باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
شينجياڭنان سىرتقا جەتكىزىلگەن جالپى ەلەكتر مولشەرى 487 ميلليارد 500 ميلليون كيلوۆات ساعاتقا جەتتى
2022-01-12 16:48:02     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

بۇل بۇكىل ەلدەگى ءبىر ميلليارد 400 ميلليون تۇرعىننىڭ 162 كۇندىك تۇرمىستىق توك قاجەتىن قاناعاتتاندىرا الادى


انار بۇلت / شينجياڭ گازەتىنىڭ ءتىلشىسى ۋاڭ يۇڭفي 1 - ايدىڭ 10 - كۇنى قۇمىلدان حابارلايدى. 2010 - جىلى 11 - ايدان باستاپ شينجياڭنىڭ باتىس تەرىستىك نەگىزگى تورىنا قوسىلعان 750 كيلوۆلتتىق تۇڭعىش ارنا ەلەكتر جەتكىزۋ، كەرنەۋ وزگەرتۋ ينجەنەرياسى سالىنىپ ءبىتىپ ىسكە قوسىلعاننان بەرى، 2021 - جىلدىڭ سوڭىنا دەيىن شينجياڭنان سىرتقا جەتكىزىلگەن جالپى ەلەكتر مولشەرى 487 ميلليارد 500 ميلليون كيلوۆات ساعاتقا جەتتى.

”وسى ەلەكتر مولشەرى بۇكىل ەلدەگى ءبىر ميلليارد 400 ميلليون تۇرعىننىڭ 162 كۇندىك تۇرمىستىق توك قاجەتىن قاناعاتتاندىرا الادى“، - دەدى شينجياڭ ەلەكتر قۋاتى ايىرباس ورتالىعى شەكتى سەرىكتەستىگى ايىرباس ءبولىمىنىڭ جاۋاپتىسى جاڭ جۇن.

اسىرەسە، ءىشىنارا ولكەلەردە جارىققا شىققان ەلەكتر قۋاتى، ەلەكتر مولشەرى جەتىسپەۋ جاعدايىنا مەڭزەس، بىلتىردان بەرى شينجياڭ شينجياڭنىڭ ەلەكترىن سىرتقا جەتكىزۋ قۋاتىن ءبىر تۇتاس جوسپارلاپ سايكەستىرىپ، شينجياڭنىڭ ەلەكترىن سىرتقا جەتكىزۋ كولەمىن ۇزدىكسىز ۇلعايتىپ، تۇتاس جىلدا جالپى 122 ميلليارد كيلوۆات ساعات ەلەكتر جەتكىزدى، بۇل سايكەس مەزگىلدەگىدەن %16 ارتتى.

بىلتىردان بەرى شينجياڭنىڭ ەلەكترىن سىرتقا جونەلتەتىن ءارقايسى ەلەكتر ستانسيالارى ىندەتتەن ساقتانۋ - تىزگىندەۋ، حاۋىپسىزدىكتى باسقارۋ سىندى شارالاردى كۇشەيتۋ ارقىلى ەلەكتر ستانسيالارىنىڭ جوعارى ءونىمدى جۇمىس جۇرگىزۋىنە شىنايى كەپىلدىك ەتتى. جۇڭگو جۇڭمەي ەنەرگيا توبى شەكتى سەرىكتەستىگى قۇمىل ەلەكتر تاراتۋ شەكتى سەرىكتەستىگى قۇمىلدىڭ وڭتۇستىگى − جىڭجوۋ 800 ± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىن ەلەكترمەن قامدايتىن ستانسيالاردىڭ ءبىرى. بىلتىر وسى سەرىكتەستىك جىلدىق مىندەتتى مەرزىمىنەن 43 كۇن بۇرىن ورىنداپ، تۇتاس جىلدا ءىس جۇزىندە تاراتقان ەلەكترى 6 ميلليارد 128 ميلليون كيلوۆات ساعات بولىپ، نورمادان %20.08 ارتىپ، سايكەس مەزگىلدەگىدەن %15.94 ارتتى.

”ەلەكترمەن قامداۋدى قامتاماسىز ەتىپ، بۇكىل ەلدىڭ ەكونوميكاسىنىڭ دامۋىنا قىزمەت وتەۋ كەلەلى جاعداي. بىلتىردان بەرى كومىردىڭ باعاسى ورلەپ، شينجياڭداعى ەلەكتر تاراتۋ كاسىپورىندارىنىڭ پايداسى تومەندەگەنىمەن، ءبىز كومىر كەندەرىن بەلسەنە سايكەستىرىپ كومىرمەن قامداۋعا كەپىلدىك ەتىپ، ەلەكترمەن ورنىقتى قامداۋعا شىنايى كەپىلدىك ەتتىك“، - دەدى وسى سەرىكتەستىكتىڭ باس ديرەكتورىنىڭ كومەكشىسى لي ياجيە.

كەرنەۋ اۋىستىرۋ پۋنكتى شينجياڭنىڭ ەلەكترىن سىرتقا جەتكىزۋدەگى شەشۋشى توراپ، ءارقايسى ەلەكتر ستانسيالارىنىڭ ەلەكتر قۋاتىن شوعىرلاندىرىپ، كەرنەۋ رەتتەلگەننەن كەيىن ەلەكتر قۋاتىن ەل ىشىندەگى باسقا ولكەلەرگە جەتكىزۋگە جاۋاپتى. تيانشان كەرنەۋ اۋىستىرۋ پۋنكتى شينجياڭنىڭ ەلەكترىن سىرتقا جەتكىزۋ جەلىسىندەگى ماڭىزدى كەرنەۋ اۋىستىرۋ پۋنكتتەرىنىڭ ءبىرى، قۇمىل قالاسىنداعى 4 وت - ەلەكتر ستانسياسىنىڭ جانە جاڭا ەنەرگيا ەلەكتر ستانسياسىنىڭ ەلەكتر قۋاتىن شوعىرلاندىرىپ سىرتقا جەتكىزۋگە جاۋاپتى.

بىلتىر 7 - ايدا تيانشان كەرنەۋ اۋىستىرۋ پۋنكتى سىرتقا جونەلتىلەتىن ەلەكتردىڭ ەڭ ۇلكەن قۋاتىن 5 ميلليون 400 مىڭ كيلوۆاتتان 6 ميلليون كيلوۆاتقا جوعارىلاتتى. ”بۇل دەگەنىمىز جوعارى جىلدامدىقتى تاس جولدى كەڭەيتكەنمەن بىردەي، ەلەكتر مولشەرىنىڭ جونەلتىلۋ قابىلەتىن جوعارىلاتادى“. تيانشان كەرنەۋ اۋىستىرۋ پۋنكتىنىڭ تەحنيكالىق جاۋاپتىسى جاۋ حايپىڭ بىلاي دەدى: بۇدان تىس، تيانشان كەرنەۋ اۋىستىرۋ پۋنكتى ءتۇيىندى ورىنداردى كۇتىمدەۋدى جانە شارلاۋ، ارالاپ تەكسەرۋدى كۇشەيتىپ، كەرنەۋ اۋىستىرۋ پۋنكتى قىزمەتىنىڭ قالىپتى جۇرىلۋىنە شىنايى كەپىلدىك ەتتى.

ەلەكتر جەتكىزۋ جەلىسى شينجياڭنىڭ ەلەكترىن سىرتقا جەتكىزۋدىڭ قالىپتى اينالىمىنا تىكەلەي قاتىستى. ”بۇكىل شينجياڭنىڭ ەرەكشە جوعارى كەرنەۋلى ەلەكتر جەتكىزۋ جەلىسىن، اسىرەسە، ’شينجياڭنىڭ ەلەكترىن سىرتقا جەتكىزۋ‘ ارناسىن ويداعىداي جۇرگىزۋ، قورعاۋ − ءبىزدىڭ تاياۋ مەزگىلدەگى ەلەكترمەن قامداۋدى قامتاماسىز ەتۋ قىزمەتىمىزدىڭ ماڭىزدى مازمۇنى“، - دەدى مەملەكەت ەلەكتر تورى شينجياڭ ەرەكشە جوعارى كەرنەۋلى بولىمشە سەرىكتەستىگى جۇرگىزۋ، قورعاۋ، تەكسەرۋ، جوندەۋ ءبولىمىنىڭ تۇراقتى توككە ارنايى جاۋاپتىسى جياۋ پان.

بىلتىر جىل سوڭىنا دەيىن مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى شينجياڭنىڭ ەلەكترىن سىرتقا جەتكىزۋ ارناسىنا قاتىستى جەلى باعاناسىن تاپتەشتەي شارلاپ تەكسەرۋدى ورىنداپ بولدى. سونىمەن قاتار، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ەلەكترمەن قامداۋعا كەپىلدىك ەتۋدىڭ ەگجەي - تەگجەيلى جوباسىن جانە شۇعىل جاعدايعا توتەپ بەرۋ جوباسىن جاساپ، ماڭىزدى ستانسيا جابدىقتارىن شارلاۋدى جانە جەلىنى جۇرگىزۋ، قورعاۋدى كۇشەيتىپ، ۇشقىشسىز ۇشاق، قۇلتەمىر، ونەركاسىپتىك مەڭگەرۋ - قورعاۋ جۇيەسى سىندى وزىق تەحنيكالاردان پايدالانىپ، سىرتقا جەتكىزۋ ارناسىنىڭ قالىپتى اينالىمىن قامتاماسىز ەتتى.

تانىستىرۋعا قاراعاندا، كەزەكتە شينجياڭدا شينجياڭنىڭ باتىس تەرىستىك نەگىزگى تورىنا قوسىلعان 750 كيلوۆلتتىق ءبىرىنشى، ەكىنشى ەلەكتر جەتكىزۋ، كەرنەۋ وزگەرتۋ ينجەنەرياسى، قۇمىلدىڭ وڭتۇستىگى − جىڭجوۋ 800± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى، سانجى − گۋچۋان 1100± كيلوۆلتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى سىندى شينجياڭنىڭ ەلەكترىن سىرتقا جەتكىزەتىن 4 ارنا بار ەكەن.