شينجياڭ «ەڭبەك تاماشا تۇرمىس جاراتادى» اتىندا جەلىلەس اڭگىمە ٴماجىلىسىن اشتى
«قوس قولىمىزبەن باقىتتى تۇرمىس جاراتۋ ٴبىزدىڭ ۇقىعىمىز»
شينجياڭ گازەتىنىڭ ٴتىلشىسى جىڭ جو حابارلايدى. 1 - ايدىڭ 5 - كۇنى شينجياڭ «ەڭبەك تاماشا تۇرمىس جاراتادى» اتىندا 15 - مايدان جەلىلەس اڭگىمە ٴماجىلىسىن شينجياڭ گازەتى مەكەمەسىنىڭ (شينجياڭ گازەتشىلىك تاراتۋ مەدياسى <توبى> شەكتى سەرىكتەستىگى) جاڭا مەديا ورتالىعىندا اشتى، بۇكىل شينجياڭداعى 8 اقپارات قۇرالى ورنىنان كەلگەن اقپارات قىزمەتكەرلەرىنىڭ ۋاكىلدەرى تاياۋدا امەريكانىڭ ايتىلمىس «ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا» قول قويىپ زاڭعا اينالدىرعاندىعىنا، جۇڭگونىڭ ىشكى ىسىنە دورەكىلىكپەن كيلىككەن پاسىق ارەكەتتەرىنە كوپتەگەن ناقتى مىسالدارمەن پارمەندى تويتارىس بەردى.
2016 - جىلى شينجياڭ گازەتى مەكەمەسى ۇيعۇر ٴتىلى گازەت شىعارۋ ٴبولىمىنىڭ مەڭگەرۋشى ٴتىلشىسى چيمانگۇل ابلا قاشقار ايماعىنا شەكارا رايونداردىڭ وقۋ - اعارتۋ ىسىنە كومەكتەسۋگە بارعان، ول قىستاق تۇرعىندارىمەن ۇنەمى ارالاسۋ بارىسىندا ٴار ۇلت بۇقاراسىنىڭ ەڭبەك ارقىلى تاماشا تۇرمىس جاراتقان ىستەرىنە كۋا بولدى. اڭگىمە ماجىلىسىندە چيمانگۇل ٴپايزاۋات اۋدانى عولتوعىراق قالاشىعىنداعى ەڭبەكشىل ەرلى - زايىپتىلاردىڭ بايۋ حيكاياسىمەن ٴبولىستى: «كۇيەۋى ٴىرى تۇرپاتتى تراكتور ايداپ جىلىنا 50 مىڭ يۋان كىرىس كىرگىزەدى، ايەلى قالاشىقتان شاعىن اسحانا اشقان، ونىڭ كىرىسى كۇيەۋىنىكىنەن دە كوپ. ەرلى - زايىپتى ەكەۋى ۇنەمى <قازىرگى تۇرمىسىمىز شىنىمەن وتە تاماشا>» دەسەدى.
چيمانگۇل مىنالاردى ٴبىلدىردى: «امەريكا شينجياڭعا ساياتىن ماسەلەلەردەن پايدالانىپ وسەك - اياڭ تاراتىپ، پالە تۋدىردى، بۇل تەك <ادامدىق ۇقىقتى> جەلەۋ ەتىپ، شينجياڭنىڭ ورنىقتىلىعىن بۇلدىرۋگە، جۇڭگونىڭ دامۋىن تەجەۋگە ۇرىنعان ساياسي ويىن عانا».
شينجياڭ راديو - تەلەۆيزيا ستانسياسىنىڭ اقپارات جۇرگىزۋشىسى ٴمۇنيرا انساردين ۇزاق ۋاقىت اقپاراتتىق حابار قىزمەتىمەن شۇعىلدانىپ، شينجياڭنىڭ بايتاق دالاسىندا تۋىلعان وزگەرىستەردى ەڭ تەرەڭ سەزىنگەن. ٴمۇنيرا بىلاي دەدى: شينجياڭنىڭ بارلىق جەرىنەن قاجىرلى ەڭبەكپەن تاماشا تۇرمىس جاراتقان شاتتىققا تولى جۇزدەردى كورۋگە بولادى. امەريكاعا ۇڭىلە قاراساق، كەتەۋى كەتكەن كىسىلىك ۇقىقتىڭ قازىرگى جاعدايىنا قاراتا ٴوزىن - ٴوزى تەكسەرمەي، قايتا باسقا ەلدەردىڭ ىشكى ىستەرىن ورىنسىز جازعىرىپ، قايشىلىقتى باسقاعا اۋدارماقشى بولعان كولگىرلىگىنىڭ شەكتەن اسقاندىعىن كورۋگە بولادى.
«التاي گازەتى » مەكەمەسى اقپارات ٴبولىمىنىڭ ورىنباسار مەڭگەرۋشىسى يان شۋەجيە قىزمەتتەستەرىمەن بىرگە ۇنەمى اتىز باسىنا، ٴوندىرىستىڭ ٴبىرىنشى شەبىنە بارىپ، شينجياڭداعى ٴار ۇلت ەڭبەكشىلەرىنىڭ تولىق جۇمىستانعاندىعىنا قاتىستى حيكايالارعا تىلشىلىك ىستەپ، ەڭبەكشىلەر ەڭ داڭقتى، كۇرەسكەرلەر ەڭ باقىتتى ۇستانىمىنىڭ جۇرت جۇرەگىنە تەرەڭ ۇيالاعاندىعىن تەرەڭ سەزىندى.
«قوس قولىمىزبەن باقىتتى تۇرمىس جاراتۋ ٴبىزدىڭ ۇقىعىمىز». اقسۋ ايماقتىق راديو - تەلەۆيزياسى راديو باعدارلاماسى ورتالىعىنىڭ ورىنباسار مەڭگەرۋشىسى رايحانگۇل قاسىم «اقپارات قىزمەتكەرى رەتىندە، ٴار ۇلت بۇقاراسىنىڭ ەڭبەك ارقىلى تاماشا تۇرمىس جاراتقان شىنايى بارىسىن ەستەلىككە الدىم، كۋا بولدىم، ٴوزىم دە ٴار ۇلت بۇقاراسىنىڭ مۇنداي باقىتىنان اسەرلەنۋدەمىن» دەدى.
ٴمۇزاپپار ساۋۇت قاشقار ايماقتىق راديو - تەلەۆيزيا ستانسياسى اقپارات ورتالىعىنىڭ ٴتىلشىسى، ول اپپارات كوزى ارقىلى ٴار ۇلت بۇقاراسىنىڭ كۇن شۇعىلاسىندا ابىرويلى ەڭبەك ەتكەن جاندى مىسالدارىن ەستەلىككە الۋدا، ٴار رەت تىلشىلىك ىستەگەندە ٴار ۇلت بۇقاراسىنىڭ ەڭبەك ىنتاسى مەن تاماشا تۇرمىسقا تالپىنىسىنان اسەر الاتىن.
قۇمىل قالالىق توعىسپالى اقپارات مەديا ورتالىعىنىڭ ٴتىلشىسى لو جيە ەكى ەڭبەكشى جونىندەگى حيكايانى ٴبولىستى، ول مىنانى ٴبىلدىردى: شىندىق الدىندا امەريكاداعى، باتىستاعى جۇڭگوعا قارسى كۇشتەر قۇراستىرعان وسەك - اياڭنىڭ تاس - تالقانى شىعادى.
تۇرپان گازەتى مەكەمەسىنىڭ ٴتىلشىسى پاتتار مامەت مىنانى ٴبىلدىردى: كورگەن - بىلگەنىمىز ارقىلى امەريكاداعى، باتىستاعى جۇڭگوعا قارسى كۇشتەردىڭ سۇرقيا كەسىپ - كەسپىرىن اشكەرەلەۋىمىز كەرەك. قازىر شينجياڭنىڭ قوعامى ورنىقتى، ەكونوميكاسى دامىعان، حالىق تۇرمىسى جاقسارعان، ٴار ۇلت بۇقاراسى تىنىش ٴومىر، شات - شادىمان تىرشىلىك كەشىرۋدە، بۇل ٴارقانداي وسەك - اياڭ، جالا جابۋلار شايقالتا المايتىن شىندىق.
اقپارات قىزمەتىمەن شۇعىلدانعانىنا 29 جىل بولعان حوتان ايماقتىق توعىسپالى اقپارات مەديا ورتالىعىنىڭ ٴتىلشىسى حاميت قۇديۇم مىنانى ٴبىلدىردى: «اڭگىمە ماجىلىسىندە بولىسكەن حيكايالار شينجياڭنىڭ دامۋىنىڭ ىقشام كورىنىسى عانا، امەريكاداعى، باتىستاعى جۇڭگوعا قارسى كۇشتەر جاساعان شينجياڭعا ساياتىن وسەك - اياڭ بارىپ تۇرعان ساندىراق، شينجياڭداعى ٴار ۇلت حالقى قاجىرلى ەڭبەگى ارقىلى مۇنان دا تاماشا بولاشاق جاراتۋدا».