باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
«شينجياڭ جاقسى جەر» اتىنداعى بەينە ەكران اۋىس - كۇيىس ٴماجىلىسى ۇرىمجىدە جانە ٴىسلامابادتا وتكىزىلدى
2021-10-12 22:45:52     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

جۇڭگونىڭ شينجياڭىنا باعىتتالعان جالعان ۇگىتكە باتىل قارسى تۇرامىز


شينجياڭ گازەتىنىڭ ٴتىلشىسى جاڭ يۇنمەي 9 - ايدىڭ 30 - كۇنى ۇرىمجىدەن حابارلايدى. 9 - ايدىڭ 28 - كۇنى «شينجياڭ جاقسى جەر» اتىنداعى پاكيستانعا ارنالعان بەينە ەكران اۋىس - كۇيىس ٴماجىلىسى ۇرىمجىدە جانە ٴىسلامابادتا وتكىزىلدى، ەكى جەردەگى قوعامنىڭ ٴار سالاسىنداعى قايراتكەرلەر بەينە ەكران ارقىلى ٴوزارا اۋىس - كۇيىس جاساسىپ، ىقپالداستى.

وسى رەتكى اۋىس - كۇيىس ٴماجىلىسىن شينجياڭ ۇيعۇر اۆتونوميالى رايونى مەن جۇڭگونىڭ پاكيستاندا تۇراتىن ەلشىلىگى بىرگە وتكىزدى. اۆتونوميالى رايون باسشىلارى لي شۋەجۇن، ٴزۇمىرات وبۇل، ماڭلىك سەيىت، نۇرىم سىمايىلحان ۇلى، جۇڭگونىڭ پاكيستاندا تۇراتىن باس ەلشىسى نۇڭ رۇڭ جەكە - جەكە ۇرىمجىدە جانە ٴىسلامابادتا اۋىس - كۇيىس ماجىلىسىنە قاتىناستى.

اۆتونوميالى رايوننىڭ ورىنباسار ٴتوراعاسى ماڭلىك سەيىت ارناۋ سوزىندە مىنالاردى ٴبىلدىردى: پاكيستان مەن جۇڭگونىڭ شينجياڭىنىڭ تاۋ − سۋى جالعاسقان، گۋمانيتارلىق بايلانىسى جاقىن، ەكونوميكا - ساۋدا، مادەنيەت بارىس − كەلىسىنىڭ تاريحى وتە ۇزاق. اۋىس - كۇيىس ٴماجىلىسىن وتكىزۋدە تۇسىنىستىكتى اناعۇرلىم تەرەڭدەتىپ، دوستىقتى كۇشەيتۋدى، سەلبەستىكتى جەبەۋدى ٴۇمىت ەتەمىز. جۇڭگو كوممۋنيستىك پارتياسىنىڭ 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، شينجياڭ حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدى ىلگەرىلەتۋدە جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى. الايدا جۋىقتاعى ٴبىر مەزگىلدە، امەريكاداعى جانە باتىستاعى ٴىشىنارا مەملەكەتتەردەگى جۇڭگوعا قارسى كۇشتەر شينجياڭداعى ٴار ۇلت حالقىنىڭ تاماشا تۇرمىس كەشىرىپ جاتقان شىندىعىمەن ساناسپاي، ەشقانداي تياناقسىز، ەشقانداي قيسىنسىز، ەشقانداي نەگىزسىز شينجياڭنىڭ «اتىنا داق سالىپ»، «تۇرپايىلاندىرىپ كورسەتتى»، مۇنداعى ماقساتى − شينجياڭنىڭ حاۋىپسىزدىگىن، ورنىقتىلىعىن ٴبۇلدىرۋ، جۇڭگونىڭ دامۋىنا، زورايۋىنا توسقىندىق جاساۋ. ٴبىز مۇنى قاتاڭ جازعىرامىز جانە بۇعان باتىل قارسى تۇرامىز! امەريكاداعى جانە باتىستاعى ٴىشىنارا مەملەكەتتەردەگى جۇڭگوعا قارسى كۇشتەردىڭ شينجياڭدى قيسىنسىز جازعىرۋى جۇرت كوڭىلىنە جاقپايدى، اقىرىندا تاريحتىڭ ماسقارالىق دىڭگەگىنە شەگەلەنەدى.

نۇڭ رۇڭ بىلاي دەدى: جۇڭگو - پاكيستان ەكونوميكا - ساۋدا سەلبەستىگى جانە جۇڭگو − پاكيستان ەكونوميكا ٴدالىزى قۇرىلىسى شينجياڭنان ايىرىلا المايدى، شينجياڭنىڭ ورنىقتىلىعى مەن دامۋى پاكيستانعا پايدا اكەلەدى. الايدا امەريكاداعى جانە باتىستاعى ٴىشىنارا مەملەكەتتەردەگى جۇڭگوعا قارسى كۇشتەر اق پەن قارانى شاتاستىرىپ، بۇيرەكتەن سيراق شىعارىپ، شينجياڭعا ساياتىن قىرۋار جالعان ينفورماتسيالاردى جاساپ، تاراتىپ، جۇڭگونىڭ وبرازىنا كۇيە جاعىپ، جۇڭگونىڭ شينجياڭدى جونگە سالۋ ساياساتىن داتتاپ، جۇڭگونىڭ ىشكى ىسىنە كيلىگىپ، حالىقارالىق قوعامنىڭ كوزىن كولەگەيلەۋگە، شينجياڭنىڭ ورنىقتىلىعىنا، دامۋىنا كەدەرگى بولۋعا، ونى بۇلدىرۋگە، اۋەلى، ٴبىزدىڭ دوس مەملەكەتتەرمەن ارامىزداعى ٴوزارا سەنىمدىلىكتى، سەلبەستىكتى شايقالتۋعا ۇرىندى، مۇنداي سۇرقيا ٴىس - ارەكەت پەن ساياسي قاسكۇنەمدىك، استە، ىسكە اسپايدى!

پاكيستان حالىق پارلامەنتىنىڭ ورىنباسار پارلامەنت باستىعى كاشىم سۋلي ٴسوز سويلەگەندە مىنالاردى ٴبىلدىردى: پاكيستان مەن جۇڭگونىڭ دوستىق قارىم - قاتىناسى شوگىر شىڭىنان دا بيىك، حالىقاراداعى قارسى كۇشتەردىڭ ەكى ەل اراسىندا ۇعىسپاستىق جانە الاۋىزدىق تۋدىرماق بولۋى ەجەلدەن ىسكە اسىپ كورگەن ەمەس. الدىڭعى ٴبىر مەزگىلدە، امەريكاداعى جانە باتىستاعى ٴىشىنارا مەملەكەتتەردەگى جۇڭگوعا قارسى كۇشتەر جۇڭگونىڭ شينجياڭىنا قاتىستى جالعان ينفورماتسيالار مەن ساندىراقتاردى تاراتتى. مەن دۇنيە جۇزىنە مىنانى ايتامىن: بۇل ادامدار جۇڭگوعا قاراتقان تۇرعىسى مەن كوزقاراسىن وزگەرتۋى، جۇڭگونىڭ دامۋىن، وتە - موتە، جۇڭگونىڭ شينجياڭىنىڭ دامۋىن بەلسەنە مويىنداۋى كەرەك. بولاشاقتا پاكيستان مەن جۇڭگو اراسىندا ٴتىپتى دە كوپ سالالاردا سەلبەستىك ورىستەتىلىپ، ەكى ەل حالقىنا ٴتىپتى دە كوپ قۇت - ىرىس الا كەلۋىن ٴۇمىت ەتەمىن.

پاكيستاننىڭ ٴدىن ىستەرى مينيسترى كادرري شينجياڭعا كوپ رەت كەلىپ، شينجياڭداعى دىندەردىڭ تاتۋلىعىن، ۇلتتاردىڭ ىنتىماعىن تەرەڭ سەزىنگەن، جۇڭگو ۇكىمەتىنىڭ ٴدىني سەنىم ەركىندىگىن زاڭمەن قورعاعانىن، جەرگىلىكتى ورىنداعى مۇسىلمان بۇقاراسىنىڭ ٴوندىرىس، تۇرمىس شارت - جاعدايىن بەلسەنە جاقسارتقانىن، ٴىسلام ٴدىنى شۋەيۋانىن قۇرعانىن القايتىنىن ٴبىلدىردى. ول بىلاي دەدى: جۇڭگونىڭ شينجياڭىنىڭ گۇلدەنىپ - كوركەيۋى توڭىرەكتەگى ەلدەر مەن رايونداردىڭ گۇلدەنىپ - كوركەيۋىنە پايدالى. ٴبىز پاكيستان مەن جۇڭگو ەكى ەلدىڭ گۋمانيتارلىق بارىس - كەلىسىن كۇشەيتىپ، ەكى ەل حالقىنىڭ ٴوزارا تۇسىنىگىن جاڭا دەڭگەيگە جوعارىلاتۋىمىز كەرەك.

اۋىس - كۇيىس ماجىلىسىندە «شينجياڭ جاقسى جەر» اتتى ۇگىت فيلمى قويىلدى. شينجياڭداعى نەگىزگى ساتى بۇقاراسى شينجياڭنىڭ ٴدىني سەنىم ەركىندىگىن قورعاۋ، ەڭبەكپەن جۇمىستاندىرۋ، از ۇلت مادەنيەت - كوركەمونەرى سالالارىنىڭ قازىرگى جاعدايىن ناقتى مىسالدارمەن تانىستىرىپ، امەريكاداعى جانە باتىستاعى ٴىشىنارا مەملەكەتتەردەگى جۇڭگوعا قارسى كۇشتەردىڭ شينجياڭ جونىندەگى وسەك - اياڭىنا تويتارىس بەردى. اۋىس - كۇيىس ماجىلىسىندە شينجياڭنىڭ لاڭكەستىككە سوققى بەرۋ جانە ۇشقارىلىقتى الاستاۋ جاعىنداعى تاجىريبەلەرى، جۇڭگوعا قارسى كۇشتەردىڭ قاساقانا كۇيە جاعۋىنا توتەپ بەرۋدە قولدانعان شارالارى جانە شينجياڭنىڭ جان سانى دامۋى سياقتى جاقتاردا اۋىس - كۇيىس جاسالدى.

پاكيستان كەڭەس پالاتاسى پاكيستان - جۇڭگو دوستىق گرۋپپاسىنىڭ مۇشەلەرى، پاكيستانداعى حۋاچياۋ، حۋارىن قوعامدارىنىڭ ۋاكىلدەرى، پاراسات قويماسى ماماندارى، ٴدىن سالاسى قايراتكەرلەرى، بۇكىل پاكيستانداعى ساۋدا - ونەركاسىپشىلەر ۋاكىلدەرى جانە اقپارات مەديالارىنىڭ ۋاكىلدەرى اۋىس - كۇيىس ماجىلىسىنە قاتىناستى.