انار بۇلت / شينجياڭ گازەتىنىڭ ءتىلشىسى حي حۇڭۋي

9 - ايدىڭ 22 - كۇنى قاراقاش اۋدانى سايباع اۋىلى توۋياڭ باعىمشىلىق فەرماسىنىڭ ولشەمدەندىرىلگەن مال قوراسىندا باقتاشى جۋىق اراداعى ”ءتول الۋ مەزگىلىنىڭ“ دايىندىق قىزمەتتەرىن ىستەۋدە.

”قازىر 80 ساۋلىق تولدەۋ الدىندا تۇر، 10 - ايدىڭ ورتا شەنىندە تولدەۋ مەزگىلىنە وتەدى. ءتول سانىنىڭ ءبىرشاما كوپ بولۋى، وعان قوسا تەمپەراتۋرانىڭ تومەندەۋى سەبەبىنەن ءبىز قازىر زاتتىق ماتەريال، جەم - ءشوپ، دارى - دارمەك، اسپاپ، قورادا باعۋ، جىلۋلىق ساقتاۋ سياقتى دايىندىق قىزمەتتەردى ىستەۋدەمىز“. باعىمشىلىق فەرماسىنىڭ جاۋاپتىسى نۇرمامەت تۇرسۇنتوحتى قاربالاس جۇمىس ىستەي ءجۇرىپ تىلشىگە: ”قازىر ءبىز سۇرلەم، جوڭىشقا، سابان سياقتى جەم - شوپتەن 200 توننادان استامىن دايىنداپ ۇلگىردىك“، - دەدى.

نۇرمامەت بىلاي دەدى: 2019 - جىلى باعىمشىلىق فەرماسىن العاش باستاپ اشقاندا جىلدىق كىرىسىم نەبارى 30 نەشە مىڭ يۋان عانا بولاتىن. بىلتىر شينجياڭ مال شارۋاشىلىعى عىلىم اكادەمياسىنداعى امەت مامەت قاتارلى مامانداردىڭ كومەگىندە ”كوپ ءتولدى قوي“ حۋياڭ قويى تۇقىمىن ەنگىزىپ، باعىمشىلىق تەحنيكاسىن جوعارىلاتىپ، جىلدىق كىرىسىمدى 200 مىڭ يۋانعا جەتكىزىپ، 4 وتباسىنداعى قىستاق تۇرعىنىن كىرىسىن ارتتىرىپ بايۋعا باستادىم.

سايباع اۋىلى تۇزاقچى قىستاعىنىڭ تۇرعىنى ابەيدوللا مامەت سولاردىڭ ءبىرى. ”قازىر ءبىزدىڭ وتباسىمىز دا حۋياڭ قويىن باعۋدا، جىلدىق تولدەۋ مولشەرى ءبىر ەسە ارتتى. مەن وسى ارادا باقتاشىمىن، باعىمشىلىق تەحنيكاسىن ۇيرەنۋمەن بىرگە، ءار ايدا 2000 يۋان كىرىس كىرگىزەمىن. تۇرمىسىم كۇننەن - كۇنگە جاقسارۋدا، پارتيانىڭ ابزال ساياساتىنا راقىمەت“، - دەدى ابەيدوللا.

نۇرمامەت باعىمشىلىق فەرماسىنىڭ دامۋى رايونىمىزدىڭ مال، ءۇي قۇستارى تۇقىم شارۋاشىلىعىن جوعارىلاتۋ جوباسىن اتقارۋىنىڭ ارقاسىندا بولعان. ۇعىسۋعا قاراعاندا، مال، ءۇي قۇستارى تۇقىم شارۋاشىلىعىن دامىتۋدى جەدەلدەتۋ، رايونىمىزدىڭ سويىس سيىر، سويىس قوي تۇقىمىن جاقسارتۋدى ۇزدىكسىز ىلگەرىلەتۋ، دەربەس تۇقىم ازىرلەۋ قابىلەتىن جانە مال شارۋاشىلىعى وزەكتى باسەكەلىك قۋاتىن جوعارىلاتۋ ءۇشىن، بىلتىر رايونىمىز «اۋىل شارۋاشىلىعى وڭىرىندە جوعارى ءونىمدى سويىس قوي تۇقىمىن تاڭداپ جەتىلدىرۋ جوباسى (2020 − 2025 - جىلى)» سياقتى 5 مال، ءۇي قۇستارى تۇقىم شارۋاشىلىعىن جوعارىلاتۋ جوباسىن رەسمي باستاعان.

شينجياڭ مال شارۋاشىلىعى عىلىم اكادەمياسىنىڭ زەرتتەۋشىسى ياڭ حۇيگو جەتەكشى مامان بولعان اۋىل شارۋاشىلىعى وڭىرىندە جوعارى ءونىمدى سويىس قوي تۇقىمىن تاڭداپ جەتىلدىرۋ تەحنيكاسىن كەڭەيتۋ جۇيەسىندە جالپى 31 جەتەكشى مامان نەمەسە ەرەكشە ۇسىنىس ەتىلگەن مامان بار بولىپ، ولار جۇيەنىڭ ەڭ جوعارى دەڭگەيدە جوبالاۋ، باسىمدىققا يە كاسىپورىنداردى سارالاۋ، كەشەندى سىناق پۋنكتىن تۇراقتاندىرۋ، قىزمەت ورىندارىنداعى مامانداردى تاڭداۋ - بەكىتۋ، ءبىر تۇتاس جوسپارلاۋ، سايكەستىرۋ، باقىلاۋ - باسقارۋ، قىزمەت ناتيجەسىن باعالاۋ سياقتى قىزمەتتەرگە جاۋاپتى. سونىمەن بىرگە، 6 كەشەندى سىناق ءتۇيىنى پۋنكتىن قۇردى، جانە دە مال شارۋاشىلىعىنا قاتىستى 19 كاسىپورىندى ات سالىسۋعا باستاپ، ءوندىرۋ، ۇيرەنۋ، زەرتتەۋ بىرلەستىرىلگەن اسىل تۇقىم جەتىلدىرۋ تۇعىرىن قۇردى.

2019 - جىلى اۋىل شارۋاشىلىعى وڭىرىندە جوعارى ءونىمدى سويىس قوي تۇقىمىن تاڭداپ جەتىلدىرۋ تەحنيكاسى جۇيەسىنە قاتىناسقان قاراقاش اۋدانى بيباڭ قوي شارۋاشىلىعىن دامىتۋ شەكتى سەرىكتەستىگى قازىر كوپ ءتولدى قوي ءوسىرۋدىڭ تۇتاس بارىسىن ولشەمدەندىرۋدى جۇزەگە اسىردى. سەرىكتەستىكتىڭ جاۋاپتىسى چىن جيە تانىستىرىپ بىلاي دەدى: كاسىپ سالاسى تەحنيكاسى جۇيەسى ماماندارىنىڭ كومەگىندە اسىل تۇقىمدى قوي ءوسىرۋدى شوعىرلاندىرۋ، جەم - ءشوپ زەرتتەپ اشۋ ءارى وڭدەۋ، تاجىريبەحانادا تەكسەرۋ - ولشەۋ، تەحنيكا توپتاۋ - سايكەستىرۋ، ازىقتىق جەم - ءشوپ ەگىمشىلىگى ءبىر تۇلعالانعان تۇتاس كاسىپ سالاسى تىزبەگى قالىپتاسىپ، باعىپ وتىرعان كوپ ءتولدى قويدىڭ ءوربۋ بارىسىنداعى قاتارعا قوسىلۋ سالىستىرماسى ％95تەن اسىپ، جىلدىق ءوربۋ سالىستىرماسى ％260تەن اسىپ، 200 وتباسىنىڭ شارۋالارىن كىرىستى ارتتىرىپ بايۋعا باستادى.

”ءبىزدىڭ ەڭ ماقتانىش ەتەتىنىمىز − بىرلەسكەن ساپالى تۇقىم جەتىلدىرۋ عىلىم - تەحنيكا بايلىقتارىنىڭ شىنايى ومىرشەڭدىككە يە بولۋى“. ياڭ حۇيگو تانىسىترىپ بىلاي دەدى: قازىر رايونىمىز وسى زامانعى مال شارۋاشىلىعىنا بەيىمدەلگەن تەحنيكالىق قىزمەت وتەۋ جۇيەسىن قۇرىپ، جولداعى بار جەتىستىكتىڭ جالپىلاستىرىلۋ، قولدانىلۋ اۋماعىنىڭ جالپىلاسۋىن كەڭەيتىپ، اۋىل شارۋاشىلىعى وڭىرىندەگى سويىس قوي كاسىپ سالاسى دامۋىن تەجەگەن تەحنيكالىق كىلتەڭدەردى ءبىر - بىردەن شەشتى.