− قارامايلى قالاسى، قۇمىل قالاسى «ەڭبەك تاماشا تۇرمىس جاراتادى» اتىندا اڭگىمە ٴماجىلىسىن اشتى
شينجياڭنىڭ اتاق - داڭقىن قاساقانا داتتاۋعا، وعان كۇيە جاعۋعا استە جول بەرمەيمىز
شينجياڭ گازەتىنىڭ ٴتىلشىسى جاۋ شييا 2021 - جىلى 12 - ايدىڭ 29 - كۇنى ۇرىمجىدەن حابارلايدى. 2021 - جىلى 12 - ايدىڭ 28 - كۇنى قارامايلى قالاسى، قۇمىل قالاسى «ەڭبەك تاماشا تۇرمىس جاراتادى» اتىندا اڭگىمە ٴماجىلىسىن اشتى. جۇمىسشى جانە شارۋا ۋاكىلدەرى وزدەرىنىڭ ەڭبەكپەن جۇمىستانعان ٴتول كەشىرمەلەرى ارقىلى شينجياڭداعى ٴار ۇلت بۇقاراسىنىڭ قاجىرلى ەڭبەگىنە سۇيەنىپ باقىتتى تۇرمىس كەشىرگەن فاكتتى اڭگىمەلەپ، امەريكاداعى، باتىستاعى جۇڭگوعا قارسى كۇشتەردىڭ ويدان قۇراستىرعان شينجياڭدا ايتىلمىس «زورلىقپەن ەڭبەككە سالۋ» ٴومىر ٴسۇرىپ وتىر دەگەن ساندىراقتارىنا قيسىندى دا پارمەندى تويتارىس بەردى.
«ەڭبەككە سۇيەنىپ قوعامدىق قۇن جاراتىپ، جەكە باستىڭ ارمان - مۇراتىن جۇزەگە اسىرۋ <زورلاۋدى> قاجەت ەتە مە؟ سوندا شينجياڭداعى ٴار ۇلت حالقىن زاڭدى ەڭبەك ارقىلى تاماشا تۇرمىسقا تالپىنۋ ۇقىعىنان ماقرۇم ەتۋ كەرەك پە؟» امەريكاداعى، باتىستاعى جۇڭگوعا قارسى كۇشتەردىڭ فاكتپەن ساناسپاي، شينجياڭعا قاساقانا كۇيە جاققاندىعىنا شينجياڭ شيبۋ ميڭجۋ ينجەنەريا قۇرىلىس شەكتى سەرىكتەستىگىنىڭ تەحنيگى احمەت مۇحتار باتىل قارسى تۇراتىندىعىن جانە ونى قاتاڭ جازعىراتىندىعىن ٴبىلدىردى. جانار گازدى اينالمالى قوزعالتقىشتى تەكسەرۋ - جوندەۋ كاسىپتىك تەحنيگى رەتىندە، سوڭعى جىلدارى احمەت زەرتتەپ تاپقىرلاعان، جاڭالاعان كوپ ٴتۇرلى جاڭا قۇرال، جاڭا تەحنيكا قىزمەت ونىمدىلىگىن جوعارىلاتىپ، كوپتەگەن كۇردەلى تەحنيكالىق ماسەلەلەردى شەشتى، تاعى ەكى پاتەنتكە ٴوتىنىش ەتتى، بۇل وعان مول تابىس سەزىمىن جانە باقىت سەزىمىن سيلادى.
«مەنىڭ ەكى سەلبەستىك كووپەراتيۆىم بار، جىلىنا 200 مىڭ يۋان اينالاسىندا كىرىس كىرگىزەمىن، كىرىسىمدى ارتتىرىپ بايۋدا تەك قاجىرلى ەڭبەگىمە عانا سۇيەنەمىن!» قارامايلى قالاسى قارامايلى رايونى شوگەي اۋىلىنىڭ 58 جاستاعى قىستاق تۇرعىنى فان جىحۇي وسىلاي دەدى ماقتانىشپەن.
كوپ جىل قۇلشىنىس جاساۋ ارقىلى قۇمىل قالاسى حۇڭليۋ ٴۇي قۇستارى سويىسحاناسىنىڭ باستىعى ياقۇپ سوپا سويۋ، مانەرلەۋ جانە قوراپتاۋ ٴبىر تۇلعالانعان وسىزاماندانعان ٴۇي قۇستارىن سويۋ كاسىپورنىن قۇردى، بۇگىنگى كۇندە سويىسحانادا 30 جۇمىسشى - قىزمەتكەر بار. «ٴبىزدىڭ ٴاربىر جۇمىسشىمىز ەڭبەك توقتامىنا قول قويىسقان، كوپشىلىك ٴوز قالاۋىمەن جۇمىستانىپ، ٴوز تالعامى بويىنشا كاسىپ تاڭداپ، ٴار كۇنى ٴتىپتى دە جاقسى تۇرمىس كەشىرۋ ٴۇشىن ۇمتىلا ىستەۋدە» دەدى ياقۇپ، - جۇمىسشىلاردىڭ ەڭبەك ۇقىق - مۇددەسى ەڭبەكپەن جۇمىستاندىرۋ بەلسەندى ساياساتىنىڭ ارقاسىندا ٴونىمدى قامتاماسىز ەتىلدى جانە دامىتىلدى، ولاردىڭ باقىتتى تۇرمىس جاعدايى ەڭ جاقسى دالەل.
اڭگىمە ماجىلىسىندە كوپشىلىك باتىلدىقپەن مىنالاردى ٴبىلدىردى: «شينجياڭنىڭ ىستەگەن بارلىق ٴىسى اشىق تا ورىندى، تاريحتىڭ سىنىنان سۇرىنبەي وتە الادى، شينجياڭنىڭ اتاق - داڭقىن قاساقانا داتتاۋعا، وعان كۇيە جاعۋعا، استە، جول بەرمەيمىز. ٴارقانداي سىرتقى كۇش شينجياڭنىڭ جاراسىمدىلىعىنا، ورنىقتىلىعىنا كەدەرگىلىك جاساي المايدى، شينجياڭداعى ٴار ۇلتتىڭ ىنتىماعىنا، العاباسارلىعىنا بوگەت بولا المايدى، شينجياڭنىڭ ادامدىق ۇقىعىنىڭ العا باسقان وبيەكتيۆ فاكتىن جوققا شىعارا المايدى».