شىن ياپيڭ

ابدۇجاپپار مەڭدى وتاننىڭ ەڭ باتىسىنداعى قاراپايىم مالشى، ول قالاي ءبىر تۇندە - اق سان ميلليونداعان جۇڭگولىقتى تەبىرەنتتى؟ جاۋاپ وتە قاراپايىم ءارى ماعىنالى − ول ءوزىنىڭ پارتيا مۇشەسى زناگىن كورسەتىپ، جۇڭگو كوممۋنيستىك پارتياسىنىڭ بارلىق مۇشەلەرىنىڭ، ءسوز جوق، مۇقيات تولعاناتىن جاندى سۇراۋ − ”مەن كىممىن“ دەگەنگە جاۋاپ بەردى.

ساياحاتشىلاردىڭ اۋرەشىلىككە جولىققاندىعىن كورگەن ول تيتتەي دە ءارى - ءسارى بولماستان اتويلاپ العا شىقتى؛ العىس پەن قارىمجىنى ول مۇلدە قابىل المادى ءارى مەشپەتىنىڭ ءوڭىرىن اشىپ كەۋدەسىنە بەرىك تاعىلعان پارتيا مۇشەسى زناگىن كورسەتتى − مىنە بۇل ابدۇجاپپار مەڭدى، 20 نەشە جىلدىق پارتيا ستاجىنا يە جۇڭگو كوممۋنيستىك پارتياسى مۇشەسى.

پارتيا مۇشەسى زناگىن كورسەتىپ، ءۇنسىز عانا بار سىرىن اقتارىپ، شىن پەيىلىن، شىنايى سۇيىسپەنشىلىگىن، ناعىز سەنىمىن ءبىلدىرىپ، قىرۋار ادامدى تەبىرەنتتى. پارتيا مۇشەسى زناگىن كورسەتكەندىك پارتيا مۇشەسى سالاۋاتىن كورسەتكەندىك، ونان دا ماڭىزدىسى، دۇنيە جۇزىنە ماقتانىشپەن ”مەن كىممىن“ دەگەندى ايگىلەگەندىك. سول ساتتە ءبىز ءبىر كوممۋنيستىك پارتيا مۇشەسىنىڭ پارتيامىزعا دەگەن جۇرەك جاردى قىزۋ سۇيىسپەنشىلىگىن، كوممۋنيستىك پارتيا مۇشەسىنىڭ وسى ءبىر داڭقتى اتاققا دەگەن شەكسىز قاستەرلەۋىن، اۋەلگى ماقساتتى، بورىشتى ادالدىقپەن امالياتتا ايگىلەگەندىگىن شىنايى سەزىندىك.

ءبىر كوممۋنيستىك پارتيا مۇشەسىنىڭ العاباسار بولعان - بولماعاندىعىن، كىرشىكسىز بولعان - بولماعاندىعىن، ادال بولعان - بولماعاندىعىن، جاۋاپكەرشىلىك ارقالاي العان - الماعاندىعىن باعامداۋدا ونىڭ شەشۋشى ساتتە ءوزىنىڭ ”پارتيا مۇشەسى زناگىن“ كورسەتە الاتىن - كورسەتە المايتىندىعىنا قاراۋ كەرەك. بۇل سەنىمنىڭ سىنى، پارتيالىلىقتىڭ سىناعى. تەك ”مەن كىممىن“ دەگەندى باستان - اياق ەستە بەرىك ساقتاعاندا عانا، ”كىم ءۇشىن“ ىستەيتىندىگىڭدى تەرەڭ تاني الاسىڭ، سوندا عانا ءجۇرىس - تۇرىسىڭمەن، ءسوز - ارەكەتىڭمەن ءبىر كوممۋنيستىك پارتيا مۇشەسىنىڭ ماقتانىشىن جانە داڭقىن قورعاي الاسىڭ. ءارى - ءسارى بولماستان پارتيا مۇشەسى زناگىن كورسەتكەن سول ادامدار جايناعان تۋ ىسپەتتى ءبىزدىڭ ەكپىندەي ىلگەرىلەگەن جورىعىمىزدى نۇرلاندىردى. ولار سۋعا ءتۇسىپ كەتكەن بالانى قۇتقارۋ ءۇشىن مۇز قۇرسانعان كولدە ماڭگىلىك ۇيقىعا كەتكەن لاچين بايەكە، اۋىلداستارىنا تازا سۋ ىشكىزۋ ءۇشىن اقتىق دەمى تاۋسىلعانشا كۇرەسكەن ليۋ حۋ، كەدەيلىكتەن ارىلتۋدان قامال الۋدىڭ ءبىرىنشى شەبىندە ەرلىكپەن كۇرەس جاساعان قىستاقتا تۇراتىن كادرلار، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بارىسىندا تايسالماي ەرلىك كورسەتكەن اتويشىلدار...

جەر الەمدە ساپتى تارازى بار دەسەك، وسى تارازىنىڭ تاسى − حالىق. بىرنەشە كۇننەن بەرى سانسىزداعان توراپكەردىڭ شىنايى القاۋلارى وسى ءبىر قاراپايىم كوممۋنيستىك پارتيا مۇشەسىن قىزۋ تاقىرىپقا اينالدىردى. تيانشان الابىنداعى ءار ۇلت كوممۋنيستىك پارتيا مۇشەلەرىنىڭ ابدۇجاپپار مەڭدى سياقتى ”مەن كىممىن“ دەگەندى جۇرەك تۇكپىرلەرىنە تەرەڭ ۇيالاتىپ، وزدەرىنىڭ پارتيا مۇشەسى زناگىن ماقتانىشپەن كورسەتىپ، ادالدىق جانە جاۋاپكەرشىلىك ارقالاۋ ارقىلى جايناعان پارتيا تۋىن ونان ارى ارلەندىرە ءتۇسۋىن ءۇمىت ەتەمىز.

(”لەپتى لەبىز“ ماقالا جولداۋ پوچتا ساندىعى: xjrbplb@126.com)