باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ەرەكشەلىككە يە باسىمدىقتاردى ساۋلەلەندىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك
2021-10-13 21:43:43     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

ەركىن تۇنياز تۇرپان قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

ەرەكشەلىككە يە باسىمدىقتاردى ساۋلەلەندىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك


انار بۇلت / شينجياڭ گازەتىنىڭ ءتىلشىسى جاڭ يۇنمەي 10 - ايدىڭ 11 - كۇنى تۇرپاننان حابارلايدى. 10 - ايدىڭ 11 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز تۇرپان قالاسىندا تەكسەرۋ - زەرتتەۋ جۇرگىزىپ، تۇرپان قالاسىنىڭ ساياحات كاسىبىنىڭ دامۋ جاعدايى مەن گاڭچىڭ زات اينالىم باقشاسى اۋە، تەمىر جول جالپىلىق قاتىناس تورابى نىسان قۇرىلىسى جاعدايىن باسى - قاسىندا ۇعىستى. ول بىلاي دەپ اتاپ كورسەتتى: ساياسي دەڭگەيدى جوعارىلاتىپ، حالىقتى وزەك ەتكەن دامۋ يدەياسىن مىقتاپ ورناتىپ، حالىق تۇرمىسىمەن تىعىز بايلانىستىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك.

ەركىن تۇنياز ىلگەرىندى - كەيىندى سالىنۋ ۇستىندەگى تۇرپان حالىقتىق تۇسەلحانا مادەنيەتى جاسامپازدار بازاسى مەن اينالىمعا تۇسكەن بافىڭگۋ حالىقتىق تۇسەلحاناعا بارىپ، تۇرپان قالاسىنىڭ حالىق تۇسەلحانا قونالقى قۇرىلىسى جاعدايىن جانە كاسىپورىنداردىڭ ءدوپ كەلگەن قيىنشىلىقتارى مەن قاجەتىن ۇعىستى. ول مىنانى اتاپ كورسەتتى: ساياحات كاسىبى − ءبىر كاسىپ كوركەيسە كوپ كاسىپ جانداناتىن جالپىلىق سيپاتتى كاسىپ، دامۋ كومەسكى كۇشى زور. تۇتاس شينجياڭدا ساياحاتتاعى قۋاتتى ءوڭىر رەتىندە، تۇرپان قالاسى ساياحات بايلىعىن تولىق اشىپ، ”ساياحات ارقىلى شينجياڭدى گۇلدەندىرۋ“ ستراتەگياسىن ىشكەرىلەي ىلگەرىلەتىپ، ”اس - سۋ، قونالقى، ءجۇرىس - تۇرىس، ساياحات، زات ساتىپ الۋ، كوڭىل اشۋ“ سياقتىلاردى مىقتاپ ارقاۋ ەتىپ، ساياحات يقۋاتىن ۇزدىكسىز كەمەلدەندىرىپ، ساياحات كاسىبى كۇيىن ۇزدىكسىز بايىتىپ، ساياحات نەگىزدىك قۇرىلعىلارىن كەمەلدەندىرۋ جانە قىزمەت وتەۋ دەڭگەيىن جوعارىلاتۋ، ساپاسىنا كەپىلدىك ەتۋ جاعىنا بارىنشا كۇش سالىپ، تۇرپان قالاسىنىڭ ساياحات كاسىبىن گۇلدەندىرىپ، زورايتىپ، ساياحاتشىلاردىڭ ريزالىقپەن كەلىپ، ريزالىقپەن ساياحاتتاپ، رازى - حوش بولىپ قايتۋىن جۇزەگە اسىرۋ كەرەك.

تۇرپان گاڭچىڭ زات اينالىمى باقشاسى اۋە، تەمىر جول جالپىلىق قاتىناس تورابى نىسانى 2020 - جىلى 9 - ايدا جالپى بەتتىك اتقارۋ كەزەڭىنە ءوتتى. نىسان سالىنىپ بىتكەننەن كەيىن، تۇرپاننىڭ وزگەشە جاعراپيالىق، بايلىق، مادەنيەت باسىمدىعىن تولىق ساۋلەلەندىرىپ، ”تەمىر جول، اۆياتسيا، تاس جول“ سترەولدى قاتىناس - تاسىمال جۇيەسىن ىلگەرىلەتۋدە رولىن ساۋلەلەندىرىپ، وسى زامانعى ساۋدا زات اينالىمىنىڭ، ەرەكشە ساياحات كاسىبىنىڭ دامۋىن جەبەپ، ءۇرىمجى - تۇرپان ەكونوميكاسىنىڭ ءبىر تۇلعالانىپ دامۋىن جانە تۇرپان قالاسىنىڭ ەكونوميكالىق، قوعامدىق دامۋىن جەدەل ىلگەرىلەتەدى.

ەركىن تۇنياز مىنانى باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنىقتىلىق، دامۋ قىزمەتتەرىن شىن مانىندە ويداعىداي يگەرۋ كەرەك. اۆتونوميالى رايوندىق پارتكومنىڭ ورنالاستىرۋى، تالابى بويىنشا، كەلەلى نىسان قۇرىلىستارىندا ورىندى ءدال بەلگىلەپ، جوبا جاساپ جەتەكشىلىك ەتىپ، قۇرىلىستىڭ جوعارى ولشەمدى، جوعارى ساپالى بولۋىن جۇزەگە اسىرۋ كەرەك. دامۋ مەن حاۋىپسىزدىكتى ءبىر تۇتاس جوبالاپ، ىندەتتەن ساقتانۋ، تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوبالاپ، قوعام ورنىقتىلىعى، ىندەتتەن ساقتانۋدى، تىزگىندەۋدى ۇدايىلاندىرۋ، ءوندىرىس حاۋىپسىزدىگى مەن ەكونوميكانىڭ جوعارى ساپالى دامۋ قىزمەتتەرىن تىڭعىلىقتى ويداعىداي ىستەۋ كەرەك. ورايدى قولدان بەرمەي، ىرىقتىلىقپەن ىسكەرلىك كورسەتىپ، الدىدا ءجۇرىپ قىزمەت وتەپ، نىسان قۇرىلىسىندا ءدوپ كەلگەن الۋان ءتۇرلى ماسەلەلەردى سايكەستى شەشۋگە بەلسەنە كومەكتەسىپ، نىسان قۇرىلىسى اياق الىسىن جەدەل ىلگەرىلەتىپ، قۇرىلىستىڭ ەرتەرەك سالىنىپ بىتۋىنە شىنايى كەپىلدىك ەتىپ، ءار ۇلت بۇقاراسىن يگىلىككە ەرتەرەك كەنەلدىرۋ كەرەك.

اۆتونوميالى رايون باسشىلارىنان چىن ۋيجۇن قاتارلىلار تەكسەرۋ - زەرتتەۋدە بىرگە بولدى.