”2 ءبىر تۇتاس جوسپارلاۋدى“ تياناق ەتىپ، جوعارى ساپالى دامۋدى ىلگەرىلەتەيىك

　شۇي چيڭگۋاڭ

ورتالىقتىڭ ەكونوميكالىق قىزمەت ماجىلىسىندە: ”ءسوز جوق، ءبىر تۇتاس جوسپارلاپ سايكەستىرۋدى كۇشەيتىپ، جۇيە كوزقاراسىنا تاباندى بولۋ كەرەك“ دەپ العا قويىلدى. 100 جىلدىق وزگەرىس پەن عاسىرلىق ىندەت جاعدايى قاباتتاسقان جاعدايدا ”ەكى جاقتى دا يگەرۋ، ەكى جاقتى دا مىقتى يگەرۋ“ وي جەلىسى مەن قابىلەتىن كۇشەيتىپ، ەكونوميكالىق، قوعامدىق دامۋدىڭ فاكتورلارى، ورتاسى سياقتىلارعا ديالەكتيكالىق وي جۇگىرتىپ، جۇيەلى يگەرگەندە عانا، حاۋىپ - قاتەر مەن سىن - سايىستارعا توتەپ بەرىپ، جوعارى ساپالى دامۋ ارناسىندا نىق قاداممەن الىسقا جەتۋگە بولادى.

”ىندەتتەن ساقتانۋ - تىزگىندەۋ قىزمەتىن ويداعىداي ىستەۋ حالىقتىڭ ءومىرىنىڭ حاۋىپسىزدىگى مەن دەنساۋلىعىنا، ەكونوميكالىق، قوعامدىق كەلەلى جاعدايدىڭ ورنىقتىلىعىنا تىكەلەي قاتىستى، سونداي - اق ەلىمىزدىڭ سىرتقا ەسىك اشۋىنا تىكەلەي قاتىستى“. ەگەر ىندەتتەن ساقتانۋ - تىزگىندەۋدى ءونىمدى ىستەمەسە، ەكونوميكالىق، قوعامدىق دامۋ العى شارت پەن نەگىزدەن ايرىلىپ قانا قويماي، ونىڭ ۇستىنە ماڭىزى مەن قۇنىنان دا ايىرىلادى. مەملەكەتتىك كەڭەستىڭ بىرلەسىپ ساقتانۋ - بىرلەسىپ تىزگىندەۋ مەحانيزمى 15 - باقىلاۋ - تەكسەرۋ گرۋپپاسىنىڭ باستىعى تيان يۇيلۇڭ تاياۋدا بىلاي دەپ اتاپ كورسەتتى: ”شينجياڭنىڭ ىندەتتەن ساقتانۋ - تىزگىندەۋگە قولباسشىلىق ەتۋ جۇيەسى كەمەلدى، پارمەندى، ءتۇرلى ساقتانۋ - تىزگىندەۋ شارالارىن قاتاڭ، مۇقيات تياناقتاندىرىپ، ىندەتتەن ساقتانۋ - تىزگىندەۋدى ۇدايىلاندىرۋدى اناعۇرلىم ويداعىداي ىستەۋگە ءتيىمدى تاجىريبەلەر توپتادى.“ ءبىز، ءسوز جوق، قازىرگى قىزمەت نەگىزىندە ”سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا“ ۇزدىكسىز بۇلجىماي تاباندى بولىپ، ىندەتتەن ساقتانۋ بارىسىندا ورىن تەپكەن كورنەكتى ماسەلەلەردى دەر كەزىندە شەشىپ، ءىس جۇزىندىككە ۇيلەسپەيتىن ادىستەردى وزگەرتىپ، ىندەتتەن ساقتانۋ - تىزگىندەۋدى ۇدايىلاندىرۋدى باستان - اياق بايىپتىلىقپەن ويداعىداي يگەرۋىمىز كەرەك. ەندى ءبىر جاعىنان، ىندەتتەن ساقتانۋ - تىزگىندەۋدىڭ ماقساتى − ەكونوميكانى، قوعامدى دامىتۋ، ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشىرۋىنە مۇمكىندىك جاساۋ، ىندەتتەن ساقتانۋ ءۇشىن عانا ساقتانۋعا بولمايدى، ىندەتتەن ساقتانۋدى قيت ەتسە بولدى، جاۋاپكەرشىلىك ارقالاماۋدىڭ، ءىس تىندىرماۋدىڭ، دامىماۋدىڭ قالقانى ەتۋگە ءتىپتى دە بولمايدى، ءسوز جوق، ىندەتتەن ساقتانۋ - تىزگىندەۋدە جانە ەكونوميكالىق، قوعامدىق دامۋدا ”پيانينو ويناۋدى“ ۇيرەنۋ كەرەك.

ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس ويداعىداي جوسپارلاۋدا ءتارتىپتى ساقتاۋ مەن ومىرشەڭدىكتى ارتتىرۋدىڭ، قاتاڭ ساقتانۋ - تىزگىندەۋ مەن بۇقاراعا قولايلىلىق جاساۋدىڭ قاتىناسىن ۇيلەسىمدى ءبىر جاقتى ەتىپ، تۇرعىنداردىڭ ويىمەن كوبىرەك وي جۇگىرتىپ، ساياحاتشىلاردىڭ باعاسىن كوبىرەك تىڭداپ، كاسىپورىنداردىڭ قيىنشىلىقتارىن كوبىرەك زەرتتەپ، قالانىڭ دامۋىن كوبىرەك جوسپارلاپ، زاڭ بويىنشا، عىلمي، دالمە - ءدال بولۋعا كۇش سالىپ، ساقتانۋ، تىزگىندەۋ شارالارىن قاراپايىمداستىرۋدان، ءبىر تاياقپەن ايداۋدان، ساتى - ساتى بويىنشا سالماق ۇستەۋدەن ساقتانىپ، ساقتانۋ - تىزگىندەۋدى ءارى پارمەندى، ءارى مەيىرىم - سۇيىسپەنشىلىككە تولى ەتىپ، بۇقارانىڭ ءوندىرىس - تۇرمىسىنا جاسايتىن ىقپالىن ەڭ جوعارى شەكتە ازايتىپ، ءبىرشاما تومەن قوعامدىق وزىندىك قۇن ارقىلى اناعۇرلىم زور ساقتانۋ - تىزگىندەۋ ونىمدىلىگىنە قول جەتكىزۋ كەرەك. ونان دا ماڭىزدىسى، ىندەتتەن ساقتانۋ - تىزگىندەۋدى ويداعىداي ىستەۋ نەگىزىندە شارۋاشىلىق - ساۋدا ورتاسىن ۇزدىكسىز ساپالىلاندىرىپ، ادام اينالىمىنىڭ، زات اينالىمىنىڭ، قارجى اينالىمىنىڭ، ينفورماتسيا اينالىمىنىڭ قولايلى اينالىس جاساۋىن جەبەپ، كاسىپورىندارعا تيىمدىلىك جاساۋ ساياساتتارىن ناقتى، ەگجەي - تەگجەيلى تياناقتاندىرىپ، كاسىپورىندارعا دارىندى، جەر، قارجى قۇراۋ سياقتى فاكتورلىق تىرەكتىك قامتاماسىزدىعىن ازىرلەپ، كاسىپورىنداردىڭ قيىنشىلىعىن شىن مانىندە شەشىپ، كاسىپورىنداردىڭ كۇشەيۋىن، زورايۋىن ىلگەرىلەتۋ كەرەك.

حاۋىپسىزدىك − دامۋدىڭ العى شارتى. قيىنشىلىقتى اناعۇرلىم تولىق مەجەلەپ، حاۋىپ - قاتەر جونىندە اناعۇرلىم تەرەڭ وي جۇگىرتىپ، ”قاراقۋ“ وقيعاسىنان دا ، ”سۇر ءمۇيىز تۇمسىق“ وقيعاسىنان دا ساقتانعاندا عانا، العاشقى قادامدى جاقسى باسىپ، ىرىقتى شايقاستى ويداعىداي جۇرگىزۋگە بولادى. قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋدەن جازباي، سوتسياليستىك زاڭمەن باسقارۋ تۋىن بيىك ۇستاپ، قوعامدىق باسقارۋ ءتۇزىلىس - مەحانيزمىن كەمەلدەندىرىپ، شينجياڭنىڭ قوعامدىق كەلەلى جاعدايىنىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن تاباندىلىقپەن جەبەپ، وڭاي - وسپاق قولعا كەلمەگەن ورنىقتىلىق جاعدايىنىڭ كەرى كەتۋىنە استە جول بەرمەۋ كەرەك. ءوندىرىس حاۋىپسىزدىگى تانىمىن كۇشەيتىپ، حاۋىپسىز دامۋ ۇستانىمىن بەرىك ورناتىپ، حاۋىپسىزدىك بويىنشا ساقتانۋ جانە شۇعىل جاعدايعا توتەپ بەرۋدى باسقارۋ شارالارىن ونان ارى كەمەلدەندىرىپ، حاۋىپسىز، ورنىقتى، جايلى دامۋ ورتاسىن قالىپتاستىرۋ كەرەك. سونىمەن بىرگە ءبىز مىنانى دا كورە ءبىلۋىمىز كەرەك: دامۋ − حاۋىپسىزدىكتىڭ كەپىلى، كورنەكتى قايشىلىقتار مەن ماسەلەلەردى شەشىپ، ءتۇرلى حاۋىپ - قاتەرلەر مەن كومەسكى كىناراتتاردان ساقتانۋدا جانە ونى جويۋدا، سايىپ كەلگەندە، دامۋعا سۇيەنۋ، دامۋ مەن حاۋىپسىزدىكتىڭ تەپە - تەڭدىگىن، ءسوز جوق، يگەرۋ كەرەك، تىم جەڭىلدەتىپ جىبەرۋگە دە، تىم اۋىرلاتىپ جىبەرۋگە دە، بىرەۋىنە باسا ءمان بەرىپ، ەندى بەرۋىنە نەمقۇرايدى قاراۋعا دا بولمايدى.

دامۋ مەن حاۋىپسىزدىكتى ءبىر تۇتاس جوسپارلاۋدا ءارى تاۋقىمەت تانىمىن كۇشەيتىپ، تومەنگى شەك ويىن ورناتىپ، حاۋىپسىز دامۋ ۇستانىمىن دامۋدىڭ ءار سالاسى مەن تۇتاس بارىسىنا ءسىڭىرۋ، ونان دا ماڭىزدىسى، ۋاقىت كۇتىپ تۇرمايدى دەيتىن دامۋ تانىمىن ورناتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ تاسىلىندە جەدەل بۇرىلىس جاساپ، وسى زامانعى كاسىپ سالاسى جۇيەسىن جەدەل ورناتىپ جانە كەمەلدەندىرىپ، ”ءبىر بەلدەۋ، ءبىر جولدى“ بىرگە قۇرۋمەن ىشكەرىلەي توعىسىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس ورناتىپ، دامۋدىڭ جاڭا قوزعاۋشى قۋاتىن، جاڭا باسىمدىعىن تۇلعالاۋ كەرەك. حالىق تۇرمىسىمەن تىعىز جاناسىپ، جوعارى ساپالى دامۋدى ىلگەرىلەتىپ، دامۋدى يگەرۋ، حالىق تۇرمىسىنا تيىمدىلىك جاساۋ ارقىلى بۇقارانىڭ ىستەيتىن جۇمىسى، تاباتىن اقشاسى، ارمان - تىلەگى بولۋىنا مۇمكىندىك جاساپ، ءار ۇلت بۇقاراسىنىڭ تابىس سەزىمىنىڭ اناعۇرلىم جەتكىلىكتى، باقىت سەزىمىنىڭ اناعۇرلىم باياندى، حاۋىپسىزدىك سەزىمىنىڭ اناعۇرلىم قامتاماسىز بولۋىنا مۇمكىندىك جاساپ، جاڭا داۋىردەگى ”حالىقتى بايىتىپ، شينجياڭدى گۇلدەندىرۋدىڭ“ تىڭ تاراۋىن ويداعىداي جازۋ كەرەك.

شينجياڭ قىزمەتىن ستراتەگيالىق جاقتان باعامداۋعا جانە جوسپارلاۋعا تاباندى بولىپ، ديالەكتيكادان ويداعىداي پايدالانىپ، ەكى جاعىن دا يگەرۋگە تاباندى بولىپ، ”2 ءبىر تۇتاس جوسپارلاۋدىڭ“ ىشكى لوگيكاسىن ويداعىداي يگەرىپ، قايشىلىقتان تايساقتاماساق، جاۋاپكەرشىلىكتەن قاشقالاقتاماساق، ءسوز جوق، داعدارىس بارىسىندا ۇتىمدى وراي جەتىلدىرىپ، وزگەرىس بارىسىندا جاڭا جاعداي اشىپ، شينجياڭ دامۋىنىڭ وراسان زور كومەسكى كۇشى مەن قۇدىرەتتى قوزعاۋشى قۋاتىن تولىق جارىققا شىعارىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل ، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرا الامىز.