سونىمەن قاتار، 48 ساعات ىشىندەگى حىسۋان ناتيجەسىنىڭ بولىمسىز ەكەندىگى جونىندەگى ىسپاتى بولۋى كەرەك، شينجياڭعا كەلگەننەن كەيىن 24 ساعات ىشىندە ءبىر رەت حىسۋان تەكسەرتەدى
ءوز حابارىمىز. انار بۇلت / شينجياڭ گازەتى ءتىلشىسىنىڭ 3 - ايدىڭ 22 - كۇنى اۆتونوميالى رايوندىق ىندەتتەن ساقتانۋ - تىزگىندەۋ قىزمەتى قولباسشىلىق شتابىنان ۇعىسۋىنا قاراعاندا، شينجياڭعا كەلگەن ادامداردىڭ سالاماتتىعىن باسقارۋ قىزمەتىن اناعۇرلىم ويداعىداي ىستەۋ ءۇشىن، بۇگىننەن باستاپ شينجياڭعا كەلگەن ادامدار، ءسوز جوق، شينجياڭ ۇكىمەتتىك قىزمەت وتەۋ تۇعىرىنىڭ ۋيچات، جىفۋباۋ شاعىن باعدارلاماسىنداعى (APP) سالاماتتىق كودى بەتىنە ينفورماتسيالارىن مالىمدەۋى ءارى اۋەجاي، تەمىر جول، تاس جول ارقىلى شينجياڭعا كەلگەندە شينجياڭ ۇكىمەت ىستەرى ورتا كودىن سكانەرلەپ، ينفورماتسيالارىن تۇراقتاندىرعاننان كەيىن قاراستى وڭىرگە كىرۋى كەرەك ەكەن.
سونىمەن قاتار جەر - جەر تەمىر جول، اۋەجاي، تاس جول جولاۋشى تاسىمال بەكەتتەرىندە جانە تاس جول جول تەكسەرۋ تۇيىندەرىندە شينجياڭعا كەلگەن ادامداردىڭ 48 ساعات ىشىندە جاساتقان حىسۋانىنىڭ بولىمسىز ەكەندىگى جونىندەگى ىسپاتى، سالاماتتىق جاسىل كودى جانە حابارلاسۋ قۇرالدارىنداعى ءجۇرىس - تۇرىس كارتچكاسى تەكسەرىلەدى جانە دەنە تەمپەراتۋراسى ولشەنەدى. شينجياڭعا كەلگەن ادامدار شينجياڭعا جەتكەننەن كەيىن دەرەۋ ءوزى تۇرعان ورىنداعى اۋىل - قالاشىققا، مالىگە (قىستاق، الەۋمەتتىك اۋماق) تىزىمگە الدىرۋى ءارى شينجياڭعا جەتكەننەن كەيىن 24 ساعات ىشىندە ءبىر رەت حىسۋان تەكسەرتىپ، قاراستى ورىننىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋىنە سايكەسۋى كەرەك.
اۆتونوميالى رايوندىق ىندەتتەن ساقتانۋ - تىزگىندەۋ قىزمەتى قولباسشىلىق شتابى مىنالاردى تالاپ ەتتى: ايماقتار (وبلىس، قالا) ارا ادامدار قاتىناعاندا، قاراستى وڭىرگە كەلگەندەردەن شينجياڭ ۇكىمەتتىك قىزمەت وتەۋ تۇعىرىنىڭ ورتا كودىن سكانەرلەۋ تالاپ ەتىلەدى، قاراستى وڭىردە قايتالاي كود سكانەرلەۋدىڭ قاجەتى جوق، ادامداردىڭ ءجۇرىس - تۇرىسىنىڭ ىركىلىسسىز بولۋىنا شىنايى كەپىلدىك ەتۋ كەرەك. جەر - جەر زاڭ بويىنشا، عىلمي، دالمە - ءدال بولۋ پرينسيبىنە تاباندى بولىپ، ءبىر تۇعىردى ءار جەر ءوزارا تانۋعا، ءبىر كودپەن جۇرە بەرۋگە شىنايى كەپىلدىك ەتىپ، جەر - جەردىڭ باس - باسىنا تۇعىر قۇرۋىن، كود ۇستىنە كود قاباتتاۋىن باتىل تيۋ كەرەك. قاتىستى ساياساتتار ەل ءىشى ىندەت جاعدايىنىڭ وزگەرىسىنە قاراي يكەمدى رەتتەلىپ وتىرادى.