باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
«ٴبىزدىڭ تاماشا تۇرمىسىمىزدى ٴارقانداي ادامنىڭ بۇلدىرۋىنە استە جول بەرمەيمىز»
2022-01-07 11:33:36     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

شينجياڭ «ەڭبەك تاماشا تۇرمىس جاراتادى» اتىندا جەلىلەس اڭگىمە ٴماجىلىسىن اشتى

«ٴبىزدىڭ تاماشا تۇرمىسىمىزدى ٴارقانداي ادامنىڭ بۇلدىرۋىنە استە جول بەرمەيمىز»


تاياۋدا امەريكا شىندىقپەن ساناسپاي، ايتىلمىس «ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا» قول قويىپ، زاڭعا اينالدىردى. 2021 - جىلى 12 - ايدىڭ 28 - كۇنى شينجياڭ «ەڭبەك تاماشا تۇرمىس جاراتادى» اتىندا 13 - مايدان جەلىلەس اڭگىمە ٴماجىلىسىن اشىپ، امەريكا جاقتىڭ سۇرقيا ارەكەتىنە تويتارىس بەردى.

  ايتىلمىس «ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا» قول قويىلعاندىعىنا شينجياڭنىڭ جەر - جەرىندەگى ماقتا كاسىپورىندارىنان كەلگەن قىزمەتكەرلەردىڭ 8 ۋاكىلى قاتتى كەكتەندى. اڭگىمە ماجىلىستە كوپشىلىك وزدەرىنىڭ باسىنان كەشكەندەرى ارقىلى شينجياڭنىڭ ناقتى شىندىعىن اڭگىمەلەپ، ايتىلمىس «زاڭ جوباسىنا» قول قويىلعاندىعىن قاتاڭ جازعىردى جانە وعان باتىل قارسى تۇردى.

  «بۇل شينجياڭداعى ٴار ۇلت جۇرتشىلىعىنىڭ كوڭىلىنە اسا اۋىر قاياۋ سالدى». شينجياڭ ليبەي - ىر ساۋدا شەكتى سەرىكتەستىگىنىڭ بولىمشە سەرىكتەستىگى رىن - ان شيپاگەرلىك توقىماشىلىق زاۆودىنىڭ باستىعى تۇرسۇناي مامەت ٴوز حيكاياسىن اڭگىمەلەدى. ول ىلگەرىدە تۇراقتى قىزمەتى جوق بولعاندىقتان ۇساق - تۇيەك جۇمىس ىستەپ اقشا تابادى ەكەن. 2019 - جىلى وسى سەرىكتەستىككە كەلىپ قىزمەتكە قابىلدانىپ، ەڭبەك توقتامىنا قول قويىسىپتى. قىزمەت بارىسىندا سەرىكتەستىك ارناۋلى ۇستاز ورنالاستىرىپ جاڭادان قىزمەتكە قابىلدانعاندارعا تەحنيكا ۇيرەتىپ، تاجىريبەسىمەن ٴبولىسىپتى. سونىمەن قاجىرلىلىقپەن ەڭبەك ىستەۋ جانە ۇيرەنۋ ارقىلى بىرتىندەپ تىرەكتى كۇش بولىپ جەتىلگەن تۇرسۇنايدىڭ ايلىق ەڭبەكاقىسى 5500 يۋانعا ٴوسىپتى. «اسپاننان ماي شەلپەك جاۋمايدى، تاماشا تۇرمىستى ٴوزىمىزدىڭ قوس قولىمىزعا سۇيەنىپ جاراتامىز» دەدى ول.

  قاشقار جينچىڭ توقىماشىلىق شەكتى سەرىكتەستىگىنىڭ قىزمەتكەرى ارزىگۇل زۇنۇننىڭ بۇرىن قىزمەتى جوق ەدى، كۇيەۋىنىڭ تابىسىنا عانا سۇيەنەتىن ولاردىڭ وتباسى تۇرمىستارى ٴۇپى - ٴتاپى وتەتىن. كەيىن ول كورشىسىنىڭ تانسىتىرۋىمەن قازىرگى سەرىكتەستىككە كەلىپ قىزمەتكە قابىلدانادى، ەڭبەك توقتامىنداعى بەلگىلەمەگە ساي، ارزىگۇل اي سايىن 3800 يۋان ەڭبەكاقى الاتىن بولدى، كاسىپورىن ونىڭ زەينەتكەرلىك قاراجاتىن، ەمدەۋ قامسىزداندىرۋىن، تۋىت قامسىزداندىرۋىن تاپسىرادى. ارزىگۇل ەكىنشى بالاسىنا اۋىر اياق بولعان كەزدە، سەح مەڭگەرۋشىسى ونىڭ ٴوز پىكىرىن العاننان كەيىن ٴبىرشاما جەڭىلدەۋ جۇمىس ورنىنا اۋىستىرادى. تۋىت دەمالىسىندا جاتقان كەزىندە، باسشىلار مەن قىزمەتتەستەرى شاشۋلارىن الىپ وعان امانداسا كەلىپ، وعان وتباسىنىڭ جىلۋىن سەزىندىرەدى.

  شينجياڭ يۇيشينيۋان توقىماشىلىق شەكتى سەرىكتەستىگىنىڭ قىزمەتكەرى نۇرگۇل ساۋۇت يىڭسار اۋدانى قىزىل اۋىلى قۇدىق قىستاعىندا دۇنيەگە كەلگەن. قىزمەتكە ورنالاسقاننان كەيىن ۇستازىنىڭ جەتەكشىلىگىندە تەز جەتىلگەن نۇرگۇل قازىر تاجىريبەلى ۇستاعا اينالىپ، ايلىق ەڭبەكاقىسى 5500 يۋانعا ٴوستى. «اۋىرىپ قالىپ دەمالعان كەزىمدە قىزمەتتەسىم چىن يۇڭپيڭ ىرىقتىلىقپەن مەنىڭ ورنىما ىستەدى، ٴار ۇلت قىزمەتكەرلەرى ٴبىر ٴۇيلى جاندايمىز». نۇرگۇل: «امەريكاداعى، باتىستاعى جۇڭگوعا قارسى كۇشتەر ٴبىزدىڭ جاقسى تۇرمىس كەشىرگەنىمىزدى كورگىسى كەلمەيدى، ولاردىڭ ٴتۇرلى قىلىقتارىن اۋىزعا الۋعا دا تاتىمايدى» دەدى.

  «ٴبىزدىڭ تاماشا تۇرمىسىمىزدى ٴارقانداي ادامنىڭ بۇلدىرۋىنە استە جول بەرمەيمىز». شينجياڭ شينحۇڭرۇن توقىماشىلىق شەكتى جاۋاپكەرشىلىك سەرىكتەستىگىنىڭ قىزمەتكەرى ليۋ يان تانىستىرا كەلىپ: «ٴبىزدىڭ سەرىكتەستىگىمىزدە حانزۋ، ۇيعۇر، قازاق، حۇيزۋ سياقتى ٴار ۇلت قىزمەتكەرلەرى بار، كوپشىلىك تەڭ دارەجەدە جۇمىستانۋ ورايىنان جانە بىردەي مامىلەدەن يگىلىكتەنەدى» دەدى.

  شينجياڭ جۇڭتاي حايحۇڭ توقىماشىلىق، بوياۋشىلىق شەكتى سەرىكتەستىگىنىڭ قىزمەتكەرى ميھىرگۇل ۇسەن: «جاقسى تۇرمىس كۇرەستەن كەلەدى، امەريكاداعى، باتىستاعى جۇڭگوعا قارسى كۇشتەر مەيلى قالاي كۇيە جاعىپ، جالا جاپسا دا، ٴبىزدىڭ قوس قولىمىزعا سۇيەنىپ تاماشا تۇرمىس جاراتۋ بەكىمىمىزدى وزگەرتە المايدى. امەريكا ادامدىق ۇقىقتى جەلەۋ ەتىپ، ايتىلمىس <زاڭ جوبادان> پايدالانىپ، شينجياڭ كاسىپورىندارىنىڭ دامۋىنا قىسىم كورسەتۋدە، ولاردىڭ سۇرقيا ماقساتى ماڭگى ىسكە اسپايدى» دەدى.

 شينجياڭ گازەتىنىڭ ٴتىلشىسى جىڭ جو