انار بۇلت / شينجياڭ گازەتىنىڭ ءتىلشىسى حي حۇڭۋي

مەملەكەت مەرەكەسى دەمالىسى كەزىندە شينجياڭنىڭ جەر - جەرى ءبىرسىپىرا تۇتىنۋدى جەبەۋ، بازاردى ورنىقتىرۋ شارالارىن شىعاردى، تىكە تاراتۋدا زات ساتۋ، ۇيىرمە ارقىلى زات ساتىپ الۋ، دۇكەندەر وتباسىعا جەتكىزىپ بەرۋ سياقتى جاڭاشا تۇتىنۋ قارىشتاپ دامىپ، تۇتىنۋ بازارىنداعى ايتارلىقتاي جارقىن تۇيىنگە اينالدى. دەمالىس كەزىندە ەكونوميكا ءۇرتىس جاندانىپ، تۇتىنۋ كومەسكى كۇشىن ايگىلەدى.

10 - ايدىڭ 5 - كۇنى ءۇرىمجى قالاسى سايباق رايونى دوستىق ساۋدا سارايىنىڭ 1 - قاباتىندا، تۇتىنۋشىلار زەردەلى تەمپەراتۋرا تەكسەرۋ ارقىلى، ساۋدا بازارىنا تارتىپپەن كىردى.

ءۇرىمجى قالاسىنىڭ تۇرعىنى يۋان جينچىن ساۋدا سارايىنا كىرىسىمەن بەزەنۋ بۇيىمدارى سورەسىنە قاراي جونەلدى. ”وسىنىڭ الدىندا ساۋدا سارايىنىڭ تىكە تاراتۋ قيمىلىن كورگەن ەدىم، قيمىلدا كورسەتىلگەن بەزەنۋ بۇيىمدارىنىڭ ىشىندە مەن قاجەت ەتكەن بۇيىمدار دا بار ەكەن، سونىمەن جەتىپ كەلدىم“، - دەدى يۋان جينچىن.

شينجياڭ دوستىق (توبى) جارنا شەكتى سەرىكتەستىگى ەلەكتروندىق ساۋدا بولىمشە سەرىكتەستىگىنىڭ باس ديرەكتورى جىڭ شينپيڭ بىلاي دەپ تانىستىردى: سەرىكتەستىك ناقتى تۇلعالىق ساۋدانىڭ سيفرلانۋعا قاراي جاڭارۋىن بەلسەنە ىلگەرىلەتىپ، شاعىن باعدارلاما، تىكە تاراتۋ سياقتىلاردان پايدالانىپ، الارمانداردىڭ ينتەرنەت جەلىسىندە زات ساتىپ الۋىنا مۇمكىندىك جاساپ، جەدەل جولدامامەن وتباسىلارعا جەتكىزىپ بەرىپ، ”بۇلتتىق زات ساتىپ الۋدى“ ساتىمەن جۇزەگە اسىردى، سونىمەن قاتار جەلىلىك تۇعىردان پايدالانىپ جول كورسەتىپ، تۇتىنۋدى زور دارەجەدە جەبەدى.

اۆتونوميالى رايوندىق ساۋدا مەڭگەرمەسىنىڭ قاتىستى جاۋاپتىسى بىلاي دەپ تانىستىردى: جەلىلىك ەكونوميكا مەن ناقتى تۇلعالىق كاسىپ سالاسىنىڭ توعىسىپ دامۋى ءبىر - ءبىرىنىڭ ادام اينالىمىنان، زات اينالىمىنان جانە ينفورماتسيا اينالىمىنان بىرگە يگىلىكتەنۋىن جۇزەگە اسىرىپ، تۇتىنۋ ءورىسىنىڭ ونان ارى كەڭەيۋىنە مۇمكىندىك جاسادى.

مەملەكەت مەرەكەسى دەمالىسى كەزىندە، سىرتقا شىعىپ ساياحاتتاۋدىڭ، ينتەرنەت جەلىسىندە ۇيرەنۋدىڭ، ءداستۇرلى ساۋدانىڭ ينتەرنەت جەلىسىندە جانە ينتەرنەت جەلىسىنەن تىس توعىسۋى جەر - جەردىڭ تۇتىنۋ بازارىن جانداندىردى. ”دەمالىس كەزىندەگى ەكونوميكا“ ”جايشىلىقتاعى ەكونوميكادان“ وزگەشە بولدى، راسىمدىك ساتىپ الۋ، مادەنيەتتى، سەيىل - سەرۋەندى تاڭداۋ سياقتىلار تۇتىنۋداعى تىڭ ەرەكشەلىككە اينالدى.

10 - ايدىڭ 3 - كۇنى ءۇرىمجى شيڭحۇي كينو باقشاسى شىداي الاڭىنىڭ كينو قويۋ ورنى ادامعا لىق تولدى، ءتارتىپتى بولدى. ”مەن جاقسى ورىندى ينتەرنەتتەن ءبىر كۇن بۇرىن الىپ قويعان ەدىم“. بالاسىمەن بىرگە «چاڭجينحۋ» اتتى كينونى كورىپ شىققان ءۇرىمجى قالاسىنىڭ تۇرعىنى جاڭ ياڭ تىلشىگە، كينو فيلمىنىڭ توتەنشە اسەرلى ەكەندىگىن، مەملەكەت مەرەكەسى دەمالىسى كەزىندە وتباسىنداعىلارمەن بىرگە وسىنداي وتانشىلدىق تاقىرىپتاعى كينولاردى كورۋدىڭ توتەنشە ماعىنا الاتىندىعىن ايتتى.

”بيىلعى مەملەكەت مەرەكەسى كەزىندە ورنالاستىرىلعان «مەن جانە اكەمنىڭ تۇستاستارى»، «چاڭجينحۋ» سياقتى كينو فيلمدەرى كەرەمەت بولعاندىقتان، كورەرمەندەردىڭ قارسى الۋىنا بولەندى“. كينو قويۋ ورنىنىڭ باستىعى ۋ يان: ”شاعىن باعدارلاما ارقىلى الدىن الا بەلەت ساتىپ الۋ، ورىن تاڭداۋ ادامداردىڭ شوعىرلانۋ جاعدايىن باسەڭدەتتى، ۋاقىت تا ۇنەمدەلدى“، - دەپ تانىستىردى.

شىنىعۋ، سەيىل - سەرۋەن سياقتىلار جۇرت ءبىرشاما نازار اۋدارعان تاقىرىپ بولدى، زەردەلى دەنە تاربيە سياقتى تۇتىنۋ تىڭ تاسىلدەرى دە تۇتىنۋشىلارعا ۇنادى. سانجى قالاسىنىڭ تۇرعىنى جاڭ جيە دەنە شىنىقتىرۋعا اۋەس ەدى، زەردەلى كيىنىس جابدىعى ونىڭ قيمىل بارىسىن، جۇرەك سوعۋ ريتىمىن، شىنىعۋ ادەتىن، دەنە قۋاتىنىڭ جۇمسالۋىن ەستەلىككە ءتۇسىرىپ وتىرادى. ”وسى دەمالىستا بىرنەشە دوسىممەن بىرگە ماڭايدى ۆەلوسيپەتپەن ارالاپ شىعۋعا كەلىسكەن ەدىك، وسى ارقىلى كوركەم كورىنىستەردى تاماشالاۋمەن قاتار، شىنىعىپ دەنە قۋاتىمىزدى ارتتىرۋىمىزعا دا بولادى“، - دەدى جاڭ جيە.

مەملەكەت مەرەكەسى دەمالىسى كەزىندە، بىرەۋلەر ساياحاتتاپ شىقسا، بىرەۋلەر وتباسىندا بولدى. شىحىزىدا قىزمەت ىستەيتىن ياڭ حايتاۋ وسى دەمالىستا ”ەشقايدا“ شىقپاي ۇيىندە بولۋدى تاڭدادى. ول: ”ينتەرنەتتە ۇيرەنىپ، كاسىپتەن سىرتقى اۋەسىمە ءار بەردىم؛ مۇراجايلاردىڭ ءبىرسىپىراسى ۆيرتۋالدى رەال توراپ بەتتەرىن اشىپتى، ساۋساعىمىزدى قيمىلداتىپ قانا ’عاجايىپ ساياحات‘ كورمەسىن ارالاپ شىقتىق، دەمالىس كەزىندەگى تۇرمىسىمىز دا توتەنشە باي مازمۇندى بولدى“، - دەدى.

تۇتىنۋدىڭ جاڭا كۇيى، جاڭا ۇلگىسى ۇزدىكسىز جارىققا شىقتى، زەردەلى بولشەك ساتۋ، ينتەرنەت جەلىسىنەن تاربيە الۋ، ينتەرنەتتە ەمدەلۋ، تىكە بەرىلىمدە زات ساتۋ سياقتىلار ءداستۇرلى كاسىپ سالالارىنىڭ جاڭالانۋىن جەدەلدەتىپ، ونىممەن قامداۋ مازمۇنىن ۇزدىكسىز بايىتىپ، تۇتىنۋشىلاردىڭ تىڭ قاجەتىنە ۇيلەستى.

شينجياڭدا جەر - جەر مەملەكەت مەرەكەسى دەمالىسىنان پايدالانىپ، شينجياڭنىڭ اۋىل شارۋاشىلىق ەرەكشە ونىمدەرىن تانىستىردى.

”شينجياڭ − مەملەكەتتىك ساپالى ماقتا ءوندىرىس بازاسى، ماقتا كورپەلەردەن كۇننىڭ ءيىسى اڭقىپ تۇرادى...“، 10 - ايدىڭ 1 - كۇنى لوپنۇر اۋدانى جۇڭۋاڭ توقىماشىلىق شەكتى سەرىكتەستىگىنىڭ ينتەرنەت جەلىسىنەن تىس ەلەكتروندى ساۋدا ىستەرىن سەزىنۋ ورنىنىڭ جاۋاپتىسى ياڭ گۋاڭيۇن تىكە بەرىلىم تۇعىرىنان پايدالانىپ، ونىمدەردى ىستىق ىقىلاسپەن تانىستىردى.

سول كۇنى لوپنۇر اۋدانى ەلەكتروندى ساۋدا ىستەرى قوعامى لوپنۇر ساۋعاسى ”مول ءونىم سيى“ اتتى مەملەكەت مەرەكەسىن قۋانا قارسى الۋ تىكە بەرىلىمدە زات ساتۋ ارناۋلى قيمىلىن ورىستەتىپ، لوپنۇر اۋدانىنىڭ ساپالى لوپنۇر كەندىرى، بال، كورلا المۇرتى سياقتى اۋىل شارۋاشىلىق ەرەكشە ونىمدەرىن بۇكىل ەلىمىزدەگى تۇتىنۋشىلارعا تانىستىردى. تىكە بەرىلىم قيمىلى 2 ساعاتقا جالعاسىپ، ينتەرنەت جەلىسىندە كورگەندەر 340 مىڭ ادام − رەتتەن اسىپ، ساتىلىم سوماسى 86 مىڭ 500 يۋانعا جەتتى.

اۆتونوميالى رايوندىق ساۋدا ىستەرى مەڭگەرمەسىنىڭ قاتىستى جاۋاپتىسى سەزىنۋ مەن دارالىققا تالپىنۋعا باسا ءمان بەرۋ وزگەرمەيتىن تاقىرىپ ەكەنىن، تاپسىرىستى تۇتىنۋ، زەردەلى تۇتىنۋ، مودالىق تۇتىنۋ سياقتى جاڭا فورمالاردى بەلسەنە جەتىلدىرىپ جانە دامىتىپ، تۇرعىنداردى جەكە ادامعا ارنالعان ءونىم نەمەسە قىزمەت وتەۋمەن قامداپ، قوعامنىڭ پارىقتى، ساپالى، يقۋاتتى تۇتىنۋ قاجەتىن ونان ارى ويداعىداي قاناعاتتاندىراتىندىقتارىن ءبىلدىردى.