汉文 ىلە اقپارات تورابىنا حوش كەلدىڭىزدەر!
الدىڭعى 4 ايدا تۇتاس اۆتونوميالى رايوننىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەس مەزگىلدەگىدەن %4 ارتتى
2022-05-23 20:08:45     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

انار بۇلت \ شينجياڭ گازەتىنىڭ تىلشىلەرى حەي حۇڭۋي، گاۋ فىڭ 5 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق ساناق مەكەمەسىنەن ۇعىسۋعا قاراعاندا، الدىڭعى 4 ايدا، اۆتونوميالى رايونىمىزدىڭ تۇتىنۋ بۇيىمدارى بازارىندا ءۇرتىس جاقسارۋ جاعدايى جارىققا شىققان. 1 - ايدان 4 - ايعا دەيىن قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 104 ميلليارد 626 ميلليون يۋان بولىپ، بىلتىرعى سايكەس مەزگىلدەگىدەن %4 ارتىپ، بۇكىل ەلدىكىدەن 4.2 پايىز جوعارى بولعان. شەكتى سومادان جوعارى ورىنداردىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 52 ميلليارد 951 ميلليون يۋان بولىپ، سايكەس مەزگىلدەگىدەن %9.5 ارتقان.

بيىل جىل باسىنان بەرى، رايونىمىز ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى، حالىقارا قوس اينالىم ءبىرىن - ءبىرى جەبەيتىن جاڭا دامۋ ارناسىن مىقتاپ ارقاۋ ەتىپ، تۇتىنۋ تۇعىرى قۇرىلىسىن جەدەلدەتۋ، ساتۋدى جەبەۋ قيمىلىن ورىستەتۋ، اۋىل - قىستاقتىڭ اينالىم ونىمدىلىگىن جوعارىلاتۋ، اۋىل - قىستاق تۇتىنۋىن جەبەۋ، كەڭەيتۋ سياقتى ءتۇرلى تۇتىنۋدى جەبەۋ ساياساتىن اتقارىپ، بەلسەندى تابىسقا قول جەتكىزدى. الدىڭعى 4 ايدا تۇتاس رايوننىڭ شەكتى سومادان جوعارى ورىندارىنىڭ تاۋاردى بولشەك ساتۋى 50 ميلليارد 323 ميلليون يۋان بولىپ، سايكەس مەزگىلدەگىدەن %7. 9 ارتتى؛ شەكتى سومادان جوعارى ورىنداردىڭ اس - سۋ كىرىسى 2 ميلليارد 628 ميلليون يۋان بولىپ، سايكەس مەزگىلدەگىدەن %7.1 ارتتى.

الدىڭعى 4 ايدا رايونىمىزدىڭ قالا - اۋىل بازارى ءۇرتىس جاقسارىپ، استىق - ماي ازىق - تۇلىك تۇرلەرى، سۋ ونىمدەرى تۇرلەرى، كوكونىس تۇرلەرى، سۋسىن تۇرلەرى سياقتى نەگىزگى تۇرمىس تۇرىندەگى تاۋارلاردىڭ ساتىلۋى ءبىرشاما تەز ارتتى. تۇتاس رايوندا شەكتى سومادان جوعارى قالا - قالاشىق ورىندارىندا تۇتىنۋ ونىمدەرىنىڭ بولشەك ساتىلۋ جالپى سوماسى 50 ميلليارد 27 ميلليون يۋان بولىپ، سايكەس مەزگىلدەگىدەن %4. 9 ارتتى؛ شەكتى سومادان جوعارى اۋىل - قىستاق ورىندارىندا تۇتىنۋ ونىمدەرىنىڭ بولشەك ساتىلۋ سوماسى 2 ميلليارد 925 ميلليون يۋان بولىپ، سايكەس مەزگىلدەگىدەن %1. 11 ارتتى.

مۇنان سىرت، رايونىمىزدا ءداستۇرلى كاسىپورىندار ينتەرنەت جەلىسىندە تىكە تاراتىپ ساتۋ، سۇرانىسقا قاراي سىرتقا جەتكىزىپ ساتۋ، توپتىق تاماقتانۋعا قىزمەت وتەۋ، جاناسپاي قىزمەت وتەۋ سياقتى جاڭاشا ساتۋ ۇلگىسىن كەڭەيتۋ ونىمدىلىگىن كورنەكتىلەندىرىپ، ينتەرنەت جەلىسىندە تۇتىنۋدىڭ ۇستاعان ارا سالماعىن كۇن سايىن ارتتىردى.

ىندەتتەن ساقتانۋ - تىزگىندەۋدى ۇدايىلاندىرۋ شاراسىن زاڭ بويىنشا عىلمي، دالمە - ءدال ويداعىداي تياناقتاندىرۋ جاعدايىندا، رايونىمىزداعى ءار دارەجەلى ساۋدا تاراۋلارى كوپ جاقتى بايلىقتى بىرىكتىرىپ، جالپى ءونىم تۇرىندەگى، جالپى ارناداعى، ەرەكشەلىككە يە نەگىزگى تاقىرىپتىق تۇتىنۋدى جەبەۋ قيمىلدارىن ۋاقىتقا، تۇرگە ءبولىپ ۇيىمداستىردى. شينجياڭ اۋىل شارۋاشىلىق ەرەكشە ونىمدەرىن ساتۋدى جەبەۋ جينالىسى جانە 2022 جازعىتۇرىم ينتەرنەتتە زات ساتىپ الۋ مەرەكەسى، شينجياڭنىڭ حالىققا تيىمدىلىك جاساۋ تۇتىنۋ ايى سياقتى الۋان فورماداعى قيمىلداردى ىركەس - تىركەس وتكىزىپ، اۆتوكولىك، ءۇي ەلەكتر جابدىقتارى، اس - سۋ سياقتى سالالاردا حالىققا تيىمدىلىك جاساپ، پايدا جەتكىزۋ شاراسىن شىعارىپ، تۇتىنۋ بازارىنىڭ ءۇرتىس قالپىنا كەلۋىنە ومىرشەڭدىك كۇش ۇستەدى.