شينجياڭنىڭ 3 - رەتكى بۇكىل ەل بويىنشا مەملەكەت جەرىن تەكسەرۋ نەگىزگى ساندى مالىمەت جەتىستىگى جاريالاندى

ەكولوگياعا پايدالانىلاتىن جەر شامامەن 113 ميلليون مۋ ناق ارتىپ، قۇرىلىسقا پايدالانىلاتىن جەردىڭ ارتۋ مولشەرى ％33.14 بولدى

انار بۇلت / شينجياڭ گازەتىنىڭ ءتىلشىسى ۋاڭ يايۇن 1 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان اقپار جاريالاۋ ماجىلىسىنەن ۇعىسۋىمىزشا، 2017 - جىلى 11 - ايدا 3 - رەتكى بۇكىل ەل بويىنشا مەملەكەت جەرىن تەكسەرۋ (تومەندە قىسقارتىلىپ ”3 - تەكسەرۋ“ دەلىندى) ورىستەتىلگەننەن بەرى رايونىمىز بۇكىل شينجياڭداعى 106 اۋدان دارەجەلى تەكسەرۋ بولەكتەرىنىڭ مەملەكەت جەرىن ىستەتۋ قازىرگى جاعدايىن جاپپاي اداقتاپ، اۆتونوميالى رايون، ايماق (وبلىس، قالا)، اۋدان (قالا، رايون) 3 دارەجەنى قامتىعان مەملەكەت جەرىن تەكسەرۋ ساندى مالىمەت قامباسىن قۇرىپ، «شينجياڭ ۇيعۇر اۆتونوميالى رايونىنىڭ 3 - رەتكى بۇكىل ەل بويىنشا مەملەكەت جەرىن تەكسەرۋ نەگىزگى ساندى مالىمەت مازمۇنداماسىن» باسىپ تاراتتى.

تەكسەرۋ ناتيجەسىندە كورسەتىلۋىنشە، رايونىمىزدىڭ ەگىستىك جەرى 105 ميلليون 578 مىڭ 800 مۋ، باقشا اۋماعى 16 ميلليون 52 مىڭ 200 مۋ، ورماندى جەر 183 ميلليون 187 مىڭ 600 مۋ، جايلىمدىق جەر 779 ميلليون 789 مىڭ 700 مۋ، سازدى جەر 22 ميلليون 866 مىڭ 800 مۋ، قالا - قالاشىق، قىستاقتارعا، سونداي - اق زاۆود، كەنگە پايدالانىلعان جەر 21 ميلليون 149 مىڭ 400 مۋ، قاتىناس - تاسىمالعا پايدالانىلعان جەر 8 ميلليون 428 مىڭ 800 مۋ، سۋ الابىنا، سونداي - اق سۋ يگىلىگى قۇرىلعىلارىنا پايدالانىلعان جەر 79 ميلليون 628 مىڭ 100 مۋ بولعان.

اۆتونوميالى رايوندىق جاراتىلىستىق بايلىق مەڭگەرمەسى پارتيا باسشىلىق گرۋپپاسىنىڭ مۇشەسى، مەڭگەرمەنىڭ ورىنباسار باستىعى ليۋ شيڭگۋاڭ بىلاي دەپ تانىستىردى: 2019 - جىلى 12 - ايدىڭ 31 - كۇنىن ولشەمدى ۋاقىت ەتسەك، اۆتونوميالى رايوننىڭ ”3 - تەكسەرۋدەگى“ ەگىستىك جەرى ”2 - تەكسەرۋدەگىمەن“ سالىستىرعاندا 28 ميلليون 732 مىڭ 900 مۋ ناق ارتقان. 10 جىلدا ەكولوگيالىق يقۋاتى ءبىرشاما كۇشتى ورمان، جايلىم، سازدىق، وزەن سۋ ايدىنى، كول سۋ ايدىنى سياقتى جەر تۇرلەرىنىڭ جيىنتىعى شامامەن 113 ميلليون مۋ ناق ارتقان. بۇكىل شينجياڭدا قۇرىلىسقا پايدالانىلاتىن جەردىڭ جالپى مولشەرى شامامەن 26 ميلليون 45 مىڭ 100 مۋ بولىپ، ”2 - تەكسەرۋدەگىمەن“ سالىستىرعاندا 6 ميلليون 482 مىڭ 700 مۋ ارتىپ، ارتۋ مولشەرى ％33.14كە جەتكەن.

”3 - تەكسەرۋ“ مەملەكەت جاعدايى، مەملەكەت قۋاتى جونىنەن ءبىر رەتكى ەلەۋلى تەكسەرۋ، ول اۆتونوميالى رايوننىڭ مەملەكەت جەرىن پايدالانۋ احۋالى مەن بايلىق قورىن جان - جاقتىلى، دەر كەزىندە، دۇرىس يگەرىپ، ەگىستىك جەردى قورعاۋدىڭ ەڭ قاتاڭ ءتۇزىمى مەن جەردەن ۇنەمشىلدىكپەن پايدالانۋدىڭ ەڭ قاتاڭ ءتۇزىمىن تياناقتاندىرۋ، استىق حاۋىپسىزدىگىنە كەپىلدىك ەتۋ، ەكولوگيالىق وركەنيەت قۇرىلىسىن ىلگەرىلەتۋ، جاراتىلىستىق بايلىقتى عىلمي جوبالاۋ، ۇيلەسىمدى پايدالانۋ جانە ءونىمدى قورعاۋ، ەكونوميكانىڭ، قوعامنىڭ جاپپاي سايكەستى، باياندى دامۋىن جەبەۋ جونىنەن كەلەلى ماڭىز الادى.

ۇعىسۋعا قاراعاندا، اۆتونوميالى رايون ”3 - تەكسەرۋدە“ مەملەكەت ءبىر تۇتاس تۇسىرگەن ءبىر مەترلىك ايقىندىق سالىستىرماسىنان جوعارى بولعان جاساندى سەرىكپەن الىستان شارلاۋ كەسكىنىن جاپپاي قولدانۋدى تەكسەرۋ نەگىزگى نوبايى ەتىپ، جىلجىمالى ينتەرنەت، بۇلتتىق ەسەپتەۋ، ۇشقىش اپپارات سياقتى جاڭا تەحنيكالاردى كەڭىنەن قولدانىپ، ”ينتەرنەت + تەكسەرۋ“ مەحانيزمىنە جاڭالىق ەنگىزە قولدانىپ، ىشكى كاسىپتىك بولجام، ناقتى تەكسەرۋ، ناقتى ىسپات الۋ، ساندى مالىمەت قامباسى قۇرىلىسى، ءبىر ۋاقىتتا جاڭالاۋ، ولكە دارەجەلى ساراپتاۋ، مەملەكەتتىك ”ينتەرنەت +“ جەلىدە ساراپتاۋ جانە ناقتى ساراپتاۋ سياقتى كوپ كەزەكتى تەكسەرۋ، رەتتەۋ - تۇزەتۋ، كەمەلدەندىرۋ ارقىلى ىلگەرىندى - كەيىندى 4300دەن استام قىزمەتكەر تەكسەرۋگە قاتىناسىپ، 7 ميلليون 900 مىڭنان استام تەكسەرۋ سۋرەتىن جينادى.

كەلەر قادامدا اۆتونوميالى رايوندىق جاراتىلىستىق بايلىق مەڭگەرمەسى ەگىستىك جەردى قورعاۋدى قاتايتىپ، ”3 - تەكسەرۋ“ جەتىستىگىن جيناقتىق سان مەن نەگىزگى نوبايى ەتىپ، ماڭگىلىك نەگىزگى ەگىنجايلاردى قاتاڭ بەلگىلەپ، ەگىستىك جەردىڭ قولدا بار مولشەرى مەن ماڭگىلىك نەگىزگى ەگىنجايلاردى قورعاۋ نىسانا - مىندەت بەلدەۋى ورنىن دارەجە بويىنشا ايىرىپ جۇكتەيدى؛ ەكولوگيا قۇرىلىسىن ءبىر تۇتاس جوسپارلاپ، ەكولوگيانى قورعاۋدىڭ قىزىل سىزىعىن عىلمي بەلگىلەپ، بولاشاقتاعى ەكولوگيالىق ەگىستىك جەردى قايتارۋ، مەملەكەت جەرىن جاسىلداندىرۋ سياقتى ەكولوگيا قۇرىلىسىن جالپى بەتتىك ورنالاستىرادى؛ جەردى ۇنەمدى، شوعىرلى پايدالانىپ، قالا - قالاشىقتى اشۋ شەكاراسىن عىلمي بەلگىلەپ، ۇكىمەت جەتەكشى بولاتىن، بازار قاتىناساتىن قالا - قالاشىقتاعى تومەن تيىمدىلىكپەن پايدالانىلعان جەرلەردى قايتالاي اشۋ ساياساتى جۇيەسىن كەمەلدەندىرەدى؛ ”3 - تەكسەرۋ“ جەتىستىگىن تولىق پايدالانۋدى مەملەكەت جەرى كەڭىستىگىنىڭ تۇتاستىعىن بەينەلەۋدەگى نەگىزگى نوبايى ەتىپ، ”3 - تەكسەرۋ“ جەتىستىگىنەن بىرگە يگىلىكتەنۋدى، قولدانۋدى ىلگەرىلەتەدى.