جۇڭگو شينجياڭ − امەريكاداعى شينجياڭدىق چياۋمين باۋىرلاستارمەن جانە امەريكادا وقىپ جاتقان وقۋشى ۋاكىلدەرىمەن بەينە ەكران اۋىس - كۇيىس ٴماجىلىسىن وتكىزدى

«بۇلتتا» اۋىلعا قايتىپ، دامۋ جايلى اڭگىمەلەستى

  شينجياڭ گازەتىنىڭ ٴتىلشىسى ۋاڭ نا حابارلايدى. 2021 - جىلى 12 - ايدىڭ 31 - كۇنى جۇڭگو شينجياڭ − امەريكاداعى شينجياڭدىق چياۋمين باۋىرلاستارمەن جانە امەريكادا وقىپ جاتقان وقۋشى ۋاكىلدەرىمەن بەينە ەكران اۋىس - كۇيىس ٴماجىلىسىن وتكىزدى. ەسكى جىلعا قوش ايتىپ، جاڭا جىلدى قارسى الار ساتتە، امەريكانىڭ نيۋ - يورك، سان - فرانسيسكو، لوس - انجەلەس، چيكاگو سياقتى جەرلەرىندەگى شينجياڭدىق چياۋمين باۋىرلاستار مەن امەريكادا وقىپ جاتقان وقۋشى ۋاكىلدەرى بەينە ەكران جالعانىم ارقىلى «بۇلتتا» اۋىلعا قايتتى، وتانشىلدىق سۇيىسپەنشىلىكتەرىن جەتكىزىپ، اتا مەكەندەرىنىڭ دامۋى جايلى اڭگىمەلەستى.

  اۆتونوميالى رايوندىق پارتكومنىڭ تۇراقتى مۇشەسى ەلزات احمەتجان جاقىنعى جىلداردان بەرگى شينجياڭنىڭ ورنىقتىلىعىنا، دامۋىنا قاتىستى جاعدايلاردى تانىستىرعان كەزدە مىنالاردى ٴبىلدىردى: «پارتيا ورتالىق كوميتەتىنىڭ پارمەندى باسشىلىعىندا، شينجياڭداعى ٴار ۇلت بىرگە ىنتىماقتاسا كۇرەس جۇرگىزىپ، بىرگە گۇلدەنىپ - دامىدى، شينجياڭ قىزمەتى ەلەۋلى ناتيجەگە قول جەتكىزىپ، ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان جەتىستىككە قول جەتىپ، ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. ٴاربىر چياۋمين باۋىرلاستىڭ، شەتەلدە وقىپ جاتقان وقۋشىلاردىڭ وتاندى سۇيەتىن، مەكەندى سۇيەتىن داڭقتى ٴداستۇردى اسقاقتاتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، باتىل تۇردە وتاننىڭ تۇتاستىعىن قورعاپ، ۇلتتار ىنتىماعىن قورعاپ، ۇلتتىق بولشەكتەۋشىلىككە قارسى تۇرىپ، وتانىمىز بەن اتا مەكەنىمىزدىڭ دامۋى ٴۇشىن اقىل - پاراسات جانە كۇش - قۋات ارناۋىن شىنايى ٴۇمىت ەتەمىن».

  جۇڭگونىڭ امەريكاداعى ەلشىلىگىنىڭ كىشى ەلشى ساناتىنداعى كەڭەسشىسى قوسىمشا باس كونسۋلى جۇڭ رۇيميڭ امەريكاداعى شينجياڭدىق چياۋمين باۋىرلاستاردىڭ، امەريكادا وقىپ جاتقان وقۋشىلاردىڭ قاتىستى جاعدايلارىن تانىستىردى. ول مىنالاردى ٴبىلدىردى: «قازىر شينجياڭ قوعامىنىڭ كەلەلى جاعدايى ۇزدىكسىز ورنىقتى بولىپ، ٴار ۇلت حالقى تاتۋ - ٴتاتتى سيلاسىپ، تىنىش ٴومىر، شات - شادىمان تىرشىلىك كەشىرىپ، تاريحتاعى ەڭ جاقسى دامۋ كەزەڭىندە تۇر. جۇڭگونىڭ امەريكاداعى ەلشىلىگى مەن كونسۋلى امەريكا جاقتىڭ شينجياڭعا ساياتىن ماسەلەلەردەن پايدالانىپ، جۇڭگونىڭ ىشكى ىسىنە كيلىگۋىن پاش ەتۋمەن، سىنداۋمەن بىرگە، امەريكادا تۇراتىن بارشا چياۋمين باۋىرلاستارمەن، امەريكادا وقىپ جاتقان وقۋشىلارمەن قول ۇستاسىپ، ناقتى ٴمان - جايدى ايقىنداپ، وسەك - اياڭداردى جويىپ، ٴتۇرلى ارنالار ارقىلى امەريكا قوعامىنا شينجياڭنىڭ ناقتى جاعدايىن تانىستىرىپ، امەريكاداعى ٴار سالانىڭ شينجياڭ − جاقسى جەر سىندى شىندىقتى وبيەكتيۆ، ٴادىل پوزيتسيامەن تانۋىن ىلگەرىلەتەدى».

  اۋىس - كۇيىس ماجىلىسىندە اۆتونوميالى رايوندىق ۇلت ىستەرى كوميتەتى (ٴدىن ىستەرى مەكەمەسى)، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، مادەنيەت جانە ساياحات مەڭگەرمەسى سياقتى تاراۋلارداعى جاۋاپتى جولداستار، نەگىزگى ساتى بۇقارا ۋاكىلدەرى جانە ٴدىني قايراتكەرلەر ناقتى مىسالدارمەن شينجياڭنىڭ «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ورىستەتۋى، ٴار ۇلت بۇقاراسىنىڭ ەڭبەكپەن جۇمىستانۋىن قامتاماسىز ەتۋ، ٴار ۇلتتىڭ ٴداستۇرلى مادەنيەتىنىڭ، كوركەمونەرىنىڭ قورعالۋى، جالعاستىرىلۋى، ٴدىني سەنىم ەركىندىگى ۇقىعىنىڭ قۇرمەتتەلۋى جانە قورعالۋى سياقتى جاعدايلاردى تانىستىردى.

  جۇڭگو چياۋمين ىستەرى بىرلەستىگى جاستار كوميتەتىنىڭ مۇشەسى، امەريكادا تۇراتىن چياۋمين باۋىرلاستاردىڭ ۋاكىلى 2021 - جىلى 7 - ايدا شينجياڭدا ەكسكۋرسيادا، ساپاردا بولعان كەزىندە كورگەن شينجياڭنىڭ ەكونوميكاسى، قوعامى دامىعان، ٴار ۇلت حالقىنىڭ باقىتتى، تىنىش تۇرمىس كەشىرگەن، دىنگە سەنەتىن بۇقارانىڭ ٴدىني سەنىم ەركىندىگى ۇقىعىنىڭ تولىق قامتاماسىز ەتىلگەن شىندىقتى ەسكە الدى.

  ىشكەرىلەي تانىستىرۋ سىرتتا جۇرگەندەردىڭ كوڭىلىندەگى ادەمى ەستەلىكتەردى وياتتى، ودان دا ماڭىزدىسى وتان مەن اتا مەكەندەرىنىڭ دامۋى ٴۇشىن ٴىس تىندىرىپ، كۇش شىعاراتىن ىستىق ىقىلاستارىن قاۋلاتتى، كوپشىلىك بەلسەنە سوزگە شىعىپ، بۇل رەتكى اۋىس - كۇيىس ٴماجىلىسىنىڭ اتا مەكەندەرى تۋرالى تۇسىنىكتەرىن ونان ارى تەرەڭدەتكەندىگىن، قولدارىنان كەلگەنىنشە قۇلشىنىپ، كوپىرلىك، دانەكەرلىك رولدارىن تولىق ساۋلەلەندىرىپ، اناعۇرلىم كوپ امەريكا حالقىنا جۇڭگو حيكاياسىن، شينجياڭ حيكاياسىن جاقسى بايانداپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش قوساتىندىقتارىن ٴبىلدىردى.

  بۇل رەتكى بەينە ەكران اۋىس - كۇيىس ٴماجىلىسىن شينجياڭ سىرتپەن بىرلەسكەن دوستىق قوعامى مەن جۇڭگونىڭ امەريكاداعى ەلشىلىگى، كونسۋلدارى بىرلەسىپ وتكىزدى.