رايونىمىزداعى ءار ۇلت كادر - بۇقاراسىنىڭ جاڭا جىلداعى جاڭا تىلەكتەرى −

جاڭا 100 جىلدا ارماندى جۇزەگە اسىرىپ، جاڭا ناتيجە جاراتامىز

 انار بۇلت / شينجياڭ گازەتىنىڭ تىلشىلەرى

ىقىلاستى تاپسىرمانى كوكەيدە بەرىك ساقتاپ، قايراتتانا جەلكەن جايىپ بولاشاقتى بەتكە الدى. بىرنەشە كۇننەن بەرى ءتوراعا شي جينپيڭنىڭ جاڭا جىلدى قۇتتىقتاۋ ءسوزى رايونىمىزداعى قالىڭ كادرلار مەن بۇقارانى جىگەرلەندىرىپ، مەيىرگە بولەيتىن ەكپىندەي ىلگەرىلەۋ كۇشىن ۇيىستىردى. كوپشىلىك مىنالاردى ءبىلدىردى: ءبىز اسقاق جىگەرمەن قايراتتانا ۇمتىلىپ، شىنايى ىستەپ، كەرەناۋلىققا سالىنباي، العان بەتىنەن قايتپايتىن تاباندىلىقپەن جاڭا ۇلى ساپار بارىسىندا توسقاۋىلداردى تالقانداپ، ەكپىندەي العا ىلگەرىلەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا كۇش - قۋاتىمىزدى ارنايمىز.

جاڭا جىل دەمالىسى كەزىندە اۆتونوميالى رايوندىق شۇعىل جاعدايعا توتەپ بەرۋ - باسقارۋ مەڭگەرمەسىنىڭ شەريا اۋدانى نۇر اۋىلىنىڭ اقتاش قىستاعىندا تۇراتىن ءبىرىنشى شۋجيى ليۋ حۇڭلياڭ قىستاق ”ەكى كوميتەتىنىڭ“ القالارىمەن بىرگە قىستاقتىڭ بولاشاق دامۋىن جوبالاۋمەن قاربالاس بولدى. ”2021 - جىل ءبىز بۇقارانىڭ قاجەتىمەن، ويلاعانىمەن، تىلەگەنىمەن تىعىز بايلانىستىرىپ، ’مەن بۇقارا ءۇشىن ناقتى ءىس ىستەيمىن‘ امالياتتىق قيمىلىن تىڭعىلىقتى ىلگەرىلەتىپ، ۇيىمدى الاڭسىز ەتكەن، بۇقارانى ريزا ەتكەن جاۋاپناما تاپسىردىق. ءبىز كوز الداعى ناتيجەگە عانا قاناعاتتانىپ قالماۋىمىز كەرەك، ۇزدىكسىز كۇرەس جاساپ، اۋىلداستاردىڭ تۇرمىسىن كۇن سايىن جاقسارتامىز“، - دەدى ليۋ حۇڭلياڭ.

1 - ايدىڭ 1 - كۇنى حوتان قالاسى شارباق اۋىلى ايدىنكول قىستاعىندا جاندى دا جالىندى كورىنىستەر جارىققا شىقتى، قىستاق تۇرعىندارى جىلىجاي ىشىندە قاتتى قاربالاس ءجۇر. ”جىلىجايدا ەگىلگەن كوكونىستىڭ پايداسى جاقسى، بىلتىر 50 مىڭ يۋاننان استام اقشا تاپتىم. قايراتتانا ىستەپ، تۇرمىسىمىزدى اناعۇرلىم باقىتتى دا تاماشا وتكىزەمىز“، - دەدى قىستاق تۇرعىنى ءالي ءماتتۇرسۇن.

1 - ايدىڭ 3 - كۇنى بۇراتالا قالاسى تيانشانچيڭ تاسشىلىق شەكتى جاۋاپكەرشىلىك سەرىكتەستىگىنىڭ ءوندىرىس سەحىندا سەرىكتەستىكتىڭ باس ديرەكتورى گاۋ ۋيۋي قىزمەتكەرلەردى باستاپ گانسۋ ولكەسى تيانشۇي قالاسى مەن جياڭسۋ ولكەسى سۋجوۋ قالاسى ەكى جەردەگى الارمانداردىڭ تيانشانچيڭ قىل قالام تاپسىرىستارىن جەدەلدەتە ءوندىرىپ جاتتى.

”بىلتىرعى ءبىر جىل − قاربالاس ءبىر جىل ءارى تابىستى ءبىر جىل بولدى، ءبىز 4 - كەزەكتى جۇڭگو حالىقارالىق يمپورت كورمەسىنە قاتىناسىپ، دۇنيە جۇزىنە شينجياڭنان كەلگەن تيانشانچيڭ جەلىلەس مادەنيەت جاسامپازدىعى ونىمدەرىن ايگىلەدىك. بۇل كۇندەرى بۇكىل ەلدىڭ جەر - جەرىندەگى الارماندار سەلبەسۋ ءۇشىن وزدەرى ىرىقتىلىقپەن بايلانىس جاساپ ىزدەپ كەلەتىن بولدى“. گاۋ ۋيۋي بىلاي دەدى: سەرىكتەستىك مادەنيەت جاسامپازدىق ونىمدەرى مەن شينجياڭ ساياحاتىنىڭ تەرەڭدەي توعىسۋىن ونان ارى ىلگەرىلەتەدى، سەرىكتەستىكتىڭ دامۋ بولاشاعىنىڭ اناعۇرلىم جاقسى بولاتىندىعىنا سەنەمىز.

بىرنەشە كۇننەن بەرى الاتاۋ كەدەنى باقىلاۋ - باسقارۋ 2 - ءبولىمىنىڭ ورىنباسار باستىعى شۇي يۋەحىڭ قىزمەتتەستەرىمەن بىرگە ءبىرىنشى شەپتە قايراتتانا شايقاس جاساپ، شەكارادان كىرىپ - شىعاتىن زاتتاردىڭ جوعارى ونىممەن كەدەننەن وتۋىنە شىنايى كەپىلدىك ەتتى. 2021 - جىلى الاتاۋ ساعاسى شەكارا وتكەلىنەن وتكەن جۇڭگو - ەۆروپا كەزەكشى پويەزدارى 5800 كەزەكتەن اسىپ، تاريحتاعى تىڭ دەڭگەيگە جەتتى.

”الەمدەگى ءار ەل قيىندىقتى بىلەك بىرىكتىرە جەڭىپ، ىنتىماقتاسا سەلبەسكەندە عانا، ادامزاتتىڭ تاعدىرلاس ورتاق تۇلعاسىن قۇرۋدىڭ جاڭا تاراۋىن جازا الادى“. ءتوراعا شي جينپيڭنىڭ جاڭا جىلدى قۇتتىقتاۋ سوزىندەگى وسى سويلەم شۇي يۋەحىڭدى ايرىقشا تەرەڭ اسەرلەندىردى.

”جاڭا ءبىر جىلدا مەن ءوز قىزمەتىمدى ۇزدىكسىز جاقسى ىستەپ، كەدەننەن وتكىزۋ راسمياتىن قاراپايىمداستىرۋ سياقتى قىزمەتتەردى ناقتى تياناقتاندىرىپ، كاسىپورىنداردىڭ زات تاسىمالى وزىندىك قۇنىن تومەندەتىپ، حالىقارالىق زات تاسىمال ءىرى ارناسىن ىركىلسسىزدەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا ويداعىداي قىزمەت وتەيمىن“، - دەدى شۇي يۋەحىڭ.

گۋاڭجىڭ قۇرىلىس توبى شەكتى سەرىكتەستىگىنىڭ باس ديرەكتورى جاڭ يۇڭحۇي بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالى الدىندا، مەملەكەت كاسىپورىنداردىڭ قيىنشىلىقتان ارىلۋىنا كومەكتەسۋ ساياساتتارىن شىعاردى، كاسىپورىندار دا ىسكەرلىك كورسەتىپ، وزەكتى باسەكەلىك قۋاتىن ۇزدىكسىز جوعارىلاتىپ، جاڭا دامۋ ارناسىمەن بەلسەندىلىكپەن توعىسىپ، ”ءبىر بەلدەۋ، ءبىر جول“ قۇرىلىسى ورايىن مىقتاپ يگەرىپ، جاڭا جاعدايدى بار كۇشپەن جاراتۋ كەرەك.

قازىر اۆتونوميالى رايوندىق جاستار وداعى كوميتەتى اۋىلعا ورالعان جوعارى مەكتەپ وقۋشىلارىن ”قىزىل گالستۋك ساباقحانالارىنا“ بارۋعا جۇمىلدىردى، ءار دارەجەلى جاس لەكتورلار ۇجىمىن ”قىسقى جاپپاي باۋلۋعا“ ات سالىسۋعا، ءار دارەجەلى جاستار بىرلەستىكتەرىن الەۋمەتتىك يگىلىك سيپاتتى ارالاپ كونسەرت قويىپ، تۇنگى ەكونوميكاعا دەم بەرۋ سياقتىلاردى ورىستەتۋگە جۇمىلدىرىپ، كوممۋنيستىك جاستار وداعىنىڭ جالىندى قوسىن رولىن ويداعىداي ساۋلەلەندىردى.

”’پارتيا، الاڭسىز بول، مەملەكەتتى قۇدىرەتتەندىرۋدە مەن بارمىن‘ دەگەن جاستىق كوكتەم سەرتى جاس ۇرپاقتى تۇراقتاندىرۋ جانە ولارعا ارتىلعان ءۇمىت ءارى كوممۋنيستىك جاستار وداعى قىزمەتىنە قويىلعان تالاپ“. اۆتونوميالى رايوندىق جاستار وداعى كوميتەتى پارتيا باسشىلىق گرۋپپاسىنىڭ شۋجيى جاۋ چۋان مىنالاردى ءبىلدىردى: ءار ۇلت، ءار سالا جاستارىن شينجياڭنىڭ ورنىقتىلىعىنا، دامۋىنا جاستىق كوكتەم كۇشىن قوسىپ، تاماشا رۋحاني بەت - بەينەمەن جانە كاسىپ ناتيجەسىمەن پارتيانىڭ 20 - قۇرىلتايىنىڭ جەڭىسپەن اشىلۋىن قارسى الۋعا ىنتىماقتاستىرامىز، باستايمىز.

1 - ايدىڭ 3 - كۇنى قاردان كەيىنگى اشىق كۇن، وتاننىڭ باتىس سولتۇستىك شەكاراسىندا كۇزەتتە تۇرعان شينجياڭ اسكەري رايونى بەلگىلى شەكارا قورعانىس تۋانى جەمەنەي شەكارا قورعانىس ليانى تاپتىرماس جاقسى اۋا رايىن قارسى الدى. ”ءبىز بورىشتى، جاۋاپكەرشىلىكتى، مىندەتتى ارقالاپ، ءوز قىزمەت ورنىمىزدى تياناق ەتىپ، قاجىرلىلىقپەن، زەيىن قويا جاتتىعىپ، بارلىق قيىنشىلىق پەن سىن - سايىستى جەڭىپ، وتاندى قورعاۋ، شەكارانى كۇزەتۋ مىندەت جاۋاپكەرشىلىگىمىزدى ادالدىقپەن وتەيمىز“، - دەدى جەمەنەي شەكارا قورعانىس ليانىنىڭ جەتەكشىسى فىڭ يۇڭشين.

”ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قىزمەت ورنىمىزدى تياناق ەتىپ قىزمەتتىڭ تالابىنان شىعىپ، قىزىل قان تامىردى ويداعىداي جالعاستىرىپ، بيڭتۋان رۋحىن ويداعىداي جالعاستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ امالياتىنا زەيىن - زەردە، كۇش - قۋاتىمىزدى ۇيىستىرىپ، جاڭا كاسىپ ناتيجەسىن قۇلشىنا جاراتامىز“، - دەدى شينجياڭ ءوندىرىس - قۇرىلىس بيڭتۋانى 12 - شى اكىمشىلىك تەكسەرىپ بەكىتۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ۋاڭ يىڭ.

(ءتىلشى ميھىرگۇل عوپۇر، قاتىناسقان تىلشىلەر ياڭ شۋحان، ءپاريزات ابدۇل، چىن چياڭۋي، حي حۇڭۋي، يان شياۋتيان، ما ينيڭ، ۋاڭ يايۇن، ەرىكتى تىلشىلەر فىڭ شياۋليڭ، جىڭ كاڭنيڭ)