باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
سيفرلى ۇكىمەت قۇرۋدى تەزدەتەيىك
2022-01-10 16:42:26     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

حوۋ حۇي

تيجارات كۋالىگى 15 مينۋت ىشىندە قولىڭىزعا تيسە، ءۇيدىڭ يەلىگىن وتكىزۋ جۇمىسى جارتى ساعاتتا بىتەدى... بۇكىل شينجياڭداعى ”كوپ بولعاندا ءبىر رەت بارۋ“ رەفورماسىن تۇيىندە سىناق ەتكەن قالا قارامايلى قالاسى سيفرلى تەحنيكانى تىرەك ەتىپ، اكىمشىلىك قىزمەت وتەۋ ىستەرىنىڭ %95تەن استامىن ”ينتەرنەتتە ءبىتىرۋدى، ساۋساق ۇشىمەن ءبىتىرۋدى، ءوز - وزىنە قىزمەت وتەپ ءبىتىرۋدى“ جۇزەگە اسىرىپ، بازار تۇلعالارىنىڭ دامۋ ورتاسىن ايتارلىقتاي جاقسارتىپ، بەلسەندىلىك جاعىندا بۇكىل شينجياڭ بويىنشا 1 - ورىندى يەلەدى. مۇنايلى قالانىڭ سيفرلانۋعا قاراي تيپ وزگەرتۋىنىڭ ناتيجەسى شينجياڭنىڭ سيفرلى ۇكىمەت قۇرىلىسىنىڭ ىلگەرىلەتۋىندەگى ءونىمدى سىناق جانە بەلسەندى ىزدەنىس سانالادى. باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ تالاپتارىمەن سالىستىرعاندا، ەل ىشىندەگى كوپتەگەن ولكە، قالالاردىڭ سيفرلى ۇكىمەت قۇرىلىسىندا قول جەتكىزگەن تابىستارىمەن سالىستىرعاندا، شينجياڭدا ءالى دە ۇلكەن الشاقتىق بار ەكەندىگىن، بۇل ءبىزدىڭ كوكەي تەستىلىك سەزىمدى، جاۋاپكەرشىلىك سەزىمدى ونان ارى كۇشەيتۋىمىزدى، قارقىندى تەزدەتىپ، قايراتقا ءمىنىپ قۋىپ جەتۋىمىزدى قاجەت ەتەتىندىگىن كورە بىلگەنىمىز ءجون.

جاقىنعى جىلداردان بەرى ۇلكەن ساندى مالىمەت، بۇلتتىق ەسەپتەۋ، جاساندى زەردە سياقتى جاڭا بۋىن سيفرلى تەحنيكانىڭ دامۋى ەكونوميكالىق دامۋعا، قوعامدىق جونگە سالۋعا، حالىق تۇرمىسىنا تۇگەلدەي كەلەلى دە تەرەڭ ىقپال جاسادى. سوڭعى 2 جىلدان بەرگى ىندەتتەن ساقتانۋ - تىزگىندەۋدى مىسالعا الساق، گۋاڭدۇڭ، شاڭحاي سياقتى دامىعان ولكە، قالالار جۇعىمدالعاندارعا، تىعىز جاناسقاندارعا ەپيدەميولوگيالىق تەكسەرۋ جۇرگىزۋ، اداقتاپ تەكسەرۋ جۇرگىزۋ كەزىندە بۇكىل قالاعا ”سەزدىرمەۋدى“ دەرلىكتەي جۇزەگە اسىردى، بۇل بەلگىلى دەڭگەيدە ۇكىمەتتىڭ قاتىستى تاراۋلارىنىڭ ساندى مالىمەت ينفورماتسيالارىن دالمە - ءدال، جوعارى ونىمدىلىكپەن جيناۋىنىڭ، پايدالانۋىنىڭ ناتيجەسى سانالادى. سونىمەن بىرگە ىندەتتەن ساقتانۋ - تىزگىندەۋدىڭ قىسىلتاياڭ ساتىندە كەيبىر وڭىرلەردە قالا تۇرعىندارىنىڭ ينفورماتسيالارى مەن ارتقى تۇعىرداعى ساندى مالىمەتتەردى سالىستىرۋ مۇمكىن ەمەس بولعان جاعدايلار دا كەزدەسىپ، الەۋمەتتىڭ سيفرلى ۇكىمەت جۇيەسىنىڭ كەرەككە جاراماۋىن تەكتەۋىنە مۇرىندىق بولدى. ۇنامدى - ۇنامسىز جاقتارداعى مىسالدار ءبىزدى سيفرلى ۇكىمەت قۇرىلىسىنىڭ ماڭىزدىلىعى مەن كوكەي تەستىلىگىن اناعۇرلىم ىشكەرىلەي تانۋعا جەتەلەدى.

ءبىز مىنانى قۋانىشپەن كورىپ وتىرمىز، ەندى عانا وتكەن 2021 - جىلى شينجياڭ ءبىر ءبولىم ولكە، قالالارمەن نوپوس كوشىرۋ جۇمىسىن ولكە اتتاپ ءبىر تۇتاس ءبىتىرۋدى جۇزەگە اسىردى، شينجياڭ ىشىندەگى 5 ءوڭىر ۇيلەنۋگە تىركەۋدى ايماق ىشىندە (وبلىس، قالا) ءبىر تۇتاس ءبىتىرۋدى جولعا قويدى... العا ىلگەرىلەۋشىلىكتى كورە بىلۋمەن قاتار، ءبىز مىنانى سەرگەكتىكپەن تاني ءبىلۋىمىز كەرەك، شينجياڭنىڭ ءبىر ءبولىم وڭىرلەرىنىڭ، ءبىر ءبولىم سالالارىنىڭ ”تومەنگە بەرۋ، باسقارۋ، قىزمەت وتەۋ“ رەفورما شارالارى تيىمدىلىك جاساۋ ىستەرى مەن ادامدار شوعىرىنىڭ قامتىلۋ كولەمى ايرىقشا شەكتى بولىپ، سيفرلى تەحنيكانىڭ سيفرلى ۇكىمەت قۇرىلىسىنا تىرەك بولۋ قابىلەتى ءالى دە قاجەت ەتىپ وتىر. بۇلار بىزگە سيفرلى ۇكىمەت قۇرىلىسىنىڭ استە قاراپايىم تۇعىر قۇرۋ ەمەستىگىن، ءتىپتى، حۇجات جۇزىندە ”ۇعىمداردى بايانداۋ“ ەمەستىگىن، قايتا سيفرلى تەحنيكا ارقىلى جەدەل اڭىس قايتاراتىن، زەردەلى باقىلاپ - باسقاراتىن جاڭا تيپتى ۇكىمەتتىك باسقارۋ ۇلگىسى ەكەندىگىن ەسكەرتتى، ال ونىڭ ناتيجەسى اينالىپ كەلگەندە حالىق بۇقاراسىنىڭ ”قولدانۋدى ۇناتۋ - ۇناتپاۋىمەن“، ”قولايلى - قولايسىز بولۋىمەن“، ”ءىس بىتىرە الۋ - الماۋىمەن“ سىنالادى. سوندىقتان دا ۇلكەن تۇعىردا بىرگە يگىلىكتەنەتىن، ۇلكەن ساندى مالىمەتتەر جينالاتىن سيفرلى ۇكىمەت قۇرۋدا، ۇلكەن ساندى مالىمەتتى ەكونوميكانىڭ دامۋىمەن، حالىق تۇرمىسىن جاقسارتۋمەن، قوعامدى جونگە سالۋمەن تەرەڭدەي توعىستىرۋدى ىلگەرىلەتۋدە ءبىزدىڭ ءالى ءبىرتالاي جول باسۋىمىزعا تۋرا كەلەدى.

سيفرلى ۇكىمەت قۇرىلىسى مەملەكەتتى باسقارۋدى وسىزامانداندىرۋدى ىلگەرىلەتۋدىڭ ماڭىزدى جولى، ول ۇكىمەتتىڭ شەشىم جاساۋىنىڭ عىلميلانۋىنا، قوعامدى باسقارۋدىڭ دالمە - ءدال بولۋىن جۇزەگە اسىرۋعا، الەۋمەتتىك قىزمەت وتەۋدىڭ جوعارى ونىمدىلىككە جەتۋىنە، ۇكىمەتتىك باسقارۋدىڭ دەموكراتيالانۋىنا مۇمكىندىك بەرەدى ءارى شىرىكتەسۋگە مۇمكىندىكتىڭ بارىنشا شارت - جاعداي بەرمەيدى. ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسىندا سيفرلى ۇكىمەت قۇرىلىسىنىڭ دەڭگەيىن جوعارىلاتۋ العا قويىلدى. بۇل قاتاردا 2021 - جىلى بۇكىل ەلدە ءبىرسىپىرا ولكەلەر ۇلكەن ساندى مالىمەتتىڭ دامۋىن جانە ونى قولدانىلۋدى جەبەۋ ەرەجەلەرىن جاريالادى.

جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا، سيفرلى ۇكىمەت قۇرىلىسىنىڭ قادامىن جەدەلدەتىپ، شينجياڭنىڭ قوعامدىق باسقارۋ جۇيەسى مەن باسقارۋ قابىلەتىن وسىزامانداندىرۋىن قۇلشىنا ىلگەرىلەتۋ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال، جاپپاي دايەكتىلەندىرۋدىڭ قاجەتتى تالابى، سونداي - اق ءار ۇلت بۇقاراسىنىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرۋدىڭ كەزەك كۇتتىرمەس مىندەتى. عىلمي، ۇيلەسىمدى ساياساتتاردى تىرەك ەتۋ، تاراۋلار ارا سايكەسىپ ساندى مالىمەت بايلىعىن بىرىكتىرە اشۋ، بىرگە يگىلىكتەنۋ، ءار دارەجەلى باسشى كادرلاردىڭ سيفرلىق ساپاسىن جەدەل كوتەرۋ سياقتى جاقتاردا ءبىز، ءسوز جوق، ۇزدىكسىز كۇش سالۋىمىز كەرەك.