− انار بۇلتتىڭ ءتىلشىسى ”پارتيا زناگىن“ كورسەتكەن مالشىمەن جانە حۋبەيلىق ساياحاتشىمەن تەلەفوندا تىلدەستى
انار بۇلت / شينجياڭ گازەتىنىڭ ءتىلشىسى ءابيبا 1 - ايدىڭ 2 - كۇنى ۇرىمجىدەن حابارلايدى. جاڭا جىل باستالعان ساتتە، ءبىر توراپكەر شينجياڭدا ساياحاتتاپ جۇرگەن كەزىندە ”ومىرىندە ەستەن كەتپەس“ كەشىرمەسىن بايانداعان بەينەجازباسىن شىعارعان ەدى، بەينەجازبا دەرەۋ تۇتاس ينتەرنەتكە تارادى. 1 - ايدىڭ 2 - كۇنى انار بۇلت / شينجياڭ گازەتىنىڭ ءتىلشىسى ”پارتيا زناگىن كورسەتكەن“ مالشى ابدۇجاپپار مەڭدىمەن جانە حۋبەيلىق ساياحاتشى جين ۋىنحۋامەن تەلەفوندا تىلدەسىپ، سول كۇنگى جاعدايدى سۇراپ ۇعىستى.
2021 - جىلى 7 - ايدىڭ 2 - كۇنى، حۋبەيلىق ساياحاتشى جين ۋىنحۋا مەن مالشى ابدۇجاپپار مەڭدىمەن بىرگە سۋرەتكە ءتۇستى. سۋرەتتى جين ۋىنحۋا تۇسىرگەن
2021 - جىلى 7 - ايدىڭ 2 - كۇنى جين ۋىنحۋا مەن دوستارى شينجياڭعا ءوز اۆتوكولىكتەرىمەن ساياحاتتاي كەلەدى، اۆتوكولىك اقتاۋ اۋدانى مۇجى اۋىلى مۇجى قىستاعى حوشانكوۋ كورىنىس وڭىرىنە كەلگەن كەزدە وزدەرى جول جاعدايىنا قانىق ەمەس بولعاندىقتان، ونىڭ ۇستىنە جاڭبىر جاۋىپ تۇرعاندىقتان، اۆتوكولىكتەرى باتپاققا باتىپ قالادى.
”سول كەزدە قاتتى ابىرجىدىق، نەشە ءتۇرلى امالدىڭ ءبارىن جاساساق تا، اۆتوكولىكتى شىعارا المادىق. قولىمىزدان ەشتەڭە كەلمەي ساقشىعا مالىمدەپ كومەك سۇراماق بولعانىمىزدا، جەرگىلىكتى ەكى مالشىنىڭ موتوتسيكلمەن بىزگە قاراي ۇشىرتىپ كەلە جاتقانىن كوردىك“، - دەدى جين ۋىنحۋا.
”ولار بىزبەن قىزۋ قول الىسقاننان كەيىن ءارى - ءسارى بولماي، لاي سۋدى كەشىپ، الدىمەن دوڭگەلەكتىڭ استىنا تاس قويىپ اۆتوكولىكتى جۇرگىزبەكشى بولدى، بۇل امال ىسكە جاراماعان سوڭ، ولار بىزبەن بىرگە اۆتوكولىكتى يتەرىپ، ەڭ سوڭىندا ءساتتى تۇردە اۆتوكولىكتى الىپ شىقتىق“. جين ۋىنحۋا: جازدىڭ كۇنى بولعانىمەن، ءۇستىرتتى، تاۋلى وڭىردە لاي سۋ سۇيەكتەن وتەتىن سۋىق ەدى، - دەدى.
العىسىن بىلدىرمەك بولعان جين ۋىنحۋا مەن دوستارى اقشا الىپ شىعىپ ولارعا ۇسىنا بەرگەندە، ەكى مالشىنىڭ ءبىرى ابدۇجاپپار مەڭدى قولدارىن توسىپ ءارى كەۋدەسىندەگى پارتيا مۇشەسى زناگىن كورسەتىپ، ماقتانىشپەن: ”اقشا ما، المايمىن، مىنانى كوردىڭىز بە!“، - دەيدى.
”ول پارتيا مۇشەسى زناگىن كورسەتكەن سول ساتتە كوزىمنەن جاس شىعىپ كەتە جازدادى“، - دەدى جين ۋىنحۋا، - ”وسىنشاما قيىر - شالعايدان ابدۇجاپپار مەڭدىدەي قاراپايىم، اۋەلگى ماقساتتى ساقتاعان كوممۋنيستىك پارتيا مۇشەسىن كورگەنىمىزدە، ونىڭ ءىس - ارەكەتى ءبارىمىزدى اسەرلەندىردى“.
ءتىلشى ابدۇجاپپار مەڭدىگە تەلەفون جالعادى، ءتىلشىنىڭ وسى ءىس ءۇشىن وزىمەن سۇحباتتاسپاقشى ەكەندىگىن بىلگەن ول: ”مەن 25 جىلدىق پارتيا ستاجى بار ساقا پارتيا مۇشەسىمىن، پارتيا مۇشەسىنىڭ مىندەتى، بورىشى كوكەيىمدە، ونىڭ ءبارى مەنىڭ ىستەۋگە ءتيىستى ىستەرىم“، - دەۋمەن بولدى.
مۇجى اۋىلى كۇنلۇن تاۋى مەن تيانشان تاۋىنىڭ تۇيىلىسىنە ورنالاسقان، مۇجى جانار تاۋدان اتىلىپ شىققان بالشىقتى شاعىل تاس دەگەن ماعىنادا. مۇجى اۋىلىنا بارساڭىز، شاشىراي ورنالاسقان بىرنەشە الىپ شۇڭقىردى كورەسىز، كەزىندە جانار تاۋ اتىلۋدان قالعان اك شوگىندىسى، تەمىر شوگىندىسى، مارگانەتس شوگىندىسى بايتاق دالانى اينالدىرا بوياپ تاستاعان، ءار جىلى كوپ ساياحاتشى اتىن ەستىپ وسىندا كەلەدى. ابدۇجاپپار مەڭدى مۇجى قىستاعى جانار تاۋ اۋزى كورىنىس ءوڭىرىنىڭ مىندەتتى شارلاۋشى - قورعاۋشىسى، 20 نەشە جىلدان بەرى ول جاياۋ - جالپىلى، اتپەن، موتوتسيكلمەن مىندەتتى شارلاۋدا، قورعاۋدا بولدى، بوران - شاشىندى كۇندەردە دە توقتاعان ەمەس. ءار كۇنى از دەگەندە 40 نەشە كيلومەترلىك شارلاۋ - قورعاۋ جولىندا اداسقان ساياحاتشىلارعا كومەكتەسۋ، جارالانعان حايۋاناتتاردى قۇتقارۋ دەگەندەر ول ءۇشىن كۇندەلىكتى ىستەر.
2021 - جىلى 7 - ايدىڭ 2 - كۇنى، حۋبەيلىق ساياحاتشى جين ۋىنحۋا مەن مالشى ابدۇجاپپار مەڭدى قول الىسىپ قوشتاستى. سۋرەتتى جين ۋىنحۋا تۇسىرگەن
”پارتياعا قابىلدانعان سول ساتتە وڭ قولىمدى كوتەرىپ سەرت بەرگەن ەكەنمىن، بۇكىل ىنتا - پەيىلىممەن حالىق ءۇشىن قىزمەت ىستەيمىن. پارتيا مۇشەسى زناگىن 25 جىلدان بەرى ءار كۇنى كەۋدەمە تاعىپ كەلەمىن. پارتياعا، حالىققا بەرگەن ۋادەمدى عۇمىر بويى امالياتتا ايگىلەپ، تولىمدى كوممۋنيستىك پارتيا مۇشەسى بولامىن“، - دەدى ابدۇجاپپار مەڭدى.
ابدۇجاپپار مەڭدى. سۋرەتتى ءوزى قامداعان