انار بۇلت / شينجياڭ گازەتىنىڭ ءتىلشىسى يىن لۋ 1 - ايدىڭ 8 - كۇنى ۇرىمجىدەن حابارلايدى. ”قانشالىقتى الىس بولسا دا ارالىعىمىز، قاسىمىزدا ءجۇرسىڭ سەن، سەنىمىمىز ماڭگىلىك، اۋەلگى ماقساتىمىز ۇمىتىلماس...“ 1 - ايدىڭ 3 - كۇنى شينجياڭ كوركەمونەر تەاترىنىڭ جاتتىعۋ زالىندا ءارقايسى مەكەمە، ۇيىرمەلەردەن كەلگەن ادەبيەت - كوركەمونەر قىزمەتكەرلەرى «كوشباسشى» ءانىن توپتىق شىرقاپ جاتتى.

1 - ايدىڭ 1 - كۇنىنەن بەرى بۇكىل شينجياڭنىڭ جەر - جەرىندەگى ادەبيەت - كوركەمونەر مەكەمەلەرى ۇيىرمەلەرى، ويىن - ساۋىق اترەتتەرى «كوشباسشى» ءانىن جابال ۇيرەنىپ، وعان جاتتىعىپ، ءتۇرلى كوركەمونەرلىك فورما ارقىلى 100 جىلدىق ءىرى پارتيانىڭ ايبىندى وبرازىن جىرلايتىن وسى تۋىندىنى بەينەلەدى.

”قازىر ءبىز شينجياڭ كوركەمونەر تەاترىنىڭ ءارقايسى مەكەمەلەرى مەن ۇيىرمەلەرىن جەكە ءان، حور، اسپاپتا ورىنداۋ سياقتى الۋان ءتۇرلى كوركەمونەرلىك فورمامەن «كوشباسشى» ءانىن كەڭىنەن شىرقاۋعا، اسىرەسە، نەگىزگى ساتىداعى بۇقاراعا جەتكىزۋگە ۇيىمداستىرىپ جاتىرمىز“. شينجياڭ كوركەمونەر تەاترى پارتكومىنىڭ شۋجيى ساي شياۋرۇڭ: ”وسىدان سوڭ تەاترىمىزدىڭ ءارقايسى مەكەمەلەرىنىڭ، ۇيىرمەلەرىنىڭ ارتيستەرى ورىنداعان انىنەن، قويعان ويىنىنان MVدى ەكرانعا ءتۇسىرىپ، وسى اندە قامتىلعان قۋاتتى كۇشتى ءاربىر كورەرمەنگە جەتكىزبەكشىمىز“، - دەدى.

شينجياڭ كوركەمونەر تەاترى ءان - ءبي ۇيىرمەسىنىڭ ءانشىسى ەربول جەڭىسبەك بىلاي دەپ قارادى: «كوشباسشى» ءانى سان ميلليونداعان جۇڭگو حالقىنىڭ جۇرەك ءۇنىن شىرقاپ، پارتيا مەن وتانعا دەگەن تاماشا تىلەگىن جەتكىزدى. ”شىرقاعان سايىن تەبىرەنىپ، شىرقاعان سايىن تەبىندى بولاسىڭ، ءان ماتىنىنەن اۋەنىنە دەيىن ءان ورىنداۋشىعا ەرەكشە زور رۋحاني شابىت بەرەدى. وسىدان كەيىنگى كوكتەم مەرەكەسىنە ارنالعان ءتۇرلى ادەبيەت - كوركەمونەر ويىن - ساۋىق قيمىلىندا «كوشباسشى» ءانىن اسقاقتاتا شىرقاپ، ءان اۋەنىمەن مۇنان دا كوپ كورەرمەندى اسەرلەندىرەمىن“.

”بۇل ءداۋىر تىنىسىنا يە جانە جىلداردىڭ ءىزى قالعان ءان، ونىڭ اسەرىنىڭ، تەبىرەنۋىنىڭ استارىندا مەيىرلى، اسەرلى بەينەلەۋلەر جاتىر، بۇل حالىقتىڭ جۇرەك ءسوزى“. شينجياڭ كوركەمونەر تەاترى مۇقام كوركەمونەر ۇيىرمەسىنىڭ ءانشىسى دانيار ابدۇۋالي: ”ول ماعان تاماشا كوركەمونەر تۋىندىسىن، ءسوز جوق، حالىققا تامىر تارتقاندا عانا جاراتۋعا بولاتىندىعىن، وسىنداي تۋىندى عانا تارالا، ساقتالا الاتىندىعىن تەرەڭ سەزىندىردى“، - دەدى.

قازىر شينجياڭ كوركەمونەر تەاترىنىڭ ۇلتتىق مۋزيكا اسپاپتارى وركەسترى تۋىندى جاراتۋشى كۇشتەرىن ۇيىمداستىرىپ، «كوشباسشى» ءانىن ۇلتتىق سيمفونيا ەتىپ وزگەرتىپ قۇراستىرتىپ جاتىر. ”شينجياڭ كوركەمونەر تەاترىنىڭ ۇلتتىق مۋزيكا اسپاپتارى وركەسترى كومپوزيتور مىرزات شىراليمەن قۇراستىرۋشى بولۋ جونىندە توقتام جاساستى، 2 - رەتكى تۋىندى جازۋدا تۋىندىنىڭ كەڭ تىنىستى، اسەرلى اۋەنىن كورنەكتىلەندىرىپ، جۇڭگو كوممۋنيستىك پارتياسىنىڭ 100 جىلدىق ۇلى جورىعىنداعى جۇرت جۇرەگىن تەبىرەنتىپ، العا باسۋعا دەم بەرەتىن كورىنىستەردى مۋزيكا اۋەنى ىشىندە كورەرمەندەردىڭ ويىنا قايتا ەلەستەتەدى“، - دەدى شينجياڭ كوركەمونەر تەاترى ۇلتتىق مۋزيكا اسپاپتارى وركەسترىنىڭ باستىعى جاڭ رۇي.

قازىر شينجياڭ كوركەمونەر تەاترىنىڭ انار ءدانى مادەنيەت قىزمەت وتەۋ شاعىن اترەتى بۇكىل شينجياڭنىڭ جەر - جەرىندەگى نەگىزگى ساتى اۋىل - قىستاقتارىندا ويىن قويىپ، «كوشباسشى» ءانى انشىلەرمەن بىرگە بۇقاراعا جەتتى. ”بۇل ءان مەنىڭ ايتپاقشى بولعان جۇرەك ءسوزىم، پارتيانىڭ مەنى تاماشا تۇرمىسقا كەنەلتكەندىگىنە العىس ايتامىن، ءار ۇلت بۇقاراسى ماڭگى ىنتىماقتاسىپ، وتانىمىزدى ويداعىداي قورعاۋى كەرەك“، - دەدى باي اۋدانى باقا ءيىرىق قالاشىعى لاڭگار قىستاعىنىڭ تۇرعىنى ءماريام تۇردى شاعىن اترەتتىڭ ويىنىن كورگەن كەزدە.