باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
الدىڭعى 8 ايدا 56 ميلليارد 411 ميلليون يۋان قارجى قوسىلدى
2021-10-08 15:30:21     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

رايونىمىزدىڭ قاتىناس نەگىزدىك قۇرىلعى قۇرىلىسىنىڭ قارقىنى جەدەلدەتىلدى

الدىڭعى 8 ايدا 56 ميلليارد 411 ميلليون يۋان قارجى قوسىلدى


انار بۇلت / شينجياڭ گازەتىنىڭ ءتىلشىسى شى شين 10 - ايدىڭ 6 - كۇنى ۇرىمجىدەن حابارلايدى. رايونىمىز قاتىناس سالاسىنىڭ نەگىزدىك قۇرىلعى قۇرىلىسىنىڭ قارقىنى جەدەلدەتىلدى، 8 - ايدىڭ سوڭىنا دەيىن، تۇتاس رايونىمىز بويىنشا قاتىناس نىساندارىنا 56 ميلليارد 411 ميلليون يۋان قارجى قوسىلىپ، جىلدىق جوسپارداعى مىندەتتىڭ %69.5ى ورىندالدى.

بيىل اۆتونوميالى رايوندىق دامۋ - رەفورما كوميتەتى كەلەلى قاتىناس نىساندارىنىڭ دەر كەزىندە جۇمىستى، ءوندىرىستى قالپىنا كەلتىرۋىن بەلسەنە سايكەستىرىپ، قاتىناس نەگىزدىك قۇرىلعى قۇرىلىسىنا قوسىلاتىن قارجىنىڭ ورنىقتى ارتۋىن بار كۇشپەن جەبەدى. 8 - ايدىڭ سوڭىنا دەيىن تەمىر جول نىساندارىنا 6 ميلليارد 728 ميلليون يۋان قارجى قوسىلىپ، حوتان - چارقىلىق تەمىر جولى، اقسۋ - ارال تەمىر جولى نىسانى قۇرىلىسى تەزدەتىلدى، ءۇرىمجى - جياڭجۇنمياۋ تەمىر جولىنىڭ جاڭادان قوسىلعان 2 - جەلىسىن ەلەكترلەندىرىپ قۋاتىن ارتتىرۋ، جاڭالاۋ ينجەنەرياسى، جياڭجۇنمياۋ - ناۋماۋحۋ تەمىر جولى ىلگەرىندى - كەيىندى 3 - ايدىڭ 20 - كۇنى، 4 - ايدىڭ 2 - كۇنى قۇرىلىس باستادى. تاس جول نىساندارىنا 44 ميلليارد 970 ميلليون يۋان قارجى قوسىلىپ، G7 ۋتۇڭ داچۋان - موري جوعارى جىلدامدىقتى تاس جولىندا ياركەن اۋدانىنداعى قوشىراپ ياركەن وزەنى ۇلكەن كوپىرى نىسانى بويىنشا قۇرىلىس جۇرگىزىلىپ، كولىك قاتىنادى، G217 التاي - بۋىرشىن، G331 بۋىرشىن - قابا سياقتى تاس جولداردىڭ قۇرىلىسى باستالدى، G0711 ءۇرىمجى - لوپنۇر، G3018 جىڭ - الاتاۋ ساعاسى، S21 ءۇرىمجى - التاي سىندى جالعاستىرىلىپ سالىنىپ جاتقان ءبىر توپ جوعارى جىلدامدىقتى تاس جول قۇرىلىسى جاپپاي جەدەلدەتىلدى، G314 بۇلۇڭكۇل - حونچيراپ، G315 نيە - لوپ سياقتى ءبىر توپ ادەتتەگى مەملەكەت تاس جولى نەگىزگى جەلىسىنىڭ قۇرىلىسى جەدەلدەتىلدى. اۋەجاي نىساندارىنا 4 ميلليارد 713 ميلليون يۋان قارجى قوسىلدى، ءۇرىمجى حالىقارالىق اۋەجايىن وزگەرتىپ - كەڭەيتىپ سالۋ، موڭعۇلكۇرە اۋەجايى، تاشقورعان اۋەجايى، قاشقار اۋەجايىن وزگەرتىپ - كەڭەيتىپ سالۋ، تۇرپان اۋەجايىن وزگەرتىپ - كەڭەيتىپ سالۋ سياقتى نىساندار جاپپاي جەدەل جۇرگىزىلدى.

بيىل رايونىمىز قاتىناس سالاسىنداعى كەلەلى نىساندار قارجىسىن قامتاماسىز ەتۋ تەبىنىن ۇزدىكسىز ارتتىرىپ، ”قارجىنىڭ نىسانمەن بىردەي بولۋىنا “ تاباندى بولدى، قازىرگە دەيىن قاتىناس سالاسىنا مەملەكەتتىڭ بەرگەن 5 ميلليارد 84 ميلليون يۋان كومەك قارجىسى تياناقتاندىرىلدى.

”ءبىر توبىن قۇرۋ، ءبىر توبىنىڭ جۇمىسىن باستاۋ، ءبىر توبىن زاپاس ساقتاۋ“ تالابى بويىنشا، رايونىمىزدىڭ ءتۇيىندى قاتىناس نىساندارىنىڭ الدىڭعى مەرزىمدىك قىزمەتى ورنىقتى ىلگەرىلەدى. قازىر قۇلجا - اقسۋ تەمىر جولى، جىڭ - الاتاۋ ساعاسى تەمىر جولىنىڭ جاڭادان قوسىلعان 2 - جەلىسى نىسانىنىڭ ەكونوميكالىق - تەحنيكالىق نەگىزدەمەسى جۇڭگو مەملەكەتتىك تەمىر جول توبى شەكتى سەرىكتەستىگىنىڭ تەكسەرۋىنەن ءوتتى، بايىنبۇلاق اۋەجايىنىڭ، جۇندۇڭ (شونجى) حالىقتىق اۋەجايىنىڭ ەكونوميكالىق - تەحنيكالىق نەگىزدەمەسى مەملەكەتتىك دامۋ - رەفورما كوميتەتىنىڭ بەكىتۋىنەن ءوتتى؛ باركول اۋەجايى ەكونوميكالىق - تەحنيكالىق نەگىزدەمە ساتىسىنداعى كاسىپتىك تەكسەرۋ پىكىرىنە يە بولدى.

كەلەسى قادامدا، اۆتونوميالى رايوندىق دامۋ - رەفورما كوميتەتى نازاردى اۆتونوميالى رايوننىڭ قاتىناس نەگىزدىك قۇرىلعىلارىنداعى ولقىلىقتارعا، ءالسىز تۇستارعا شوعىرلاندىرىپ، ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋدى“ جۇزەگە اسىرۋ توڭىرەگىندە تەمىر جول قۇرىلىسىن جەدەل ىلگەرىلەتەدى؛ اۆياتسيانىڭ ورنالاسۋىن ونان ارى كەمەلدەندىرىپ، اۋەجاي قۇرىلىسىن جەدەل ىلگەرىلەتەدى؛ نازاردى ولقى سالالار مەن شەشۋشى بۋىندارعا شوعىرلاندىرىپ، مەملەكەتتىك، ولكەلىك نەگىزگى جەلى ارناسى قۇرىلىسىن جەدەل ىلگەرىلەتىپ، 4 - ماۋسىمدا قامال الىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن ورىنداۋعا قۇلشىنادى.