انار بۇلت / شينجياڭ گازەتىنىڭ تىلشىلەرى گو ليڭ، يان شياۋتيان 1 - ايدىڭ 13 - كۇنى ۇرىمجىدەن حابارلايدى. جۋىقتا اۆتونوميالى رايوندىق حالىق ۇكىمەتى «شينجياڭ ۇيعۇر اۆتونوميالى رايونىنىڭ ايەلدەر ىستەرىن دامىتۋ جوباسىن (2021 − 2025 - جىل)» جانە «شينجياڭ ۇيعۇر اۆتونوميالى رايونىنىڭ بالالار ىستەرىن دامىتۋ جوباسىن (2021 − 2025 - جىل)» (تومەندە قىسقاشا «ايەلدەر ىستەرىن دامىتۋ جوباسى»، «بالالار ىستەرىن دامىتۋ جوباسى» دەلىنەدى) باسىپ تاراتتى. 1 - ايدىڭ 13 - كۇنى اۆتونوميالى رايوندىق حالىق ۇكىمەتىنىڭ اقپارات كەڭسەسى اقپار جاريالاۋ ءماجىلىسىن اشىپ، وقۋ - اعارتۋ، جۇمىستاندىرۋ جانە قوعامدىق قامتاماسىزداندىرۋ، وتباسى قۇرىلىسى سياقتى جاقتاردان ەكى جوباعا تۇسىنىك جاسادى.

ەكى جوبانىڭ جاسالىپ شىعارىلۋى جاڭا دامۋ كەزەڭىن دالمە - ءدال يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىن جەدەل قالىپتاستىرۋ بارىسىندا ايەلدەر، بالالار ىستەرىنىڭ جوعارى ساپالى دامۋىن ىلگەرىلەتۋدە كەلەلى ماڭىز الادى.

«ايەلدەر ىستەرىن دامىتۋ جوباسىندا» ايەلدەر جانە دەنساۋلىق، ايەلدەر جانە وتباسى قۇرىلىسى سياقتى 8 سالا بەلگىلەنىپ، 76 ءتۇرلى باستى نىسانا مەن 92 ءتۇرلى تاكتيكا - شارا العا قويىلدى. ايەلدەر جانە ەكونوميكا سالاسىندا تەڭ تۇرعىدا جۇمىستانۋدى اناعۇرلىم جەبەپ، ايەلدەردىڭ جۇمىستانۋ قۇرىلىمىن ساپالىلاندىرىپ، ”14 - بەسجىلدىقتىڭ“ سوڭىنا دەيىن جۇمىستانۋشىلاردىڭ اراسىنداعى ايەلدەردىڭ سالىستىرماسىن ％45 اينالاسىندا ساقتاۋعا، قالا - قالاشىقتاعى مەكەمە - ورىندارىندا جۇمىستانۋشىلاردىڭ اراسىنداعى ايەلدەردىڭ سالىستىرماسىن ％40 اينالاسىنا جەتكىزۋگە كۇش سالۋ العا قويىلدى.

اۆتونوميالى رايوندىق ايەلدەر مەن بالالار قىزمەتى كوميتەتىنىڭ ورىنباسار مەڭگەرۋشىسى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جاڭ رۇڭ ”14 - بەسجىلدىق“ مەزگىلىندە جوباداعى تالاپ بويىنشا ايەلدەردىڭ جۇمىستانۋىن، شارۋاشىلىق قۇرۋىن ساياسات جاعىنان قولداۋ، قامتاماسىز ەتۋ كۇشەيتىلىپ، ايەلدەردىڭ ءادىل جۇمىستانۋى جانە ءتۇرلى ەڭبەك ۇقىق - مۇددەسى قامتاماسىز ەتىلەتىندىگىن ءبىلدىردى.

«بالالار ىستەرىن دامىتۋ جوباسىندا» بالالار جانە دەنساۋلىق، بالالار جانە حاۋىپسىزدىك سياقتى 7 سالا بەلگىلەنىپ، 69 ءتۇرلى باستى نىسانا مەن 88 ءتۇرلى تاكتيكا - شارا العا قويىلدى. تىڭنان قوسىلعان ”بالالار جانە حاۋىپسىزدىك سالاسىندا“ بالالاردىڭ حاۋىپسىزدىك ورىندىعىن، حاۋىپسىزدىك قالپاعىن ىستەتۋدى اناعۇرلىم جالپىلاستىرۋ؛ سونىمەن بىرگە وقۋشىلاردى جابىرلەۋدى جان - جاقتى جونگە سالۋ قابىلەتىن جوعارىلاتىپ، وقۋشىلاردىڭ جابىرلەنۋىنىڭ الدىن الۋ جانە ونى ءونىمدى ءبىر جاقتى ەتۋ العا قويىلدى.

ايتا كەتۋگە تاتيتىنى، وسى رەت شىعارىلعان ەكى جوباعا ”ايەلدەر جانە وتباسى قۇرىلىسى“ مەن ”بالالار جانە وتباسى“ سىندى ەكى سالا جەكە - جەكە تىڭنان قوسىلدى. مىسالى، «ايەلدەر ىستەرىن دامىتۋ جوباسىندا»: ەر - ايەلدىڭ ءۇي شارۋاسىن تەڭ تۇرعىدا ءبولىپ كوتەرۋىن جەبەپ، ەر مەن ايەلدىڭ ءۇي شارۋاسىمەن شۇعىلدانۋ ۋاقىت پارقىن ازايتىپ، قارتايعان ايەلدەردىڭ وتباسى تۇرمىس ساپاسىن جوعارىلاتۋ ورتاعا قويىلدى؛ «بالالار ىستەرىن دامىتۋ جوباسىندا»: وتباسى تاربيەسىنە جەتەكشىلىك ەتۋدى، قىزمەت وتەۋدى قولداۋدى، قامتاماسىز ەتۋدى كۇشەيتىپ، 2025 - جىلعا بارعاندا قالالارداعى الەۋمەتتىك اۋماقتاردىڭ ％95ىندە جانە اۋىل - قىستاقتارداعى الەۋمەتتىك اۋماقتاردىڭ، قىستاقتاردىڭ ％85ىندە اتا - انالار مەكتەبىن نەمەسە وتباسى تاربيەسىنە جەتەكشىلىك ەتۋ، قىزمەت وتەۋ پۋنكت - تۇيىندەرىن قۇرۋعا كۇش سالۋ ورتاعا قويىلدى.

اۆتونوميالى رايوندىق ايەلدەر مەن بالالار قىزمەتى كوميتەتىنىڭ ورىنباسار مەڭگەرۋشىسى، اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى ۋاڭ ليشيا بىلاي دەپ تانىستىردى: جاڭا داۋىردەگى وتباسى كولەمى، وتباسى قۇرىلىمى جاعىندا جاڭا ەرەكشەلىك جارىققا شىقتى. ەكى جوبادا ”ايەلدەر جانە وتباسى قۇرىلىسى“ مەن ”بالالار جانە وتباسى“ سىندى ەكى سالانىڭ بەلگىلەنۋى تەڭ، جاراسىمدى، وركەنيەتتى ۇيلەنۋ - وتباسى قاتىناسىن ورناتۋدى ىلگەرىلەتىپ، وتباسىنىڭ دامۋ قابىلەتىن جوعارىلاتىپ، ايەلدەردىڭ، بالالاردىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم كۇشەيتەدى.

ماجىلىستە بىلاي دەپ تانىستىرىلدى: ەكى جوبانى اتقارۋ جۇيەلى ينجەنەريا، قىزمەت مەحانيزمىن ويداعىداي قۇرىپ، ويداعىداي پايدالانۋ، جاۋاپكەرشىلىكتى، جۇمىس ءبولىسىن عىلمي، ەگجەي - تەگجەيلى ءبولۋ، ۇگىتتەۋدى، باۋلۋدى مىقتاپ يگەرۋ، جوعارى مەن تومەن ۇندەسكەن ايەلدەر، بالالار جوباسى جۇيەسىن ورناتۋ سياقتى 4 جاقتان نىسانا - مىندەتتەر ۋاعىندا جۇزەگە اسىرىلادى.