقارانى مول مادەنيەتپەن سۋسىنداتتى.

شاپشال سىبە اۆتونوميالى اۋدانىنىڭ جەر - جەرىندە مەرەكەنى قۋانىشپەن قارسى العان راي مەن مۇندالايدى. كەن اۋىلى چىگىلىك قىستاعىنا بارعانىمىزدا، كوپشىلىك «بۇگىن سەنىڭ تۋعان كۇنىڭ، وتانىم» ءانىن بىرگە شىرقادى. قيمىلعا قاتىناسىپ جاتقان، اۋىلعا ورالعان جوعارى مەكتەپ وقۋشىسى بايات ايپاردىن اسەرلەنىپ بىلاي دەدى: ”پارتيانىڭ تاماشا ساياساتىنىڭ ارقاسىندا داشۋەگە ءساتتى ءوتتىم. مەن ەندى زەيىن قويا ۇيرەنىپ، مەكەنىمىزدى گۇلدەندىرۋگە، وتانىمىزدى گۇلدەندىرۋگە ەسەلى كۇش قوسۋعا قۇلشىنامىن“.

　　بولاشاققا كوز جىبەرىپ، ءداۋىردىڭ اۋىر جۇگىن باتىل ارقالايمىز

10 - ايدىڭ 1 - كۇنى تۇستەن بۇرىن كوكتوعاي اۋدانى كوكتوعاي قالاشىعىندا، ءار ۇلت وقىتۋشى - وقۋشىلارى «سوتسياليزم جاقسى» قاتارلى اندەردى شىرقادى.

”مەن اتام مەن اكەمنەن كوكتوعاي تۋرالى اڭگىمەلەردى ۇنەمى ەستۋشى ەدىم، كەيىنگى بۋىن رەتىندە، مەن مۇنى شەكسىز ماقتان ەتەمىن جانە داڭق سەزىنەمىن. مەن ولاردىڭ ءىزىن باسىپ، ’جاپا - ماشاقاتقا شىدامدى، قاجىرلى - قايراتتى بولۋ، قاجىرلىلىقپەن كۇرەس جاساۋ، قالتقىسىز ۇلەس قوسۋ، وتانعا داڭق اپەرۋ‘ سىندى رۋحتى جالعاستىرىپ، مەكەنىمىزدى گۇلدەندىرىپ، وتان ءۇمىتىن اقتايتىن تىرەكتى دارىندىلاردان بولامىن“، - دەدى كوكتوعاي قالاشىىعى ورتا مەكتەبىنىڭ وقۋشىسى ورال سەرىك.

10 - ايدىڭ 1 - كۇنى جىڭ اۋدانى ماندانبۇلاق اۋىلى دۇڭگۋان قىستاعىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى، قىستاق كادرلارى جانە قىستاق تۇرعىندارى بىرگە ماداق جىرىن ايتىپ جاتىر ەكەن. جىڭ اۋداندىق دامۋ جانە رەفورما كوميتەتىنەن ماندانبۇلاق اۋىلى دۇڭگۋان قىستاعىنا تۇسكەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي لي شاۋجۇن: ”بۇدان كەيىن، ءبىز ءداۋىردىڭ اۋىر جۇگىن باتىل ارقالاپ، قىزمەت مىندەتىمىزدى، بورىشىمىزدى ويداعىداي ورىنداپ، اۋىل - قىستاقتى گۇلدەندىرۋدى جاپپاي ىلگەرىلەتىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىز“، - دەدى.

تيانشان الابىنداعى ءاربىر ءتۇيىندى ينجەنەريا نىسان قۇرىلىستارىنىڭ جۇمىس باسىندا قىزۋ قاربالاس جۇمىس ءجۇرىپ جاتتى، قۇرىلىسشىلار قۇرىلىس مەرزىمىنە ۇلگىرىپ، قۇرىلىس اياق الىسىن تەزدەتىپ، قىزمەت ىستەۋ فورماسىمەن مەملەكەت مەرەكەسىنە سي ۇسىندى. 10 - ايدىڭ 1 - كۇنى جۇڭگو قۇرىلىس 8 - ينجەنەريا مەكەمەسى شەكتى سەرىكتەستىگى باتىس سولتۇستىك سەرىكتەستىگىنىڭ شينجياڭ بولىمشە سەرىكتەستىگى ءۇرىمجى اۋەجايىن كەڭەيتىپ سالۋ ينجەنەرياسى تەرمينال نىسان ءبولىمى كادرلار مەن جۇمىسشى - قىزمەتكەرلەردى حور ايتۋ قيمىلىن وتكىزۋگە ۇيىمداستىردى. ”ءبىز ارىنداعان جىگەرىمىزدى قىزمەتتەگى قوزعاۋشى كۇشكە اينالدىرىپ، وتانىمىزدىڭ قۇرىلىسىنا كەرپىش بولىپ قالانامىز“، - دەدى وسى سەرىكتەستىك پارتيا باس ياچەيكاسىنىڭ شۋجيى، باس ديرەكتور ۋاڭ مىڭ.

(ءتىلشى ءپاريزات ابدۇل، قاتىناسقان تىلشىلەر جاڭ جىلي، جاڭ تيڭ، سۇڭ يا − ۋىن، سۇڭ ۋيگو، ءجازيرا نەسىپبەك، گى يوۋجۇن، ۋاڭ شينحۇڭ، ەرىكتى ءتىلشى حۋ جينلياڭ، ليۋ پىڭچىڭ)