باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جاڭا ەنەرگيالى اۆتوكولىك ءوندىرىسىن تەزدەتتى
2022-01-10 16:36:44     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

شانشي اۆتوكولىك توبى شينجياڭ اۆتوكولىك شەكتى سەرىكتەستىگى:

جاڭا ەنەرگيالى اۆتوكولىك ءوندىرىسىن تەزدەتتى

انار بۇلت / شينجياڭ گازەتىنىڭ تىلشىلەرى گو چيان، ليۋ يميڭ


2021 - جىلى 12 - ايدىڭ 24 - كۇنى جىڭ اۋدانى تولى قالاشىعىنىڭ حۇيدا كەن شارۋاشىلىعى كەن قازۋ الاڭىندا شانشي اۆتوكولىك توبىنىڭ M3000S ساپ ەلەكترلى اۋىر تۇرپاتتى 10 جۇك اۆتوكولىگى ارلى - بەرلى قاتىناعانىمەن، مۇرىندى تىتىركەندىرەتىن لاس گاز شىعارمادى. ”ەنەرگيا شىعىنى دا بارىنشا تومەندەدى“. جىڭ اۋدانى حۇيدا كەن بايلىعى شەكتى سەرىكتەستىگىنىڭ القا باستىعى لي شىحى: ءبىر اۆتوكولىكتىڭ ءار رەتكى ەنەرگيا شىعىنى بۇرىنعى 140 يۋاننان 15 يۋانعا تومەندەدى، - دەدى.

2021 - جىلى شانشي اۆتوكولىك توبى شينجياڭ اۆتوكولىك شەكتى سەرىكتەستىگى جاڭا ونىمدەردى ءوندىرۋ تەبىنىن ارتتىرىپ، ءوز سەرىكتەستىگى زەرتتەپ اشقان X5000، M3000S جەلىلەس جاڭا ونىمدەردى وندىرىسكە ەنگىزدى، وسى M3000S جەلىلەس 10 اۆتوكولىك سول جىلى 10 - ايدا بازارعا شىعارىلعان العاشقى توپتاعى ساپ ەلەكترلى اۋىر تۇرپاتتى جۇك اۆتوكولىگى.

شانشي اۆتوكولىك توبى شينجياڭ اۆتوكولىك شەكتى سەرىكتەستىگىنىڭ ورىنباسار باس ديرەكتورى شى شينلي بىلاي دەپ تانىستىردى: ساپ ەلەكترلى جۇك اۆتوكولىگىنىڭ سىرتقى كورىنىسى كادىمگى جانار مايلى جۇك اۆتوكولىگىمەن نەگىزىنەن ۇقساس، ىشكى بولىمىندەگى كادىمگى جانار مايلى اۆتوكولىك قوزعاۋشى كۇش جۇيەسىنىڭ ورنىنا ەلەكتر موتور پايدالانىلعان، توك كۇشى ارقىلى اۆتوكولىكتى قوزعالتادى دا، جاراقسىز گاز شىعارمايدى، اۋانى لاستامايدى.

جانار مايلى اۆتوكولىكپەن سالىستىرعاندا، ساپ ەلەكترلى اۋىر تۇرپاتتى جۇك اۆتوكولىگىنىڭ ساپا، باعا سالىستىرما ابزالدىلىعى ەرەكشە كورنەكتى. جىڭ اۋدانى تولى قالاشىعى حۇيدا كەن شارۋاشىلىعى كەن قازۋ الاڭىنىڭ ءىس جۇزىندىك پايدالانۋ تۇسپالىنا نەگىزدەلگەندە، بىردەي اۋىرلىقتا جۇك تيەلگەن جاعدايدا، ءبىر رەتكى بارىپ - كەلۋدە ديزەلدى جانار زات ەتكەندە ءبىر رەت قاتىناۋىنا 140 يۋان شىعىن جۇمسالادى، ال ەلەكتر ەنەرگياسىنان پايدالانعاندا 15 يۋان شىعىن جۇمسالادى. ءبىر اۆتوكولىكتىڭ كۇنىنە ورتاشا 12 رەت قاتىناۋىنا تۋرا كەلسە، ءبىر كۇندىك ەنەرگيا جۇمسالىمى جاعىندا ساپ ەلەكترلى اۋىر تۇرپاتتى جۇك اۆتوكولىگىنىڭ وزىنەن 1500 يۋان ۇنەمدەۋگە بولادى.

”ساپ ەلەكترلى اۋىر تۇرپاتتى جۇك اۆتوكولىگى كاسىپورىننىڭ تازا تاسىمالداۋ كەزەڭىنە ءوتۋدى جۇزەگە اسىرۋىنا سەپتىگىن تيگىزدى، ءبىز قازىرگى جانار مايلى جۇك اۆتوكولىگىن بىرتىندەپ تۇگەلدەي جاڭا ەنەرگيالى اۆتوكولىككە جاڭالاۋدى جوسپارلاپ وتىرمىز“، - دەدى لي شىحى.

تاياۋ جىلداردان بەرى شينجياڭ جاڭا ەنەرگيالى اۆتوكولىك كاسىپ سالاسىن بەلسەنە ورنالاستىرىپ، بازار باسەكەلىك قۋاتىنا يە جاڭا ەنەرگيالى بۇتىن اۆتوكولىك ءوندىرۋ جانە شەشۋشى ۇساق بولشەكتەردى جاساۋ بازاسىن تۇيىندى قۇردى.

شينجياڭداعى بۇتىن اۆتوكولىك وندىرەتىن، جاسايتىن العاشقى كاسىپورىن رەتىندە، شانشي اۆتوكولىك توبى شينجياڭ اۆتوكولىك شەكتى سەرىكتەستىگى جاڭا ەنەرگيالى اۆتوكولىكتى دامىتۋدى كاسىپورىندى كۇشەيتۋدىڭ، ساپالىلاندىرۋدىڭ باسىپ وتۋگە ءتيىستى جولى ەتتى.

جاڭا ەنەرگياعا ويىسۋعا سۇيەنىپ، 2021 - جىلى شانشي اۆتوكولىك توبى شينجياڭ اۆتوكولىك شەكتى سەرىكتەستىگى ۇزدىكسىز تەحنيكالىق جاڭالاۋ جانە جاڭالىق اشۋ جۇرگىزىپ، اۆتوكولىكتىڭ گاز شىعارۋ ولشەمىن مەملەكەتتىڭ 5 - كەزەڭدىك دارەجەسىنەن 6 - كەزەڭدىك دارەجەسىنە كوتەرۋدى ورىندادى، سونىمەن بىرگە ماي مەن گاز ارقىلى قوزعالتىلاتىن ارالاسپالى جانار زاتتى اۆتوكولىك تۇرپاتىن شىعارىپ، تابيعي گاز پايدالاناتىن اۆتوكولىكتىڭ لاس گازىنا تالداۋ جاساۋ اسپابى، تولىق اۆتوماتتى جارىقتىق تالشىقتى لازەرلى بەلگى ۇرۋ ماشيناسى سياقتى تەحنيكانى جاڭالاۋ نىساندارىن اتقاردى.

”كەزەكتە سەرىكتەستىك 14 ءتۇرلى جاڭا ەنەرگيالى اۆتوكولىك شىعاردى، ساپ ەلەكترلى جانە سۋتەگى جانار زاتى اۆتوكولىكتى قامتيدى“. شى شينلي بىلاي دەدى: 2022 - جىلى سەرىكتەستىك ەلەكترلى اۆتوكولىك قۇراستىرۋ جەلىسىن جاڭالاۋدى جالپى بەتتىك ىلگەرىلەتەدى. سونىمەن بىرگە مەملەكەتتىڭ 6 - كەزەڭدى قار كۇرەۋىش اۆتوكولىگىن جانە ەلەكترلى تازالىق اۆتوكولىگىن زەرتتەپ - اشۋ تەبىنىن كۇشەيتەدى.

ساناققا قاراعاندا، 2021 - جىلى شانشي اۆتوكولىك توبى شينجياڭ اۆتوكولىك شەكتى سەرىكتەستىگى 6176 اۆتوكولىك وندىرگەن، ساتقان، جالپى ءونىم قۇنى ءبىر ميلليارد 840 ميلليون يۋان بولعان. 2022 - جىلعى ءوندىرۋ، ساتۋ نىساناسى 7414 اۆتوكولىك بولىپ، 3414 اۆتوكولىكتى ەكسپورت ەتپەكشى.

شى شينلي بىلاي دەپ تانىستىردى: ساتىلۋ مولشەرىنىڭ جىل سايىن ارتۋىنا ىلەسە، سەرىكتەستىك جاڭا ەنەرگيالى اۆتوكولىك شىعارۋدى جانە ۇساق، كەسەك بولشەكتەردى قاراستى ورنىندا سەپتەۋ سەلبەستىگىن ءۇرتىس ىلگەرىلەتىپ، كاسىپورىننىڭ باسەكەلىك قۋاتىن ۇزدىكسىز كۇشەيتەدى. كەزەكتە كۇنلۇن بالونى، باگاڭ سەرپەرى جانە فۋكى مۇناي ونىمدەرى سياقتى شينجياڭنىڭ جەرگىلىكتى كاسىپورىندارىمەن سەلبەستىك ورىستەتتى.