”شينجياڭ جاقسى جەر“ بەينە ەكران اۋىس - كۇيىس ءماجىلىسى ۇرىمجىدە جانە انكارادا وتكىزىلدى

شينجياڭنىڭ بولاشاعى، ءسوز جوق، اناعۇرلىم كوركەم بولادى

انار بۇلت / شينجياڭ گازەتىنىڭ ءتىلشىسى جاڭ يۇنمەي 10 - ايدىڭ 23 - كۇنى ۇرىمجىدەن حابارلايدى. 10 - ايدىڭ 22 - كۇنى شينجياڭ ۇيعۇر اۆتونوميالى رايونى مەن جۇڭگونىڭ تۇركياداعى ەلشىلىگى بىرگە وتكىزگەن ”شينجياڭ جاقسى جەر“ اتتى تۇركياعا ارنالعان بەينە ەكران اۋىس - كۇيىس ءماجىلىسى ۇرىمجىدە جانە انكارادا وتكىزىلدى، تۇركيانىڭ ساياسي سالاسىنىڭ، اقىلماندار قويماسىنىڭ، اقپارات قۇرالدارىنىڭ ۋاكىلدەرى ۇسىنىس بويىنشا قاتىناستى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ارناۋ سوزىندە مىنانى ءبىلدىردى: شينجياڭ جۇڭگونىڭ باتىس سولتۇستىك شەكاراسىنا ورنالاسقان، ەجەلدەن كوپ ۇلت شوعىرلى قونىستانعان، كوپ مادەنيەت توعىسقان، كوپ ءدىن قاتار ءومىر سۇرگەن ءوڭىر. جۇڭگو كوممۋنيستىك پارتياسىنىڭ 18 - قۇرىلتايىنان بەرى، پارتيا ورتالىق كوميتەتىنىڭ پارمەندى باسشىلىعىندا، شينجياڭ حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدى ىلگەرىلەتۋ مەن حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى. الايدا تاياۋ ءبىر مەزگىلدە امەريكاداعى، باتىستاعى كەيبىر ەلدەردەگى جۇڭگوعا قارسى كۇشتەر شينجياڭداعى ءار ۇلت حالقىنىڭ تاماشا تۇرمىس كەشىرىپ جاتقان شىندىعىمەن ساناسپاي، ەشقانداي تياناقسىز، ەشقانداي قيسىنسىز، ەشقانداي نەگىزسىز تۇردە شينجياڭنىڭ ”اتىنا داق سالدى“، شينجياڭدى ”تۇرپايىلاندىرىپ كورسەتتى“، بۇنى ءبىز قاتاڭ جازعىرامىز جانە باتىل قارسى تۇرامىز! ەشقانداي كۇش شينجياڭداعى ءار ۇلت بۇقاراسىنىڭ تاماشا تۇرمىسقا تالپىنۋ ۇقىعىنا بوگەت بولا المايدى، شينجياڭنىڭ گۇلدەنىپ دامۋىن بۇلدىرۋگە ۇرىنعان ءارقانداي قاسكۇنەمدىك پەن ارەكەت مۇلدە ىسكە اسپايدى، شينجياڭنىڭ بولاشاعى، ءسوز جوق، اناعۇرلىم كوركەم بولادى!

جۇڭگونىڭ تۇركياداعى باس ەلشىسى ليۋ شاۋبين مىنانى ءبىلدىردى: سوڭعى جىلدارى شەكارا سىرتىنداعى جۇڭگوعا قارسى كۇشتەر ساياسي ماقساتپەن شينجياڭنىڭ گۇلدەنگەن، ورنىقتى بولعان شىندىعىمەن ساناسپاي، شينجياڭدى بۇرمالاپ، كۇيە جاعىپ، جۇڭگونىڭ دامۋىنا، العا باسۋىنا بوگەت بولۋعا ۇرىندى. شينجياڭعا ساياتىن ماسەلە ۇلت، ءدىن، ادامدىق ۇقىق ماسەلەسى ەمەس، قايتا زورلىقتى كۇش لاڭكەستىككە قارسى تۇرۋ، بولشەكتەۋشىلىككە قارسى تۇرۋ، ۇشقارىلىققا قارسى تۇرۋ ماسەلەسى. جۇڭگو ۇكىمەتى مەن جۇڭگو حالقى مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن قورعاۋ بەكىمىنەن بۇلجىمايدى، ءبىز سىرتقى كۇشتەردىڭ شينجياڭدى بىلىقتىرۋىنا استە توزە المايمىز، جۇڭگونى بولشەكتەۋىنە، جۇڭحۋا ۇلتىنىڭ ۇلى گۇلدەنۋىنىڭ تاريحي ۇردىسىنە بوگەت بولۋىنا ءتىپتى دە جول بەرمەيمىز. بيىل جۇڭگو مەن تۇركيانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى، تۇركياداعى كوپتەگەن دوستار جۇڭگونىڭ شينجياڭىنىڭ دامۋىنا كوڭىل بولەدى، كوپتەگەن ادامدار شينجياڭدا ساپاردا بولعان، بەينە ەكران اۋىس - كۇيىسى ارقىلى كوپشىلىكتىڭ شينجياڭدى اناعۇرلىم جان - جاقتى، ىشكەرىلەي تۇسىنۋىنە مۇمكىندىك جاساۋدى ءۇمىت ەتەمىز.

تۇركيا رەسپۋبليكالىق حالىق پارتياسىنىڭ پارلامەنت مۇشەسى يۇكسەل شينجياڭعا كوپ رەت ساپارلاي كەلىپ، شينجياڭنىڭ جاراتىلىستىق كورىنىسى مەن شۇعىلالى مادەنيەتىنە قاتتى سۇيىنگەن ەدى. ول بىلاي دەدى: قازىر دۇنيە جۇزىندەگى كوپتەگەن ەلدەر قوعام ورنىقتىلىعىن جەبەۋگە قۇلشىنۋدا، شينجياڭدا 5 جىلداي زورلىقتى كۇش لاڭكەستىك دەلوسى تۋىلمادى، بۇل كەرەمەت تابىس. ”مەن قاشاندا شينجياڭنىڭ جاقسى جەر ەكەندىگىنە سەنەمىن، كوپشىلىك وسىندا كەلسە بولعانى، شينجياڭنىڭ تاماشا ەكەندىگىن ءوز كوزدەرىمەن كورىپ كۋا بولا الادى“، - دەدى يۇكسەل.

اۋىس - كۇيىس ماجىلىسىندە «شينجياڭ جاقسى جەر» ۇگىت فيلمى جانە شينجياڭنىڭ اۋىل شارۋاشىلىق ونىمدەرىنەن قۋانىشپەن مول ءونىم الىنعانى بەينەلەنگەن قىسقا بەينەجازبالار قويىلدى. شينجياڭ ءىسلام ءدىنى قوعامىنىڭ باستىعى، شينجياڭ ءىسلام ءدىنى شۋەيۋانىنىڭ باستىعى ابدۇرىقىپ ءتومۇرنياز شينجياڭنىڭ ءدىني سەنىم ەركىندىگىن قورعاۋ جاعدايىن باياندادى. سول جەردە بەينەبايلانىسقا شىعۋ ارقىلى ءپايزاۋات اۋدانىنداعى بۇرىنعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى، اقتاۋ اۋدانى ۇجىمە اۋىلىنداعى قىستاق تۇرعىندار كوميتەتىنىڭ مەڭگەرۋشىسى، شينجياڭ شىفان داشۋەسىنىڭ وقىتۋشىسى قاتارلىلار بەينە ەكران ماجىلىسىندە وزدەرىنىڭ باستان كەشكەندەرىن، سونداي - اق شينجياڭنىڭ ەڭبەكپەن جۇمىستاندىرۋىنىڭ، از ۇلت دارىندىلارىن باۋلۋىنىڭ قازىرگى جاعدايىن بايانداپ، ماجىلىسكە قاتىناسۋشىلارعا شينجياڭنىڭ شىنايى بەت - بەينەسىن سەزىندىردى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇن، اۆتونوميالى رايوندىق حالىق ۇكىمەتىنىڭ اقپارات مالىمدەمەشىلەرى شۇي گۇيشياڭ، يليجان انايات قاتىستى سۇراۋلارعا جاۋاپ بەردى.