قارجى قوسۋدى تاعى دا جەدەلدەتتى، باس شتاپتى كوشىرۋدى جوسپارلادى

　　جىجياڭ كاسىپورنى قاراقاشقا ىرگە تەۋىپ، توقىماشىلىق كاسىبىنىڭ تۇتاس تىزبەكتى شوعىرلانۋىن جۇزەگە اسىردى

انار بۇلت / شينجياڭ گازەتىنىڭ تىلشىلەرى ياۋ تۇڭ، ياڭ شۋحان 1 - ايدىڭ 7 - كۇنى قاراقاشتان حابارلايدى. ”سەرىكتەستىكتىڭ باس شتابىن بيىل ي - ۋدان قاراقاش اۋدانىنا كوشىرۋدى جوسپارلاپ وتىرمىز“، - دەدى 1 - ايدىڭ 7 - كۇنى تۇستەن كەيىن شينجياڭ مەيشۇي توقىماشىلىق شەكتى سەرىكتەستىگىنىڭ باس ديرەكتورى جاڭ فاڭجيە تىلشىگە.

سول كۇنى قاراقاش اۋدانىنىڭ كاسىپ سالاسى مەن قالانى توعىستىرۋ باقشاسىنىڭ، ءبىر جاعىنداعى ميشۇي توقىماشىلىق 1 - مەرزىمدىك زاۆودىندا ماشينا گۇرىلدەپ، جىڭىشكە ءجىپ شيراتىلىپ، 1400دەن استام ءار ۇلت جۇمىسشى - قىزمەتكەرلەرى ءتۇرلى ماشينالاردى جەتتىك جۇرگىزىپ جاتتى؛ ەندى ءبىر جاعىندا، زاۆود ۇيلەرىنىڭ اۋماعى، قارجى قوسۋ 2 ەسەلەنگەن 2 - مەرزىمدىك قۇرىلىس الاڭىنىڭ جۇمىسى ءجۇرىلىپ جاتتى.

مەيشۇي توقىماشىلىق شەكتى سەرىكتەستىگى جىجياڭدا 15 جىل شارۋاشىلىق جۇرگىزىپ دامىعان، باس شتابى ي - ۋ قالاسىندا قۇرىلعان، جوبالاۋ، زەرتتەۋ - اشۋ، ءوندىرۋ، ساتۋ ءبىر تۇلعالانعان توقىماشىلىق جالپى كاسىپ تىزبەگىندىك كاسىپورىن، دەربەس ماركاسى بار، ونىمدەرى ەۆروپا، وڭتۇستىك امەريكا قۇرلىقتارىنا دەيىن ساتىلادى، رەسەي، يتاليا، يسپانيا سياقتى ەلدەردە 8 تىكە ساتۋ ءتۇيىنىن قۇرعان.

”ەلەكتردەن، سۋدان پايدالانۋعا تيىمدىلىك جاسالادى، قاتىستى تاراۋلار ىرىقتىلىقپەن كەلىپ قىزمەت وتەيدى، سونداي - اق ءوسىمى قازىنادان تولەنەتىن قارىز اقشا الۋعا ءوتىنىش بەرۋگە جاردەمدەسەدى“. 2018 - جىلى جاڭ فاڭجيە كاسىپورىندى قاراقاشقا اكەلىپ، اۋدانعا قاراستى تاراۋلارمەن بارىس - كەلىستىڭ بارعان سايىن تەرەڭدەۋىنە ىلەسە، بۇل ارانىڭ شارۋاشىلىق - ساۋدا ورتاسىنا بارعان سايىن قىزىعۋشىلىق تانىتىپ، بىرتىندەپ باس شتاپتى كوشىرىپ اكەلۋ ويىنا كەلەدى.

”ۇكىمەت تاراۋلارى بىزگە قىزمەت وتەدى، ءبىز دە جەرگىلىكتى ورىننىڭ دامۋىنا اناعۇرلىم ناقتى ۇلەس قوسۋدى ويلاپ وتىرمىز“. جاڭ فاڭجيە: باس شتاپتىڭ قاراقاش اۋدانىنا كوشىپ كەلۋىنىڭ جەرگىلىكتى ونەركاسىپتىڭ ارتقان قۇنىنا، باجى كىرىسىنە قوساتىن ۇلەسى اناعۇرلىم زور بولادى، - دەدى.

”باستاماشى كاسىپورىنداردىڭ كاسىپ سالاسىنا باستاماشىلىق ەتۋ اسەرىنە ەلەۋسىز قاراۋعا بولمايدى“. قاراقاش اۋداندىق پارتكومنىڭ شۋجيى جاڭ گۋانجۇن بىلاي دەپ تانىستىردى: مەيشۇي توقىماشىلىعى، ءبىر جاعىنان، كاسىپ سالاسىنىڭ جالاڭ تۇردەگى ءجىپ يىرۋدەن، كەزدەمە توقۋدان دايىن كيىم ءوندىرۋ، ساتۋ سىندى تۇتاس كاسىپ سالاسى تىزبەگىنە ۇزارۋىن جەبەسە؛ ەندى ءبىر جاعىنان، كاسىپ سالاسى تىزبەگىنىڭ جوعارعى، اياققى بۋىندارىنداعى ءتۇرلى كاسىپورىنداردى شوعىرلانۋعا باستاپ، قاراقاشتا كاسىپ سالاسى دامۋى كولەمىن قالىپتاستىردى.

مەيشۇي توقىماشىلىعىنىڭ حالىق تۇرمىسىنا، جۇمىستانۋعا قوسقان ۇلەسى دە از ەمەس. ءجىپ وراۋ سەحىندا قاربالاس جۇمىس ىستەپ جاتقان ايەل جۇمىسشى ءزۇلھايات توحتىمامەت تىلشىگە ءوزىنىڭ بىلتىر 8 - ايدا زاۆودقا كەلىپ قىزمەت ىستەگەندىگىن، بۇل ارانىڭ ۇيىنە جاقىن، قىزمەت، تۇرمىس ورتاسىنىڭ جاقسى ەكەندىگىن، ەڭ تومەنگى تۇرمىستىق ەڭبەكاقىعا يە بولۋمەن بىرگە، ەڭبەك ونىمدىلىگى ەڭبەكاقىسىن دا الاتىندىعىن ايتتى، ”الدىڭعى ايدىڭ 15 - كۇنى قولىما تيگەن ەڭبەكاقى 3488 يۋان بولدى، قازىر مەنىڭ اي سايىن تۇراقتى كىرىسىم بار، ەڭبەگىمنىڭ قارىمجىسىنا يە بولدىم“.

جاڭ فاڭجيە مىنالاردى ءبىلدىردى: حوتان ايماعى قالىپتاستىرعان الاڭسىز قارجى قوسۋ، ۋايىمسىز تيجارات جۇرگىزۋ، دەن قويا دامۋ سىندى تاماشا شارۋاشىلىق - ساۋدا ورتاسى كاسىپورىنداردىڭ سەنىمىن بەكەمدەدى. بيىل 6 - ايدا 2 - مەرزىمدىك نىسان جاپپاي سالىنىپ ءبىتىپ وندىرىسكە قوسىلعاننان كەيىن، كۇنىنە 2 ميلليون جۇپقا تارتا بايپاق ءوندىرۋدى جۇزەگە اسىرىپ، جالپى ءونىم قۇنى 3 ميلليارد يۋان بولىپ، 6000عا جۋىق ادامدى جۇمىسقا قابىلداپ، قاراقاش اۋدانى بويىنشا ءونىم قۇنى ەڭ جوعارى كاسىپورىنعا اينالماق.

”مەيشۇيدىڭ باستاماشىلدىق ەتۋىندە ءجىپ ءيىرۋ، كەزدەمە توقۋ، دايىن كيىم تىگۋ، ساتۋ سياقتى تۇتاس كاسىپ سالاسى تىزبەگىن قامتىعان كاسىپورىندار بىزبەن ىرگە تەبۋ ءىسىن بەلسەنە كەڭەسىپ جاتىر“. قاراقاش اۋداندىق ساۋدا ىستەرى جانە ونەركاسىپتى ينفورماتسيالاندىرۋ مەكەمەسىنىڭ باستىعى جاڭ حۇي مىنانى ءبىلدىردى: ”ءىس بىتىرگەندە باسقالارعا جالىنبايتىن، جۇزدەسپەي - اق تەكسەرىپ بەكىتەتىن، ەڭ كوپ بولعاندا، ءبىر رەت باراتىن“ بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسى ءتۇرلى مەنشىك تۇزىمىندەگى كاسىپورىنداردى قاراقاشقا ىرگە تەبۋگە باۋراۋدا.