ريزۋانگۇل ساۋىت:

كوشە - كوشەنى ارالاپ جۇرگەن ”گۇل شۋجي“

انار بۇلت / شينجياڭ گازەتىنىڭ ءتىلشىسى گان شيڭحۋا

”كۇن سۋىتتى، جالعىز باستى قارتتاردىڭ ۇيىنە بارىپ پارى جىلىعان - جىلىماعانىن كورەيىك؛ تۇرعىندار اڭىس ەتكەن ءۇيدىڭ توبەسىنەن سۋ اعۋ ماسەلەسىن شەشۋگە جوندەۋشى جۇمىسشىلار باردى ما...“ ءار كۇنى ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) گاڭچىڭ اۋماعى كىپيڭ جولى سولتۇستىك الەۋمەتتىك اۋماعىندا شاپقىلاپ جۇرەتىن ريزۋانگۇل ساۋىت تۇرعىنداردىڭ ۇيىندەگى شارۋالار ءۇشىن جار قۇلاعى جاستىققا تيمەي، زىر جۇگىردى، جۇرت ونى ۋايىمنان ارىلتىپ، مەيىر جەتكىزەتىن ”گۇل شۋجي“ دەپ ىقىلاسپەن اتاپ كەتتى.

2003 - جىلى ەندى عانا داشۋە بىتىرگەن ريزۋانگۇل ساۋىت ءۇرىمجى ەكونوميكالىق، تەحنيكالىق اشۋ رايونىنىڭ (توۋتۇنحى رايونى) توۋتۇنحى ءمالى باسقارماسىنا جۇمىسقا تۇرىپ، باستان - اياق ”تۇرعىنداردى باقىتتى تۇرمىسقا كەنەلتۋدى“ قۇلشىنۋ نىساناسى ەتەدى. بيىل وعان ”مەملەكەتتىك تاڭداۋلى پارتيا ىستەرى قىزمەتكەرى“ اتاعى بەرىلدى.

2008 - جىلى 11 - ايدا ريزۋانگۇل ساۋىت كىپيڭ جولى سولتۇستىك الەۋمەتتىك اۋماعى پارتيا ياچەيكاسىنىڭ شۋجيى بولدى. بۇل الەۋمەتتىك اۋماق كونە، ەسكى شاعىن اۋماق، قورشاعان ورتاسى ناشار، جولدارى تالاي جىل جوندەۋسىز قالعان، تۇرعىنداردىڭ پىكىرى كوپ، ريزۋانگۇل ساۋىت پارتيا ياچەيكاسىن قۋاتتى ەتىپ قۇرىپ، باسشىلىق القاسى قۇرىلىسىن مىقتى يگەرىپ، تۇرعىندارعا كوڭىل قويا قىزمەت وتەۋگە بەكىندى.

ريزۋانگۇل ساۋىت ءۇرتىس ءبىر اپتا بويى كەڭسەدە جاتىپ، كۇندىز وتباسىلارىن ارالاپ تۇرعىنداردىڭ تالاپ - تىلەگىن ۇعىستى، كەشتە باسشىلىق القاسىمەن بىرگە ماسەلەلەردى قاداعالاپ، تۇپكىلىكتى سەبەپتەرىنە تالداۋ جاسادى. تالداۋ جاساۋ ارقىلى كوپشىلىك الەۋمەتتىك اۋماق ”ەكى كوميتەتى“ باسشىلىق القاسىنىڭ جۇمىس ءبولىسى ايقىن ەمەس، قىزمەت بەلسەندىلىگى تومەن بولعاندىقتان بۇقارا اڭىس ەتكەن ماسەلەلەر دەر كەزىندە شەشىلمەگەن دەپ قارادى. ماسەلە تابىلدى، الەۋمەتتىك اۋماق ”ەكى كوميتەتى“ دەرەۋ ماسەلە ءتىزىمى مەن جاۋاپكەرشىلىك ءتىزىمىن جاسادى. بارلىق ماسەلەلەردى الدىعا جايىپ سالىپ، ءار كۇنى وزدەرىنىڭ نە ىستەيتىندىگىن ءبىلىپ وتىردى، كوپشىلىكتىڭ جاۋاپكەرشىلىك سەزىمى كۇشەيە ءتۇستى“، - دەيدى الەۋمەتتىك اۋماقتىڭ قىزمەتكەرى گاۋ چىن.

ريزۋانگۇل ساۋىت تاعى ”ءتۇزىم ارقىلى ادامدى، ءىستى باسقارۋ“ وي جەلىسىن ايقىنداپ، جۇلدىز دارەجەسى بويىنشا باسقارۋ سياقتى 10 ءتۇرلى ءتۇزىمدى كەمەلدەندىرىپ، ”تۇزىمدىك شەكتەۋ + ىقىلاسپەن كومەكتەسۋ - جەتەكتەۋ“ ۇلگىسىن قولدانىپ، الەۋمەتتىك اۋماقتاعى جاس قىزمەتكەرلەردى العا باسۋعا جەتەكتەدى.

تۇرعىنداردىڭ الەۋمەتتىك اۋماقتىڭ قىزمەتىنە ريزا بولماۋ ماسەلەسىن قالاي شەشۋ كەرەك؟ ريزۋانگۇل ساۋىت پارتيا مۇشەلەرى جينالىسى مەن تۇرعىندار جينالىسىندا: الەۋمەتتىك اۋماقتىڭ حابارلاندىرۋ تاقتاسىنا تۇرعىندار ءۇشىن ناقتى ءىس ىستەۋ جۇمىستارىن اشىق جاريالايمىز، تۇرعىندار باقىلاڭىزدار، - دەپ ۋادە بەردى. ول تاعى باسشىلىق القاسى مۇشەلەرىن باستاپ، تۇرعىنداردىڭ جەر تولەسىندەگى قوقىر - قوقسىقتاردى تازالادى، جولدارىن قاتتىلاندىرىپ، جوندەدى، قارتتاردىڭ ۇيىنە بارىپ قىزمەت وتەدى... بىرتە - بىرتە الەۋمەتتىك اۋماق قىزمەتى تۇرعىنداردىڭ مويىنداۋىنا يە بولدى.

ريزۋانگۇل ساۋىت 24 ساعاتتىق حالىققا قولايلى ىستىق لەنيا اشىپ، ورتا تازالىعىن جونگە سالۋ، حالىقتى تيىمدىلىك جەتكىزۋ ساياساتى ۇگىت لەكسياسى سياقتى 20 جۇمىس ورنىن قۇرىپ، ساقا پارتيا مۇشەلەرىن قالعان كۇش - قۋاتتارىن ساۋلەلەندىرۋگە ۇسىنىس ەتتى.

75 - ءنومىرلى عيماراتتىڭ الدىنداعى گۇلدى كەرپىش جول تەگىس ەمەس، 65 - ءنومىرلى عيماراتتىڭ ارتىنداعى بەتكەي قوقسىق توگەتىن جەرگە اينالىپ كەتتى... ساقا پارتيا مۇشەلەرى اڭىس ەتكەن ماسەلەلەردى تاپسىرىپ العاننان كەيىن، ريزۋانگۇل ساۋىت باسشىلىق القاسىنىڭ مۇشەلەرىمەن اقىلداسىپ، الەۋمەتتىك اۋماق قارجى شىعارىپ كۇش ۇيىمداستىرىپ تۇزەتۋ كەرەك دەپ ۇيعاردى. ول قىزمەتكەرلەردى ەرتىپ جول بەتىن تۇزەتىپ، قيا بەتكەيدى تەگىستەپ اۆتوكولىك توقتاتۋ ورنى ەتىپ سالدى، ماڭايداعى بۇقارا جابال ات سالىسىپ، قونىس ورتاسىن بىرگە جاقسارتتى.

تۇرعىندارعا قىزمەت وتەۋ قىزمەتكەر جانە مەحانيزم قامتاماسىزدىعىن قاجەت ەتەدى. ريزۋانگۇل ساۋىت الەۋمەتتىك اۋماقتاعى پارتيا مۇشەلەرىن جۇمىلدىرىپ 3 پارتيا مۇشەلەرى ەرىكتىلەر قىزمەت وتەۋ اترەتىن قۇرىپ، كىمنىڭ ۇيىندەگى قاريالاردىڭ اۋرۋ كورسەتۋى قيىن، قايسى تۇرعىن جۇمىستاندىرۋدى قاجەت ەتەدى دەگەندەردى تۇگەل ارنايى ەستەلىككە الىپ، بارلىق ىسكە جاۋاپ بولۋىنا، بارلىق ءىستىڭ تياناقتانۋىنا شىنايى كەپىلدىك ەتتى.

19 جىلدان بەرى ريزۋانگۇل ساۋىت وزىنە ابدەن تانىس بولىپ كەتكەن كوشەلەردى ارالاپ، تۇرعىندارمەن بارعان سايىن ەتەنە بولا ءتۇستى. ول نەگىزگى ساتى ۇگىت اترەتىن قۇرىپ، بۇقارانىڭ ماڭىنداعى ۇلتتار ىنتىماعى اڭگىمەلەرى جونىندە ۇگىت لەكسيا ورىستەتتى. ونىڭ جەتەكتەۋىندە، الەۋمەتتىك اۋماق ۇلتتار ىنتىماعى بىرلەسكەن دوستىق قيمىلىن وتكىزىپ، ۇلتتار ىنتىماعىنداعى ”جاقسى عيمارات“، ”جاقسى ساۋداگەر“ سياقتى بۇقارالىق باعالاۋ قيمىلدارىن ورىستەتىپ، ءار ۇلت بۇقاراسىنىڭ قاتىناسىن ءتىپتى دە بەرەكەلى ەتتى.

پەرزەنتسىز يىن جۋشياڭ قاريانىڭ اۋىر جەل - قۇز اۋرۋى بار. 7 جىلدىڭ الدىندا تانىسقاننان باستاپ، ريزۋانگۇل ساۋىتتىڭ ۇنەمى امانداسىپ جاعداي ۇعىسۋىنان قاريا مول جان اشىر - جاقىن سۇيىسپەنشىلىگىن سەزىندى. ”1 - مامىر“ مەرەكەسىنىڭ الدىندا، يىن جۋشياڭ ريزۋانگۇل ساۋىتقا كەلتە حات جولداپ: ”ءسىڭلىم راقىمەت، ماعان ۇيىمدەگىلەردەي مەيىر سەزىندىردىڭ“ دەدى. كەلتە حاتتى كورىپ ريزۋانگۇل ساۋىت قاتتى قۋاندى.

دەمالعان ۋاقىتىنان پايدالانىپ قيىنشىلىعى بار بۇقارامەن سىرلاسىپ، جالعىز تۇراتىن قارتتارعا امانداستى... ريزۋانگۇل ساۋىت ءوزىنىڭ 10 نەشە جىلدان بەرگى الەۋمەتتىك اۋماق پارتيا ياچەيكاسىنىڭ شۋجيى بولعان اسەرىن تىلگە العاندا بىلاي دەدى: ”الەۋمەتتىك اۋماق قىزمەتكەرى بۇقارانى ەستەن شىعارماي، كىشكەنە ىستەردى دە تۇرعىنداردىڭ كوڭىلىندەگىدەي ەتىپ ىستەۋى كەرەك“.