رايونىمىزداعى ءار ۇلت پارتيالى كادرلار ابدۇجاپپار مەڭدىدەن ۇيرەنەتىندىكتەرىن جابال ءبىلدىردى −

پارتيا تۋىنا اجار قوسىپ، پارتيا زناگىن ونان ارى جارقىراتامىز

انار بۇلت / شينجياڭ گازەتىنىڭ تىلشىلەرى جاڭ جىلي، بارشا تەگىس، چىن جياڭلين

جاڭا جىلدىڭ العاشقى كۇندەرى رايونىمىزداعى پارتيا مۇشەسى زناگىن كورسەتكەن مالشى اعاي ينتەرنەتتە جانە ينتەرنەتتەن تىس ايرىقشا نازارعا ءىلىندى. بۇل رايونىمىزدىڭ پارتيا تاريحىن ۇيرەنۋ تاربيەسىندەگى ەڭ اسەرلى ”مەن بۇقارا ءۇشىن ناقتى ءىس ىستەيمىن“ ارەكەتى، ەڭ شىنايى حالىققا سۇيىسپەنشىلىك، سونداي - اق ەڭ جاندى ۇيرەنۋ ۇلگىسى. رايونىمىزداعى ءار ۇلت پارتيالى كادرلار جابال مىنانى ءبىلدىردى: ابدۇجاپپار مەڭدىدەن ۇيرەنىپ، ۇلگىنىڭ كۇشىن ۇزدىكسىز العا ىلگەرىلەۋدەگى رۋحاني قوزعاۋشى كۇشكە اينالدىرىپ، ىشكى تەبىرەنىسىمىزدى حالىققا قىزمەت ەتۋدەگى ءىس جۇزىندىك ارەكەتكە اينالدىرىپ، ۇزدىكسىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا تۋىنا اجار قوسىپ، پارتيا زناگىن ونان ارى جارقىراتامىز.

اقتاۋ اۋدانى بۇلۇڭكول اۋىلى ابدۇجاپپار مەڭدى تۇرعان مۇجى اۋىلىمەن كورشىلەس. وسى بىرنەشە كۇندە ”شينجياڭدىق مالشى اعايدىڭ پارتيا مۇشەسى زناگىن كورسەتكەن“ بەينەجازباسى بۇلۇڭكول اۋىلىنداعى پارتيا مۇشەلەرىنىڭ، كادرلاردىڭ، بۇقارانىڭ ۋيچات دوستىق شەڭبەرىندە قاۋىرت تارادى.

بۇلۇڭكول اۋىلدىق پارتكومنىڭ شۋجيى لي ۋىنجۋان مىنانى ءبىلدىردى: بۇكىل اۋىل اۋىل - قىستاق كەرنايى، ەلەكتروندى ەكران سياقتى تاسىلدەرمەن ۇزدىكسىز ۇگىت جاساپ، قالىڭ پارتيالى كادرلاردى وزات تيپتەن ۇيرەنۋگە جەتەكتەپ، ۇيرەنۋ ارقىلى پارتيالى كادرلاردىڭ حالىق ءۇشىن شىنايى ىستەۋ ىنتاسى مەن ارىنىن كۇشەيتەدى.

”ابدۇجاپپار مەڭدى جاڭا ءداۋىر كوممۋنيستەرىنىڭ تاڭداۋلى قاسيەتىن ءتۇسىندىردى، بۇل ءاربىر پارتيا مۇشەسىنىڭ ۇيرەنۋىنە تاتيدى“. ءۇرىمجى قالاسى سايباق رايوندىق وقۋ - اعارتۋ مەكەمەسى وقىتۋدى زەرتتەۋ كەڭسەسىنىڭ ءتىل - ادەبيەت زەرتتەۋ قىزمەتكەرى ياڭ ليڭ بىلاي دەدى: ”پارتيا مۇشەسى رەتىندە، مەن ابدۇجاپپار مەڭدى سياقتى بۇكىل ىنتا - پەيىلمەن حالىق ءۇشىن قىزمەت ىستەۋ سىندى باس ماقساتتى ەستە بەرىك ساقتاپ، پارتيا مۇشەسىنىڭ اۆانگارد، ۇلگىلىك رولىن تولىق ساۋلەلەندىرەمىن“.

باركول قازاق اۆتونوميالى اۋدانى داحى قالاشىعىنىڭ ورىنباسار باستىعى قىزىربەك تۇرسىنحان بىلاي دەدى: ”ابدۇجاپپار مەڭدىنىڭ پارتيا مۇشەسى زناگىن كورسەتكەن ءساتىن كورگەندە، قاتتى تەبىرەندىم. ونىڭ بۇل ارەكەتى ءوزىنىڭ پارتيا مۇشەسى سالاۋاتىن ماقتانىش سەزىنەتىندىگىن تولىق بەينەلەدى. پارتيا مۇشەسى رەتىندە، مەن ابدۇجاپپار مەڭدىنىڭ وسى رۋحىنان ۇيرەنىپ، ۇقىقتى حالىق ءۇشىن ىستەتۋدى، سۇيىسپەنشىلىكتى حالىققا ارناۋدى، حالىققا پايدا جەتكىزۋدى كوزدەۋدى شىن مانىندە ىسكە اسىرىپ، داحى قالاشىعىنىڭ دامۋىنا اناعۇرلىم كوپ ۇلەس قوسامىن“.

1 - ايدىڭ 4 - كۇنى ونسۋ اۋدانى تۇمشۇق قالاشىعىنىڭ لاڭگار قىستاعىندا اۆتونوميالى رايوندىق گەولوگيا، كەن ونىمدەرى مەكەمەسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي سۇن جياڭحۋا قىزمەت اترەتىنىڭ مۇشەلەرى مەن قىستاق كادرلارىن ابدۇجاپپار مەڭدىنىڭ ىزگى ىستەرىنەن ۇيرەنۋگە ۇيىمداستىردى. ول بىلاي دەدى: حالىق ءۇشىن قىزمەت ىستەۋدە، جەر - كوكتى ءدۇر سىلكىندىرەتىن ۇلكەن ءىس تىندىرۋىمىز ەكىتالاي، الايدا بۇقارانىڭ كىشكەنە ىستەرىن ۇلكەن ءىس رەتىندە ىستەپ، بۇقارانىڭ مۇڭ - مۇقتاجىنا قاتىستى ىستەردى ءوز ءۇيىمىزدىڭ ىسىندەي ىستەۋىمىز كەرەك.

قاشقار داشۋەسى تىرشىلىك جانە جاعراپيا عىلىمى شۋەيۋانىنىڭ ستۋدەنتى ءلالا سىدىقجان بىلاي دەدى: ”ابدۇجاپپار اعاي ەڭ جاندى ۇيرەنۋ ۇلگىمىز. ونىڭ ءسوز - ارەكەتىنەن پارتياعا دەگەن شىنايى سۇيىسپەنشىلىگىن، پارتيا مۇشەسىندىك سالاۋاتىن بارىنشا قاستەرلەيتىندىگىن، اۋەلگى ماقساتى مەن بورىشىن تاباندىلىقپەن قورعايتىندىعىن سەزىندىم. ستۋدەنت پارتيا مۇشەسى رەتىندە، مەن ونى ۇلگى ەتىپ، اۆانگارد، ۇلگىلىك رولىمدى تولىق ساۋلەلەندىرىپ، ماماندىق بىلىمدەرىن قۇلشىنا ۇيرەنىپ، جاستىق ورالىمدى پارتيا مەن حالىق ەڭ قاجەت ەتكەن جەرگە ارنايمىن“.

”ۇلگىنىڭ كۇشى شەكسىز“. 1 - ايدىڭ 4 - كۇنى قۇمىل قالاسى يجوۋ رايونى شيحى ءمالىسى حۇيكاڭنان الەۋمەتتىك اۋماعىنىڭ مەڭگەرۋشىسى ايجامال امەت بىلاي دەدى: ”ابدۇجاپپار اعايدىڭ بەينەجازباسىن كورىپ، قاتتى اسەرلەندىم. مەن ونى ۇلگى ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق ءۇشىن قىزمەت ىستەۋ قابىلەتىمدى ۇزدىكسىز جوعارىلاتىپ، بۇقارانىڭ قامقورشىسى بولامىن“.