انار بۇلت / شينجياڭ گازەتىنىڭ ءتىلشىسى ليۋ ي

نان، جۇرتقا تانىس وسى ءدامدى تاعام قازىر شينجياڭدا دامىپ، ادامدى تاڭ قالدىراتىن كاسىپ سالاسىنا اينالدى.

قىسقا عانا بىرنەشە جىلدا، ”توعىسپالى“ دامۋ ۇستانىمىنان پايدالانىپ، كىشكەنە نان قارىشتاپ دامىعان ءىرى كاسىپ سالاسىنا اينالىپ، جالاڭ ءداستۇرلى ءدامدى تاعامنان بىرتىندەپ دامىپ، جۇمىستاندىرۋدى ورنىقتىرۋدىڭ، كىرىستى ارتتىرۋدى جەبەۋدىڭ سەنىمدى تىرەگىنە اينالىپ، وسى زامانعى كاسىپ سالاسى دامۋىنىڭ قارقىندى جولىندا وزگەشە باۋراۋ قۋاتى مەن كومەسكى كۇشىن ايگىلەدى.

10 - ايدىڭ باسىندا شينجياڭ نان كاسىپ سالاسى (تيانجين) تانىستىرۋ ءماجىلىسى جانە ەرەكشە اۋىل شارۋاشىلىق ونىمدەرى جارمەڭكەسى تيانجين قالاسىندا ءساتتى وتكىزىلدى، شينجياڭنىڭ 200 تۇردەن استام نان جەلىلەس ونىمدەرى شوعىرلى تۇردە كورمەگە قويىلدى. جارمەڭكە ۇستىندە ساۋدا كۇسەت بولىپ، مانەرلەنىپ جابىلعان ءتۇرلى نان ونىمدەرىنە قىرۋار تاپسىرىس بەرىلدى.

جۋىق جىلداردان بەرى رايونىمىزدىڭ جەر - جەرى باستاماشى كاسىپورىنداردى بەلسەنە ەنگىزىپ، تىرەكتى كاسىپورىنداردى سۇيەمەلدەپ الۋەتتەندىرىپ، باسىمدىققا يە كاسىپورىنداردى جەتىلدىردى، جەرگىلىكتى ورىننىڭ باسىمدىعىن ساۋلەلەندىرگەن، سەلبەستىك ۇلگىسىندە جاڭالىق اشقان، جەتەكتەۋ ونىمدىلىگى كورنەكتى بولعان نان جابۋ ءبىر توپ سەلبەستىك كووپەراتيۆتەرى قۇرىلىپ، شارۋاشىلىق جۇرگىزىپ، ءتۇرلى بازار تۇلعالارى باسەكەلەسە دامىپ، نان كاسىپ سالاسىنىڭ شوعىرلانۋ دەڭگەيى ۇزدىكسىز جوعارىلادى. قازىر بۇكىل شينجياڭدا ءتۇرلى سەرۋەندىك ازىق - تۇلىك نانىن وندىرەتىن 10 نەشە كاسىپورىن ونەركاسىپتەنگەن، كولەمدەنگەن، اۆتوماتتانعان ءوندىرىس جۇرگىزۋدى جۇزەگە اسىردى.

بيىل 6 - ايعا دەيىن، بۇكىل رايوندا ءتۇرلى نان كاسىپ سالاسى باقشا رايونىنان 63ى، نان ارناۋلى ءوندىرۋ، مانەرلەۋ كاسىپورىندارىنان 510 نەشەسى قۇرىلىپ، كولەمدەنگەن نان جابۋ سەلبەستىك كووپەراتيۆىنەن 460 نەشەسى قالىپتاستى، تۇتاس رايوندا كۇنىنە شامامەن 1658 توننا نان ءوندىرىلىپ، نان ءوندىرىسىنىڭ قۋاتى كاسىپ سالالانعان، كولەمدەنگەن تيجارات دەڭگەيىمەن بىردەي جوعارىلادى.

بيىل ”1 - قازان“ دەمالىسىندا، 3A دارەجەلى ساياحات كورىنىس ءوڭىرى قاشقار قالاسى نان مادەنيەتى كاسىپ باقشاسىنا ساياحاتتاي بارعان ساياحاتشىلاردىڭ اياعى ۇزىلمەدى. ساياحاتشىلار بۇل جەردەن نان جابۋ بارىسىن كورىپ قانا قالماستان، شينجياڭنىڭ نان مادەنيەتىنىڭ تاريحي وزگەرىسىن دە تىپتەن سەزىنە الادى.

بۇگىنگى كۇندە نان كاسىپ سالاسىنىڭ دامۋىنىڭ بىرتىندەپ جەدەل دامۋ ارناسىنا تۇسۋىنە ساي، نان كاسىپ سالاسىنىڭ كولەمى كىشكەنەدەن ۇلعايدى، بۇرىنعى كوشە بويىنداعى ۇساق تونارلار دا وزىندىك ەرەكشەلىككە يە نان كاسىپ سالاسى باقشاسىنا اينالدى. نان دا جالاڭ ءداستۇرلى تاعامنان ونەركاسىپ، ساياحات، مادەنيەتپەن ۇشتاسىپ، كوپ نەگىزدى دامىعان ەرەكشە ابزال كاسىپ سالاسىنا اينالدى. قازىر تۇتاس رايونىمىزدا نان كاسىپ سالاسىنىڭ دامۋى ”1 - كاسىپپەن ۇشتاسۋدى، 2 - كاسىپتى تياناق ەتۋدى، 3 - كاسپپەن سەرىكتەس بولۋدى“ بىرتىندەپ جۇزەگە اسىرىپ، اۋىل شارۋاشىلىق قۇرىلىمىن رەتتەۋدى جەبەۋ، اۋىل شارۋاشىلىق قوسىمشا ونىمدەرىن مانەرلەۋدى، ساتۋدى جەتەكتەۋ سياقتى جاقتاردا بەلسەندى رول اتقاردى.

بۇگىنگى تاڭدا ”توعىسۋ“ الا كەلگەن تيىمدىلىكتىڭ ارقاسىندا نان كاسىپ سالاسى بۇقارانىڭ كىرىسىن ارتتىرىپ، اۋقاتتانۋىنا جەتەكشىلىك ەتۋ جاعىندا بەلسەندى رول اتقاردى، بۇقارانىڭ ءوندىرىس، تۇرمىس شارت - جاعدايىن جاقسارتۋمەن بىرگە، كاسىپ سالاسىنىڭ ۇزاق ۋاقىت دامۋىنا دا بەرىك نەگىز قالادى.

”قازىر كاسىپورنىمىز كۇنىنە 50 مىڭنان استام نان ءوندىرىپ، جىلدىق ءونىم قۇنى 50 ميلليون يۋانعا تايادى“. شينجياڭ ءالنۇر اۋىل شارۋاشىلىعى عىلىم - تەحنيكا اشۋ شەكتى سەرىكتەستىگىنىڭ القا باستىعى ادىلجان نياز بىلاي دەدى: كاسىپورىن ”كاسىپورىن + سەلبەستىك كووپەراتيۆى + شارۋا وتباسى“ سىندى دامۋ ۇلگىسىن ورناتۋ ارقىلى جاسىل، ورگانيكالى استىق بازاسى قۇرىلىسىن اتقارىپ، ءار جىلى تاپسىرىس بەرۋ جولىمەن 6000 توننادان استام جاسىل، ورگانيكالى ءبيداي ساتىپ الىپ، 2600دەن استام شارۋا وتباسىن تىكەلەي يگىلىككە كەنەلتتى.

كاسىپ سالاسىنىڭ اقاۋسىز دامۋى اناعۇرلىم كۇشتى ىقپال جاساۋ، جەتەكتەۋ قۋاتىن الا كەلدى. ساناققا قاراعاندا، قازىر تۇتاس رايونىمىزدا نان كاسىپ سالاسى 130 مىڭنان استام ادامدى جۇمىسقا قابىلداعان، مۇنىڭ ىشىندە وڭتۇستىك شينجياڭداعى 4 ايماق - وبلىستا 70 مىڭنان استام ادامدى جۇمىسقا ورنالاستىرعان؛ بۇكىل رايونىمىزدا 100 مىڭنان استام وتباسى نان جابۋ ارقىلى كەدەيلىكتەن ارىلىپ، بايىدى. ”توعىسپالى“ دامۋ ۇستىندەگى نان كاسىپ سالاسى بىرتىندەپ بۇقارانىڭ تۇرمىسىمەن تىعىز جاناسقان، كىرىستى ارتتىرۋعا جەتەكتەۋ ونىمدىلىگى كورنەكتى بولعان ءىرى كاسىپ سالاسىنا اينالۋدا.