باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
تارىم ويپاتىن اينالعان تەمىر جولدىڭ تۇتاس جەلىسى ساڭلاۋسىز جىمداستى
2022-01-10 16:39:59     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

1000 شاقىرىمدىق رەليستەن ”كۇرسىلدەگەن“ دىبىس شىقپايتىن بولدى

تارىم ويپاتىن اينالعان تەمىر جولدىڭ تۇتاس جەلىسى ساڭلاۋسىز جىمداستى


انار بۇلت / شينجياڭ گازەتىنىڭ ءتىلشى لۋ فىڭباۋ 1 - ايدىڭ 8 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋعا قاراعاندا، 1 - ايدىڭ 7 - كۇنى 3 جىلعا تاياۋ جۇرگىزىلگەن وڭتۇستىك شينجياڭ تەمىر جول جەلىسىنىڭ نەگىزدىك قۇرىلعىلارىنىڭ دارەجەسىن جوعارىلاتۋ، جاڭالاۋ ينجەنەرياسىنىڭ قۇرىلىسى ءساتتى اياقتالىپ، تارىم ويپاتىن اينالعان تەمىر جول اينالما لەنياسىنىڭ 2714.415 كيلومەترلىك جەلىسىندە تۇتاستاي ساڭلاۋسىز جىمداسۋ جۇزەگە اسىرىلىپ، پويەز جۇرگەندە ”كۇرسىلدەگەن“ دىبىس ەندىگارى شىقپايتىن بولدى.

بۇرىن تەمىر جولعا رەليس جاتقىزۋدا كوبىنەسە 25 مەتر ۇزىندىقتاعى بولات رەليس پايدالانىلىپ، بۇراندالى قالپاقپەن جالعانىپ، ورتاسىندا ءبىر سانتيمەتر كەڭدىكتە ساڭلاۋ قالاتىن، مۇنداي بولعاندا رەليس تاسىمالىنا قولايلى بولاتىن ءارى جىلۋدان ۇلعايۋ، سۋىقتان تارايۋ ماسەلەسى دە شەشىلدى.

ساڭلاۋسىز جەلى پويەز جۇرگەندەگى كەدەرگىنى ازايتۋ، پويەز جۇرگەندەگى تەربەلىس پەن كۇرسىلدەگەن داۋىستى تومەندەتۋ سياقتى ارتىقشىلىقتارعا يە بولىپ، پويەزدىڭ قاتىناۋ ورنىقتىلىعى بارىنشا جوعارىلاپ، پويەزدىڭ ءجۇرۋى ءتىپتى دە تۇراقتى، حاۋىپسىز بولىپ، جولاۋشىلار ۆاگوندا تەربەلمەي وتىرادى. گولمۋد − كورلا تەمىر جولى، حوتان − چارقىلىق تەمىر جولى ساڭلاۋسىز جىمداسۋدى جۇزەگە اسىردى.

وڭتۇستىك شينجياڭ تەمىر جولىنىڭ سالىنعان ۋاقىتى ءبىرشاما ەرتە بولعاندىقتان، ءبىر ءبولىم تەمىر جول جەلىسى ءالى دە 25 مەترلىك بولات رەليستى، پويەز بولات رەليستەردىڭ جالعانعان جەرلەرىن باسىپ وتكەندە ”كۇرسىلدەگەن“ دىبىس شىعىپ، ۆاگون دوڭگەلەگى مەن رەليستىڭ ۇيكەلىسى كۇشەيۋمەن بىرگە، جولاۋشىلاردىڭ جايلى وتىرۋىنا دا ىقپال جاسايدى.

2019 - جىلدان باستاپ، شينجياڭ تەمىر جول تاراۋلارى وڭتۇستىك شينجياڭ تەمىر جول جەلىسىنىڭ نەگىزدىك قۇرىلعىلارىنىڭ دارەجەسىن جوعارىلاتۋ، جاڭالاۋ ينجەنەرياسىن كۇش سالا ورىستەتىپ ، كورلا − اقسۋ − قاشقار تەمىر جول جەلىسىندە رەليستى جاپپاي 500 مەتر ۇزىندىقتاعى بولات رەليسكە اۋىستىرعاننان كەيىن دانەكەرلەپ، ساڭلاۋسىز جەلىگە وزگەرتۋدى ورىندادى.

”3 جىلدان بەرى ءبىز، باستىسى، كوكتەم، كۇز ماۋسىمدارىندا رەليستىڭ تەمپەراتۋراسىنا ساي قۇرىلىس جۇرگىزىپ، جيىنى 160 مىڭ ادام - رەت كۇش جۇمساپ، 9000نان استام ءىرى تۇرپاتتى ماشينا شىعارىپ، قۇرىلىس جۇرگىزىلەتىن ’تەرەزەلىك‘ ۋاقىتى 1350 ساعاتقا جەتىپ، جيىنى893.9 كيلومەتر جولدىڭ رەليسىن اۋىستىرىپ، وڭتۇستىك شينجياڭ تەمىر جولىنىڭ كورلا − اقسۋ − قاشقار بولىگىندەگى جەلىسىن جاپپاي دارەجەسىن جوعارىلاتىپ وزگەرتتىك“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى قۇرىلىس ىستەرى ءبولىمى جەلى ءبولىمىنىڭ ورىنباسار باستىعى چين جۇڭ.

تارىم ويپاتىن اينالعان تەمىر جولدىڭ ساڭلاۋسىز جىمداسۋىن جاپپاي ىسكە اسىرۋ وڭتۇستىك شينجياڭ تەمىر جولىنىڭ ساڭلاۋسىز جەلى داۋىرىنە جاپپاي قادام تاستاعاندىعىنان دەرەك بەرەدى، جولاۋشىلاردىڭ ءجۇرىس - تۇرىسى ءتىپتى دە قولايلى بولادى.