باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
قايراتتى تاسقىنداتىپ، بولاشاققا بىرگە اتتانامىز
2022-01-12 16:46:30     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

رايونىمىزداعى ءار ۇلت كادرلارى مەن بۇقاراسى شينجياڭدىق جۇك اۆتوموبيل شوفەرىنىڭ ”ءوز اقشاسىمەن وكىلەتتى كولىك جۇرگىزگەن“ ىزگى ىستەرىنە ماداق ايتتى، ولار بىلاي دەدى:

قايراتتى تاسقىنداتىپ، بولاشاققا بىرگە اتتانامىز

 انار بۇلت / شينجياڭ گازەتىنىڭ تىلشىلەرى


تاياۋدان بەرى شينجياڭدىق جۇك اۆتوموبيل شوفەرلەرى ءمانسۇر پاتتار مەن مامەت نۇردۇننىڭ 4700 كيلومەتر جول باسىپ، تانىسقاندارىنا 11 كۇن عانا بولعان، جارالانىپ قالعان جياڭسۋلىق جۇك اۆتوموبيل شوفەرى جاۋ شۇيلەيدىڭ كولىگىن ۇيىنە تەگىن جەتكىزىپ بەرگەن حيكاياسى ينتەرنەتتە قىزۋ كورىلىمگە اينالىپ، رايونىمىزداعى ءار ۇلت كادرلارى مەن بۇقاراسى ولاردىڭ ىزگى ىستەرىنە ارت - ارتىنان ماداق ايتتى. كوپشىلىك مىنالاردى ءبىلدىردى: ءىس جۇزىندىك ارەكەتىمىزبەن ۇلتتار ىنتىماعىنىڭ وڭ ەنەرگياسىن تاراتىپ، ءوزارا قارايلاسۋ، تاتۋ بولۋ رۋحىن امالياتتا ايگىلەپ، اناردىڭ دانىندەي تىعىز ۇيىسىپ، ءبىر نيەتپەن كۇش بىرىكتىرىپ، اناعۇرلىم كوركەم بولاشاق ءۇشىن بىرگە كۇرەسەمىز.

”شينجياڭنىڭ كورلاسى مەن جياڭسۋدىڭ شۇيجوۋىنىڭ اراسى شالعاي بولسا دا، ۇلتتاردىڭ جۇرەكتەرى توعىسقان، ءوزارا قارايلاسىمدى سۇيىسپەنشىلىگىن ايىرا المايدى، ءمانسۇر مەن مامەتتىڭ ءىسى ’جۇڭحۋا ۇلتى بەرەكەلى شاڭىراعىنىڭ‘ تەرەڭ ءمانىن جاندى ءتۇسىندىرىپ بەردى“، - دەدى بۋرىلتوعاي اۋدانى كوكاعاش اۋىلى ەسىكقۇم قىستاعى پارتيا ياچەيكاسىنىڭ شۋجيى يۇي چۋانمين. ول ياچەيكا شۋجيىنىڭ باستاماشىلدىق رولىن شىن مانىندە ساۋلەلەندىرىپ، ءار ۇلت بۇقاراسىن بىرگە ىنتىماقتاسىپ كۇرەس جۇرگىزىپ، تاماشا تۇرمىستى بىرگە جاراتۋعا جەتەكتەيتىندىگىن ايتتى.

شاعانتوعاي اۋدانى جەڭىس اۋىلى اقتەكشە قىستاعى پارتيا ياچەيكاسىنىڭ شۋجيى دۋان تيڭ بىلاي دەدى: ”جاۋ شۇيلەي مەن ءمانسۇر، مامەت اراسىنداعى دوستىق ءار ۇلت باۋىرلاستارى اراسىنداعى ىنتىماقتىلىقتىڭ، قارايلاسىمدىلىقتىڭ، بىرگە ەكپىندەي ىلگەرىلەۋدىڭ جاندى كۋاسى. ءبىز ءار ۇلت تۇرعىندارىنا يدەيالىق تاربيەنى كۇشەيتىپ، بىرگە ۇيرەنۋدىڭ، ىنتىماقتاسا ەكپىندەي ىلگەرىلەۋدىڭ رايىن قالىپتاستىرىپ، ءبىر نيەتپەن، كۇشتى ءبىر اراعا جۇمساپ، ءوندىرىستى اناعۇرلىم جاقسى جۇرگىزىپ، مۇنان بىلايعى تۇرمىستى اناعۇرلىم باقىتتى، تاماشا ەتۋىمىز كەرەك“.

1 - ايدىڭ 9 - كۇنى جىڭ اۋدانىنداعى زەينەتكە شىققان قارت پارتيا مۇشەسى مىن بايىندالا قول تەلەفوننان 2 جۇك اۆتوموبيلى شوفەرىنىڭ ”تەگىن وكىلەتتى كولىك جۇرگىزگەن“ بەينەجازباسىن كورگەننەن كەيىن: زەينەتكە شىققان قارت پارتيا مۇشەسى رەتىندە، بۇكىل ىنتا - پەيىلىمەن حالىق ءۇشىن ىستەۋ باس ماقساتىن ەستە بەرىك ساقتاپ، قالعان كۇش - قۋاتىمدى ساۋلەلەندىرىپ، كورشىلەرگە قىزمەت وتەپ، قيىنشىلىعى بار بۇقاراعا بار زەيىن - زەردەممەن، كۇش - قۋاتىممەن كومەكتەسىپ، ۇلتتار ىنتىماعىنىڭ وڭ ەنەرگياسىن جەتكىزەمىن، - دەدى.

”ءمانسۇر، مامەت جانە جياڭسۋلىق جۇك اۆتوموبيلى شوفەرى جاۋ شۇيلەي اراسىنداعى سۇيىسپەنشىلىك بىزگە ەرەكشە مەيىردى سەزىندىردى“، - دەدى قاشقار قالاسى جاڭا وستەڭ اۋىلى يىڭنەقاش قىستاعىنىڭ تۇرعىنى يمىنجان وبۇل.

2 ”وكىلەتتى جۇرگىزۋشىنىڭ“ حيكاياسى تيانشان الابىنداعى جۇك اۆتوموبيلى شوفەرلەرى توبىندا قىزۋ تاقىرىپقا اينالدى. ”2 ’وكىلەتتى جۇرگىزۋشىنىڭ‘ قاراپايىم ارەكەتى ءار ۇلت باۋىرلاستارىن مەيىرگە بولەدى، سونداي - اق ءبىز سياقتى جۇك اۆتوموبيلى شوفەرلەرىن شابىتتاندىردى. ءبىز، ءسوز جوق، ولاردى ۇلگى ەتىپ، ءوزىمىزدى يگى ىستەردى كوبىرەك ىستەۋگە ىنتالاندىرىپ، وسى ءبىر ىنتىماق ۇلى سۇيىسپەنشىلىگىن جالعاستىرا تۇسەمىز“، - دەدى موڭعۇلكۇرە اۋدانىنداعى جۇك اۆتوموبيلى شوفەرى شاعانباي.

جاڭاءشار اۋدانى شينشىڭ اۆتوموبيل زات تاسىمال شەكتى جاۋاپكەرشىلىك سەرىكتەستىگىنىڭ كولىك جۇرگىزۋشىسى يمامجان ازەز بىلاي دەدى: ”ءمانسۇر مەن مامەت بىزگە ۇلگى كورسەتتى، مۇنان بىلاي ءبىز يگى ادامداردان بولىپ، يگى ىستەردى كوبىرەك ىستەپ، ۇلتتار ىنتىماعىنىڭ گۇلىن قۇلپىرتا ءتۇسۋىمىز كەرەك“.


(تىلشىلەر ءپاريزات ابدۇل، جازۋعا قاتىناسقان تىلشىلەر جاڭ تيڭ، ءرايدا، سۇڭ يا - ۋىن، ءجازيرا نەسىپبەك)